„ქალაქ რუსთავის მუნიციპალიტეტის შეზღუდული შესაძლებლობების მქონე პირთა დახმარების“ ქვეპროგრამის (კოდი: 06 02 11) განხორციელების წესის დამტკიცების შესახებ“ ქალაქი რუსთავის საკრებულოს 2018 წლის 20 ივლისის N62 დადგენილებაში ცვლილების შეტანის თაობაზე

მე-4 მუხლის პირველი ნაწილის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამ წესის მე-3 მუხლის პირველი პუნქტის „ბ“ ქვეპუნქტით გათვალისწინებულ შემთხვევაში 0-12 წლამდე ასაკის ბავშვები (ბენეფიციარები), რომლებიც განეკუთვნებიან ერთ-ერთ კატეგორიას:

ბ.ა) აუტიზმის, გონებრივი განვითარების შეფერხების ან დაყოვნების მქონე ბავშვები, რომელთაც დადგენილი აქვთ ICD-10-ით განსაზღვრული კლასიფიკატორი – F84;

ბ.ბ) აუტიზმის, გონებრივი განვითარების შეფერხების ან დაყოვნების მქონე ბავშვები, რომელთაც დადგენილი აქვთ ICD-10-ით განსაზღვრული კლასიფიკატორები – F78; R62 და რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში (სარეიტინგო ქულა არ აღემატება 150 000-ს) და ასევე მრავალშვილიანი ოჯახების შვილები.“.