„გურჯაანის მუნიციპალიტეტის მოსახლეობის მინიმალური სოციალური დახმარების 2018 წლის პროგრამის დამტკიცების შესახებ“ გურჯაანის მუნიციპალიტეტის საკრებულოს 2018 წლის 5 მარტის №28 დადგენილებაში ცვლილებების შეტანის თაობაზე

1. მე-2 მუხლის პირველ პუნქტს დაემატოს შემდეგი შინაარსის „ი“ ქვეპუნქტი:

„ი) უსახლკაროთა თავშესაფრით უზრუნველყოფა საცხოვრებელი ფართის ქირის დაფინანსებით ამ პროგრამის ვადის ამოწურვამდე“;   

2. მე-4 მუხლს დაემატოს შემდეგი შინაარსის 27-ე და 28-ე პუნქტები:

„27. მეორე მსოფლიო ომის მონაწილეებისათვის ერთჯერადი საჩუქარი.

28. უსახლკარო პირთა თავშესაფრით უზრუნველყოფა შემდეგ შემთხვევებში:

ა) თუ ოჯახს არ გააჩნია მუდმივი, განსაზღვრული საცხოვრებელი ადგილი და ოჯახი შედგება მხოლოდ ერთი მშობლისა და 18 წლამდე ასაკის ერთი ან მეტი არასრულწლოვანი ბავშვისაგან;

ბ) თუ ოჯახს არ გააჩნია მუდმივი, განსაზღვრული საცხოვრებელი ადგილი და ოჯახი შედგება ორივე მშობლისა და 18 წლამდე ასაკის ერთი ან მეტი არასრულწლოვანი ბავშვისაგან და ერთ-ერთი მშობელი არის შეზღუდული ქმედუნარიანობის მქონე ან შეზღუდული შესაძლებლობის სტატუსის მქონე პირი (პირი, რომელსაც ასეთი სტატუსი მინიჭებული აქვს  „სამედიცინო-სოციალური ექსპერტიზის შესახებ“ საქართველოს კანონის შესაბამისად);

გ) თუ ოჯახი დარჩა მუდმივი, განსაზღვრული საცხოვრებელი ადგილის გარეშე ხანძრის ან სტიქიური მოვლენის შედეგად, მიუხედავად ოჯახური შემადგენლობისა.“.

3. მე-8 მუხლს დაემატოს შემდეგი შინაარსის მე-14 პუნქტი:

„14. უსახლკარო პირთა თავშესაფრით უზრუნველყოფისათვის:

ა) განცხადება;

ბ) განმცხადებლის პირადობის მოწმობის და ოჯახის სხვა წევრების პირადობის მოწმობის ან დაბადების მოწმობის ასლები;

გ) ბავშვის/ბავშვების დაბადების მოწმობის ასლები;

დ) ცნობა ოჯახური შემადგენლობისა და ფაქტობრივი საცხოვრებელი ადგილის შესახებ;

ე) შეზღუდული ქმედუნარიანობის მქონე ან შეზღუდული შესაძლებლობის სტატუსის მქონე ოჯახის წევრის არსებობის შემთხვევაში, ასეთი სტატუსის დამადასტურებელი დოკუმენტი;

ვ) ხანძრით ან სტიქიის შედეგად უსახლკაროდ დარჩენის შემთხვევაში, ასეთი მოვლენის დამადასტურებელი დოკუმენტი;“.

4. მე-9 მუხლის მე-12 პუნქტი ჩამოყალიბდეს შემდეგი რედაქციით:

„12. უსახლკარო პირთა თავშესაფრით უზრუნველსაყოფად საცხოვრებელი ფართის ქირის დაფინანსება არაუმეტეს თვეში 100 ლარის ოდენობით;“.

5. მე-9 მუხლს დაემატოს შემდეგი შინაარსის 27-ე პუნქტი:

„27. მეორე მსოფლიო ომის მონაწილისათვის – ერთჯერადი საჩუქარი 300 ლარის ოდენობით.“.

6. მე-12 მუხლი ჩამოყალიბდეს შემდეგი რედაქციით:

„მუხლი 12. სოციალური დახმარების პროგრამის რეალიზაციაზე პასუხისმგებელი სუბიექტები

1. საორგანიზაციო ნაწილში – გურჯაანის მუნიციპალიტეტის მერიის ჯანმრთელობის დაცვისა და  სოციალური მომსახურების  სამსახური;

2. საფინანსო ნაწილში – გურჯაანის მუნიციპალიტეტის მერიის საფინანსო-საბიუჯეტო სამსახური.“.