თელავის მუნიციპალიტეტის საკრებულოს 2018 წლის 18 იანვრის №10 დადგენილებაში „თელავის მუნიციპალიტეტში განსახორციელებელი 2018 წლის ჯანდაცვისა და სოციალურ საკითხთა პროგრამის დამტკიცების შესახებ“ ცვლილების შეტანის თაობაზე

1. დადგენილებით დამტკიცებული დანართის „თელავის მუნიციპალიტეტში განსახორციელებელი 2018 წლის ჯანდაცვისა და სოციალურ საკითხთა პროგრამა“ მე-5 მუხლის მე-5 პუნქტი ჩამოყალიბდეს შემდეგი რედაქციით:
„5. სადღესასწაულო დღეებთან დაკავშირებით ფულადი, ან სხვადასხვა სახის საჩუქრების შეძენა/გადაცემა და ღონისძიებების მოწყობა შემდეგი კატეგორიის ბენეფიციარებისთვის: მრავალშვილიანი ოჯახები (სადაც 18 წლამდე ოთხი და მეტი ბავშვია და რომელთა სარეიტინგო ქულა არ აღემატება 200 000-ს), უდედმამო ბავშვები, 100 წელს გადაცილებული მოხუცები, მკვეთრად გამოხატული შეზღუდული შესაძლებლობის მქონე პირები, შშ სტატუსის მქონე ბავშვები, ომის მონაწილეები, ტერიტორიული მთლიანობისათვის ბრძოლაში დაღუპულთა 18 წლამდე ასაკის შვილები, 1989 წლის 9 აპრილს საქართველოს დამოუკიდებლობის მოთხოვნით გამართული მშვიდობიანი აქციის შედეგად დაზარალებულთა და დაღუპულთა ოჯახები, იძულებით გადაადგილებული პირები, სოციალურად დაუცველი ოჯახები, მარტოხელა მშობლები (ვისაც ჰყავს 18 წლამდე ასაკის შვილები), მარჩენალდაკარგული ოჯახები (ვისაც ჰყავს 18 წლამდე ასაკის შვილები), ახალშობილთა ოჯახები.“.

2. დადგენილებით დამტკიცებული დანართის „თელავის მუნიციპალიტეტში განსახორციელებელი 2018 წლის ჯანდაცვისა და სოციალურ საკითხთა პროგრამა“ მე-6 მუხლის მე-5 პუნქტი ჩამოყალიბდეს შემდეგი რედაქციით:

„5. საერო, რელიგიურ და სხვა სახის დღესასწაულებზე დადგენილებით დამტკიცებული დანართის „თელავის მუნიციპალიტეტში განსახორციელებელი 2018 წლის ჯანდაცვისა და სოციალურ საკითხთა პროგრამა“ მე-5 მუხლის მე-5 პუნქტით გათვალისწინებულ პირთა კატეგორიებზე სასაჩუქრე ამანათების გაცემა (მათ შორის ფულადი) და სხვადასხვა ღონისძიებების მოწყობა: 

ა) საერო და რელიგიური დღესასწაულების ჩამონათვალი:

ა.ა) 1 იანვარი – ახალი წელი;

ა.ბ) 3 მარტი – დედის დღე;

ა.გ) 8 მარტი – ქალთა საერთაშორისო დღე;

ა.დ) ნოვრუზ ბაირამი;

ა.ე) 9 აპრილი – საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის  დაღუპულთა მოგონების დღე;

ა.ვ) სააღდგომო დღეები – დიდი პარასკევი, დიდი შაბათი, იესო ქრისტეს აღდგომის დღე, მიცვალებულთა მოხსენიების დღე (აღდგომის მეორე დღე - ორშაბათი);

ა.ზ) 9 მაისი – ფაშიზმზე გამარჯვების დღე;

ა.თ) 26 მაისი – საქართველოს დამოუკიდებლობის დღე;

ა.ი) 28 აგვისტო – ყოვლადწმინდა ღვთისმშობლის მიძინების დღე – მარიამობა;

ა.კ) 23 ნოემბერი – გიორგობის დღე.

ბ) გასაწევი დახმარების ღირებულების/თანხის  ოდენობა:

ბ.ა) პირველადი მოხმარების საკვები პროდუქტის ღირებულება თითოეულ ბენეფიციარზე განისაზღვრება 20-დან 50 ლარის ფარგლებში;

ბ.ბ) ფულადი საჩუქრის ოდენობა თითოეულ ბენეფიციარზე განისაზღვრება 100-დან 1000 ლარის ფარგლებში;

გ) პროგრამით სარგებლობისათვის საჭიროა დადგენილებით დამტკიცებული დანართის „თელავის მუნიციპალიტეტში განსახორციელებელი 2018 წლის ჯანდაცვისა და სოციალურ საკითხთა პროგრამა“ მე-5 მუხლის მე-5 პუნქტით გათვალისწინებული კატეგორიების დამადასტურებელი შესაბამისი დოკუმენტის წარმოდგენა (ფულადი დახმარების გაცემის შემთხვევაში ბენეფიციარმა უნდა წარმოადგინოს საბანკო რეკვიზიტები).".