საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ

საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ საქართველოს მთავრობის განკარგულება №2589     2017 წლის 14  დეკემბერი  ქ. თბილისი საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ 1. ყვარლის მუნიციპალიტეტის ქალაქ ყვარელში, ხარაგაულის მუნიციპალიტეტის დაბა ხარაგაულსა და დუშეთის მუნიციპალიტეტის დაბა ფასანაურში შპს „საქართველოს გაერთიანებული წყალმომარაგების კომპანიის“ მიერ წყალმომარაგებისა და წყალარინების სისტემის რეაბილიტაციისთვის საჭირო საპროექტო მომსახურების შესყიდვის მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს რეგიონული  განვითარებისა  და  ინფრასტრუქტურის  სამინისტროს (შემდგომში − სამინისტრო) გამოუყოს 4 000 000 (ოთხი მილიონი) ლარი, შპს „საქართველოს გაერთიანებული წყალმომარაგების კომპანიის“ კაპიტალის გაზრდის მიზნით. 2. შპს „საქართველოს გაერთიანებულმა წყალმომარაგების კომპანიამ“ უზრუნველყოს სამინისტროსათვის ინფორმაციის მიწოდება ამ განკარგულების პირველი პუნქტით განსაზღვრული თანხის ხარჯვის თაობაზე  ან სამინისტროს მოთხოვნის შესაბამისად. პრემიერ-მინისტრი                                                 გიორგი კვირიკაშვილი