,,საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის დებულების დამტკიცების თაობაზე“ საქართველოს საგარეო საქმეთა მინისტრის 2007 წლის 14 ივნისის N109 ბრძანებაში ცვლილებების შეტანის შესახებ

საქართველოს საგარეო საქმეთა მინისტრის

2018 წლის 7 ივნისი

ქ. თბილისი

,,1. საქართველოს საგარეო საქმეთა სამინისტროს (შემდგომში – სამინისტრო) საერთაშორისო ორგანიზაციების დეპარტამენტი (შემდგომში – დეპარტამენტი) არის სამინისტროს სტრუქტურული ქვედანაყოფი, რომლის ძირითადი ამოცანაა უშუალოდ წარმართოს მუშაობა გაერთიანებული ერების ორგანიზაციასთან, ევროპაში უსაფრთხოების და თანამშრომლობის ორგანიზაციასთან, ევროპის საბჭოსთან და სხვა შესაბამის საერთაშორისო ორგანიზაციებთან საგარეო პრიორიტეტების მიხედვით; კომპეტენციის ფარგლებში, შეიარაღების კონტროლის, განიარაღების, გაუვრცელებლობის და ახალ საფრთხეებთან და გამოწვევებთან ბრძოლის მიმართულებით საქართველოს მიერ ნაკისრ საერთაშორისო ვალდებულებათა შესრულების და საერთაშორისო და რეგიონულ ორგანიზაციებთან თანამშრომლობის უზრუნველყოფა; შეიარაღების კონტროლის, განიარაღების, გაუვრცელებლობის კუთხით და ახალ საფრთხეებთან და გამოწვევებთან დაკავშირებულ გარემოებათა ანალიზი და შესაბამისი რეკომენდაციების შემუშავება; უსაფრთხოების  სფეროში  უცხოეთის  ქვეყნებთან  მრავალმხრივ  საფუძველზე თანამშრომლობა; სამინისტროს ხელმძღვანელობის სათანადო ინფორმაციითა და რეკომენდაციებით უზრუნველყოფა შესაბამისი გადაწყვეტილებების მისაღებად. საქართველოს მოქალაქეების საერთაშორისო ორგანიზაციებში დასაქმების ხელშეწყობა“.

ლ) საქართველოში აკრედიტებულ თავდაცვის, უსაფრთხოების, შეიარაღებაზე კონტროლის,  განიარაღების  და გაუვრცელებლობის  საკითხებზე  მომუშავე საერთაშორისო და რეგიონული ორგანიზაციების წარმომადგენლობებთან და მისიებთან აქტიური თანამშრომლობა და სხვა სახელმწიფო უწყებების თანამშრომლობის კოორდინაცია;

მ) უსაფრთხოების სფეროში საერთაშორისო დოკუმენტების შემუშავების პროცესში მონაწილეობის  მიღება  და  საჭიროების  შემთხვევაში  მათი  რატიფიცირებისა  და დენონსირების შესახებ შესაბამის უწყებებთან კონსულტაციების საფუძველზე რეკომენდაციებისა და დასკვნების მომზადება;

ნ) უცხოელ პარტნიორებთან საქართველოს ხელისუფლების წარმომადგენლების შეხვედრებისათვის სასაუბროების მომზადებისას უსაფრთხოების სფეროში შემავალი საკითხების ასახვის უზრუნველყოფა.“.

ლ) კომპეტენციის ფარგლებში, საქართველოს საერთაშორისო ხელშეკრულებებისა და შეთანხმებების მომზადება, შესაბამისი შიდასახელმწიფოებრივი პროცედურების გატარების უზრუნველყოფა, მათი იმპლემენტაციისათვის საჭირო შიდასახელმწიფოებრივი საკანონმდებლო აქტების მომზადება;

მ) რიგი სახელმწიფო უწყებების მხრიდან, საქართველოს მიერ ნაკისრი ვალდებულებების შესრულებისა და შესაბამისი შეთანხმებების განხორციელებისათვის საჭირო ღონისძიებების გატარების პროცესის კოორდინირება კომპეტენციის ფარგლებში;

ნ) შესაბამისი პროფილის საერთაშორისო და ადგილობრივ არასამთავრობო ორგანიზაციებთან სამინისტროს და საქართველოს დაინტერესებული უწყებების მუშაობის უზრუნველყოფა და კოორდინაცია;

ო) საზღვრის დაცვის სფეროსთან დაკავშირებულ საკითხებზე მუშაობა;

პ) შავი ზღვის სამხედრო საზღვაო თანამშრომლობის ჯგუფის დაარსების შესახებ შეთანხმების საკითხებზე მუშაობა და სათანადო საექსპერტო ჯგუფებში საქმიანობა;

ჟ) სპეციალური დიპლომატიური ნებართვის გაცემის კოორდინაცია უცხო ქვეყნის სამხედრო საზღვაო საშუალებებისთვის;

რ) როგორც საქართველოს, ასევე უცხო ქვეყნის სამხედრო საზღვაო საშუალებებისთვის მრავალეროვნულ სწავლებებსა და ვარჯიშებში მონაწილეობისათვის საჭირო შესაბამისი ნებართვებით უზრუნველყოფის კოორდინაცია;

ს) კომპეტენციის ფარგლებში, საქართველოს შესაბამის უწყებებთან ერთად, უსაფრთხოების საკითხებზე კონცეპტუალური დოკუმენტების შემუშავების პროცესში მონაწილეობა.

5. საერთაშორისო ორგანიზაციებში საქართველოს მოქალაქეთა დასაქმების ხელშეწყობის სამმართველო, რომლის ძირითადი ამოცანები და ფუნქციებია:

ა) საერთაშორისო ორგანიზაციებში არსებულ პოზიციებზე საქართველოს წარმომადგენლების დასაქმების, არჩევით და დანიშვნით პოზიციებზე საქართველოს წარმომადგენლობითობის გაზრდის ხელშეწყობა;

ბ) საერთაშორისო ორგანიზაციებში არსებულ  ვაკანსიებზე ინფორმაციის მოძიება, მათ შორის საქართველოს შესაბამისი დიპლომატიური წრმომადგენლობების ჩართულობით;

გ) მიღებული ინფორმაციის დამუშავება, ანალიზი, განთავსება მონაცემთა ბაზაში/ სპეციალურ ვებგვერდზე, მისი მართვა და სისტემატური განახლება;

დ) საკონტრაქტო ვაკანსიებზე განაცხადების წარდგენის პროცესის კოორდინაცია საჭიროების შემთხვევაში კანდიდატებისათვის ტექნიკურ და პროცედურულ საკითხებზე კონსულტაციის გაწევა, შესაბამისი რეკომენდაციების მიცემა და დახმარება, რათა შესაბამისი განაცხადი და მოთხოვნილი დოკუმენტაცია იყოს სრულყოფილი და მოთხოვნასთან მიმართებით სრულ შესაბამისობაში;

ე) საქართველოსათვის პრიორიტეტული მიმართულებების გათვალისწინებით, სამინისტროს ხელმძღვანელობისათვის რეკომენდაციის შემუშავება წარდგენილი კანდიდატის ლობირებასთან დაკავშირებით, რაც საჭიროებს დამატებითი ფინანსური და ადამიანური რესურსების მობილიზაციას;

ვ) საქართველოსათვის პრიორიტეტული მიმართულებების გათვალისწინებით და სამინისტროს ხელმძღვანელობასთან შეთანხმებით, პროფესიული საჯარო მოხელეების წარდგენის მიზანშეწონილობის განსაზღვრა იმ პოზიციებზე, რომლებისთვისაც სახელმწიფო ახორციელებს თანადაფინანსებას; შესაბამის კანდიდატთა წინასწარი შერჩევის პროცედურის განხორციელება, კანდიდატთა წარდგენის პროცესისა და შესაბამისი კამპანიის დაგეგმვა და კოორდინაცია;

ზ) ეუთოს საველე მისიებში საქართველოს მოქალაქეების წარდგენის მიზანშეწონილობის განსაზღვრა იმ პოზიციებზე, რომლებისთვისაც სახელმწიფო ახორციელებს თანადაფინანსებას და სამინისტროს ხელმძღვანელობასთან შეთანხმებით,  კანდიდატთა წარდგენის პროცესის კოორდინაცია;

თ) ევროკავშირის CSDP მისიებში მონაწილეობის კოორდინაცია, როგორც პროფესიული საჯარო მოხელეების მისიებში წარგზავნის უზრუნველყოფის, ასევე ზოგადად, საქართველოს მოქალაქეთა ევროკავშირის მისიებში საკონტრაქტო პოზიციებზე დასაქმების ხელშეწყობის ჩათვლით;

ი) შესაბამის უწყებებთან კოორდინაციითა და სამინისტროს ხელმძღვანელობასთან შეთანხმებით, საერთაშორისო ორგანიზაციებში მაღალ თანამდებობებზე წარსადგენი კანდიდატურების განსაზღვრა;

კ) სამუშაო ვიზიტების განხორციელება სხვადასხვა საერთაშორისო ორგანიზაციებში, შესაბამისი ორგანიზაციების მოთხოვნების, პრაქტიკისა და პროცედურების უკეთ გაცნობის მიზნით;

ლ) ამ პუნქტით განსაზღვრულ საკითხებზე სტატისტიკის წარმოება;

მ) ამ პუნქტით განსაზღვრულ საკითხებზე შესაბამისი პროცედურების განხორციელება.

შენიშვნა: ამ პუნქტის ,,ვ“ და ,,ზ“ ქვეპუნქტებით განსაზღვრულ პოზიციებში იგულისხმება ე.წ. seconded პოზიციები, რომლებისთვისაც საერთაშორისო ორგანიზაცია ანაზღაურებს დასაქმებულის მხოლოდ დღიურ ხარჯებს, ხოლო ანაზღაურების ნაწილის უზრუნველყოფას ახდენს წარმდგენი ქვეყანა.".