სსიპ - შეფასებისა და გამოცდების ეროვნულ ცენტრის 2018 წლის ანგარიში
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სსიპ – შეფასებისა და გამოცდების ეროვნულ ცენტრის 2018 წლის ანგარიში
საქართველოს ზოგადი ადმინისტრაციული კოდექსის 49-ე მუხლის მოთხოვნათა შესაბამისად, წარმოგიდგენთ სსიპ – შეფასებისა და გამოცდების ეროვნულ ცენტრში საჯარო ინფორმაციის გაცემის მდგომარეობის შესახებ 2018 წლის წლიურ ანგარიშს.
1. საანგარიშო პერიოდში სსიპ – შეფასებისა და გამოცდების ეროვნული ცენტრი თავის საქმიანობას ახორციელებდა საქართველოს ზოგადი ადმინისტრაციული კოდექსის ნორმების მოთხოვნათა ფარგლებში. 2018 წლის საანგარიშო პერიოდში საჯარო ინფორმაციის გაცემის მოთხოვნით რეგისტრირებულია სულ 196 (ას ოთხმოცდათექვსმეტი) წერილობითი განცხადება. აქედან სრულად დაკმაყოფილდა 132 (ას ოცდათორმეტი) მოთხოვნა, 15 (თხუთმეტი) განცხადება კი ნაწილობრივ დაკმაყოფილდა, ხოლო 47 (ორმოცდაშვიდი) განცხადების შემთხვევაში მიღებულია გადაწყვეტილება საჯარო ინფორმაციის მოთხოვნაზე უარის თქმის თაობაზე. ვინაიდან, მოთხოვნილი ინფორმაცია არ წარმოადგენდა სსიპ – შეფასებისა და გამოცდების ეროვნულ ცენტრში დაცულ საჯარო ინფორმაციას ან მოთხოვნილი იყო პერსონალური მონაცემები (თანხმობის წარმოდგენის ან სამართლებრივი საფუძვლის გარეშე), მოთხოვნილი ინფორმაცია არ იყო დამუშავებული ცენტრში, არ იყო დაზუსტებული მოთხოვნა ან/და განცხადება არ იყო წარმოდგენილი საქართველოს ზოგადი ადმინისტრაციული კოდექსის 78-ე მუხლის მოთხოვნათა დაცვით. წარმოებაშია 2 (ორი) განცხადება.
2. საჯარო ინფორმაციის მოთხოვნის დაკმაყოფილებაზე უარის თქმის შესახებ იურიდიული სამსახურის პოზიციის გათვალისწინებით გადაწყვეტილებას იღებდა სსიპ – შეფასებისა და გამოცდების ეროვნული ცენტრის საჯარო ინფორმაციის გაცემაზე პასუხისმგებელი პირი.
3. სსიპ – შეფასებისა და გამოცდების ეროვნული ცენტრის თანამშრომლების მიერ ზოგადი ადმინისტრაციული კოდექსის მოთხოვნათა დარღვევასა და მათთვის დისციპლინური სახდელის დადების შემთხვევას ადგილი არ ჰქონია.
4. სსიპ – შეფასებისა და გამოცდების ეროვნული ცენტრი საჯარო ინფორმაციის გაცემისას ეყრდნობოდა საქართველოს ზოგად ადმინისტრაციულ კოდექსსა და პერსონალურ მონაცემთა დაცვის შესახებ საქართველოს კანონს.
5. საჯარო ინფორმაციის გაცემაზე უარის თქმის შესახებ მიღებული გადაწყვეტილება არ გასაჩივრებულა.
სოფიო გორგოძე
სსიპ – შეფასებისა და გამოცდების ეროვნულ ცენტრის დირექტორი