„ერედვის მუნიციპალიტეტის 2018 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ერედვის მუნიციპალიტეტის საკრებულოს 2017 წლის 22 დეკემბრის №18 დადგენილებაში ცვლილების შეტანის თაობაზე

„მუხლი 9². დედ-მამით ობოლ არასრულწლოვანთა ერთჯერადი სოციალური დახმარება

1. ერედვის მუნიციპალიტეტის ტერიტორიიდან იძულებით გადაადგილებულ დედ-მამით ობოლ არასრულწლოვნებს მიეცეთ ერთჯერადი სოციალური დახმარება თითოეული არასრულწლოვნისთვის 500 (ხუთასი) ლარის ოდენობით.

2. დახმარების მისაღებად  დედ-მამით ობოლი ბავშვის მეურვემ/მზრუნველმა მუნიციპალიტეტში უნდა წარმოადგინოს შემდეგი სახის დოკუმენტაცია:

ა) განცხადება მუნიციპალიტეტის გამგებლის სახელზე;

ბ) განმცხადებლის პირადობის დამადასტურებელი დოკუმენტის ასლი;

გ) არასრულწლოვნის პირადობის ან დაბადების მოწმობის ასლი;

დ) არასრულწლოვნის  დევნილის მოწმობის ასლი;

ე) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან –  თვითმმართველი ერთეულის რწმუნებულისაგან არასრულწლოვნის გარდაცვლილი მშობლების 2008 წლამდე ერედვის მუნიციპალიტეტის ტერიატორიაზე მუდმივი ცხოვრების ფაქტის შესახებ;

ვ) არასრულწლოვნის მშობლების გარდაცვალების მოწმობის ასლები;

ზ) ცნობა სსიპ – სოციალური მომსახურების სააგენტოდან ბავშვის მეურვის ვინაობის შესახებ (ასეთის საჭირების შემთხვევაში);

თ) განმცხადებლის საბანკო რეკვიზიტები.

3. დახმარება გაიცემა ერთჯერადად, უნაღდო ანგარიშსწორების ფორმით განმცხადებლის პირად ანგარიშზე.