შპს „აქუაფაბის” კრედიტორთა კრების მოწვევის შესახებ

საქმის № 330219617002196349 ( 2/ 33473-17)

 

გ ა ნ ჩ ი ნ ე ბ ა

 

საქართველოს სახელით

 

კრედიტორთა კრების მოწვევის შესახებ

 

2018 წელი 28 სექტემბერი

ქ. თბილისი

 

თბილისის საქალაქო სასამართლო ს სამოქალაქო საქმეთა კოლეგია

მოსამართლე: ანა ჩოგოვაძე

 

განმცხადებელი – შემოსავლების სამსახური

მოვალე – შპს ,,აქუაფაბი”

წარმომადგენელი – სალომე აბრამიშვილი

მეურვე – აღსრულების ეროვნული ბიურო

წარმომადგენელი – ლელა ხაციკიდუ

 

მოთხოვნა – გაკოტრები საქმის წარმოების დაწყება

 

გ ა მ ო  ა რ კ ვ ი ა :

თბილისის საქალაქო სასამართლოს სამოქალაქო საქმეთა კოლეგიის წარმოებაშია გადახდისუუნარობის საქმე შპს „აქუაფაბის“ მიმართ.

2018 წლის 16 აგვისტოს შპს „აქუაფაბის“ მომრიგებელი საბჭოს წევრებმა სასამართლოში წარმოადგინეს მომრიგებელი საბჭოს სხდომის ოქმი, რომლის მიხედვით მიღებულ იქნა გადაწყვეტილება შპს „აქუაფაბის“ გაკოტრების საქმის წარმოების დაწყების შესახებ.

გამომდინარე აღნიშნულიდან, სასამართლოს მიაჩნია, რომ მოწვეული უნდა იქნეს კრედიტორთა კრება შპს „აქუაფაბის“ მიმართ გაკოტრების საქმის წარმოების დაწყებისა და გაკოტრების მმართველის არჩევის დღის წესრიგით.

განემარტოს კრედიტორს, რომ „გადახდისუუნარობის საქმის წარმოების შესახებ ” საქართველოს კანონის 37-ე მუხლის მე-2 პუნქტის თანახმად, გაკოტრების მმართველს ირჩევენ კრედიტორები გაკოტრების შესახებ სასამართლოს განჩინების გამოქვეყნებიდან 3 დღის ვადაში. თუ გაკოტრების მმართველი კრედიტორთა კრებაზე ვერ აირჩევა ან კრედიტორები არ წარადგენენ გაკოტრების მმართველის კანდიდატურებს, გაკოტრების მმართველად სასამართლო ნიშნავს აღსრულების ეროვნულ ბიუროს. გაკოტრების მმართველის არჩევის/დანიშვნის თაობაზე გადაწყვეტილება განთავსდება ელექტრონულ სისტემაში.

„გადახდისუუნარობის საქმის წარმოების შესახებ ” საქართველოს კანონის 27-ე მუხლის მე-4 პუნქტის თანახმად, კრედიტორთა კრების მოწვევის თაობაზე შეტყობინება უნდა გამოქვეყნდეს „საქართველოს საკანონმდებლო მაცნეში. ”

სასამართლომ იხელმძღვანელა „გადახდისუუნარობის საქმეთა წარმოების შესახებ” საქართველოს კანონის მე-5, მე-7, მე-8, 25-ე, 27-ე, 30-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

 

დ ა ა დ გ ი ნ ა :

1. მოწვეული იქნეს შპს „აქუაფაბის“ კრედიტორთა კრება შემდეგი დღის წესრიგით:

 1.1. გაკოტრების საქმის წარმოების დაწყება.

 1.2. გაკოტრების მმართველის არჩევა.

2. კრედიტორთა კრება მოწვეულ იქნეს 2018 წლის 11 ოქტომბერს, 15:30საათზე, თბილისის საქალაქო სასამართლოს №30 სხდომის დარბაზში (ქ. თბილისი, დავით აღმაშენებლის ხეივანი, მე-12 კმ, №6).

3. განემარტოთ კრედიტორებს, რომ გაკოტრების მმართველს ირჩევენ კრედიტორები გაკოტრების შესახებ სასამართლოს განჩინების გამოქვეყნებიდან 3 დღის ვადაში. თუ გაკოტრების მმართველი კრედიტორთა კრებაზე ვერ აირჩევა ან კრედიტორები არ წარადგენენ გაკოტრების მმართველის კანდიდატურებს, გაკოტრების მმართველად სასამართლო ნიშნავს აღსრულების ეროვნულ ბიუროს.

4. დაევალოს შპს „აქუაფაბის“ მეურვეს კრედიტორებისათვის კრების ჩატარების შესახებ შეტყობინებების გაგზავნა. განჩინება ასევე გამოქვეყნდეს სასამართლოს დაფაზე და სასამართლოს ვებგვერდზე.

5. გადახდისუუნარობის საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გადაცემიდან ან გაცნობიდან 5 (ხუთი) დღის ვადაში.

 

მოსამართლე                             ანა ჩოგოვაძე