ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობის“ (კოდი 01 02 07) განხორციელების წესის დამტკიცების შესახებ

ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობის“ (კოდი 01 02 07) განხორციელების წესის დამტკიცების შესახებ ქალაქ რუსთავის მუნიციპალიტეტის საკრებულოს დადგენილება №84 2018 წლის 24 დეკემბერი ქ. რუსთავი ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტების, 61-ე მუხლის მე-2 პუნქტის, „ნორმატიული აქტების შესახებ“ საქართველოს კანონის მე-20 მუხლის შესაბამისად, ქალაქ რუსთავის საკრებულო ადგენს: მუხლი 1🔗 დამტკიცდეს „ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების წესი დანართი №1-ის შესაბამისად.  მუხლი 2🔗 დადგენილება ამოქმედდეს 2019 წლის 1 იანვრიდან.ქალაქ რუსთავის მუნიციპალიტეტის საკრებულოს თავმჯდომარელევანი ონიანი დანართი №1 ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების  წესის დამტკიცების შესახებ მუხლი  1🔗. ზოგადი  დებულებანი 1. ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა “ (კოდი  01 02 07) განხორციელების  წესი (შემდგომში – წესი ) განსაზღვრავს ქალთა ეკონომიკურ გაძლიერებაზე , საზოგადოებრივ საქმიანობაში ჩართულობაზე ორიენტირებული ინიციატივების გამოვლენისა და დაფინანსების პროცედურებს და პირობებს ქალაქ რუსთავის მუნიციპალიტეტის ბიუჯეტით გათვალიწინებული ქვეპროგრამის  ფარგლებში . 2. ამ წესის შესაბამისად , ინიციატივების დაფინანსების მიზნით , ქალაქ რუსთავის მუნიციპალიტეტის მერი ქმნის პროექტების განმხილველ სამუშაო ჯგუფს (შემდგომში – ჯგუფი ). ჯგუფის საქმიანობის წესი განისაზღვრება ჯგუფის  დებულებით , რომელსაც ამტკიცებს ქალაქ რუსთავის მუნიციპალიტეტის მერი . 3. ქვეპროგრამის განმახორციელებელია ქალაქ რუსთავის მუნიციპალიტეტის მერიის აპარატი (შემდგომში – ქვეპროგრამის განმახორციელებელი ). მუხლი  2🔗. ქვეპროგრამის   მიზანი ქვეპროგრამის მიზანია ქალების საზოგადოებაში ჩართულობის , ეკონომიკური საქმიანობის დაწყების , ეკონომიკურ საქმიანობაში თანასწორი უფლებებით და შესაძლებლობებით   მონაწილეობის მიღებისა და სამეწარმეო საქმიანობის გაძლიერებაში ხელშეწყობა .   მუხლი 3🔗. თანადაფინანსების მიმღები სუბიექტები ამ წესის შესაბამისად თანადაფინანსების მიმღები სუბიექტები არიან მუნიციპალიტეტის ტერიტორიაზე მცხოვრები და რეგისტრირებული ქალები 18 წლის ასაკიდან ან /და საქართველოში რეგისტრირებული იურიდიული პირები , რომლებიც ახორციელებენ ან სურთ განახორციელონ სამეწარმეო /არასამეწარმეო (არაკომერციული ) საქმიანობა საზოგადოებაში ქალთა აქტიური ჩართულობის ხელშესაწყობად . მუხლი 4🔗. საპროექტო განცხადების წარდგენა 1. დაფინანსების მისაღებად დაინტერესებულმა სუბიექტმა წერილობითი განცხადებით უნდა მიმართოს ქალაქ რუსთავის მუნიციპალიტეტის მერიას , რომელსაც თან უნდა ერთოდეს შემდეგი სახის დოკუმენტაცია : ა ) პირადობის დამადასტურებელი დოკუმენტის ასლი ; ბ ) მოქმედი მეწარმის შემთხვევაში საქართველოს იუსტიციის სამინისტროს მმართველოს სფეროში მოქმედი საჯარო სამართლის იურიდიული პირის -საჯარო რეესტრი ეროვნული სააგენტოს მიერ გაცემული ცნობა , რომლითაც დადასტურდება პროგრამის ბენეფიციარის სტატუსი (სამეწარმეო საქმიანობის არსებობის შესახებ მოქმედი მეწარმის სტატუსი ); გ ) განცხადება , სამოტივაციო წერილი , ინიციატივები , ბიზნესგეგმა (სათანადო ხარჯთაღრიცხვით ) და სხვ . ასევე , მისთვის საჭირო ტრენინგების ჩამონათვალი , რაც ხელს შეუწყობს პროგრამის მონაწილე პირების მიერ სამეწარმეო საქმიანობის დაწყებას / განვითარებას; დ ) შესაბამისი დოკუმენტაცია პარტინიორი ორგანიზაციის შესახებ (ასეთის არსებობის შემთხვევაში ). 2. ქვეპროგრამის განმახორციელებლის მიერ განსაზღვრულ ვადაში ხარვეზის გამოუსწორებლობის შემთხვევაში საპროექტო განაცხადი არ განიხილება . 3. თუ პროექტის განხორციელებამდე დარჩენილია 40 კალენდარულ დღეზე ნაკლები , საპროექტო განაცხადი არ განიხილება . 4. საპროექტო განაცხადი ჯგუფს არ ეგზავნება განსახილველად და განმცხადებელს წერილობით ეცნობება დასაბუთებული უარყოფითი პასუხი, თუ განაცხადი არ აკმაყოფილებს ამ წესით განსაზღვრულ მოთხოვნებს . მუხლი 5🔗. საპროექტო განაცხადის განხილვა და თანადაფინანსება 1. თუ წარდგენილი საპროექტო განაცხადი აკმაყოფილებს ამ წესითა და მოქმედი კანონმდებლობით დადგენილ მოთხოვნებს , ქვეპროგრამის განმახორციელებელი საპროექტო განაცხადს განსახილველად უგზავნის ჯგუფს . 2. ქალაქ  რუსთავის მუნიციპალიტეტის  ბიუჯეტის  ქვეპროგრამის  „გენდერული თანასწორობის ხელშეწყობა “ (კოდი  01 02 07)   ფარგლებში გათვალისწინებულია   ქალების თანასწორუფლებიანობისა და საზოგადოებაში ინტეგრაციის ხელშეწყობის მიზნით ტრენინგების , ფორუმების , ეკონომიკური საქმიანობისთვის საჭირო ინვენტარის შესყიდვის , გამოფენების , ჩვენებებისა და სხვა ხარჯების დაფინანსება . 3.  საპროექტო განაცხადის განხილვისა და დაფინანსების ოდენობის განსაზღვრისას , მხედველობაში მიიღება საპროექტო განაცხადის შესაბამისობა ამ წესით დადგენილ მიმართულებებთან /პრიორიტეტებთან , მისი განხორციელების საერთო მიზანშეწონილობა ქალაქ რუსთავის მუნიციპალიტეტისთვის , პროექტის დასაბუთებულობა და ინტელექტუალური ღირებულება , აგრეთვე განმცხადებლის გამოცდილება  და უნარი განახორციელოს წარდგენილი პროექტი . 4. შენიშვნების არსებობის შემთხვევაში , ჯგუფი უფლებამოსილია განმცხადებელს მოსთხოვოს შესწორებული საპროექტო განაცხადის წარდგენა ჯგუფის მიერ განსაზღვრულ გონივრულ ვადაში . 5. ჯგუფის მიერ საპროექტო განაცხადის დადებითი შეფასების შემთხვევაში ჯგუფი საპროექტო განაცხადის დაფინანსების (თანხის ოდენობის მითითებით ) შესახებ რეკომენდაციით მიმართავს ქალაქ რუსთავის მუნიციპალიტეტის მერს . 6. მიღებული დასაბუთებული გადაწყვეტილება წერილობით ეცნობება განმცხადებელს . 7. ერთი და იმავე განმცხადებლის მიერ წარმოდგენილი პროექტი შესაძლებელია დაფინანსდეს კალენდარული წლის განმავლობაში არაუმეტეს 2-ჯერ . 8. ჯგუფი უფლებამოსილია კონკრეტული პროექტის დაფინანსების განხილვისას დაადგინოს მისი მონიტორინგის შესაბამისი მექანიზმი . 9. ჯგუფის მიერ დადებითი გადაწყვეტილების მიღების შემთხვევაში ქალაქ რუსთავის მუნიციპალიტეტის მერი გამოსცემს ინდივიდუალურ ადმინისტრაციულ -სამართლებრივ აქტს პროექტის დაფინანსების შესახებ (პროგრამიდან თანხის გამოყოფა ). მუხლი 6🔗. დაფინანსების გაცემა ქალაქ რუსთავის მუნიციპალიტეტის მერიის საფინანსო -საბიუჯეტო სამსახური  ქალაქ რუსთავის მუნიციპალიტეტის ბიუჯეტით   გათვალისწინებული ქვეპროგრამის „გენდერული თანასწორობის ხელშეწყობა “ (კოდი  01 02 07)   გამოყოფილი ასიგნებების ფარგლებში უზრუნველყოფს შესაბამისი  პროექტის დაფინანსებას  ქვეპროგრამის განმახორციელების მოთხოვნის საფუძველზე . მუხლი 7🔗. ხელშეკრულების დადება 1. ქვეპროგრამის განმახორციელებელსა და პროექტის წარმომდგენ პირს შორის პროექტის განხორციელებასთან დაკავშირებული საკითხები წესრიგდება მათ შორის გაფორმებული ხელშეკრულებით . 2. ამ მუხლის პირველი პუნქტით გათვალისწინებული ხელშეკრულების დადების საფუძველია ქალაქ რუსთავის მუნიციპალიტეტის მერის მიერ მიღებული საბოლოო გადაწყვეტილება . 3. ხელშეკრულების დადების , შეჩერების , შეცვლის და შეწყვეტის წესი რეგულირდება საქართველოს მოქმედი კანონმდებლობით . მუხლი 8🔗. კონტროლის განხორციელება ამ წესის ფარგლებში მიღებული გადაწყვეტილებების შესრულების კონტროლს ახორციელებს ქვეპროგრამის განმახორციელებელი , მის მიერ წინასწარ განსაზღვრული მონიტორინგის მექანიზმებით .