„მცხეთის მუნიციპალიტეტის მოსახლეობის სამედიცინო და სოციალური დახმარების პროგრამის დამტკიცების შესახებ“ მცხეთის მუნიციპალიტეტის საკრებულოს 2018წლის 13 აპრილის №47 დადგენილებაში ცვლილებების შეტანის თაობაზე

დადგენილებით დამტკიცებული მცხეთის მუნიციპალიტეტის მოსახლეობის სამედიცინო და სოციალური დახმარების პროგრამის:

ა)   მე-2 მუხლი ჩამოყალიბდეს შემდეგი რედაქციით:

„1. პროგრამის მიზანია მოსარგებლეებისათვის სამედიცინო და სხვა სოციალურ საჭიროებათა დასაფინანსებლად ფინანსური და მატერიალური დახმარების გაწევა, სამართლიანობის და თანასწორობის პრინციპზე, ასევე საბიუჯეტო სახსრების ეფექტური ხარჯვის საფუძველზე.“;

ბ)   მე-3 მუხლის მე-3  პუნქტს  დაემატოს  შემდეგი  შინაარსის   ,,ა¹’’ ქვეპუნქტი:

„ა¹) სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა სარეიტინგო ქულა არის 100 001- 150 000-მდე  არაუმეტეს 70 %-ისა;“;

გ)  მე-3 მუხლს დაემატოს შემდეგი შინაარსის მე-5 პუნქტი:

„5. მოქალაქეებს დახმარება გაეწევათ თითოეული პროგრამის ფარგლებში წელიწადში ერთხელ, განსაკუთრებულ შემთხვევაში კი განმეორებით, კომისიის მიერ მიღებული გადაწყვეტილების შესაბამისად, არაუმეტეს წელიწადში ორჯერ.“;

დ)   მე-5 მუხლის  მე-2  და  მე- 3 პუნქტები ჩამოყალიბდეს შემდეგი რედაქციით:

„2.  დაფინანსების ზედა ზღვარი შეადგენს 2000 (ორი ათასი) ლარს, აქედან:

ა) 151 ლარამდე შემოსული კალკულაციები არ ფინანსდება (გარდა ამ პროგრამის მესამე მუხლის მე-3 პუნქტით გათვალისწინებილი პირებისა).

ბ) 501 ლარამდე დაფინანსების შესახებ გადაწყვეტილებას იღებს კომისია.

გ) 501 ლარიდან 2000 ლარამდე დაფინანსების შესახებ კომისიის და/ან მცხეთის მუნიციპალიტეტის საკრებულოს მაჟორიტარი დეპუტატის შუამდგომლობის გათვალისწინებით მიმართავს მცხეთის მუნიციპალიტეტის საკრებულოს.

3. ნოზოლოგიები, რომლებიც არ ფინანსდება ამავე მუხლის პირველი პუნქტით განსაზღვრული პროგრამებით, იფარება შემდეგი ოდენობით:

ა) 151 ლარამდე შემოსული კალკულაციები არ ფინანსდება (გარდა ამ პროგრამის მესამე მუხლის მე-3 პუნქტით გათვალისწინებილი პირებისა);

ბ) 151-დან ზემოთ შემოსული კალკულაციები – დარჩენილი თანხის არაუმეტეს 50%-ისა (გარდა ამ პროგრამის მესამე მუხლის მე- 3 პუნქტით გათვალისწინებული პირებისა);

გ) 0-დან ზემოთ შემოსული კალკულაციები –  დარჩენილი თანხის 100%-მდე – ამ პროგრამის მესამე მუხლის მე- 3 პუნქტით განსაზღვრულ პირებზე.“;

ე)  მე-5 მუხლს დაემატოს შემდეგი შინაარსის 3¹ პუნქტი:

„3¹. ნოზოლოგიები, რომლებიც არ ფინანსდება არც სახელმწიფო და არც კერძო სადაზღვევო პაკეტით დაფინანსდეს არაუმეტეს დარჩენილი თანხის  40%-ისა. 151 ლარამდე შემოსული კალკულაციები, გარდა ამ პროგრამის მესამე მუხლის მე-3 პუნქტით გათვალისწინებილი პირებისა, არ ფინანსდება.“

ვ) მე-5 მუხლის  მე-6  პუნქტის „ვ.ზ“ და „ვ.თ“  ქვეპუნქტები  ჩამოყალიბდეს შემდეგი რედაქციით:

„ვ.ზ) პროგრამით მოსარგებლე ითხოვს სამედიცინო მომსახურების – გამოკვლევის დაფინანსებას (გარდა ამ პროგრამის მესამე მუხლის მე- 3 პუნქტით გათვალისწინებული პირებისა);

ვ.თ) პროგრამით მოსარგებლე ითხოვს სამედიცინო მომსახურება – ინტრავიტრიალური (ი/ვ) ინიექციის დაფინანსებას;“;

ზ)  მე-15 მუხლი ამოღებულ იქნეს.