სპეციალური პენიტენციური სამსახურის საკოორდინაციო საბჭოს დებულების დამტკიცების შესახებ

სპეციალური პენიტენციური სამსახურის საკოორდინაციო საბჭოს დებულების დამტკიცების შესახებ საქართველოს იუსტიციის მინისტრის ბრძანება №319 2018 წლის 28 ივლისი ქ. თბილისი საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის საკოორდინაციო საბჭოს დებულების დამტკიცების შესახებ პატიმრობის კოდექსის 41-ე მუხლის მე-3 ნაწილის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტისა და „პატიმრობის კოდექსში ცვლილების შეტანის შესახებ“ საქართველოს 2018 წლის 5 ივლისის №3128 კანონის მე-2 მუხლის მე-5 პუნქტის შესაბამისად, ვბრძანებ: მუხლი 1🔗 დამტკიცდეს საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის საკოორდინაციო საბჭოს თანდართული დებულება. მუხლი 2🔗 ძალადაკარგულად გამოცხადდეს „საქართველოს სასჯელაღსრულებისა და პრობაციის სამინისტროს საკოორდინაციო საბჭოს დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 19 ოქტომბრის №150 ბრძანება. მუხლი 3🔗 ამ ბრძანების შესაბამისად შექმნილმა სპეციალური პენიტენციური სამსახურის საკოორდინაციო საბჭომ უზრუნველყოს საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის ადგილობრივი საბჭოებისა და ამავე სამინისტროს მმართველობის სფეროში მოქმედი საჯარო სამართლის იურიდიული პირის – არასაპატიმრო სასჯელთა აღსრულებისა და პრობაციის ეროვნული სააგენტოს პირობითი მსჯავრის გაუქმების საკითხთა განმხილველი მუდმივმოქმედი კომისიის წევრობის კანდიდატების შერჩევა და 2018 წლის 8 აგვისტომდე, შესაბამისად, სამსახურის გენერალური დირექტორის ან პრობაციის ეროვნული სააგენტოს უფროსისათვის დასამტკიცებლად წარდგენა. მუხლი 4🔗 ეს ბრძანება ამოქმედდეს 2018 წლის 29 ივლისიდან. საქართველოს იუსტიციის მინისტრითეა წულუკიანი