„ბაღდათის მუნიციპალიტეტის სოციალური და ჯანმრთელობის დაცვის სამსახურის 2018 წლის პროგრამა და სოციალური დახმარების გაცემის წესის დამტკიცების შესახებ“, ბაღდათის მუნიციპალიტეტის საკრებულოს 2017 წლის 29 დეკემბრის №56 დადგენილებაში ცვლილების შეტანის თაობაზე

1. დადგენილებით დამტკიცებული დანართის მე-9 მუხლი (შშმ პირთა დახმარებისათვის. პროგრამული კოდი 060209. წლიური დაფინანსება 20 000 ლარი) ჩამოყალიბდეს შემდეგი რედაქციით:

„მუხლი 9. შშმ პირთა დახმარებისათვის. პროგრამული კოდი 060209. წლიური დაფინანსება 20 000 ლარი

9.1. პროგრამით ისარგებლებენ:

9.1.1. შშმ პირების სამკურნალო-სარეაბილიტაციო ღონისძიებისათვის 8000 ლარით;

9.1.2. შშმ პირთა სოციალური და ჯანმრთელობის პრობლემების მოგვარების მიზნით სხვადასხვა აქტივობების განხორციელება. მათ შორის:

ა) ზამთრის სეზონისათვის სათბობი საშუალებებით უზრუნველყოფის მიზნით, სოციალურად დაუცველი, ეტლით მოსარგებლე და 18 წლამდე ასაკის შშმ პირების ოჯახებისათვის ფინანსური დახმარების გაწევა;

ბ) შშმ პირების გადაუდებელი აუცილებლობის შემთხვევაში საზღვარგარეთ ოპერაციისათვის გარკვეული თანხით დახმარება;

გ) შშმ პირების ეტლების თვითმავალი მექანიზმის, ყავარჯნების შეძენა;

დ) შშმ პირთა და მათი ოჯახების ცნობიერების ამაღლების მიზნით ტრენინგების ჩატარება, სულ 12 000 ლარი.

9.2. ანაზღაურება მოხდება უნაღდო ანგარიშსწორების ფორმით შესაბამისი დაწესებულებების საბანკო ანგარიშებზე.“.