ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესის დამტკიცების შესახებ

ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესის დამტკიცების შესახებ საქართველოს გარემოს დაცვისა და სოფლის მეურნეობის მინისტრის ბრძანება №2-1036 2018 წლის 24 დეკემბერი ქ. თბილისი ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესის დამტკიცების შესახებ „ვაზისა და ღვინის შესახებ” საქართველოს კანონის 33​6 მუხლის 1​2 პუნქტის „ზ“ ქვეპუნქტის საფუძველზე, ვბრძანებ : მუხლი 1🔗 დამტკიცდეს თანდართული ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესი. მუხლი 2🔗 ეს ბრძანება ამოქმედდეს გამოქვეყნებიდან 30-ე დღეს.საქართველოს გარემოს დაცვისა და სოფლის მეურნეობის მინისტრილევან დავითაშვილი ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესი მუხლი 1🔗. ზოგადი დებულებები 1. ადგილობრივ სამომხმარებლო ბაზარზე ჩამოსასხმელი ღვინის რეალიზაციის წესის (შემდგომში – წესი) მიზანია ადგილობრივ სამომხმარებლო ბაზარზე ჩამოსასხმელი ღვინით (შემდგომში – ღვინო) რეალიზაციის რეგულირება საქართველოს მოქმედი კანონმდებლობის შესაბამისად. 2. ამ წესით დადგენილი მოთხოვნები ვრცელდება ღვინის  კომპანიებზე, მათ შორის ბითუმად და საცალოდ მოვაჭრე ფიზიკურ და იურიდიულ პირებზე. მუხლი 2🔗. ტერმინთა განმარტება ამ წესში გამოყენებულ ტერმინებს, ამ წესის მიზნებისთვის, აქვს შემდეგი მნიშვნელობა: ა) ჩამოსასხმელი ღვინო – ღვინო, რომელიც არ არის დაფასოებული სამომხმარებლო ტარაში; ბ) ღვინის კომპანია – „მეწარმეთა შესახებ“ საქართველოს კანონით ან/და იმპორტიორი ქვეყნის კანონმდებლობით განსაზღვრული მეწარმე სუბიექტი (ფიზიკური ან იურიდიული პირი), რომლის სამეწარმეო საქმიანობა უკავშირდება ღვინის, ყურძნისეული წარმოშობის სპირტიანი სასმელის, სპირტის ან/და ვაზის სამყნობი მასალის/ვაზის სარგავი მასალის წარმოებას ან/და რეალიზაციას; გ) ბითუმად მოვაჭრე – ღვინის კომპანია, რომელიც უშუალოდ არ აწარმოებს ღვინოს და ეწევა მხოლოდ მის რეალიზაციას, გარდა საბოლოო მომხმარებლისთვის რეალიზაციისა; დ) საცალოდ მოვაჭრე – ღვინის კომპანია, რომელიც ეწევა ღვინის რეალიზაციას საბოლოო მომხმარებელზე; ე) შესაბამისობის სერტიფიკატი – საჯარო სამართლის იურიდიული პირის – ღვინის ეროვნული სააგენტოს მიერ გაცემული დოკუმენტი, რომელიც ადასტურებს, რომ იდენტიფიცირებული პროდუქცია შეესაბამება საქართველოს კანონმდებლობით დადგენილი წესით მის მიმართ განსაზღვრულ მოთხოვნებს; ვ) შესაბამისობის დეკლარაცია – ღვინის კომპანიის მიერ შედგენილი დოკუმენტი, რომელიც აკრედიტებული ლაბორატორიის გამოცდის ოქმის საფუძველზე ადასტურებს, რომ მის მიერ წარმოებული, ამ კონკრეტული პარტიის (სარეალიზაციოდ წარმოდგენილი) ღვინო შეესაბამება მოქმედი კანონმდებლობით დადგენილ მოთხოვნებს; ზ) ღვინის თანმხლები დოკუმენტები – სასაქონლო ზედნადები, ლაბორატორიული გამოცდის ოქმი, შესაბამისობის სერტიფიკატი ან შესაბამისობის დეკლარაცია. მუხლი 3🔗. ღვინის მწარმოებელი კომპანიის, ბითუმად მოვაჭრისა და საცალოდ მოვაჭრის ვალდებულებანი 1. ღვინის მწარმოებელი კომპანია და ბითუმად მოვაჭრე, ღვინის რეალიზაციისას, ვალდებულნი არიან უზრუნველყონ თანმხლები დოკუმენტების შესაბამისი პირისთვის გადაცემა. 2. საცალოდ მოვაჭრე ვალდებულია: ა) უზრუნველყოს ღვინის სანიტარიულ-ჰიგიენური მდგომარეობის შესაბამისობა საქართველოს კანონმდებლობით დადგენილ ნორმებთან; ბ) მომხმარებელს მიაწოდოს უვნებელი პროდუქტი, რომელიც სრულად შეესაბამება მის მიმართ კანონმდებლობით დადგენილ მოთხოვნებს; გ) უზრუნველყოს ღვინის ხარისხის შენარჩუნება და მისი მაჩვენებლების შესაბამისობა ლაბორატორიული გამოცდის ოქმსა და შესაბამისობის დეკლარაციაში ან შესაბამისობის სერტიფიკატში მითითებულთან, ღვინის რეალიზაციის მთელი პერიოდის განმავლობაში; დ) იქონიოს ღვინის თანმხლები დოკუმენტები; ე) მოთხოვნის შემთხვევაში წარუდგინოს მომხმარებელს ლაბორატორიული გამოცდის ოქმი და შესაბამისობის სერტიფიკატი ან შესაბამისობის დეკლარაცია და მიაწოდოს სრული ინფორმაცია ღვინის წარმომავლობის შესახებ (პროდუქტის უსაფრთხოებისა და თავისუფალი მიმოქცევის კოდექსის მე-12 მუხლის პირველი ნაწილის მოთხოვნათა შესაბამისად); ვ) საცალოდ მოვაჭრეს ეკისრება სრული პასუხისმგებლობა სარეალიზაციო ღვინის თანმხლები დოკუმენტების ქონაზე. მუხლი 4🔗. პასუხისმგებლობ ა ამ წესით დადგენილი მოთხოვნების დარღვევა იწვევს პასუხისმგებლობას საქართველოს კანონმდებლობის შესაბამისად.