„წალენჯიხის მუნიციპალიტეტის 2018 წლის ბიუჯეტიდან გათვალისწინებული სოციალური და ჯანმრთელობის დაცვის პროგრამების განხორციელების წესის შესახებ“ წალენჯიხის მუნიციპალიტეტის საკრებულოს 2017 წლის 29 დეკემბრის №57 დადგენილებაში ცვლილების შეტანის თაობაზე

„მუხლი 7¹ . საქართველოს ოკუპირებული ტერიტორიებიდან იძულებით გადაადგილებულ პირთა ხელშეწყობის პროგრამა

1. პროგრამა ითვალისწინებს მუნიციპალიტეტის ბალანსზე არსებული შენობა-ნაგებობებიდან (რომელსაც უტარდება კაპიტალური რემონტი მუნიციპალიტეტის ან/და დონორი ორგანიზაციების მიერ ან ობიექტზე განთავსებული დაწესებულების ნორმალურად ფუნქციონირებისათვის აუცილებელია შენობის სრულად ათვისება) გამოსახლებული საქართველოს ოკუპირებული ტერიტორიებიდან იძულებით გადაადგილებული პირების ხელშეწყობას სახელმწიფო  ბიუჯეტიდან დროებითი საცხოვრებლის ქირის თანხით უზრუნველყოფამდე ან გრძელვადიანი საცხოვრებლით უზრუნველყოფამდე;

2. პროგრამის ფარგლებში ხორციელდება ამ მუხლის პირველ პუნქტში აღნიშნული ობიექტებიდან გამოსახლებული ოჯახებისთვის ყოველთვიური დახმარება 250 (ორას ორმოცდაათი) ლარის ოდენობით, რომელიც ერიცხება ოჯახის ერთ-ერთ წევრს პირად ანგარიშზე.

3. პროგრამაში ჩასართავად ოკუპირებული ტერიტორიიდან იძულებით გადაადგილებულმა პირებმა უნდა წარმოადგინონ შემდეგი დოკუმენტაცია:

ა) ოჯახის ერთ-ერთი წევრის განცხადება;

ბ) იძულებით გადაადგილებულ პირთა მოწმობების ასლები პირადობის მოწმობებთნ ერთად;

გ) განმცხადებლის პირადი საბანკო ანგარიში.

4. თითოეულ ოჯახზე თანხის გაცემის საკითხს განიხილავს მერიის სოციალური კომისია და მასზე საბოლოო გადაწყვეტილებას იღებს მუნიციპალიტეტის მერი.“.