შპს ,,ფურშეტ ჯორჯიას’’ კრედიტორთა კრების მოწვევის შესახებ

საქმე №2/10339-17

 

განჩინება

საქართველოს სახელით

 

კრედიტორთა კრების მოწვევის შესახებ

 

201 8 წლის 22 ივნისი

ქ. თბილისი

 

თბილისის საქალაქო სასამართლოს სამოქალაქო საქმეთა კოლეგია

მოსამართლეთამარ ჭუნიაშვილი

 

განმცხადებლ ებ ი – 1 - ,,შპს რითეილ კაპიტალ ჯორჯია ’’

(საიდენტიფიკაციო ნომერი 404967522)

დირექტორი – მამუკა შეწირული

        2 – შპს ,,სენატორი’’

(საიდენტიფიკაციო ნომერი 40504904)

დირექტორი – პეტრე გელაშვილი

მოვალე – შპს ,,ფურშეტ ჯორჯია’’

(საიდენტიფიკაციო ნომერი 404415897)

მოთხოვნა – გადახდისუუნარობის საქმის წარმოების დაწყება

სასამართლომ ზეპირი მოსმენის გარეშე განიხილა კრედიტორთა კრების მოწვევის საკითხი და

 

გამოარკვია:

თბილისის საქალაქო სასამართლოს სამოქალაქო საქმეთა კოლეგიის განხილვაშია შპს ,,რითეილ კაპიტალ ჯორჯიას’’ და შპს ,,სენატორის’’ განცხადება შპს ,,ფურშეტ ჯორჯიას’’ მიმართ გადახდისუუნარობის საქმის წარმოების დაწყების შესახებ.

,,გადახდისუუნარობის საქმის წარმოების შესახებ’’ საქართველოს კანონის 27-ე მუხლის პირველი ნაწილის მიხედით, კრედიტორთა კრება იმართება გადახდისუუნარობის საქმის განმხილველ სასამართლოში. კრედიტორთა კრებას ამზადებს და ორგანიზაციულად უზრუნველყოფს მეურვე თავისი უფლებამოსილების ვადის განმავლობაში, ხოლო გაკოტრების ან რეაბილიტაციის პერიოდში – გაკოტრების/რეაბილიტაციის მმართველი. კრედიტორთა კრებას უძღვება მოსამართლე. ამავე კანონის 22-ე ნაწილის თანახმად, კრედიტორთა პირველი კრების ხანგრძლივობაა არაუმეტეს 7 სამუშაო დღისა. კრედიტორთა უბრალო უმრავლესობის არგუმენტირებული წერილობითი თხოვნის საფუძველზე მოსამართლეს შეუძლია ამ ვადის გაგრძელება არაუმეტეს 3 დღით. ვინაიდან კრედიტორთა პირველი კრება შეწყდა გარკვეული გარემოებების გამო, იგივე დღის წესრიგით უნდა იქნეს მოწვეული.

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის მე-5, მე-7, მე-8, მე-9, 25-ე, 27-ე მუხლებით, საქართველოს სამოქალაქო საპროცესო კოდექსის 284-285 მუხლებით ,

 

დ ა ა დ გ ი ნ ა:

1. კრედიტორთა კრება მოწვეულ იქნეს 2018 წლის 17 აგვისტოს 11:00 საათზე თბილისის საქალაქო სასამართლოში (მდებარე ქ. თბილისში, დავით აღმაშენებლის ხეივანი, მე-12 კმ, №6), სხდომის დარბაზი №1, იმავე დღის წესრიგით:

1.1. მეურვის ანგარიშის მოსმენა;

1.2. კრედიტორად აღიარების საკითხის განხილვა;

1.3. მომრიგებელი საბჭოს წევრების დანიშვნა.

2. განჩინება გამოქვეყნდეს "საქართველოს საკანონმდებლო მაცნეში", სასამართლოს დაფაზე და ვებგვერდზე www.tcc.gov.ge.

3. განჩინება შეიძლება გასაჩივრდეს გამოცემიდან 5 დღის ვადაში კერძო საჩივრით, თბილისის საქალაქო სასამართლოს სამოქალაქო საქმეთა კოლეგიაში.

 

მოსამართლე                                                                       თამარ ჭუნიაშვილი