„ახალქალაქის მუნიციპალიტეტის საპატიო მოქალაქის წოდების მინიჭების წესის დამტკიცების შესახებ“ ახალქალაქის მუნიციპალიტეტის საკრებულოს 2018 წლის 31 ოქტომბრის №47 დადგენილებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ახალქალაქის მუნიციპალიტეტის საკრებულო  ადგენს:

დამტკიცდეს „ახალქალაქის მუნიციპალიტეტის საპატიო მოქალაქის წოდების მინიჭების წესის დამტკიცების შესახებ“ ახალქალაქის მუნიციპალიტეტის საკრებულოს 2018 წლის 31 ოქტომბრის №47 დადგენილებაში (ვებგვერდი, www.matsne.gov.ge, გამოქვეყნების თარიღი 01/11/2018, სარეგისტრაციო კოდი: 010250050.35.141.016272) შეტანილი შემდეგი ცვლილება:

ა) დანართის მე-2 მუხლის მე-2 პუნქტის „დ“ ქვეპუნქტი ამოღებულ იქნეს;

ბ) დანართის მე-4 მუხლის 1-ლი პუნქტის „ბ“ ქვეპუნქტის შემდეგ დაემატოს შემდეგი შინაარსის „გ“ ქვეპუნქტი:

„გ) წარდგენილი კანდიდატის პირადობის დამადასტურებელი დოკუმენტის ასლი.“;

გ) დანართის მე-5 მუხლი ჩამოყალიბდეს შემდეგი რედაქციით:

„მუხლი 5. ახალქალაქის მუნიციპალიტეტის საპატიო მოქალაქის წოდების ჩამორთმევის საფუძვლები

1. პირს შეიძლება ჩამოერთვას ახალქალაქის მუნიციპალიტეტის საპატიო მოქალაქის წოდება:

 

ა) თუ სასამართლოს კანონიერ ძალაში შესული გადაწყვეტილებით დასტურდება მის მიერ ჩადენილი საქართველოს სისხლის სამართლის კოდექსით გათვალისწინებული განზრახ მძიმე ან განსაკუთრებით მძიმე დანაშაული;

 

ბ) საკრებულოს სიითი შემადგენლობის 2/3-ის მოთხოვნის საფუძველზე;“;

 

დ) დანართის მე-5 მუხლის შემდეგ დაემატოს შემდეგი შინაარსის 5¹ მუხლი:

 

„5¹. მუხლი. ახალქალაქის მუნიციპალიტეტის საპატიო მოქალაქის წოდების გაუქმების საფუძვლები

საპატიო მოქალაქის წოდება შეიძლება გაუქმდეს საპატიო მოქალაქის საკუთარი ინიციატივით, წერილობითი განცხადების წარმოდგენის საფუძველზე.“.

2. დადგენილება ძალაში შედის გამოქვეყნებისთანავე.