,,ქედის მუნიციპალიტეტის ტერიტორიაზე მწვანე ნარგავების მოვლისა და აღდგენის წესის დამტკიცების შესახებ“ ქედის მუნიციპალიტეტის საკრებულოს 2015 წლის 11 ივნისის №13 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ქედის მუნიციპალიტეტის საკრებულო ადგენს:

„ქედის მუნიციპალიტეტის ტერიტორიაზე მწვანე ნარგავების მოვლისა და აღდგენის წესის დამტკიცების შესახებ“ ქედის მუნიციპალიტეტის საკრებულოს 2015 წლის 11 ივნისის №13 დადგენილებით (www.matsne.gov.ge, 16/06/2015; სარეგისტრაციო კოდი: 010250020.35.134.016176) დამტკიცებულ დანართში შეტანილ იქნეს  შემდეგი სახის ცვლილება:

1. დანართის მე-3 მუხლის:

ა) მე-2 პუნქტი ჩამოყალიბდეს შემდეგი რედაქციით:
„2. მწვანე ნარგავების მოვლის ღონისძიებებს ახორციელებს მუნიციპალიტეტის მერია.“;

ბ) მე-3 პუნქტი ჩამოყალიბდეს შემდეგი რედაქციით:
,,3. სპეციალურ გამოკვლევას ახორციელებს ქედის მუნიციპალიტეტის მერიის ეკონომიკური განვითარების სამსახური ან კანონმდებლობით დადგენილი წესით განსაზღვრული ფიზიკური ან/და იურიდიული პირები, ხელშეკრულების საფუძველზე.“.

2. დანართის მე-4 მუხლის:

ა) მე-4 პუნქტი ჩამოყალიბდეს შემდეგი რედაქციით:
,,4. მოვლითი ჭრებით მიღებული მერქნული რესურსის განლაგება ხდება  ქედის მუნიციპალიტეტის მერის მიერ, ხოლო განკარგვა ან გასხვისება  ხდება ქედის მუნიციპალიტეტის მერის მიერ ადგილობრივი თვითმმართველობის კოდექსისა და ამ წესის შესაბამისად.“;

ბ) მე-7 პუნქტი ჩამოყალიბდეს შემდეგი რედაქციით:
,,7. მოვლითი ჭრა ხორციელდება  ქედის მუნიციპალიტეტის მერიის ეკონომიკური განვითარების სამსახურის ან/და ქედის მუნიციპალიტეტის დაფუძნებული არასამეწარმეო (არაკომერციული) იურიდიული პირის მიერ.“

3. დანართის მე-7 მუხლი ჩამოყალიბდეს შემდეგი რედაქციით:
„მუხლი 7. მოვლითი ჭრებისას მოსაჭრელი ხეების მონიშვნა და უბნის გამოყოფა
1. მოვლითი ღონისძიებების უზრუნველყოფის მიზნით ხეების ერთეულად მონიშვნა  ან/და ჭრა ხორციელდება  ქედის მუნიციპალიტეტის მერიის ეკონომიკური განვითარების სამსახურის ან/და ქედის მუნიციპალიტეტის დაფუძნებული არასამეწარმეო (არაკომერციული) იურიდიული პირის მიერ.
2. ამ   წესის   მე-4   მუხლის   პირველი   პუნქტის   „ა“,   „ბ“,   „გ“   „დ“   და   „ვ“   ქვეპუნქტებით   გათვალისწინებული შემთხვევებისას, წარმოებს ხეების აღრიცხვა და მოსაჭრელი ხეების უბნის გამოყოფა.
3. მოსაჭრელი ხეების უბნის მონიშვნამდე განისაზღვრება მოსაჭრელი ხეების უბნის მონიშვნას დასაქვემდებარებელი ქედის მუნიციპალიტეტის ტერიტორიაზე არსებული მწვანე ნარგავების რომელიმე უბანი  და  მოსაპოვებელი  ხეების  მოცულობა  მწვანე ნარგავების აღრიცხვის მასალების და მწვანე ნარგავების ფაქტობრივი მდგომარეობის საფუძველზე, ხოლო მასალების არარსებობის შემთხვევაში – მწვანე ნარგავების ფაქტობრივი მდგომარეობის მიხედვით.
4. ამ მუხლით განსაზღვრული მიზნით (ქედის მუნიციპალიტეტის მერიის ეკონომიკური განვითარების სამსახურის მიერ მომზადებული გეგმის მიხედვით) ქედის მუნიციპალიტეტის მერის სამართლებრივი აქტით ხდება მწვანე ნარგავების უბნებად დაყოფა (ზონირება).
5. ამ  წესის მე-4  მუხლის  პირველი  პუნქტის  „ე’’ ქვეპუნქტით გათვალისწინებული შემთხვევისას ხეების მონიშვნა ხორციელდება  მოსაჭრელი ხეების ერთეულად მონიშვნის გზით.
6. მოსაჭრელი ხეების მონიშვნისას ძირობრივ აღრიცხვას ექვემდებარება 8 სმ და მეტი ტაქსაციური დიამეტრის ხეები (თითოეული ხის მოცულობის მიხედვით). ხეებს  ფესვის ყელთან მდგრადი  საღებავით   ეწერება   რიგითი   ნომერი,   ჭრაში დანიშნულ ხეებზე თვალთახედვის არეში (მიწის ზედაპირიდან დაახლოებით 1,7 მეტრამდე სიმაღლეზე) კეთდება მონიშვნა მკვეთრი ფერის საღებავით.  ქედის მუნიციპალიტეტის მერის ბრძანებით შეიძლება შემოღებული იქნეს მოსაჭრელი ხეების მონიშნვის დამღის სპეციალური ფორმა.
7. მწვანე ნარგავებზე მოსაჭრელი ხეების აღრიცხვის სამუშაოების შეთანხმება ხდება აღრიცხვის სამუშაოების დამთავრების  შემდეგ. შეთანხმება ხდება ქედის მუნიციპალიტეტის მერთან ან ქედის მუნიციპალიტეტის მერის მიერ შექმნილ სამუშაო ჯგუფთან. შეთანხმებით  დგინდება ხეების  შესაბამისობა აღრიცხვის უწყისში  ასახულ  მონაცემებთან, სხვაობის გამოვლენის შემთხვევაში, გადამოწმებას ექვემდებარება ჭრაში დანიშნული ყველა ხე.
8. აღრიცხვის უწყისის ერთი ეგზემპლარი ინახება  ქედის მუნიციპალიტეტის მერიის ეკონომიკური განვითარების სამსახურში, ხოლო მეორე ჭრის განმახორციელებელ ფიზიკურ ან იურიდიულ პირთან.
9. ჭრა არ ხორციელდება, როდესაც აღრიცხვის უწყისში ხეების მოცულობა არ შეესაბამება ხეების ფაქტობრივ მოცულობას. ასეთ შემთხვევაში ჭრა ხორციელდება ახალი აღრიცხვის უწყისის საფუძველზე.
10. ქედის მუნიციპალიტეტის მერიის ეკონომიკური განვითარების სამსახურის მიერ მწვანე ნარგავებზე მოსაჭრელი ხეების აღრიცხვის სამუშაოების შეთანხმება ხდება თითოეულ მწვანე ნარგავების აღრიცხვის სამუშაოების დამთავრების შემდეგ. შეთანხმებით დგინდება ჭრაში დანიშნული ხეების  შესაბამისობა აღრიცხვის უწყისში  ასახულ მონაცემებთან, სხვაობის  გამოვლენის  შემთხვევაში გადამოწმებას ექვემდებარება ჭრაში დანიშნული ყველა ხე.”.

4. დანართის მე-8 მუხლის პირველი პუნქტი ჩამოყალიბდეს შემდეგი რედაქციით:
„1. ბიოლოგიური,   ქიმიური   და   სხვა   სპეციალური   საშუალებებით   მწვანე   ნარგავების   მოვლა   ხორციელდება სპეციალური  გამოკვლევების  საფუძველზე  დასახულ  ღონისძიებათა მიხედვით, გამოკვლევას ატარებს  ქედის მუნიციპალიტეტის მერია ან ხელშეკრულების საფუძველზე ფიზიკური ან იურიდიული პირი.“.

5. დანართის მე-10 მუხლის მე-3 პუნქტი ჩამოყალიბდეს შემდეგი რედაქციით:
,,3. დაგეგმილ  ტერიტორიაზე  უნდა  შედგეს  მწვანე  ნარგავების  აღდგენისა  და  გაშენების  პროექტი,  რომელსაც ადგენს ქედის მუნიციპალიტეტის მერიის ეკონომიკური განვითარების სამსახური ან ამ მუხლის მეორე პუნქტის შესაბამისად განსაზღვრული პირი.“

6. დანართის მე-13 მუხლის:

ა) მე-2 პუნქტი ჩამოყალიბდეს შემდეგი რედაქციით:
,,2. სპეციალური  ჭრა ხორციელდება ქედის მუნიციპალიტეტის მერიის ეკონომიკური განვითარების სამსახურის ან/და ქედის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირის მიერ, ქედის მუნიციპალიტეტის ინიციატივით ან დაინტერესებული პირის მოთხოვნის საფუძველზე.

ბ) მე-3 პუნქტი ჩამოყალიბდეს შემდეგი რედაქციით:
,,3. სპეციალური ჭრით მიღებული მერქნული რესურსის განლაგება ან გადაცემა ხდება ქედის მუნიციპალიტეტის მერიის მიერ, ამ წესის მე-18 მუხლის შესაბამისად.“

7. დანართის მე-14 მუხლის მე-4 პუნქტი ჩამოყალიბდეს შემდეგი რედაქციით:
 ,,4. აღრიცხვის უწყისის ერთი ეგზემპლარი ქედის მუნიციპალიტეტის მერიის ეკონომიკური განვითარების სამსახურში ინახება, ხოლო მეორე ეგზემპლარი ჭრის განმახორციელებელ ფიზიკურ ან/და იურიდიულ პირთან.“

8. დანართის მე-15 მუხლის პირველი პუნქტი ჩამოყალიბდეს შემდეგი რედაქციით:
,,1. ამ წესის მიზნებისათვის ქედის მუნიციპალიტეტის ტერიტორიაზე არსებული მწვანე ნარგავები შესაძლებელია დაიყოს და დაინომროს უბნებად, ქედის მუნიციპალიტეტის  მერის ბრძანებით.“

9. დანართის მე-17 მუხლი ჩამოყალიბდეს შემდეგი რედაქციით:
,,მუხლი 17. მწვანე ნარგავების მოვლითი ან/და სპეციალური ჭრის შედეგად მოპოვებული ან ჩამორთმეული   ან/და   ინსპექტირებით   გამოვლენილი  უკანონოდ  მოპოვებული  მწვანე  ნარგავების გასხვისება ან განკარგვა
1. მწვანე ნარგავების მოვლითი ან/და სპეციალური ჭრის შედეგად მოპოვებული ან ჩამორთმეული  ან/და  ინსპექტირებისას  გამოვლენილი  უკანონოდ მოპოვებული  მწვანე ნარგავები  (ფუნქციადაკარგული მწვანე ნარგავები-საშეშე ან/და სამასალე მერქანი)  წარმოადგენს ქედის მუნიციპალიტეტის საკუთრებას.
2. ამ მუხლის პირველ პუნქტში აღნიშნული მწვანე ნარგავები ეკონომიკური განვითარების სამსახურის  მიერ შეიძლება დასაწყობდეს საამისოდ სპეციალურად გამოყოფილ ადგილას.
3. ქედის მუნიციპალიტეტის მერიის ეკონომიკური განვითარების სამსახურს უფლება აქვს ამ  მუხლის პირველ პუნქტში აღნიშნული  ფუნქცია დაკარგული მწვანე ნარგავები – საშეშე ან/და სამასალე მერქანი  ადგილობრივი თვითმმართველობის კოდექსის 121-ე მუხლით დადგენილი გასხვისების წესის და ქედის მუნიციპალიტეტის მერიის შესაბამისი  ადმინისტრაციულ- სამართლებრივი აქტით შექმნილი შესაბამისი სამუშაო ჯგუფის ოქმის  საფუძველზე  უსასყიდლოდ (საშეშე  ან/და სამასალე მერქნად)   გადასცეს იურიდიულ პირს ან ფიზიკურ პირებს, მათი სოციალური მდგომარეობის გათვალისწინებით.
4. ქედის მუნიციპალიტეტის მერი უფლებამოსილია შექმნას სამუშაო ჯგუფი და განსაზღვროს  მწვანე ნარგავების მოვლითი ან/და სპეციალური ჭრის შედეგად მოპოვებული   ჩამორთმეული  ან/და  ინსპექტირებისას გამოვლენილი  უკანონოდ მოპოვებული ფუნქცია დაკარგული მწვანე ნარგავების – საშეშე ან/და სამასალე მერქნის (გასხვისების) გადაცემის წესი, მიმღები პირების კატეგორიები, აღნიშნული ქონების გასხვისებასთან დაკავშირებული სხვა პროცედურები.
5. ამ მუხლის მე-4 პუნქტის საფუძველზე შექმნილი სამუშაო ჯგუფის სახელწოდება, საქმიანობის წესი და უფლებამოსილებები განისაზღვრება   ქედის მუნიციპალიტეტის მერის ბრძანებით.
6. ამ მუხლის პირველ პუნქტში აღნიშნული მწვანე  ნარგავების განკარგვა ხდება  ,,ადგილობრივი თვითმმართველობის კოდექსი“ საქართველოს ორგანული კანონით დადგენილი წესით.
7. ქედის მუნიციპალიტეტის მერიის ეკონომიკური განვითარების სამსახური  უზრუნველყოფს გადასაცემი ფუნქცია დაკარგული მწვანე ნარგავების – საშეშე ან/და სამასალე მერქნის ტრანსპორტირებას საამისოდ სპეციალურად გამოყოფილ ტერიტორიამდე.“.

10. დანართის მე-18 მუხლის მე-2 პუნქტი ჩამოყალიბდეს შემდეგი რედაქციით:
,,2. აღრიცხვის უწყისს ადგენს ქედის მუნიციპალიტეტის მერიის ეკონომიკური განვითარების სამსახური.“.

11. დანართის მე-19 მუხლის მე-2 პუნქტი ჩამოყალიბდეს შემდეგი რედაქციით:
,,2. ხეების გადარგვა ხორციელდება ქედის მუნიციპალიტეტის მერიის ეკონომიკური განვითარების სამსახურის  მიერ წინასწარ განსაზღვრულ ტერიტორიაზე.“

დადგენილება ამოქმედდეს გამოქვეყნებისთანავე.