ქალაქ თბილისის მუნიციპალიტეტის მერიის მუნიციპალურ ინსპექციაში ცალკეულ ადმინისტრაციულ სამართალდარღვევათა და სამშენებლო სამართალდარღვევათა საქმისწარმოებისათვის დოკუმენტების ფორმების დამტკიცების შესახებ

ქალაქ თბილისის მუნიციპალიტეტის მერიის მუნიციპალურ ინსპექციაში ცალკეულ ადმინისტრაციულ სამართალდარღვევათა და სამშენებლო სამართალდარღვევათა საქმისწარმოებისათვის დოკუმენტების ფორმების დამტკიცების შესახებ ქალაქ თბილისის მუნიციპალიტეტის საკრებულოს დადგენილება №28-97 2018 წლის 25 სექტემბერი ქ. თბილისი ქალაქ თბილისის მუნიციპალიტეტის მერიის მუნიციპალურ ინსპექციაში ცალკეულ ადმინისტრაციულ სამართალდარღვევათა და სამშენებლო სამართალდარღვევათა საქმისწარმოებისათვის დოკუმენტების ფორმების დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი” 61-ე მუხლის მე-2 პუნქტის და 68-ე მუხლის პირველი  პუნქტის ,,ლ“ ქვეპუნქტის, საქართველოს ორგანული კანონის „საქართველოს საარჩევნო კოდექსი“ მე-80 მუხლისა და 93-ე მუხლის მე-4 პუნქტის, საქართველოს ადმინისტრაციულ სამართალდარღვევათა კოდექსის 221-ე მუხლის, 239-ე მუხლის მე-14 და 44-ე ნაწილების, 240-ე და 266-ე მუხლების, საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსი” 25-ე მუხლის, საქართველოს კანონის ,,ნორმატიული აქტების შესახებ“ 25-ე მუხლის  შესაბამისად, ქ. თბილისის მუნიციპალიტეტის საკრებულო ადგენს: მუხლი 1🔗 საქართველოს ადმინისტრაციულ სამართალდარღვევათა კოდექსის 51​​3  მუხლით, 53​​3  მუხლით, 55-ე მუხლით, 55​​​2  მუხლით, 55​​​3  მუხლით, 148-ე მუხლის პირველი და მე-2 ნაწილებით, 152​​2  მუხლით, 173​​5 მუხლითა და საქართველოს ორგანული კანონის „საქართველოს საარჩევნო კოდექსის“ მე-80 მუხლით გათვალისწინებულ სამართალდარღვევის ნაწილში საარჩევნო პლაკატების უკანონოდ ჩამოხსნის, ჩამოხევის, დაფარვის ან დაზიანების დარღვევებზე სამართალდარღვევის ოქმის შედგენის უფლება აქვთ ქალაქ თბილისის მუნიციპალიტეტის  მერიის მუნიციპალური ინსპექციის საამისოდ უფლებამოსილ მოსამსახურეებს. მუხლი 2🔗  დამტკიცდეს: ა) „ადმინისტრაციული სამართალდარღვევის ოქმის’’ ფორმა (დანართი 1); ბ) „ადმინისტრაციული სამართალდარღვევის ოქმის გამოყენებისა და აღრიცხვა-ანგარიშგების წესი’’ (დანართი 2); გ) საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსი” 25-ე მუხლის მე-5 ნაწილის შესაბამისად შემოწმების აქტის ფორმა (დანართი 3). ობიექტის შემოწმების და შემოწმების აქტის შედგენის უფლება აქვთ ქ. თბილისის მუნიციპალიტეტის მერიის მუნიციპალური ინსპექციის საამისოდ უფლებამოსილ მოსამსახურეებს; დ) საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსი” 25-ე მუხლის მე-2 ნაწილის შესაბამისად მითითების ფორმა (დანართი 4). მითითების გაცემის უფლება აქვთ ქ. თბილისის მუნიციპალიტეტის მერიის მუნიციპალური ინსპექციის უფროსს და ქ. თბილისის მუნიციპალიტეტის მერიის მუნიციპალური ინსპექციის უფროსის მოადგილეებს, კანონმდებლობით გათვალისწინებული წესით; ე) საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსი”  25-ე მუხლის მე-13 ნაწილის შესაბამისად უწყების ფორმა საქმის განხილვის თაობაზე (დანართი 5); ვ)  დათვალიერების ოქმის ფორმა (დანართი 6); ზ) საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსის” 25-ე მუხლის 23-ე ნაწილის შესაბამისად, დამტკიცდეს „შემოწმების აქტის’’ ფორმა (დანართი 7). მუხლი 3🔗 1. ძალადაკარგულად გამოცხადდეს ,,ქ. თბილისის მუნიციპალიტეტის მერიის ზედამხედველობის საქალაქო სამსახურში ცალკეულ ადმინისტრაციულ სამართალდარღვევათა და სამშენებლო სამართალდარღვევათა საქმისწარმოებისათვის დოკუმენტების ფორმების დამტკიცების შესახებ“ ქალაქ თბილისის მუნიციპალიტეტის საკრებულოს 2014 წლის 30 დეკემბრის №20-96 დადგენილება. 2. დაწყებულ სამშენებლო სამართალდარღვევებზე, რომლებზეც უკვე გაცემულია მითითება, წარმოება გაგრძელდეს და შედგენილ იქნეს შემოწმების აქტი წინამდებარე დადგენილების ამოქმედებამდე დამტკიცებული ფორმის შესაბამისად. მუხლი 4🔗 დადგენილება ამოქმედდეს 2018 წლის 1 ოქტომბრიდან. ქალაქ თბილისის მუნიციპალიტეტის საკრებულოს თავმჯდომარეგიორგი ტყემალაძე