მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოსაკრებლის შემოღების შესახებ

მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) სანებართვო მოსაკრებლის შემოღების შესახებ ლაგოდეხის მუნიციპალიტეტის საკრებულოს დადგენილება  №60 2018 წლის 3 აგვისტო ქ. ლაგოდეხი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) სანებართვო მოსაკრებლის შემოღების შესახებ საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „დ.ბ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი, მე-2 და მე-6 პუნქტების, მე-4 მუხლის მე-2 პუნქტისა და „ნორმატიული აქტების შესახებ“ საქართველოს კანონის მე-20  მუხლის  მე-2  პუნქტის  შესაბამისად,  ლაგოდეხის  მუნიციპალიტეტის  საკრებულო ადგენს: მუხლი 1🔗 ლაგოდეხის მუნიციპალიტეტის ტერიტორიაზე შემოღებულ იქნეს მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) სანებართვო მოსაკრებელი. მუხლი 2🔗 მშენებლობის  სანებართვო  მოსაკრებელი განისაზღვროს: 1. ახლად ასაშენებელი ობიექტის პროექტით  გათვალისწინებული  განაშენიანების  ინტენსივობის  კოეფიციენტის (კ-2) საანგარიშო ფართის თითოეული კვადრატული მეტრისათვის  1  (ერთი)  ლარის  ოდენობით. 2. ისეთი შენობა-ნაგებობის (გარდა ხაზობრივი ნაგებობისა) მშენებლობისას, რომელსაც არ აქვს განაშენიანების ინტენსივობის კოეფიციენტის  (კ-2)  საანგარიშო  ფართობი,  მშენებლობის  სანებართვო  მოსაკრებლის  ოდენობა II კლასის ობიექტებისთვის შეადგენს 50 ლარს, III კლასის ობიექტებისთვის − 200 ლარს, ხოლო IV კლასის ობიექტებისთვის − 400  ლარს. 3. ხაზობრივი ნაგებობებისათვის (წყალსადენი, გაზსადენი, ელ. გადაცემის ხაზები, ელ. კავშირი, არხები და სხვა)  – თითოეული გრძივი მეტრისთვის  – 1 (ერთი)  ლარის ოდენობით. მუხლი 3🔗 მოსაკრებლის თანხა მთლიანად ჩაირიცხოს ლაგოდეხის   მუნიციპალიტეტის   ბიუჯეტში. მუხლი 4🔗 დადგენილება ამოქმედდეს 2018 წლის 1 სექტემბერიდან. ლაგოდეხის მუნიციპალიტეტის საკრებულოს თავმჯდომარეკარლო ჯამბურია