შპს ”ბათუმი პლაზას” კრედიტორთა კრების მოწვევის შესახებ

საქმე № 2/18013-15

 

გ ა ნ ჩ ი ნ ე ბ ა

საქართველოს სახელით

კრედიტორთა კრების მოწვევის შესახებ

 

201 8 წლის 19 სექტემბერი

 ქ. თბილისი

 

 

თბილისის საქალაქო სასამართლოს სამოქალაქო საქმეთა კოლეგიის მოსამართლე ლაშა ქოჩიაშვილმა განიხილა  შპს „ბათუმი პლაზას“ კრედიტორთა კრების მოწვევის საკითხი და

 

გ ა მ ო ა რ კ ვ ი ა:

თბილისის საქალაქო სასამართლოს სამოქალაქო საქმეთა კოლეგიის წარმოებაშია გადახდისუუნარობის საქმე  შპს „ბათუმი პლაზას“ მიმართ.

  შპს „ბათუმი პლაზას“გაკოტრების მმართველის, სსიპ – აღსრულების ეროვნული ბიუროს წარმომადგენელმა თამთა მაჭარაშვილმა განცხადებით მომართა სასამართლოს და მოითხოვა კრედიტორთა კრების მოწვევა სამეურვეო მასიდან სადავო უძრავი ქონების ამორიცხვის, მოძიების გაგრძელების ან შეწყვეტის საკითხის გადაწყვეტის მიზნით.

სასამართლომ განიხილა განცხადება, საქმეში არსებული მასალები, მიაჩნია, რომ მოწვეული უნდა იქნეს  შპს „ბათუმი პლაზას“ კრედიტორთა კრება სამეურვეო მასიდან სადავო უძრავი ქონების ამორიცხვის, მოძიების გაგრძელების ან შეწყვეტის საკითხის გადაწყვეტის მიზნით.

„გადახდისუუნარობის საქმის წარმოების შესახებ“ საქართველოს კანონის 27-ე მუხლის მე-4 პუნქტის თანახმად, კრედიტორთა კრების მოწვევის თაობაზე შეტყობინება უნდა გამოქვეყნდეს „საქართველოს საკანონმდებლო მაცნეში“.

სასამართლომ იხელმძღვანელა „გადახდისუუნარობის საქმეთა წარმოების შესახებ“ საქართველოს კანონის მე-5, მე-7, მე-8, 25-ე, 27-ე, 30-ე მუხლებით, საქართველოს სამოქალაქო საპროცესო კოდექსის 284-285-ე მუხლებით და

 

დ ა ა დ გ ი ნ ა:

1. მოწვეულ იქნეს  შპს „ბათუმი პლაზას“კრედიტორთა კრება შემდეგი დღის წესრიგით:

 1.1. სამეურვეო მასიდან სადავო უძრავი ქონების ამორიცხვის, მოძიების გაგრძელების ან შეწყვეტის საკითხის გადაწყვეტა .

2. კრედიტორთა კრება მოწვეულ იქნეს 2018 წლის 03 ოქტომბერს, 12:00 საათზე, თბილისის საქალაქო სასამართლოს სამოქალაქო საქმეთა კოლეგიის №24 სხდომათა დარბაზში (ქ.თბილისი, დავით აღმაშენებლის ხეივანი, მე-12 კმ, №6).

3. დაევალოს  შპს „ბათუმი პლაზას“ გაკოტრების მმართველს კრედიტორებისათვის კრების ჩატარების შესახებ შეტყობინებების გაგზავნა, მასვე დაევალოს განჩინების გამოქვეყნება „საქართველოს საკანონმდებლო მაცნეს“ ვებგვერდზე. განჩინება ასევე გამოქვეყნდეს სასამართლოს დაფაზე და სასამართლოს ვებგვერდზე.

4. გადახდისუუნარობის საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გადაცემიდან ან გაცნობიდან 5 (ხუთი) დღის ვადაში.

 

მოსამართლე                                                                                                                ლაშა ქოჩიაშვილი