„მომსახურების ხარისხის წესების“ დამტკიცების შესახებ“

„მომსახურების ხარისხის წესების“ დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება №39 2018 წლის 28 დეკემბერი ქ. თბილისი „მომსახურების ხარისხის წესების“ დამტკიცების შესახებ „ელექტროენერგეტიკისა და ბუნებრივი გაზის შესახებ“ საქართველოს კანონის მე-2 მუხლის ჰ​29 ქვეპუნქტისა და მე-5 მუხლის პირველი პუნქტის „ლ“ ქვეპუნქტის საფუძველზე, საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დაადგინა: 1. დამტკიცდეს „მომსახურების ხარისხის წესები“. 2. ამ დადგენილების ამოქმედებისთანავე ძალადაკარგულად გამოცხადდეს: ა) „მომსახურების კომერციული ხარისხის წესების“ დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2016  წლის 25 ივლისის №13 დადგენილება (ვებგვერდი, 28/07/2016; სარეგისტრაციო კოდი: 300280000.16.009.016170); ბ) „ელექტროენერგიის განაწილების ლიცენზიატის მიერ მომხმარებელთა ელექტრომომარაგების საიმედოობის მაჩვენებელთა მონიტორინგის ინსტრუქციის“ დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2009 წლის 4 ივნისის №9 დადგენილება (სსმ, №71, 12/06/2009; სარეგისტრაციო კოდი: 300.280.000.16.009.013.163).            3. ეს დადგენილება, გარდა მისი პირველი პუნქტით დამტკიცებული „მომსახურების ხარისხის წესების“ მე-4 მუხლის მე-2 პუნქტის „დ“ ქვეპუნქტის, მე-5 მუხლის, 25-27-ე მუხლების, №1 დანართის მე-4 პუნქტისა და №2 დანართისა, ამოქმედდეს 2019 წლის პირველი ივლისიდან. 4. ამ დადგენილების პირველი პუნქტით დამტკიცებული „მომსახურების ხარისხის წესების“  მე-4 მუხლის მე-2 პუნქტის „დ“ ქვეპუნქტი, მე-5 მუხლი, 25-27-ე მუხლები, №1 დანართის მე-4 პუნქტი და №2 დანართი ამოქმედდეს 2020 წლის 1 იანვრიდან.საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე ირინა მილორავაკომისიის წევრიგიორგი ფანგანიკომისიის წევრიმაია მელიქიძეკომისიის წევრიგოჩა შონიაკომისიის წევრიდავით ნარმანია მომსახურების ხარისხის წესები თავი I ზოგადი დებულებები მუხლი 1🔗. წესების მიზანი 1. მომსახურების ხარისხის წესების (შემდგომში – წესები) მიზანს წარმოადგენს საწარმოს მიერ მომხმარებლისთვის გაწეული მომსახურების კომერციული ხარისხის გაუმჯობესება და ელექტროენერგიით, ბუნებრივი გაზითა და სასმელი წყლით მომხმარებლების საიმედო და უწყვეტი მომარაგება. 2. ეს წესები ადგენს ერთიან მოთხოვნებს შემდეგ საკითხებზე: ა) მომსახურების ხარისხის სტანდარტები; ბ) მოთხოვნები და კრიტერიუმები მომსახურების ხარისხის მიმართ; გ) მომსახურების ხარისხის სტანდარტების სამიზნე მაჩვენებლები; დ) ამ წესებით დადგენილი სტანდარტების სამიზნე მაჩვენებლების შეუსრულებლობის შემთხვევაში კომპენსირებისა და წახალისება-სანქცირების ფინანსური მექანიზმები. ე) საწარმოს მიერ მომხმარებლისთვის გაწეული მომსახურების ხარისხის შესახებ მონაცემების აღრიცხვა და ანალიზი; ვ) საწარმოს მიერ მომხმარებლებისათვის გაწეული მომსახურების ხარისხის შესახებ ინფორმაციის წარდგენა საქართველოს ენერგეტიკისა და წყალმომარაგების მარეგულირებელ ეროვნულ კომისიაში. 3. ამ წესების მოქმედება ვრცელდება იმ საწარმოებზე, რომლებიც ეწევიან ელექტროენერგიის განაწილების, წყალმომარაგების, ბუნებრივი გაზის განაწილების ან/და საცალო მომხმარებლისათვის ბუნებრივი გაზის მიწოდების საქმიანობას, ასევე იმ მომხმარებლებზე, რომლებიც მოცემული საწარმოებისგან იღებენ (ან ითხოვენ) ამ წესებით რეგულირებულ საქმიანობასთან დაკავშირებულ მომსახურებას. მუხლი 2🔗. ძირითადი პრინციპები 1. საწარმო ვალდებულია ამ წესების შესაბამისად გაუწიოს მომსახურება ყველა კატეგორიის მომხმარებელს. 2. საწარმო ვალდებულია მის მომსახურების ცენტრებში შექმნას შესაბამისი მატერიალურ-ტექნიკური ბაზა, რათა ჯეროვნად მოხდეს ამ წესებით გათვალისწინებული მომსახურების პირობების შესრულება, შესაბამისი ინფორმაციის სათანადოდ აღრიცხვა და კომისიისათვის წარდგენა. 3. მომხმარებელს უნდა შეეძლოს  წერილობითი ან ელექტრონული ფორმით მიმართოს საწარმოს როგორც იურიდიულ მისამართზე, ასევე მომსახურების ცენტრებსა და ოფიციალურ ვებგვერდზე. ამასთან, მიმართვა (განცხადება) დაუყოვნებლივ უნდა გატარდეს ელექტრონულ ჟურნალში, ამ წესების მოთხოვნების შესაბამისად. 4. საწარმო ვალდებულია ხელი შეუწყოს კომისიას ელექტრონული ჟურნალებისა და საჭირო პროგრამული უზრუნველყოფის დანერგვასა და ჯეროვან მუშაობაში. 5. მომხმარებელი, რომელიც მოითხოვს საწარმოსგან რაიმე სახის მომსახურების გაწევას, ვალდებულია ხელი არ შეუშალოს საწარმოს წარმომადგენლებს თავიანთი უფლებამოსილების განხორციელებაში, ხოლო საჭიროების შემთხვევაში, აღმოუჩინოს მათ სათანადო დახმარება. 6. საწარმოს მიერ მომსახურების ხარისხის საერთო სტანდარტების გაუმჯობესების ან გაუარესების მიხედვით, საწარმოს მიმართ გამოიყენება ამ წესების №1 დანართით გათვალისწინებული ფინანსური მექანიზმები, რომლებიც დადგენილი წესით აისახება ამ საწარმოსთვის შესაბამის საქმიანობაზე კომისიის მიერ დადგენილ ტარიფში. 7. საწარმოს მიერ მომსახურების კომერციული ხარისხის გარანტირებული სტანდარტებით გათვალისწინებული მომსახურების ამ წესებით დადგენილი მოთხოვნების დარღვევით გაწევის შემთხვევაში, იგი ვალდებულია, გადაუხადოს შესაბამის მომხმარებელს კომპენსაცია ამ წესების №2 დანართის შესაბამისად. 8. ამ წესების მიზნებისათვის, საწარმო პასუხისმგებელია ისეთი ხასიათის მომარაგების წყვეტაზე, რომელიც არ არის განპირობებული გარე მიზეზით. მუხლი 3🔗. ტერმინთა განმარტებები 1. წესებში გამოყენებულ ტერმინებს აქვთ იგივე მნიშვნელობა, რაც „ელექტროენერგეტიკისა და ბუნებრივი გაზის შესახებ“ საქართველოს კანონში. 2. ამ წესებში მითითებული ვადები აითვლება იმავე წესითა და პირობებით, როგორც ეს განსაზღვრულია საქართველოს სამოქალაქო კოდექსით. 3. წესებში გამოყენებულ სხვა ტერმინებს გააჩნია შემდეგი მნიშვნელობები: ა) არაგეგმური წყვეტა – მომარაგების დაუგეგმავი წყვეტა, რომლის შესახებ მომხმარებლები წინასწარ არ არიან ინფორმირებულები; ბ) ბუნებრივი გაზით მომარაგების წყვეტა – შემთხვევა, რომლის დროსაც ბუნებრივი გაზის წნევა მომხმარებლის მიერთების წერტილში ნულის ტოლია; გ) გარე მიზეზი – ფორსმაჟორული გარემოება (დაუძლეველი ძალა) ან საწარმოსგან დამოუკიდებელი ნებისმიერი სხვა მიზეზი, რომლითაც გამოწვეულია ამ წესებით დადგენილი საერთო ან გარანტირებული სტანდარტის შეუსრულებლობა. გარე მიზეზი უნდა დასტურდებოდეს საწარმოს ხელმძღვანელის ან მის მიერ უფლებამოსილი პირის ხელმოწერილი დოკუმენტით, გარდა ახალი მომხმარებლის მიერთების/სიმძლავრის გაზრდის სტანდარტის შეუსრულებლობისა; დ) გაუწეველი მომსახურება – ამ წესებით დადგენილი გარანტირებული სტანდარტის შიდა მიზეზით შეუსრულებლობა; ე) გეგმური წყვეტა – მომარაგების დაგეგმილი წყვეტა, რომლის შესახებ მომხმარებლები წინასწარ უნდა იყვნენ ინფორმირებულები; ვ) დაბალი ძაბვა – ამ წესების მიზნებისათვის 1 კვ-ზე ნაკლები (380/220)  ძაბვის დონე; ზ) დავალიანება – ის თანხა, რომელიც კომისიის ნორმატიული ადმინისტრაციულ-სამართლებრივი აქტის შესაბამისად, საწარმომ უნდა ასახოს ანგარიშსწორების ქვითარში და რომლის გადაუხდელობის შემთხვევაშიც საწარმო უფლებამოსილია შეუწყვიტოს მომხმარებელს მომარაგება; თ) ელექტროენერგიით მომარაგების წყვეტა – შემთხვევა, რომლის დროსაც ძაბვა მომხმარებლის მიერთების წერტილებში ნომინალური ძაბვის 1%-ზე დაბალია; ი) ელექტროენერგიის ხანგრძლივი წყვეტა – ელექტროენერგიის მომარაგების გეგმური ან არაგეგმური წყვეტა, რომლის ხანგრძლივობა აღემატება 5 წუთს; კ) ელექტროენერგიის ხანმოკლე წყვეტა ელექტროენერგიით მომარაგების არაგეგმური წყვეტა, რომლის ხანგრძლივობა არ აღემატება 5 წუთს; ლ) ელექტრონული ჟურნალი – კომისიის მიერ შემუშავებული პროგრამული სისტემა, რომლის მეშვეობითაც ხდება ანგარიშგება ამ წესებით გათვალისწინებული მომსახურების შესრულებასთან დაკავშირებით და რომლის მეშვეობითაც კომისია რეალური დროის რეჟიმში აკონტროლებს საწარმოს მიერ ამ წესების მოთხოვნების შესრულებას; მ) კომპენსაცია – ფულადი თანხა, რომელსაც საწარმო უხდის მომხმარებელს მის სააბონენტო ბარათზე, გაუწეველი მომსახურების შემთხვევაში, ამ წესების შესაბამისად; ნ) მარტივი სამუშაო – სარემონტო სამუშაო, რომლის შესრულებაც არ საჭიროებს ძირითადი საშუალებების ნაწილობრივ ან სრულ შეცვლას/დამონტაჟებას, ასევე, ისეთი სამუშაო, რომელიც შემოიფარგლება მხოლოდ მომხმარებლ(ებ)ის სისტემასთან მიერთების წერტილში საჭირო სამუშაოებით, აღრიცხვის კვანძის მონტაჟის, შეცვლის, შეკეთების ან/და ადგილზე შემოწმების ჩათვლით; ო) მაღალმთიანი დასახლება – დასახლება, რომელსაც „მაღალმთიანი რეგიონების განვითარების შესახებ“ საქართველოს კანონის შესაბამისად მინიჭებული აქვს მაღალმთიანი დასახლების სტატუსი; პ) მაღალი ძაბვა – 35-110 კვ ძაბვა; ჟ) მედია საშუალება – ინფორმაციის გავრცელების ისეთი საშუალება, რომელიც მასობრივადაა გავრცელებული შესაბამის ადმინისტრაციულ-ტერიტორიულ ერთეულში და რომლის სახელწოდება საწარმოს მიერ წინასწარ არის განთავსებული საყოველთაოდ  ხელმისაწვდომ ადგილზე (მათ შორის, საწარმოს ოფიციალურ ვებგვერდზე); რ) მომარაგება – მომსახურე საწარმოს მიერ მომხმარებლის მომარაგება ელექტროენერგიით, სასმელი წყლით ან ბუნებრივი გაზით, მისი საქმიანობის შესაბამისად; ს) მომარაგების წყვეტა – მომარაგების გეგმური და არაგეგმური წყვეტა; ტ) მომარაგების აღდგენა – წყვეტის შემდეგ საწარმოს ქსელში დადგენილი ნორმებისა და სტანდარტების შესაბამისი ელექტროენერგიით, ბუნებრივი გაზით ან სასმელი წყლით მომარაგების აღდგენა; უ) მომსახურების ხარისხის სტანდარტი – მომსახურების კომერციული ხარისხის ან მომარაგების საიმედოობის მინიმალური დონე, რომლის შესრულება-შეუსრულებლობაზეც კომისიის მიერ დადგენილია წახალისება-სანქცირების ფინანსური მექანიზმი (საერთო სტანდარტი) ან მომხმარებლის სასარგებლოდ კომპენსაციის გადახდის ვალდებულება (გარანტირებული სტანდარტი); ფ) მომსახურების კომერციული ხარისხის სტანდარტი – სტანდარტი, რომელიც შეეხება საწარმოს მიერ მომარაგების წყვეტაზე მომხმარებლის ინფორმირებას ან მომხმარებლის განცხადებაზე რეაგირებას; ქ) მომარაგების საიმედოობის სტანდარტი – სტანდარტი, რომელიც შეეხება საწარმოს მიერ მომარაგების ხარისხს, მათ შორის, წყვეტების დროულ აღმოფხვრასა და შემცირებას; ღ) მომარაგების ტექნიკური ხარისხი – ელექტროენერგეტიკის სექტორში - ძაბვის ხარისხი, ხოლო ბუნებრივი გაზისა და წყალმომარაგების სექტორებში – წნევა (დაწნევა); ყ) მომხმარებელი – ელექტროენერგიის, ბუნებრივი გაზის ან სასმელი წყლის მომხმარებელი; შ) მომხმარებლის კატეგორია – საყოფაცხოვრებო მომხმარებელი და არასაყოფაცხოვრებო მომხმარებელი; ჩ) რთული სამუშაო – ისეთი სამუშაო, რომელიც არ განეკუთვნება მარტივი სამუშაოს კატეგორიას, მათ შორის, ისეთი სამუშაო, რომლის შედეგადაც ხდება გამანაწილებელი ქსელის  (სისტემის) ძირითადი საშუალებების შეცვლა/დამონტაჟება ან მშენებლობა/რეკონსტრუქცია; ც) სამუშაო დღე – კალენდარული დღე, გარდა შაბათს-კვირისა და საქართველოს კანონმდებლობით დადგენილი უქმე დღეებისა; ძ) საბაზისო წელი – კომისიის მიერ ტარიფის გაანგარიშების წლის წინა კალენდარული წელი; წ) სამიზნე მაჩვენებელი – მაჩვენებელი, რომელიც განსაზღვრავს მომსახურების ხარისხის საერთო სტანდარტის მინიმალურ დონეს და დგინდება კომისიის მიერ. ჭ) სასმელი წყლით მომარაგების წყვეტა – შემთხვევა, რომლის დროსაც დაწნევა მომხმარებლის მიერთების წერტილში ნაკლებია 0.1 მგპა-ზე; ხ) საშუალო ძაბვა – 10-6-3.3 კვ ძაბვა; ჯ) საწარმო – ელექტროენერგიის განაწილების ლიცენზიატი, წყალმომარაგების ლიცენზიატი, ბუნებრივი გაზის განაწილების ლიცენზიატი და ბუნებრივი გაზის მიმწოდებელი, რომელიც ბუნებრივ გაზს აწვდის საცალო მომხმარებელს; ჰ) ტერიტორიული უბნები – საწარმოს საქმიანობის არეალში წყვეტების რეგისტრაციისას გამოყენებული დასახლებები: ქალაქი ან სხვა დასახლება; ჰ​1) ფორსმაჟორი (დაუძლეველი ძალა) – ისეთი გარემოებები (მიწისძვრა,  წყალდიდობა,  სახელმწიფო გადატრიალება და სხვა), რომლებიც არ არის დამოკიდებული საწარმოზე ან არ ექვემდებარება მის კონტროლს, გააჩნია წინასწარ გაუთვალისწინებელი ხასიათი და რომელთა გამოც საწარმო ვერ ასრულებს ამ წესებით გათვალისწინებული მომსახურების პირობებს. აღნიშნული გარემოება უნდა დასტურდებოდეს კომპეტენტური ორგანოს მიერ, მასობრივი  ინფორმაციის საშუალებებით ან საწარმოს ხელმძღვანელის (მის მიერ უფლებამოსილი პირის) მიერ ხელმოწერილი დოკუმენტით; ჰ​2) ქსელი (სისტემა) – ელექტროენერგიის ან/და ბუნებრივი გაზის გამანაწილებელი ქსელი, ასევე სასმელი წყლის წყალმომარაგების სისტემა; ჰ​3) შიდა მიზეზი – გარემოება, რომლითაც გამოწვეულია ამ წესებით დადგენილი საერთო ან გარანტირებული სტანდარტის შეუსრულებლობა ან მომარაგების გეგმური/არაგეგმური წყვეტა, რომელზეც პასუხისმგებლობა ეკისრება საწარმოს (რომელიც არ არის განპირობებული გარე მიზეზით); ჰ​4) წყვეტის დასასრული – ამომრთველის ან/და გამთიშველის კონტაქტების, ჩამკეტ-მარეგულირებელი არმატურის, ან სხვა ანალოგიური მოწყობილობის ჩართვის დრო, რის შედეგადაც ხდება მომარაგების აღდგენა (ბუნებრივი გაზის სექტორში - მომხმარებლის ობიექტთან არსებულ უახლოეს რეგულატორამდე ბუნებრივი გაზის მიწოდების დრო); ჰ​5) წყვეტის დასაწყისი – ამომრთველის/გამთიშველის კონტაქტების, ჩამკეტ-მარეგულირებელი არმატურის ან სხვა ანალოგიური მოწყობილობის გამორთვის დრო (თარიღი, საათი და წუთი) ან მომხმარებლის, მესამე პირის, საწარმოს პერსონალის ან ტექნიკური/პროგრამული საშუალებიდან მომარაგების წყვეტის შესახებ პირველი შეტყობინების მიღების/დაფიქსირების დრო (თარიღი, საათი და წუთი); ჰ​6) 24-საათიანი სატელეფონო ცხელი ხაზი (ქოლცენტრი) – მომხმარებელთა სატელეფონო მომსახურების უზრუნველსაყოფად, პერსონალითა და სათანადო მოწყობილობებით (პროგრამული უზრუნველყოფით) აღჭურვილი საკომუნიკაციო პუნქტი. მუხლი 4🔗. მომსახურების ხარისხის სტანდარტები 1. მომსახურების ხარისხის სტანდარტები იყოფა მომარაგების საიმედოობისა და მომსახურების კომერციული ხარისხის სტანდარტებად. მომსახურების ხარისხის სტანდარტი, მის შესრულებაზე დაწესებული ფინანსური ზემოქმედების ხასიათიდან გამომდინარე, შეიძლება იყოს საერთო ან გარანტირებული. 2. მომსახურების ხარისხის საერთო სტანდარტის შესრულება არ არის დამოკიდებული ერთი კონკრეტული მომხმარებლის მიმართ გაწეულ მომსახურებაზე. მომსახურების ხარისხის საერთო სტანდარტის სამიზნე მაჩვენებლები დადგენილია კალენდარული წლის განმავლობაში საწარმოს მიერ მომხმარებელთა განუსაზღვრელი რაოდენობისთვის, შემდეგ მომსახურებებზე: ა) წყვეტის თარიღისა და ხანგრძლივობის თაობაზე მომხმარებელთა ინფორმირება; ბ) შიდა არაგეგმური წყვეტის გამო გამორთული მომხმარებლებისათვის მომარაგების აღდგენა; გ) ქოლცენტრის ოპერატორის პასუხის გაცემის დრო სატელეფონო ზარზე; დ) მომარაგების წყვეტების საშუალო ხანგრძლივობის შემცირება. 3. მომსახურების კომერციული ხარისხის გარანტირებული სტანდარტის შესრულება გულისხმობს ამ წესების მოთხოვნათა სრული დაცვით, საწარმოს მიერ ინდივიდუალური მომხმარებლისათვის შემდეგი სახის მომსახურების გაწევას: ა) დავალიანების გადაუხდელობისთვის გათიშული მომხმარებლებისთვის მომარაგების აღდგენა; ბ) მომხმარებლის წერილობით/ელექტრონულ მიმართვაზე დასაბუთებული პასუხის გაცემა/ტექსტური შეტყობინების გაგზავნა  ან/და რეაგირება; გ) მომხმარებლის მიმართვის საფუძველზე აღრიცხვის ხელსაწყოების ადგილზე შემოწმება; დ)  აბონენტად დარეგისტრირება და მოთხოვნილი პირობებით მომარაგების უზრუნველყოფა; ე) ახალი მომხმარებლის მიერთება/სიმძლავრის გაზრდა; ვ) მომხმარებლის მიმართვის საფუძველზე მომარაგების ტექნიკური ხარისხის ადგილზე შემოწმება; ზ) ახალი მომხმარებლის მიერთების ტექნიკური პირობის გაცემა; თ) აღრიცხვის კვანძის მოწყობა და ქსელზე შეჭრა. თავი II მომარაგების საიმედოობის მაჩვენებლები მუხლი 5🔗. მომარაგების საიმედოობის სტანდარტის კრიტერიუმები 1. საწარმოს მიერ მომარაგების საიმედოობის სტანდარტის შესრულება ფასდება მომარაგების წყვეტების საშუალო ხანგრძლივობის მაჩვენებლით. 2. საიმედოობის სტანდარტის მიზნებისათვის წყვეტის ხანგრძლივობა გამოითვლება წყვეტის დასაწყისიდან მის დასასრულამდე. 3. მომარაგების საიმედოობის ახალი საერთო სტანდარტის დადგენისას, მისი სამიზნე მაჩვენებლების შესაბამის ტარიფში ასახვა, დასაშვებია ცვლილების მიღებიდან სულ მცირე ორი კალენდარული წლის გასვლის შემდეგ. მუხლი 6🔗. წყვეტების საშუალო ხანგრძლივობის მაჩვენებელი 1. წყვეტის საშუალო ხანგრძლივობის მაჩვენებელი განსაზღვრავს საანგარიშო პერიოდში ელექტროენერგიის ხანგრძლივი წყვეტების, ბუნებრივი გაზის და სასმელი წყლის წყვეტების საშუალო ხანგრძლივობას საწარმოს ერთ მომხმარებელზე კონკრეტულ რეგიონში. 2. წყვეტის საშუალო ხანგრძლივობის მაჩვენებელი საწარმომ უნდა აღრიცხოს არაგეგმური და გეგმური წყვეტებისათვის. 3. წყვეტების საშუალო ხანგრძლივობა საწარმოს ერთ მომხმარებელზე კონკრეტულ რეგიონში განისაზღვრება შემდეგი ფორმულით: 4. კონკრეტული წყვეტის დროს მომარაგების ეტაპობრივი აღდგენის შემთხვევაში, SAIDI-ის გაანგარიშებაში გათვალისწინებული უნდა იქნეს თითოეული ეტაპი ცალ-ცალკე. შესაბამისად, მომარაგების აღდგენის ყოველ ეტაპზე უნდა მიეთითოს წყვეტის ხანგრძლივობა და ჩართულ მომხმარებელთა რაოდენობა. წყვეტის ხანგრძლივობა მომარაგების აღდგენის ყოველ ეტაპზე გამოითვლება როგორც სხვაობა წყვეტის დასაწყისსა და მომარაგების აღდგენის დროს შორის.  მუხლი 7🔗. წყვეტების საშუალო სიხშირის მაჩვენებელი 1. წყვეტის საშუალო სიხშირის მაჩვენებელი განსაზღვრავს საანგარიშო პერიოდში ელექტროენერგიის ხანგრძლივი წყვეტების, ბუნებრივი გაზის და სასმელი წყლის წყვეტების საშუალო სიხშირეს საწარმოს ერთ მომხმარებელზე კონკრეტულ რეგიონში. 2. წყვეტის საშუალო სიხშირის მაჩვენებელი საწარმომ უნდა აღრიცხოს არაგეგმური და გეგმური წყვეტებისათვის. 3. წყვეტების საშუალო სიხშირე საწარმოს ერთ მომხმარებელზე კონკრეტულ რეგიონში განისაზღვრება შემდეგი ფორმულით: 4. კონკრეტული წყვეტის დროს, მომარაგების ეტაპობრივი აღდგენისას, თუ რომელიმე ეტაპზე გამორთული მომხმარებლების მომარაგების აღდგენისათვის საჭიროა წინა ეტაპზე ჩართული მომხმარებლების განმეორებით გამორთვა და ამ გამორთვის ხანგრძლივობა აღემატება 5 წუთს, ასეთ შემთხვევაში აღნიშნული წყვეტა ჩაითვლება ცალკე ხანგრძლივ წყვეტად. მუხლი 8🔗. ელექტროენერგიის ხანმოკლე წყვეტების საშუალო სიხშირის მაჩვენებელი 1. ხანმოკლე წყვეტის საშუალო სიხშირის მაჩვენებელი განსაზღვრავს საანგარიშო პერიოდში ელექტროენერგიის ხანმოკლე წყვეტების საშუალო სიხშირეს საწარმოს ერთ მომხმარებელზე კონკრეტულ რეგიონში. 2. ხანმოკლე წყვეტის საშუალო სიხშირის მაჩვენებელი საწარმომ უნდა აღრიცხოს არაგეგმური წყვეტებისათვის. 3. ელექტროენერგიის ხანმოკლე წყვეტების საშუალო სიხშირე საწარმოს ერთ მომხმარებელზე კონკრეტულ რეგიონში განისაზღვრება შემდეგი ფორმულით: მუხლი 9🔗. მიუწოდებელი ელექტროენერგიის განსაზღვრა 1. ხანგრძლივი წყვეტის შედეგად მომხმარებლებისათვის მიუწოდებელი ელექტროენერგიის რაოდენობა კონკრეტულ რეგიონში განისაზღვრება შემდეგი ფორმულით:    2. იმ შემთხვევაში, თუ კონკრეტული წყვეტის დროს ვერ დგინდება შეწყვეტილი სიმძლავრე, აღნიშნული სიმძლავრე გამოითვლება შემდეგნაირად: შესაბამის ელექტროგადამცემ ხაზზე/სატრანსფორმატორო ქვესადგურზე მიერთებული აბონენტების მიერ მოხმარებული ელექტროენერგიის ჯამური ოდენობა გაყოფილი წელიწადში საათების რაოდენობაზე. მუხლი 10🔗. სასმელი წყლით მომარაგების ხელმისაწვდომობის მაჩვენებელი 1. მომარაგების ხელმისაწვდომობის მაჩვენებელი განსაზღვრავს საანგარიშო პერიოდში სასმელი წყლით მომარაგებაზე ხელმისაწვდომობას საწარმოს ერთ მომხმარებელზე კონკრეტულ რეგიონში. 2. მომარაგების ხელმისაწვდომობის მაჩვენებელი გამოითვლება საწარმოს იმ რეგიონებისათვის, სადაც 24 საათიანი წყალმომარაგებაა. 3. სასმელი წყლით მომარაგების ხელმისაწვდომობის მაჩვენებელი (ASAI) განისაზღვრება შემდეგი ფორმულით:  მუხლი 11🔗. ტერიტორიული უბნები საწარმოს მომსახურების არეალში არსებული რეგიონები, წყვეტების აღრიცხვისა და მომარაგების საიმედოობის მაჩვენებლების მონიტორინგის მიზნებისათვის იყოფა შემდეგ ტერიტორიულ უბნებად: ა) ქალაქი – საქართველოს ადმინისტრაციულ-ტერიტორიული დაყოფის თანახმად; ბ) სხვა დასახლება – ქალაქის გარდა ყველა დასახლება. მუხლი 12🔗. წყვეტები და მათი მიზეზები 1. ამ წესების მიზნებისათვის განიხილება შემდეგი სახის წყვეტები: ა) ელექტროენერგიის განაწილების ლიცენზიატებისათვის: ა.ა) ხანგრძლივი გეგმური და არაგეგმური წყვეტები; ა.ბ) ხანმოკლე არაგეგმური წყვეტები; ბ) ბუნებრივი გაზის და წყალმომარაგების სექტორში – გეგმური და არაგეგმური წყვეტები. 2. საწარმომ წყვეტების ელექტრონულ ჟურნალში გეგმური წყვეტის მიზეზი უნდა მიუთითოს შემდეგი კლასიფიკაციის მიხედვით: ა) შიდა; ბ) გარე (გარდა ფორსმაჟორისა); გ) ფორსმაჟორი. 3. საწარმომ წყვეტების ელექტრონულ ჟურნალში არაგეგმური წყვეტის მიზეზი უნდა მიუთითოს შემდეგი კლასიფიკაციის მიხედვით: ა) შიდა; ბ) გარე (გარდა ფორსმაჟორისა); გ) ფორსმაჟორი. მუხლი 13🔗. გეგმური წყვეტის ხანგრძლივობა 1. ელექტროენერგეტიკის სექტორში გეგმური წყვეტის ხანგრძლივობა არ უნდა აღემატებოდეს: ა) მარტივი სამუშაოებისათვის – 6 საათს; ბ) რთული სამუშაოებისათვის – 12 საათს. 2. ბუნებრივი გაზისა და წყალმომარაგების სექტორებში გეგმური წყვეტის ხანგრძლივობა არ უნდა აღემატებოდეს: ა) მარტივი სამუშაოებისათვის 6 საათს. ბ) რთული სამუშაოებისათვის: ბ.ა) 12 საათს, არაუმეტეს 200 მომხმარებლის გამორთვის შემთხვევაში; ბ.ბ) 24 საათს, 200-დან 500-მდე მომხმარებლის გამორთვის შემთხვევაში; ბ.გ) 48 საათს, 500-ზე მეტი მომხმარებლის გამორთვის შემთხვევაში. 3. თუ გეგმური წყვეტის ფაქტობრივი ხანგრძლივობა აღემატება ამ მუხლის პირველი ან მე-2 პუნქტით შესაბამისი წყვეტისთვის გათვალისწინებულ დროს, ასეთ შემთხვევაში გადამეტებული დრო ჩაითვლება არაგეგმური წყვეტის დროდ. მუხლი 14🔗. წყვეტის დასაწყისის და დასრულების რეგისტრაცია 1. საწარმომ უნდა აღრიცხოს გეგმური წყვეტის დასაწყისი, რომელიც შეესაბამება ამომრთველის ან/და გამთიშველის კონტაქტების, ჩამკეტ-მარეგულირებელი არმატურის, ან სხვა ანალოგიური მოწყობილობის გამორთვის დროს. 2. საწარმომ უნდა აღრიცხოს არაგეგმური წყვეტის დასაწყისი, რომელიც შეესაბამება საწარმოს პერსონალის ან მომხმარებლის მიერ წყვეტის შესახებ პირველი შეტყობინების თარიღს, საათს და წუთს. 3. საწარმომ უნდა აღრიცხოს წყვეტის დასრულების დრო, რომელიც შეესაბამება ამომრთველის ან/და გამთიშველის კონტაქტების, ჩამკეტ-მარეგულირებელი არმატურის, ან სხვა ანალოგიური მოწყობილობის ჩართვის დროს (ბუნებრივი გაზის სექტორში – მომხმარებლის ობიექტთან არსებულ უახლოეს რეგულატორამდე ბუნებრივი გაზის მიწოდების დროს). მუხლი 15🔗. წყვეტების ჟურნალში შემავალი ინფორმაციის შემოწმება  1. საწარმომ რეალურ დროში უნდა აწარმოოს წყვეტების შესახებ ელექტრონული ჟურნალი, სადაც თითოეულ წყვეტას უნდა მიენიჭოს რეგისტრაციის ნომერი. 2. ინფორმაცია თითოეულ წყვეტაზე ასევე უნდა აღირიცხებოდეს (დასტურდებოდეს) ერთ-ერთი შემდეგი საშუალებით: ა) ოპერატიული ჟურნალით; ბ) დისტანციური მართვის სისტემებისა და წყვეტების სარეგისტრაციო სხვა მოწყობილობების ბეჭდური ან ელექტრონული ფაილით; გ) მომხმარებელთა სატელეფონო და სხვა სახის შეტყობინებათა ჟურნალით; დ) შესრულებულ სამუშაოსთან დაკავშირებით ოპერატიული პერსონალის ანგარიშით; ე) გეგმურ  წყვეტასთან  დაკავშირებით  მომხმარებელთა  წინასწარი ინფორმირების თაობაზე დოკუმენტით. 3. საწარმომ, ელექტრონულ ჟურნალში შეტანილი ინფორმაციის შესამოწმებლად, ყველა მონაცემი უნდა შეინახოს წყვეტის რეგისტრაციის თარიღიდან არანაკლებ 3 წლის განმავლობაში, კომისიისათვის ხელმისაწვდომი მატერიალური ან ელექტრონული ფორმით. თავი III კომერციული მომსახურების სახეები მუხლი 16🔗. მომსახურების კომერციული ხარისხის კრიტერიუმები 1. საწარმომ მომხმარებლებს უნდა გაუწიოს მომსახურება, რომლის ხარისხის მინიმალური კრიტერიუმები განისაზღვრება ამ მუხლით. 2. მომსახურების კომერციული ხარისხის სტანდარტების კრიტერიუმები განიმარტება შემდეგნაირად: ა) მომხმარებელთა ინფორმირება მომარაგების წყვეტის თარიღისა და ხანგრძლივობის თაობაზე (საერთო სტანდარტი): ა.ა) გეგმური წყვეტის შემთხვევაში – საწარმო ვალდებულია, შესაბამის არეალში არსებულ მომხმარებლებს, რომელთაც საკონტაქტო მონაცემები მიწოდებული აქვთ საწარმოსათვის, მათ მიერ შერჩეული ფორმით (ელექტრონული ფოსტით ან მოკლე ტექსტური შეტყობინებით) აცნობოს შესაბამის არეალში დაგეგმილი  სარემონტო  სამუშაოების  შესახებ.  მომხმარებლის  ინფორმირება  უნდა  მოხდეს სამუშაოების დაწყებამდე არაუმეტეს 5 და არანაკლებ 1 კალენდარული დღით ადრე. საწარმო ვალდებულია, შეტყობინებაში ზუსტად მიუთითოს სამუშაოების დაწყების დრო და ხანგრძლივობა (ამასთან, მომხმარებელი მიიჩნევა ინფორმირებულად, თუ წყვეტა აღმოიფხვრა შეტყობინებაში მითითებულ დროში, არაუმეტეს 2-საათიანი ცდომილებით). იმ შემთხვევაში, თუ დაგეგმილი სამუშაოების შედეგად მომარაგება უწყდება შესაბამის თვითმმართველ ერთეულში  არსებულ  მომხმარებელთა  2  პროცენტზე  მეტს, მაგრამ  არანაკლებ  500  მომხმარებლისა, ზემოაღნიშნულ ვადაში საწარმომ ასევე უნდა გაავრცელოს ინფორმაცია მედიასაშუალებით, მოქმედი კანონმდებლობით დადგენილი წესით. თუ გარე მიზეზის გამო შეუძლებელია ამ ქვეპუნქტში მითითებული ინფორმაციის გავრცელების ვადის დაცვა, საწარმო ვალდებულია მოახდინოს მომხმარებლის ინფორმირება მოსალოდნელი წყვეტის შესახებ ინფორმაციის მიღებისთანავე; ა.ბ) არაგეგმური წყვეტის შემთხვევაში – საწარმო ვალდებულია, შესაბამის არეალში არსებულ მომხმარებლებს, რომელთაც საკონტაქტო მონაცემები მიწოდებული აქვთ საწარმოსათვის, მათ მიერ შერჩეული ფორმით (ელექტრონული ფოსტით ან მოკლე ტექსტური შეტყობინებით) დაუყოვნებლივ, მაგრამ წყვეტის დასაწყისიდან არაუგვიანეს 3 საათისა, აცნობოს გათიშვის ზუსტი მიზეზი და მომარაგების აღდგენის სავარაუდო დრო. მომხმარებელი მიიჩნევა ინფორმირებულად, თუ წყვეტა აღმოიფხვრა შეტყობინებაში მითითებულ დროში, არაუმეტეს 2-საათიანი, ხოლო მაღალმთიან დასახლებაში – 3-საათიანი ცდომილებით. იმ შემთხვევაში, თუ მომარაგება შეუწყდა შესაბამის თვითმმართველ ერთეულში  არსებულ  მომხმარებელთა  2  პროცენტზე  მეტს, მაგრამ  არანაკლებ  500  მომხმარებლისა, საწარმომ ასევე უნდა გაავრცელოს შესაბამისი ინფორმაცია მის ოფიციალურ ვებგვერდზე; ბ) შიდა არაგეგმური წყვეტის გამო გამორთული მომხმარებლის მომარაგების აღდგენა (საერთო სტანდარტი) – საწარმო ვალდებულია, აღმოფხვრას შიდა არაგეგმური წყვეტა არაუმეტეს 12 საათის ვადაში; გ)   ქოლცენტრის ოპერატორის  პასუხის  გაცემის  დრო  სატელეფონო  ზარზე  (საერთო სტანდარტი) – საწარმო  ვალდებულია, ქოლცენტრში  შემომავალ ზარებს უპასუხოს მათი დაფიქსირებიდან 80 წამის განმავლობაში; დ) დავალიანების გადაუხდელობისთვის გათიშული მომხმარებლებისთვის მომარაგების აღდგენა (გარანტირებული სტანდარტი) – საწარმო ვალდებულია უზრუნველყოს გადაუხდელობისთვის გათიშული მომხმარებლისთვის მომარაგების აღდგენა „მიწოდებისა და მოხმარების წესების“ შესაბამისად, დადგენილ ვადაში; ე) მომხმარებელთა მიმართვებზე დასაბუთებული პასუხის ან ტექსტური შეტყობინების გაგზავნა ან/და რეაგირება (გარანტირებული სტანდარტი) – საწარმო ვალდებულია, მომხმარებლის წერილობით/ელექტრონულ მიმართვაზე გასცეს დასაბუთებული პასუხი, გააგზავნოს ტექსტური შეტყობინება ან/და მოახდინოს შესაბამისი რეაგირება „მიწოდებისა და მოხმარების წესების“ შესაბამისად, დადგენილ ვადაში; ვ) მომხმარებელთა მიმართვის საფუძველზე აღრიცხვის ხელსაწყოების ადგილზე შემოწმება (გარანტირებული სტანდარტი) - საწარმო ვალდებულია, უზრუნველყოს აღრიცხვის ხელსაწყოს ადგილზე შემოწმება (მათ შორის, მრიცხველის შეცვლის, დალუქვის ან მრიცხველის დაზიანების ან/და გაუმართაობის შესახებ მომხმარებლის განაცხადის მიღების შემთხვევაში) „მიწოდებისა და მოხმარების წესების“ შესაბამისად, დადგენილ ვადაში; ზ) აბონენტად დარეგისტრირება (გარანტირებული სტანდარტი) – საწარმო ვალდებულია, დაარეგისტრიროს პირი აბონენტად და უზრუნველყოს მისი  მომარაგება „მიწოდებისა და მოხმარების წესების“ შესაბამისად, დადგენილ ვადაში. ეს სტანდარტი ვრცელდება მხოლოდ  იმ  საცხოვრებელი ბინის, საწარმოს ან სხვა ობიექტის მომარაგებაზე, რომელიც მოქმედი კანონმდებლობის შესაბამისად მარაგდება; თ) ახალი მომხმარებლის მიერთება/სიმძლავრის გაზრდა (გარანტირებული სტანდარტი) – საწარმო ვალდებულია, უზრუნველყოს ახალი მომხმარებლის სისტემაზე მიერთება/სიმძლავრის გაზრდა და მომარაგების დაწყება „მიწოდებისა და მოხმარების წესების“ შესაბამისად, დადგენილ ვადაში; ი) მომხმარებელთა მიმართვის საფუძველზე მომარაგების ტექნიკური ხარისხის ადგილზე შემოწმება (გარანტირებული სტანდარტი) – საწარმო ვალდებულია, უზრუნველყოს მომარაგების ტექნიკური ხარისხის ადგილზე შემოწმება „მიწოდებისა და მოხმარების წესების“  შესაბამისად, დადგენილ ვადაში; კ) ახალი მომხმარებლის მიერთების ტექნიკური პირობის გაცემა (გარანტირებული სტანდარტი) - საწარმო ვალდებულია სისტემაზე ახალი მომხმარებლის მიერთების ტექნიკური პირობა უფასოდ გასცეს „მიწოდებისა და მოხმარების წესების“ შესაბამისად, დადგენილ ვადაში (სტანდარტი მოქმედებს ისეთი მიერთების მოთხოვნაზე, რომელზეც არ ვრცელდება ახალი მომხმარებლის მიერთების საფასური); ლ) აღრიცხვის კვანძის მოწყობა და ქსელზე შეჭრა (გარანტირებული სტანდარტი) - საწარმო ვალდებულია მოაწყოს აღრიცხვის კვანძი და დაიწყოს მომარაგება „მიწოდებისა და მოხმარების წესების“ შესაბამისად, დადგენილ ვადაში (სტანდარტი მოქმედებს ისეთი მიერთების მოთხოვნაზე, რომელზეც არ ვრცელდება ახალი მომხმარებლის მიერთების საფასური). მუხლი 17🔗. მომსახურების შესრულების ვადების გამოთვლა 1. საერთო და გარანტირებული სტანდარტით გათვალისწინებული მომსახურების შესრულების ვადები აითვლება ამ მუხლით გათვალისწინებული წესით: ა) წყვეტის  თაობაზე   მომხმარებელთა   ინფორმირებისათვის   საჭირო   დრო  აითვლება: ა.ა) გეგმური წყვეტის შემთხვევაში – მომარაგების წყვეტის შესახებ მომხმარებლების ინფორმირებიდან მომარაგების ფაქტობრივ წყვეტამდე; ა.ბ) არაგეგმური წყვეტის შემთხვევაში – მომარაგების წყვეტის დასაწყისიდან მომხმარებლების ინფორმირებამდე; ბ)  მომარაგების  არაგეგმური  წყვეტის  გამო სამუშაოების შესრულებისთვის საჭირო  დრო  აითვლება წყვეტის დასაწყისიდან მომარაგების აღდგენამდე; გ) ქოლცენტრის ოპერატორის პასუხის დრო, წამებში განსაზღვრული, აითვლება სტანდარტულ სიტუაციაში ქოლცენტრში მომხმარებლის შემომავალი ზარის დაფიქსირებიდან ოპერატორისაგან პასუხის მიღებამდე; წინამდებარე სტანდარტთან მიმართებაში ფორსმაჟორი გულისხმობს ისეთ შემთხვევას, როდესაც საწარმოს მომსახურების არეალში გეგმური/არაგეგმური წყვეტის შედეგად ერთდროულად მომარაგება შეწყვეტილი აქვს 15 000 მომხმარებელს ან თვითმმართველი ერთეულის მომხმარებლების არანაკლებ 30 პროცენტს. ფორსმაჟორის შემთხვევაში, საწარმო ვალდებულია დააფიქსიროს აღნიშნული გარემოება (მისი დაწყებისა და დამთავრების ზუსტი დროის მითითებით). წინამდებარე სტანდარტთან მიმართებაში ფორსმაჟორი დადასტურებული უნდა იყოს საწარმოს ხელმძღვანელის ან  მის  მიერ უფლებამოსილი პირის ხელმოწერით. ამასთან, საწარმო ვალდებულია განცალკევებულად აღრიცხოს ფორსმაჟორი და მოთხოვნის შემთხვევაში წარუდგინოს კომისიას; დ) იმ მომხმარებლისათვის მომარაგების აღსადგენად საჭირო დრო, რომელიც გაითიშა დავალიანების გადაუხდელობის გამო, აითვლება მომხმარებლის მიერ გადახდის ასახვიდან, მომხმარებლის მიერ ამ დავალიანების გადახდის დამადასტურებელი ქვითრის წარდგენიდან ან ეტაპობრივად გადახდის გრაფიკის ხელშეკრულების გაფორმებიდან და სრულდება მომარაგების ფაქტობრივად აღდგენით; ე) მომხმარებლის წერილობით/ელექტრონულ მიმართვაზე დასაბუთებული პასუხის, ტექსტური შეტყობინების გაგზავნის ან/და რეაგირებისათვის საჭირო დრო აითვლება წერილობითი/ელექტრონული მიმართვის მიღებიდან და სრულდება მომხმარებლისათვის გარანტირებული სტანდარტით გათვალისწინებული ფორმით დასაბუთებული პასუხის ან ტექსტური შეტყობინების გაგზავნით (ან რეაგირების ფაქტის მომხმარებლის მიერ ხელმოწერილი დოკუმენტით დადასტურებით); ვ) მომხმარებლის მიმართვის  საფუძველზე აღრიცხვის ხელსაწყოების შემოწმებისთვის საჭირო დრო აითვლება კომპანიის მიერ განაცხადის მიღებიდან და სრულდება მომხმარებლისთვის შემოწმების შედეგის წერილობითი ფორმით წარდგენით (ხოლო შემოწმებისას მომხმარებლის ადგილზე არყოფნის შემთხვევაში – მომხმარებლისათვის შემოწმების შედეგის გაგზავნით); ზ) აბონენტად დარეგისტრირებისათვის საჭირო დრო აითვლება კომპანიის მიერ განაცხადის მიღებიდან და სრულდება აბონენტად დარეგისტრირებით  (საჭიროებისას, აგრეთვე მომარაგების უზრუნველყოფით); თ) საწარმოს მიერ ახალი მომხმარებლის მიერთებისთვის/სიმძლავრის გაზრდისათვის საჭირო დრო აითვლება ახალი მომხმარებლის მიერთების მოთხოვნის შესახებ შესაბამისი განაცხადის მიღებიდან და სრულდება მოთხოვნილი პირობებით მომარაგების დაწყებით („მიწოდებისა და მოხმარების წესებით“ განსაზღვრული პირობების გათვალისწინებით); ი) მომხმარებლის მიმართვის საფუძველზე მომარაგების ტექნიკური ხარისხის შემოწმებისთვის საჭირო დრო აითვლება კომპანიის მიერ განაცხადის მიღებიდან და სრულდება მომხმარებლისთვის შემოწმების შედეგის წერილობითი ფორმით წარდგენით (ხოლო მომხმარებლის შემოწმების ადგილზე არყოფნის შემთხვევაში – მომხმარებლისათვის შემოწმების შედეგის გაგზავნით); კ) ახალი მომხმარებლის მიერთების ტექნიკური პირობის გაცემისათვის საჭირო დრო აითვლება ახალი მომხმარებლის მიერთების ტექნიკური პირობის გაცემის შესახებ შესაბამისი განაცხადის მიღებიდან  და სრულდება ტექნიკური პირობის გაცემით („მიწოდებისა და მოხმარების წესებით“ განსაზღვრულ პირობების გათვალისწინებით); ლ) აღრიცხვის კვანძის მოწყობისა და ქსელზე შეჭრისათვის საჭირო დრო აითვლება აღრიცხვის კვანძის მოწყობისა და ქსელზე შეჭრის შესახებ შესაბამისი განაცხადის მიღებიდან და სრულდება მოთხოვნილი პირობებით მომარაგების  დაწყებით („მიწოდებისა და მოხმარების წესებით“ განსაზღვრულ პირობების გათვალისწინებით). 2. როდესაც  საწარმოს  მიერ  ამ  წესებით განსაზღვრული  მოქმედება ვერ  სრულდება მომხმარებლის მიზეზით, მათ შორის ობიექტზე მისი არყოფნის, უარის ან/და მომხმარებლის შიდა ქსელის გაუმართაობის, ასევე ამ მომხმარებლის ობიექტზე ტექნიკური რეგლამენტის მოთხოვნების აშკარა დაუცველობით, ასეთ შემთხვევაში, ამ წესების მიზნებისთვის, საწარმოს ვალდებულებები ითვლება შესრულებულად, მომხმარებლისთვის წერილობითი ფორმით  შესაბამისი აქტის წარდგენის თარიღიდან (ხოლო მომხმარებლის ადგილზე არყოფნის ან უარის შემთხვევაში, შესაბამისი აქტის გაგზავნის თარიღიდან). 3. თუ მომხმარებლის მიმართვის შესწავლისას ვერ  ხერხდება  კონკრეტული მომხმარებლის ან მისი მოთხოვნის იდენტიფიცირება, საწარმომ ამ მიმართვაზე უნდა დაადგინოს ხარვეზი და აღნიშნულის შესახებ  საწარმოს ხელმძღვანელის ან  მის  მიერ უფლებამოსილი პირის ხელმოწერილი დოკუმენტი ატვირთოს ელექტრონულ ჟურნალში (აღნიშნული დოკუმენტის ატვირთვის თარიღი ჩაითვლება მიმართვაზე რეაგირების დროდ). თავი IV მომსახურების  ხარისხის თაობაზე ინფორმაციის აღრიცხვა მუხლი 18🔗 1. საწარმო ვალდებულია რეალურ დროში აწარმოოს ამ წესებით განსაზღვრული ელექტრონული ჟურნალები. 2.  ელექტრონული ჟურნალები იწარმოება მომსახურების ხარისხის როგორც საერთო, ასევე გარანტირებული სტანდარტით გათვალისწინებული მომსახურების მიხედვით. 3. ელექტრონულ ჟურნალში შესაბამისი ინფორმაციის შეყვანა უნდა მოხდეს დაუყოვნებლივ, როგორც კი წარმოიშობა ამ წესებით განსაზღვრული მომსახურების გაწევის ან/და კომპენსაციის გაცემის ვალდებულება, კერძოდ: ა) ამ წესებით განსაზღვრული ელექტრონული ჟურნალისა და საწარმოში მიმდინარე პროცესების მაკონტროლებელი პროგრამების/ჟურნალების ელექტრონული კავშირის შემთხვევაში – ელექტრონულ ჟურნალში ინფორმაცია უნდა განახლდეს რეალურ დროში; ბ) ამ წესებით განსაზღვრული ელექტრონული ჟურნალთან, საწარმოში მიმდინარე პროცესების მაკონტროლებელი პროგრამების/ჟურნალების  ელექტრონული კავშირის არ არსებობის შემთხვევაში – ელექტრონულ ჟურნალში ინფორმაციის განახლება უნდა მოხდეს კომპანიაში არსებულ ჟურნალში/პროგრამაში შესაბამისი ინფორმაციის ასახვის/რეგისტრაციისთანავე (ამ მუხლის პირობების გათვალისწინებით). 4. საწარმო ვალდებულია ელექტრონულ ჟურნალში დააფიქსიროს ამ წესების მე-19 მუხლში მოცემული ინფორმაცია სრულად. წესების მე-19 მუხლის პირველი პუნქტის ,,ა“-„ლ“ ქვეპუნქტებში მოცემული ინფორმაცია უნდა აისახოს წყვეტამდე, იმავე მუხლის მე-2 პუნქტის ,,ა“, „ბ“, „გ“, „ე“ და „ვ“ ქვეპუნქტებში მოცემული ინფორმაცია - წყვეტის შესახებ შეტყობინების მიღებისთანავე, ხოლო დანარჩენი ინფორმაცია, მათ შორის დაზუსტებული მონაცემები - წყვეტის დასრულებიდან მომდევნო სამუშაო დღის ბოლომდე. არასტანდარტული სიტუაციის შემთხვევაში, როდესაც ადგილი აქვს ბუნებრივი მოვლენების შედეგად არაგეგმური წყვეტების რაოდენობის განსაკუთრებულ ზრდას, ელექტრონულ ჟურნალში უნდა დაფიქსირდეს აღნიშნულის შესახებ. ასეთ შემთხვევაში, ელექტრონულ ჟურნალში წყვეტების დაფიქსირება და შესაბამისი ინფორმაციის შეყვანა დასაშვებია არასტანდარტული პერიოდის დასრულებიდან მომდევნო სამუშაო დღის ბოლომდე. არასტანდარტული სიტუაცია უნდა დადასტურდეს საწარმოს ხელმძღვანელის ან მის მიერ უფლებამოსილი პირის ხელმოწერილი აქტით. 5. დავალიანების გადაუხდელობის გამო გათიშული მომხმარებლის მომარაგების აღდგენის ფაქტის ჟურნალში ასახვა ასევე დასაშვებია მომარაგების აღდგენის მომდევნო სამუშაო დღის ბოლომდე. 6. მომარაგების ეტაპობრივი აღდგენის შემთხვევაში, საწარმო ვალდებულია ელექტრონულ ჟურნალში შესაბამისი  ინფორმაცია ასახოს ან/და დააზუსტოს წყვეტის დასრულებიდან 72 საათის განმავლობაში. 7. საწარმომ მომარაგების წყვეტები ელექტრონული ჟურნალში უნდა აღრიცხოს საწარმოს მომსახურების არეალის თითოეული რეგიონისა და ტერიტორიული უბნების შესაბამისად. 8. საწარმო ვალდებულია, აწარმოოს იმ პროცესების (მაჩვენებლების) აღრიცხვა, რაც მოცემულია ამ წესების შესაბამისად განსაზღვრულ ელექტრონულ ჟურნალებში. 9. ელექტრონული ჟურნალების შევსებისას ინფორმაციის არშეყვანა, არასრული ან არაზუსტი ინფორმაციის შეყვანა ან/და ინფორმაციის დაგვიანებით შეყვანა ჩაითვლება ამ  წესების დარღვევად (გარდა  იმ  შემთხვევებისა, თუ შეცდომა მექანიკური/ტექნიკური ხასიათისაა და მის  შესახებ ელექტრონული ჟურნალის ოპერატორს ეცნობა, აღნიშნული შეცდომის დაშვებიდან ერთი თვის განმავლობაში, ასევე, თუ ელექტრონული ჟურნალი არ იძლევა ამ წესებით გათვალისწინებული ინფორმაციის ასახვის შესაძლებლობას და მის  შესახებ ელექტრონული ჟურნალის ოპერატორს ეცნობა მომდევნო სამუშაო დღის ბოლომდე). 10. თუ მომხმარებლის მიმართვაზე (ახალი მომხმარებლის მიერთების/სიმძლავრის გაზრდის მოთხოვნის შემთხვევის გარდა) საწარმო ელექტრონულ ჟურნალში არ ატვირთავს რეაგირების დამადასტურებელ ინფორმაციას 3 თვის ვადაში ასეთ მიმართვაზე ელექტრონულ ჟურნალში პროცესი დასრულდება, როგორც მომხმარებლის მიმართვაზე ამ წესებით დადგენილი მოთხოვნების დარღვევა საწარმოს მიერ. 11. ამ წესების მიზნებისთვის, საწარმო უფლებამოსილია კონკრეტული დროის პერიოდი წყვეტების ელექტრონულ ჟურნალში შეაფასოს ფორსმაჟორული გარემოების არსებობის დროდ 1 თვის განმავლობაში. წინააღმდეგ შემთხვევაში, აღნიშნული პერიოდი ამ წესების მიზნებისთვის არ განიხილება, როგორც ფორსმაჟორული გარემოების მოქმედების პერიოდი. 12. იმ შემთხვევაში, თუ წყვეტის ხანგრძლივობა ერთი საანგარიშო პერიოდიდან გადადის მეორე საანგარიშო პერიოდში, წყვეტა უნდა მიეკუთვნოს წყვეტის დაწყების საანგარიშო პერიოდს. 13. საწარმოს ელექტრონული ჟურნალების წარმოებისთვის აუცილებელი პროგრამით  უზრუნველყოფს კომისია, ხოლო საწარმო ვალდებულია, ამ წესებით გათვალისწინებული საქმიანობის განხორციელებისას გამოიყენოს მხოლოდ კომისიის მიერ შემუშავებული ელექტრონული ჟურნალები (საწარმო უფლებამოსილია, გამოიყენოს სხვა ტიპის ჟურნალები მხოლოდ საკუთარი მოხმარებისთვის). 14.  მხოლოდ  კომისიაა უფლებამოსილი, განახორციელოს  ცვლილებები მის მიერ შემუშავებულ ელექტრონულ პროგრამაში. დაუშვებელია საწარმოს მხრიდან რაიმე სახის ცვლილების შეტანა, ან ასეთის მცდელობა აღნიშნული პროგრამის მუშაობაში. 15. ელექტრონული ჟურნალების მონაცემთა ბაზა (სერვერი) ინახება კომისიაში. 16. საწარმო ვალდებულია, გეოგრაფიულ-საინფორმაციო პროგრამაში, ელექტრონული რუკის ფორმატში განათავსოს ინფორმაცია მისი მომსახურების არეალში არსებული იმ სისტემის შემადგენელი ყველა ელემენტის შესახებ, რომელსაც იყენებს მომხმარებლის მომარაგებისთვის და განაახლოს ეს ინფორმაცია სისტემაში განხორციელებული ცვლილებების შესაბამისად. 17. საწარმო ვალდებულია გეგმური და არაგეგმური წყვეტების არეალისა და გამორთული მომხმარებლების რაოდენობის შესახებ ინფორმაცია რეალურ დროში განათავსოს საკუთარ ვებგვერდზე არსებულ გეოგრაფიულ რუკაზე. მუხლი 19🔗. ელექტრონული ჟურნალების შინაარსი 1. მომარაგების გეგმური წყვეტის შესახებ  შემდეგი  ინფორმაცია  აისახება  გეგმური  წყვეტის  შესახებ  ელექტრონულ ჟურნალში: ა) საწარმოში წყვეტის რეგისტრაციის ნომერი (თუ ის განსხვავდება ელექტრონულ ჟურნალში რეგისტრაციის ნომრისგან); ბ) რეგიონის დასახელება; გ) წყვეტის მიზეზი (შიდა/გარე/ფორსმაჟორი); დ) წყვეტის მიზეზის აღწერა; ე) წყვეტის ძაბვის საფეხური (მხოლოდ ელექტროენერგიის განაწილების ლიცენზიატებისათვის); ზ) გეგმური წყვეტის დაწყების შეტყობინებაში მითითებული თარიღი და დრო; თ) გეგმური წყვეტის დასრულების შეტყობინებაში მითითებული თარიღი და დრო; ი) გათიშვის არეალი (ქუჩა, უბანი ან დასახლებული პუნქტი); კ) თვითმმართველი ერთეულის დასახელება; ლ) თვითმმართველ ერთეულში აბონენტების რაოდენობა; მ) წყვეტის სათავე (ქსელის ელემენტის სახე და დასახელება/საიდენტიფიკაციო ნომერი); ნ) წყვეტის ადგილი (დაზიანებული ქსელის ელემენტის სახე და დასახელება/საიდენტიფიკაციო ნომერი); ო) ფაქტობრივად გამორთული აბონენტების რაოდენობა (ქალაქსა და სხვა დასახლებაზე ივსება ცალ-ცალკე): ო.ა) მაღალი ძაბვა (მხოლოდ ელექტროენერგიის განაწილების ლიცენზიატებისათვის); ო.ბ)საშუალო ძაბვა (მხოლოდ ელექტროენერგიის განაწილების ლიცენზიატებისათვის); ო.გ)დაბალი ძაბვა (მხოლოდ ელექტროენერგიის განაწილების ლიცენზიატებისათვის);          პ) წყვეტის დროს გათიშული ელექტროენერგიის სიმძლავრე (მხოლოდ ელექტროენერგიის განაწილების ლიცენზიატებისათვის); ჟ) მომხმარებლის ინფორმირების ბოლო ვადა (გათვალისწინებული ამ წესებით); რ) მომხმარებლის ინფორმირების ფაქტობრივი დრო; ს) დროულად ინფორმირებულ მომხმარებელთა რაოდენობა; ტ)  გამორთულ  აბონენტთა  რაოდენობა,  რომლებსაც  საკონტაქტო  ინფორმაცია  მიწოდებული  აქვთ საწარმოსთვის; უ) გამორთულ მომხმარებელთა პროცენტული მაჩვენებელი თვითმმართველ ერთეულში; ფ) წყვეტის ხასიათი (მარტივი/რთული). ქ) ელექტრონული ჟურნალით გათვალისწინებული სხვა ინფორმაცია. 2.   არაგეგმური   წყვეტის   შესახებ ელექტრონულ ჟურნალში აისახება შემდეგი ინფორმაცია: ა) საწარმოში წყვეტის რეგისტრაციის ნომერი (თუ ის განსხვავდება ელექტრონულ ჟურნალში რეგისტრაციის ნომრისგან); ბ) რეგიონის დასახელება; გ) გათიშვის არეალი (ქუჩა, უბანი ან დასახლებული პუნქტი); დ) თვითმმართველი ერთეულის დასახელება; ე) თვითმმართველ ერთეულში აბონენტების რაოდენობა; ვ) წყვეტის დაწყების თარიღი და დრო; ზ) წყვეტის დასრულების შეტყობინებაში მითითებული ბოლო თარიღი და დრო; თ) წყვეტის დასრულების ფაქტობრივი თარიღი და დრო; ი) წყვეტის მიზეზი (შიდა/გარე); კ) წყვეტის მიზეზის აღწერა; ლ) წყვეტის ძაბვის საფეხური (მხოლოდ ელექტროენერგიის განაწილების ლიცენზიატებისათვის); მ) წყვეტის სათავე (ქსელის ელემენტის სახე და დასახელება/საიდენტიფიკაციო ნომერი); ნ) წყვეტის ადგილი (დაზიანებული ქსელის ელემენტის დასახელება); ო) ფორსმაჟორის დროს, წყვეტის შესახებ დამადასტურებელი დოკუმენტაცია; პ) ფაქტობრივად გამორთული აბონენტების რაოდენობა (ქალაქსა და სხვა დასახლებაზე ივსება ცალ-ცალკე): პ.ა) მაღალი ძაბვა (მხოლოდ ელექტროენერგიის განაწილების ლიცენზიატებისათვის); პ.ბ)საშუალო ძაბვა(მხოლოდ ელექტროენერგიის განაწილების ლიცენზიატებისათვის); პ.გ) დაბალი ძაბვა (მხოლოდ ელექტროენერგიის განაწილების ლიცენზიატებისათვის);              ჟ) მომარაგების აღდგენის ეტაპების რაოდენობა; რ) მომარაგების აღდგენის თითოეულ ეტაპზე ჩართულ მომხმარებელთა რაოდენობა და აღდგენის ეტაპის ხანგრძლივობა; ს) წყვეტის დროს გათიშული ელექტროენერგიის სიმძლავრე (მხოლოდ ელექტროენერგიის განაწილების ლიცენზიატებისათვის); ტ) წყვეტის დასრულების მაქსიმალური თარიღი, ვადა (ამ წესების შესაბამისად); უ) დროულად ჩართულ მომხმარებელთა რაოდენობა; ფ) მომხმარებლის ინფორმირების ბოლო ვადა (ამ წესების შესაბამისად); ქ) მომხმარებლის ინფორმირების ფაქტობრივი დრო; ღ) დროულად ინფორმირებულ მომხმარებელთა რაოდენობა; ყ) ელექტრონული ჟურნალით გათვალისწინებული სხვა ინფორმაცია. 3. დავალიანების გადაუხდელობის გამო გათიშული  მომხმარებლის მომარაგების აღდგენის შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) აბონენტის მისამართი; გ) აბონენტის ნომერი; დ)  მომხმარებლის კატეგორია: საყოფაცხოვრებო, არასაყოფაცხოვრებო; ე) მომხმარებლის მიერ გადახდის ასახვის, მომხმარებლის მიერ ამ დავალიანების გადახდის დამადასტურებელი ქვითრის წარდგენის ან ეტაპობრივად გადახდის გრაფიკის ხელშეკრულების გაფორმების დრო; ვ) მომარაგების აღდგენის ფაქტობრივი დრო; ზ) მომარაგების აღდგენის შესახებ მომხმარებლისთვის გაგზავნილი ტექსტური შეტყობინება; თ) ელექტრონული ჟურნალით გათვალისწინებული სხვა ინფორმაცია. 4.   მომხმარებლის  მიმართვაზე   რეაგირების  შესახებ   ელექტრონულ  ჟურნალში  აისახება  შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) აბონენტის მისამართი; გ) აბონენტის ნომერი; დ)  მომხმარებლის კატეგორია: საყოფაცხოვრებო, არასაყოფაცხოვრებო; ე) მიმართვის შემოსვლის თარიღი და რეგისტრაციის ნომერი; ვ) პასუხის გაცემის ან/და რეაგირების ბოლო ვადა; ზ) პასუხის გაცემის ან/და რეაგირების ფაქტობრივი თარიღი; თ) მოთხოვნის დაკმაყოფილების/დაუკმაყოფილებლობის შესახებ ინფორმაცია; ი) რეაგირების ფორმა (წერილობითი ან ელექტრონული, ტექსტური შეტყობინება ან/და მომხმარებლის მიერ ხელმოწერილი რეაგირების აქტი); კ) ელექტრონული ჟურნალით გათვალისწინებული სხვა ინფორმაცია. 5.  მომხმარებლის მიმართვის საფუძველზე  აღრიცხვის ხელსაწყოების ადგილზე შემოწმების შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) აბონენტის მისამართი; გ) აბონენტის ნომერი; დ) მომხმარებლის კატეგორია: საყოფაცხოვრებო, არასაყოფაცხოვრებო; ე) მიმართვის შემოსვლის თარიღი; ვ) პასუხის გაცემის (სამუშაოს შესრულების) ბოლო ვადა; ზ) პასუხის გაცემის (სამუშაოს შესრულების)  ფაქტობრივი თარიღი; თ) რეაგირების ფორმა (წერილობითი ან ელექტრონული, ტექსტური შეტყობინება ან/და მომხმარებლის მიერ ხელმოწერილი რეაგირების აქტი); ი) ელექტრონული ჟურნალით გათვალისწინებული სხვა ინფორმაცია. 6. აბონენტად რეგისტრაციის ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში დასახელება (სახელწოდება); ბ) მისამართი, სადაც უნდა მოხდეს მომსახურების გაწევა და მომარაგება; გ) აბონენტის ნომერი; დ) მომხმარებლის კატეგორია: საყოფაცხოვრებო, არასაყოფაცხოვრებო; ე) განაცხადის  შემოსვლის თარიღი; ვ) აბონენტად რეგისტრაციის ბოლო ვადა; ზ) აბონენტად რეგისტრაციის ფაქტობრივი თარიღი. თ) რეაგირების ფორმა (წერილობითი ან ელექტრონული, ტექსტური შეტყობინება ან/და მომხმარებლის მიერ ხელმოწერილი რეაგირების აქტი); ი) ელექტრონული ჟურნალით გათვალისწინებული სხვა ინფორმაცია. 7. ახალი მომხმარებლის მიერთებისა და სიმძლავრის გაზრდის შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) მისამართი, სადაც უნდა მოხდეს მომსახურების გაწევა და მომარაგება; გ) განაცხადით მოთხოვნილი მისაერთებელი ობიექტების რაოდენობა; დ) მოთხოვნილი პაკეტის პარამეტრები და ღირებულება; ე)  მომხმარებლის კატეგორია: საყოფაცხოვრებო, არასაყოფაცხოვრებო; ვ) განაცხადის  შემოსვლის თარიღი; ზ) მომარაგების დაწყების ბოლო ვადა (მოქმედი კანონმდებლობის შესაბამისად); თ) მომარაგების დაწყების ფაქტობრივი დრო; ი) მომარაგების დაწყების შესახებ მომხმარებლისთვის გაგზავნილი მოკლე ტექსტური შეტყობინება; კ)  დოკუმენტი მომსახურების შესრულება/არშესრულების შესახებ (ხარვეზის დადგენის შესახებ); ლ) ადმინისტრაციული ორგანოს მიერ ნებართვის გაცემის ვადის გადაცილების ან ადმინისტრაციული წარმოების გაგრძელების პერიოდი, ასეთის არსებობის შემთხვევაში, შესაბამისი მტკიცებულებებით (საწარმოს მიმართვა, ადმინისტრაციული ორგანოდან მიღებული პასუხი/გადაწყვეტილება და მომხმარებლისთვის გაგზავნილი შეტყობინება წარმოების ვადის გადაცილების/გაგრძელების შესახებ); მ) კომპენსაციის ოდენობა სტანდარტის შეუსრულებლობის შემთხვევაში; ნ) კომპენსაციის დაფარვის ბოლო ვადა (ამ წესების შესაბამისად); ო) კომპენსაციის დაფარვის (სააბონენტო ბარათზე ასახვის) ფაქტობრივი თარიღი; პ) მიერთების ვადის გაზრდის შესახებ კომისიის გადაწყვეტილების თარიღი და ნომერი, ასეთის არსებობის შემთხვევაში (ეს მონაცემი აისახება კომისიის მიერ); ჟ) ელექტრონული ჟურნალით გათვალისწინებული სხვა ინფორმაცია. 8. მომხმარებელთა მიმართვის საფუძველზე მომარაგების ტექნიკური ხარისხის ადგილზე შემოწმების შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) აბონენტის მისამართი; გ) აბონენტის ნომერი; დ) მომხმარებლის კატეგორია: საყოფაცხოვრებო, არასაყოფაცხოვრებო; ე) მიმართვის შემოსვლის თარიღი; ვ) პასუხის გაცემის (სამუშაოს შესრულების) ბოლო ვადა; ზ) პასუხის გაცემის (სამუშაოს შესრულების)  ფაქტობრივი თარიღი; თ) რეაგირების ფორმა (წერილობითი ან ელექტრონული, ტექსტური შეტყობინება ან/და მომხმარებლის მიერ ხელმოწერილი რეაგირების აქტი); ი) ელექტრონული ჟურნალით გათვალისწინებული სხვა ინფორმაცია. 9. ახალი მომხმარებლის მიერთების ტექნიკური პირობის გაცემის შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) მისამართი, რომელზეც უნდა გაიცეს ტექნიკური პირობა; გ) განაცხადის  შემოსვლის თარიღი; დ) ტექნიკური პირობის გაცემის ფაქტობრივი თარიღი; ე) დოკუმენტი მომსახურების შესრულების/არშესრულების (ხარვეზის დადგენის შესახებ) შესახებ; ვ) კომპენსაციის ოდენობა სტანდარტის შეუსრულებლობის შემთხვევაში; ზ) კომპენსაციის დაფარვის ბოლო ვადა (ამ წესების შესაბამისად); თ) კომპენსაციის დაფარვის (სააბონენტო ბარათზე ასახვის) ფაქტობრივი თარიღი; ი) ელექტრონული ჟურნალით გათვალისწინებული სხვა ინფორმაცია. 10. აღრიცხვის კვანძის მოწყობისა და ქსელზე შეჭრის შესახებ ელექტრონულ ჟურნალში აისახება შემდეგი ინფორმაცია: ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება); ბ) მისამართი, სადაც უნდა მოხდეს მომსახურების გაწევა და მომარაგება; გ) მოთხოვნილი პაკეტის პარამეტრები და ღირებულება; დ) განაცხადის  შემოსვლის თარიღი; ე)  მომხმარებლის კატეგორია: საყოფაცხოვრებო, არასაყოფაცხოვრებო; ვ) მომარაგების დაწყების ბოლო ვადა (მოქმედი კანონმდებლობის შესაბამისად); ზ) მომარაგების დაწყების ფაქტობრივი დრო; თ)  დოკუმენტი მომსახურების შესრულება/არშესრულების (ხარვეზის დადგენის შესახებ) შესახებ; ი) კომპენსაციის ოდენობა სტანდარტის შეუსრულებლობის შემთხვევაში; კ) კომპენსაციის დაფარვის ბოლო ვადა (ამ წესების შესაბამისად); ლ) კომპენსაციის დაფარვის (სააბონენტო ბარათზე ასახვის) ფაქტობრივი თარიღი; მ) ელექტრონული ჟურნალით გათვალისწინებული სხვა ინფორმაცია. მუხლი 20🔗. სტანდარტის შეუსრულებლობის კლასიფიცირება 1. საწარმოს მხრიდან მომსახურების ხარისხის მოთხოვნების შეუსრულებლობის შემთხვევაში, მიზეზი კლასიფიცირდება შემდეგი სახით: ა) გარე მიზეზი; ბ) შიდა მიზეზი. 2. თუ მომსახურების ხარისხის მოთხოვნების შეუსრულებლობა განპირობებულია გარე მიზეზით, ეს უნდა დადასტურდეს ელექტრონულ ჟურნალში საწარმოს მიერ ატვირთული დოკუმენტაციით, გარდა ახალი მომხმარებლის/სიმძლავრის გაზრდის სტანდარტის შეუსრულებლობისა. 3. გარანტირებული სტანდარტის შემთხვევაში საწარმომ უნდა მიუთითოს გარე მიზეზის ხასიათი – დროებითი ან მუდმივი. თუ გარე მიზეზი არის დროებითი, საწარმომ ასევე უნდა მიუთითოს დრო, რომელშიც გარე მიზეზი სავარაუდოდ აღმოიფხვრება და ამ ვადაში ატვირთოს მომსახურების გაწევის დამადასტურებელი დოკუმენტაცია. თუ გარე მიზეზი მუდმივია, საწარმოს მიერ ატვირთულ დოკუმენტაციით უნდა დასაბუთდეს, თუ რატომ გახდა მომსახურების გაწევა შეუძლებელი, რა შემთხვევაშიც ელექტრონულ ჟურნალში პროცესი დასრულდება, როგორც გარე მიზეზით შეუსრულებელი მომსახურება. გარე მიზეზის შესახებ მისი დაფიქსირებისთანავე უნდა ეცნობოს განმცხადებელს. 4. ახალი მიერთების/სიმძლავრის გაზრდის ხელის შემშლელი გარემოების არსებობისას, საწარმომ „მიწოდებისა და მოხმარების წესებით“ დადგენილი პროცედურის დაცვით უნდა მიმართოს კომისიას, ხოლო, თუ პროცედურის დაცვა საწარმოსგან დამოუკიდებელი მიზეზით შეუძლებელია, მოითხოვოს კომპენსაციის გადავადება ან გაუქმება ამ წესების 23-ე მუხლის მე-5 პუნქტის შესაბამისად. მუხლი 21🔗. ელექტრონულ ჟურნალზე თანდართული დოკუმენტაცია 1. საწარმომ ელექტრონულ ჟურნალში კონკრეტული მომსახურების გაწევის დადასტურების მიზნით უნდა ატვირთოს ამ მუხლით გათვალისწინებული შესაბამისი ინფორმაცია ან/და დოკუმენტი. 2. საწარმომ ელექტრონულ ჟურნალში ასევე უნდა ატვირთოს: ა) იმ მედიასაშუალების დასახელება, რომლითაც მოხდა მოსახლეობის ინფორმირება – მხოლოდ წესების მე-19 მუხლის პირველი პუნქტით გათვალისწინებულ შემთხვევებში; ბ) გარე მიზეზის არსებობისას, მისი დასაბუთება; გ) ფორსმაჟორის დროს, წყვეტის შესახებ განმარტება და ფორსმაჟორული გარემოების დამადასტურებელი დოკუმენტაცია – მე-19 მუხლის მე-2 პუნქტით გათვალისწინებულ შემთხვევაში. 3. ამ წესების მიზნებისათვის ფორსმაჟორული გარემოების დასადასტურებლად საწარმოს შეუძლია გამოიყენოს კომპეტენტური ორგანოს მიერ შემუშავებული დასკვნა,  საწარმოს ხელმძღვანელის (ან მის მიერ უფლებამოსილი პირის) მიერ დადასტურებული აქტი ან მედიასაშუალებით გავრცელებული ინფორმაცია. 4. მე-19 მუხლის მე-3 და მე-4 პუნქტებით გათვალისწინებულ შემთხვევაში საწარმომ ელექტრონულ ჟურნალში უნდა ატვირთოს: ა) მომხმარებლის მიმართვა; ბ) საწარმოს დასაბუთებული პასუხი/ტექსტური შეტყობინება ან რეაგირების დამადასტურებელი საბუთი; გ)  კომპენსაციის შემთხვევაში, კომპენსაციის გადახდის დამადასტურებელი დოკუმენტი. 5. მე-19 მუხლის მე-5 პუნქტით გათვალისწინებულ შემთხვევაში საწარმომ ელექტრონულ ჟურნალში უნდა ატვირთოს: ა) განმცხადებლის მიმართვა; ბ)    კომპენსაციის    შემთხვევაში,    კომპენსაციის    დაფარვის    დამადასტურებელი    დოკუმენტი    – მომხმარებლის სააბონენტო ბარათის ბრუნვის ისტორია. 6. მე-19 მუხლის მე-6 პუნქტით გათვალისწინებულ შემთხვევაში საწარმომ ელექტრონულ ჟურნალში უნდა ატვირთოს: ა) ახალი მომხმარებლის მიერთების/სიმძლავრის გაზრდის მოთხოვნის შესახებ განაცხადი; ბ) მომარაგების დაწყების დამადასტურებელი დოკუმენტი; გ) კომპენსაციის   (ასეთის  არსებობის  შემთხვევაში)  დაფარვის  დამადასტურებელი  დოკუმენტი. მუხლი 22🔗. ქოლცენტრი 1. საწარმო ვალდებულია უზრუნველყოს ამ წესებით გათვალისწინებული ქოლცენტრის მუშაობა 24-საათიან რეჟიმში. 2. მომხმარებელთა სრულად და დროულად ინფორმირების მიზნით, ქოლცენტრის ოპერატორებს ხელი უნდა მიუწვდებოდეთ ყველა იმ ინფორმაციაზე, რაც შეიძლება დასჭირდეს მომხმარებელს, მათ შორის: ა) წყვეტის (გეგმური, არაგეგმური) არსებობის შემთხვევაში – მისი მიზეზი და სავარაუდო ხანგრძლივობა; ბ) მომხმარებლის დავალიანების ოდენობა (როგორც მიმდინარე, ისე დაგროვილი) და გადახდის ბოლო ვადა; გ) დავალიანების გადაუხდელობისთვის გათიშული მომხმარებლის მხრიდან დავალიანების დაფარვის შემთხვევაში – მომარაგების აღდგენის სავარაუდო დრო და მოთხოვნის შესრულების ეტაპი; დ) გადანაწილებული დავალიანების გადახდის გრაფიკის შესახებ ინფორმაცია; ე) აბონენტად რეგისტრაციის შესახებ განაცხადის წარდგენის წესი და პირობები; ვ) ახალი მომხმარებლის მიერთების/სიმძლავრის გაზრდის წესი და პირობები; ზ)   საწარმოს   მიერ  მომხმარებელზე  ადმინისტრაციული  სახდელის  დადების  შემთხვევაში,  მისი გასაჩივრების წესი და ვადა. 3. საწარმოს ქოლცენტრი აღჭურვილი უნდა იყოს  შემდეგი პროგრამული უზრუნველყოფით: ა) იმ შემთხვევაში, თუ ყველა ოპერატორი დაკავებულია და შემოდის მომხმარებლის ზარი, პროგრამამ უნდა უზრუნველყოს მომხმარებლის ზარის გადაყვანა ლოდინის რეჟიმში; ბ) ყოველ შემომავალ ზარს ქოლცენტრის პროგრამამ უნდა მიანიჭოს უნიკალური კოდი. 4.  ქოლცენტრს  უნდა  გააჩნდეს  თავისი  სერვერი,  სადაც  არანაკლებ  ერთი  წლის  ვადით შეინახება (დაარქივდება) შემდეგი ინფორმაცია: ა) კალენდარული წლის განმავლობაში შემომავალი ზარების რაოდენობა; ბ) კალენდარული წლის განმავლობაში ყოველ შემომავალ ზარზე პასუხის გაცემის დრო და საუბრის ხანგრძლივობა; გ) კალენდარული წლის განმავლობაში ქოლცენტრში შემოსული ყველა ზარი (საუბრის ჩანაწერი). 5. საწარმო ვალდებულია კომისიას წარუდგინოს ამ მუხლის მე-4 პუნქტის „ა“ და „ბ“ ქვეპუნქტებით გათვალისწინებული ინფორმაცია, კომისიის გადაწყვეტილებით დამტკიცებული ერთიანი ანგარიშგების ფორმის მოთხოვნის შესაბამისად. 6. კომისია  უფლებამოსილია,  გამოითხოვოს  ქოლცენტრის  მუშაობასთან  დაკავშირებული  საწარმოს სერვერზე შენახული (დაარქივებული) ნებისმიერი ინფორმაცია. თავი V ფინანსური მექანიზმები მომსახურების ხარისხის მიმართ მუხლი 23🔗. კომერციული ხარისხის გარანტირებული სტანდარტით გაუწეველი მომსახურების კომპენსირების წესი 1.  საწარმოს  მხრიდან  მომხმარებელზე  კომპენსაცია  გაიცემა  (ანაზღაურდება)  მხოლოდ  ამ  წესებით პირდაპირ  გათვალისწინებულ  შემთხვევაში.  გაუწეველი მომსახურების  შემთხვევაში გადასახდელი კომპენსაცია განსაზღვრულია  ამ წესების №2 დანართით. 2. გარანტირებული  სტანდარტით გათვალისწინებული  მომსახურების შიდა მიზეზებით შეუსრულებლობის   შემთხვევაში საწარმო ვალდებულია, ამ წესების მიხედვით გადაუხადოს მომხმარებელს გაუწეველი მომსახურებისთვის განსაზღვრული კომპენსაცია. კომპენსაცია მომხმარებელს უნდა დაერიცხოს მის სააბონენტო ბარათზე, კრედიტის სახით, შემდგომი ანგარიშსწორებისთვის. კომპენსაცია უნდა აისახოს მომხმარებლის სააბონენტო ბარათზე მომსახურების გარანტირებული სტანდარტის დარღვევიდან 15 სამუშაო დღის ვადაში, ხოლო თუ პირი დარღვევის მომენტისათვის არ არის მომხმარებლად რეგისტრირებული, აღნიშნული ვადა აითვლება მომარაგების დაწყებიდან. 3. გარანტირებული სტანდარტი თუ ითვალისწინებს მომხმარებლის მიერ დადგენილი საფასურის გადახდას, ამ მომსახურებაზე კომისიის მიერ დადგენილი ვადის ყოველ გადაცდენაზე მომხმარებელს უნდა დაერიცხოს ამ წესებით განსაზღვრული კომპენსაცია. კომპენსაციის დარიცხვისთანავე, განაწილების ლიცენზიატი ვალდებულია მოახდინოს ამ მომსახურებასთან დაკავშირებული ფინანსური ვალდებულებების გაქვითვა, შესაბამისად მომხმარებელს არ უნდა მოუწიოს დარიცხული კომპენსაციის ნაწილში ამ მომსახურებაზე თანხის გადახდა. 4. ახალი მომხმარებლის მიერთების/სიმძლავრის გაზრდის ვადის ყოველი შემდგომი გადაცილების გამო კომპენსაციის რაოდენობა და მისი გადახდის წესი განისაზღვრება ამ წესების №2 დანართით. საწარმოს მიერ გარანტირებული სტანდარტით გათვალისწინებული მომსახურების დადგენილ ვადაში შეუსრულებლობისათვის კომპენსაციის გადახდა არ ათავისუფლებს მას ამ მომსახურების გაწევის ვალდებულებისაგან. 5.  თუ საწარმო  არ ეთანხმება გარანტირებული სტანდარტის შეუსრულებლობისათვის კომპენსაციის დარიცხვას, ის უფლებამოსილია კონკრეტული კომპენსაციის დარიცხვასთან დაკავშირებით, წერილობით მიმართოს კომისიას ელექტრონული ჟურნალით კომპენსაციის დარიცხვის გადავადების ან გაუქმების მოთხოვნით. საწარმოს მოთხოვნა შეიძლება დაკმაყოფილდეს მხოლოდ კომისიის გადაწყვეტილების საფუძველზე, თუ არსებობს ობიექტური გარემოებები, რომლებიც აშკარად სადავოდ ხდის  ამ წესებით გათვალისწინებული კომპენსაციის დარიცხვის საკითხს და დაცულია ამ პუნქტში მოცემული პირობები და პროცედურები. ელექტრონული ჟურნალით ავტომატურ დარიცხვასთან დაკავშირებით კომისიისთვის მიმართვის შემთხვევაში, საწარმო ვალდებულია დაიცვას შემდეგი მოთხოვნები: ა)  კომისიაში წარდგენილი მოთხოვნა  უნდა შეიცავდეს  მომხმარებლის მოთხოვნის შესრულებასთან დაკავშირებულ დოკუმენტაციას და განხილვა-შესრულების პროცესის მოკლე აღწერას; ხელის შემშლელი კონკრეტული გარემოებ(ებ)ის დასაბუთებასა და შესაბამის მტკიცებულებებს; ამასთან, ელექტრონული ჟურნალით კომპენსაციის დარიცხვის გადავადების მოთხოვნის შემთხვევაში – გადავადების ვადას (კონკრეტული პრობლემ(ებ)ის გადასაჭრელად საჭირო პერიოდზე მითითებით); ბ)  მოთხოვნა  ასევე  უნდა გაეგზავნოს  მომხმარებელს  წერილობით/ელექტრონულად  (კომისიისთვის მიმართვასთან ერთად). მომხმარებელს უნდა გაეგზავნოს ინფორმაცია მოთხოვნის ძირითადი არსის შესახებ, ხოლო მომხმარებლის მოთხოვნის შემთხვევაში საწარმო ვალდებულია მომხმარებელს მიაწოდოს სრული ინფორმაცია; გ) მოთხოვნა კომისიას უნდა წარედგინოს ელექტრონული ჟურნალით კომპენსაციის მომხმარებლისთვის დარიცხვის თარიღამდე არაუგვიანეს 5 სამუშაო დღით ადრე. მუხლი 24🔗. წახალისება-სანქცირების მექანიზმი საერთო სტანდარტის მიმართ 1. საერთო სტანდარტით გათვალისწინებული მომსახურების შესრულების წლიური მაჩვენებლების შეფასების შედეგად, კომისია ამ წესების შესაბამისად იყენებს ფინანსურ მექანიზმებს საწარმოს მიმართ, მისი წახალისების ან სანქცირების მიზნით, რომელიც აისახება კომისიის მიერ ამ საწარმოსთვის შესაბამის მომსახურებაზე დადგენილ ტარიფში. კერძოდ: ა) ელექტროენერგეტიკის სექტორში – ელექტროენერგიის გატარებისა და განაწილების ტარიფებში; ბ) ბუნებრივი გაზის სექტორში – განაწილებისა და გატარების, ასევე საცალო მომხმარებლისათვის ბუნებრივი გაზის მიწოდების ტარიფებში; გ) წყალმომარაგების სექტორში – სასმელი წყლის მიწოდებისა და  წყალარინების ტარიფებში. 2. საწარმოს მიერ საერთო სტანდარტის სამიზნე მაჩვენებლის გაუმჯობესების ან გაუარესების შემთხვევაში, კომისია უფლებამოსილია საწარმოს ტარიფის გაანგარიშებისას რეგულირებადი დანახარჯების ბაზა შესაბამისად გაზარდოს ან შეამციროს №1 დანართში მითითებული ოდენობით. საერთო სტანდარტის სამიზნე მაჩვენებლის შეფასებისას მხედველობაში არ მიიღება სტანდარტის შეუსრულებლობის ისეთი შემთხვევები, რომლებიც გამოწვეულია გარე მიზეზით. 3. საერთო სტანდარტით გათვალისწინებული მომსახურებები ყოველწლიურად ფასდება თითოეული მომსახურების მიმართ ცალ-ცალკე და შეფასების შედეგები აისახება საწარმოს შესაბამის ტარიფში. მუხლი 25🔗. მომარაგების საიმედოობის მაჩვენებლებზე წახალისება-სანქცირების მექანიზმის თავისებურებები 1. მომარაგების საიმედოობის სტანდარტების სამიზნე მაჩვენებლები დგინდება საწარმოს თითოეულ რეგიონში ტერიტორიული უბნების მიხედვით, ამ წესების შესაბამისად.  2. თითოეულ რეგიონში ტერიტორიული უბნების მიხედვით საწარმოს მიერ მომარაგების საიმედოობის სტანდარტების სამიზნე მაჩვენებლების შესრულების ან შეუსრულებლობის შემთხვევაში, კომისია უფლებამოსილია საწარმოს ტარიფის გაანგარიშებისას რეგულირებადი დანახარჯების ბაზა გაზარდოს ან შეამციროს Q ფაქტორის შესაბამისად. 3. კომისია გადაწყვეტილებით ამტკიცებს სატარიფო წლ(ებ)ის საიმედოობის სტანდარტების სამიზნე მაჩვენებლებს თითოეული კალენდარული წლისთვის, სატარიფო რეგულირების პერიოდზე. მომარაგების საიმედოობის სტანდარტების სამიზნე მაჩვენებელები დგინდება საწარმოს ქსელის ტოპოლოგიისა და მომსახურების არეალის გათვალისწინებით, რეგიონებისა და ტერიტორიული უბნების მიხედვით. 4. იმ შემთხვევაში, თუ ტარიფების გაანგარიშების წლის განმავლობაში არ დადგინდა საწარმოსთვის მომარაგების საიმედოობის სტანდარტების სამიზნე მაჩვენებლები, საწარმოსთვის მომარაგების საიმედოობის სტანდარტების სამიზნედ მიიჩნევა წინა წლის მაჩვენებლები. 5. საწარმოების მიერ მომარაგების საიმედოობის სტანდარტების სამიზნე მაჩვენებლების შესრულება ფასდება ყოველწლიურად კომისიის მიერ, საწარმოს მომსახურების არეალის თითოეულ რეგიონში ტერიტორიული უბნების მიხედვით. გასული სატარიფო რეგულირების პერიოდის თითოეული წლის შეფასების შედეგები საწარმოს ტარიფში აისახება შემდგომ სატარიფო რეგულირების პერიოდში. 6. მომარაგების საიმედოობის მაჩვენებლებზე საწარმოს ფინანსური წახალისების ან სანქცირების გაანგარიშებისას მხედველობაში მიიღება მხოლოდ შიდა არაგეგმური წყვეტები. მუხლი 26🔗. მომარაგების საიმედოობის სტანდარტების სამიზნე მაჩვენებლების განსაზღვრის პრინციპი 1. კომისია საწარმოს უდგენს მომარაგების საიმედოობის სტანდარტების სამიზნე მაჩვენებლებს მისი მომსახურების არეალის თითოეულ რეგიონში ტერიტორიული უბნების მიხედვით წყვეტების (ელექტროენერგეტიკის სექტორში - ხანგრძლივი წყვეტების) საშუალო ხანგრძლივობის მაჩვენებელზე (SAIDI). 2. სამიზნე მაჩვენებლების დადგენის მიზნით, საწარმო ვალდებულია სატარიფო განაცხადთან ერთად ტარიფის გაანგარიშების წელს კომისიას წარუდგინოს სატარიფო რეგულირების პერიოდის სატარიფო წლ(ებ)ისთვის მომარაგების საიმედოობის სტანდარტების სამიზნე მაჩვენებლების გაანგარიშება მომსახურების არეალის თითოეულ რეგიონში ტერიტორიული უბნების მიხედვით. 3. მომარაგების საიმედოობის სტანდარტების სამიზნე მაჩვენებლების დადგენისას გაითვალისწინება: ა) მომარაგების საიმედოობის მაჩვენებლების ისტორიული მონაცემები; ბ) ქსელის დიზაინი და თავისებურება; გ) მომსახურების გეოგრაფიული არეალის მახასიათებლები; დ) საწარმოს მიერ დაგეგმილი ინვესტიციები; ე) საუკეთესო საერთაშორისო პრაქტიკაში. მუხლი 27🔗. საწარმოს ფინანსური წახალისების ან სანქცირების გაანგარიშება 1. საწარმოს მომსახურების არეალის თითოეულ რეგიონში საწარმოს წყვეტების საშუალო ხანგრძლივობის გაუმჯობესების/გაუარესების მაჩვენებელი ტერიტორიული უბნების მიხედვით იანგარიშება შემდეგი ფორმულით: 2. საწარმოს ფინანსური წახალისების ან სანქცირების ჯამური ოდენობა მის მომსახურების არეალის j-იური რეგიონისთვის იანგარიშება შემდეგი ფორმულით: 3. საწარმოს ფინანსური წახალისების ან სანქცირების ჯამური ოდენობა სატარიფო რეგულირების პერიოდის i-ური კალენდარული წელს იანგარიშება შემდეგი ფორმულით: 4. საწარმოსთვის მომარაგების საიმედოობის გაუმჯობესების/გაუარესების გამო ფინანსური წახალისების ან სანქცირების ჯამური ოდენობა არ უნდა აღემატებოდეს რეგულირებადი დანახარჯების ბაზის 1%-ს. მუხლი 28🔗. მომარაგების საიმედოობის მაჩვენებლების სავალდებულო გაუმჯობესების მოთხოვნა 1. საწარმომ უნდა შეინარჩუნოს ან გააუმჯობესოს შიდა მიზეზით გამოწვეულ გეგმურ და არაგეგმურ წყვეტებზე მომარაგების საიმედოობის (SAIDI, SAIFI, ENS) წლიური მაჩვენებლები. 2. ამ წესების მიზნებისათვის, საწარმოს შიდა მიზეზით გამოწვეული გეგმური და არაგეგმური წყვეტების საშუალო ხანგრძლივობისა (SAIDI) და სიხშირის (SAIFI) ფაქტობრივი წლიური მაჩვენებელი განისაზღვრება რეგიონებში ფაქტობრივი წლიური მაჩვენებლების საშუალო შეწონილით (რეგიონებში მომხმარებელთა რაოდენობის მიხედვით). 3. ამ წესების მიზნებისათვის, შიდა მიზეზით გამოწვეული გეგმური და არაგეგმური წყვეტების გამო მიუწოდებელი ელექტროენერგიის (ENS) ფაქტობრივი წლიური მაჩვენებელი განისაზღვრება მისი მომსახურების არეალში არსებულ რეგიონებში ფაქტობრივი წლიური მაჩვენებლების ჯამით. მიუწოდებელი ელექტროენერგიის მაჩვენებელი მიიჩნევა გაუარესებულად, თუ მისი პროცენტული ზრდა აღემატება საწარმოს მომხმარებლების მიერ მოხმარებული ელექტროენერგიის ჯამური ოდენობის პროცენტულ ზრდას. 4. მომარაგების საიმედოობის წლიური მაჩვენებლების წინა წელთან შედარებით გაუარესების შემთხვევაში კომისია უფლებამოსილია საწარმოს მიმართ გამოიყენოს საქართველოს კანონმდებლობით გათვალისწინებული ზომები. თავი VI გარდამავალი დებულებები მუხლი 29🔗. გარდამავალი დებულებები 1. ამ წესების  მე-18 მუხლის მე-16 და მე-17 პუნქტების მოთხოვნების შესრულებისათვის საწარმოებს განესაზღვროთ დრო: ა) ელექტროენერგეტიკის სექტორში – კომისიის მიერ ელექტროენერგიის განაწილების კონკრეტული ლიცენზიატის მიმართ მიღებული ინდივიდუალური ადმინისტრაციული აქტით განსაზღვრულ ვადებში (როგორც ეს განსაზღვრულია „ქსელის წესების“ დამტკიცების შესახებ“ კომისიის 2014 წლის 17 აპრილის №10 დადგენილებით); ბ) ბუნებრივი გაზის სექტორში: ბ.ა) 0.005 მგპა-ზე მაღალი წნევის გამანაწილებელი ქსელის შემთხვევაში – 2019 წლის 1 სექტემბრამდე; ბ.ბ) 0.005 მგპა-ზე ნაკლები ან ტოლი წნევის გამანაწილებელი ქსელის შემთხვევაში – 2020 წლის იანვრამდე. გ) წყალმომარაგების სექტორში – 2020 წლის 1 იანვრამდე. 2. 2021 წლამდე, ელექტროენერგეტიკის სექტორში მოქმედი საწარმოებისათვის, თუ უცნობია თითოეულ დაბალი ძაბვის ხაზზე/ფაზაზე მიერთებულ მომხმარებელთა ზუსტი რაოდენობა, დაბალი ძაბვის ქსელში მომხდარი წყვეტის დროს გამორთულ მომხმარებელთა რაოდენობა გამოითვლება შემდეგნაირად: ა) დაბალი ძაბვის ელექტროგადამცემ ხაზზე – შესაბამის სატრანსფორმატორო ქვესადგურზე მიერთებული მომხმარებელთა საერთო რაოდენობა გაყოფილი სატრანსფორმატორო ქვესადგურიდან გამომავალი დაბალი ძაბვის ელექტროგადამცემი ხაზების რაოდენობაზე; ბ) დაბალი ძაბვის ერთ ფაზაზე – დაბალი ძაბვის ერთ ხაზზე მიერთებულ მომხმარებელთა რაოდენობა გაყოფილი ფაზების რაოდენობაზე. 3. 2021 წლამდე, წყალმომარაგების სექტორში მოქმედი საწარმოებისათვის, თუ უცნობია კონკრეტული წყვეტის დროს გათიშულ მომხმარებელთა რაოდენობა, ის გამოითვლება შესაბამის რეგიონში/ტერიტორიულ უბანში აბონენტების რაოდენობისა და საწარმოს ჭების რაოდენობის თანაფარდობით. 4. კომისიის გადაწყვეტილებით განსაზღვრულ დასახლებებში, შპს „საქართველოს გაერთიანებული წყალმომარაგების კომპანიის“ მომხმარებლების სასმელი წყლით მომარაგების წყვეტების აღრიცხვის მიზნებისათვის, მომარაგების წყვეტად 2022 წლამდე მიიჩნევა შემთხვევა, რომლის დროსაც დაწნევა მომხმარებლის მიერთების წერტილში 0,05 მგპა-ზე ნაკლებია. 5. საერთო სტანდარტი „მომხმარებელთა ინფორმირება მომარაგების წყვეტის თარიღისა და ხანგრძლივობის თაობაზე“ არ ვრცელდება წყალმომარაგების ისეთ წყვეტაზე, რომელიც გრაფიკით არის გათვალისწინებული, კანონმდებლობის შესაბამისად. აღნიშნული ინფორმაცია კომისიას წერილობითი ფორმით უნდა მიეწოდოს გრაფიკის დადგენისთანავე. 6. 2020 წლამდე, საწარმოების მიერ საერთო სტანდარტის – „მომხმარებელთა ინფორმირება მომარაგების წყვეტის თარიღისა და ხანგრძლივობის თაობაზე“ – შესრულების გაანგარიშებისას მხედველობაში მიიღება მხოლოდ გეგმური წყვეტები. დანართი №1 საერთო სტანდარტი № მომსახურება წლიური სამიზნე მაჩვენებლები 1 მომხმარებელთა ინფორმირება მომარაგების წყვეტის თარიღისა და ხანგრძლივობის თაობაზე სტანდარტის   შესასრულებლად   წყვეტის  შესახებ ინფორმაცია 90%-ში უნდა იყოს დროულად მიწოდებული.  იმ შემთხვევაში, თუ ხდება წლიური სამიზნე მაჩვენებლის გაუმჯობესება/გაუარესება, საწარმოს რეგულირებადი დანახარჯების ბაზა შესაბამისად გაიზრდება/შემცირდება ყოველ გაუმჯობესებულ/გაუარესებულ 1 პროცენტზე რეგულირებადი  დანახარჯების ბაზის 0.01%-ით. საწარმოს მიერ აღნიშნული სტანდარტის შესრულება გამოითვლება წლის განმავლობაში დროულად ინფორმირებული მომხმარებლების რაოდენობისა და იმ გამორთული მომხმარებლების საერთო რაოდენობის თანაფარდობით, რომლებსაც საკონტაქტო მონაცემები მიწოდებული ჰქონდათ საწარმოსთვის. წყვეტის შესახებ ინფორმაცია ითვლება მიწოდებულად (მომხმარებელი მიიჩნევა  ინფორმირებულად), თუ: ა) ინფორმაცია  ამ წესების შესაბამისად გაეგზავნა  გამორთულ მომხმარებელს, რომელსაც საკონტაქტო მონაცემები მიწოდებული ჰქონდა საწარმოსათვის; ბ) ინფორმაცია აგრეთვე გავრცელდა მედიასაშუალებით (ამ წესებით გათვალისწინებულ  შემთხვევებში); გ) შეტყობინებაში მითითებული წყვეტის დაწყების, დასრულებისა და ხანგრძლივობის დროის ცდომილება არ აღემატება 2 საათს (მაღალმთიან დასახლებაში არაგეგმური წყვეტისას - 3 საათს). 2 შიდა არაგეგმური წყვეტის გამო გამორთული მომხმარებლის მომარაგების აღდგენა არაგეგმური წყვეტის შედეგად გამორთული მომხმარებლების 80%-ს მომარაგება უნდა აღუდგეს დროულად. იმ შემთხვევაში, თუ ხდება წლიური სამიზნე მაჩვენებლის გაუმჯობესება/გაუარესება, საწარმოს რეგულირებადი დანახარჯების ბაზა შესაბამისად გაიზრდება/შემცირდება ყოველ გაუმჯობესებულ/გაუარესებულ 1%-ზე რეგულირებადი დანახარჯების ბაზის 0.01%-ით. 3 ქოლცენტრის ოპერატორის პასუხის გაცემის დრო სატელეფონო ზარზე სტანდარტის   შესასრულებლად     შემოსული   ზარების   80%-ს   პასუხი   უნდა გაეცეს  დროულად. იმ შემთხვევაში, თუ ხდება წლიური სამიზნე მაჩვენებლის გაუმჯობესება/გაუარესება, საწარმოს რეგულირებადი დანახარჯების ბაზა შესაბამისად  გაიზრდება/შემცირდება ყოველ გაუმჯობესებულ/გაუარსებულ 1 პროცენტზე რეგულირებადი დანახარჯების ბაზის 0.01 პროცენტით (%). 4 მომარაგების წყვეტის საშუალო ხანგრძლივობის შემცირება თითოეულ რეგიონში ტერიტორიული უბნების მიხედვით საწარმოს მიერ მომარაგების წყვეტის საშუალო ხანგრძლივობის გაუმჯობესების ან გაუარესების შემთხვევაში, კომისია უფლებამოსილია საწარმოს ტარიფის გაანგარიშებისას რეგულირებადი დანახარჯების ბაზა გაზარდოს ან შეამციროს Q ფაქტორის შესაბამისად. დანართი №2 გარანტირებული სტანდარტი № მომსახურება კომპენსაციის ოდენობა 1 დავალიანების გადაუხდელობისთვის გათიშული მომხმარებლებისთვის მომარაგების აღდგენა საყოფაცხ. მომხმარებელი – 5 ლარი არასაყოფაცხ. მომხმარებელი  – 10 ლარი 2 მომხმარებელთა მიმართვებზე დასაბუთებული პასუხის ან ტექსტური შეტყობინების გაგზავნა ან/და რეაგირება საყოფაცხ. მომხმარებელი  – 5 ლარი არასაყოფაცხ. მომხმარებელი – 10 ლარი 3 მომხმარებლის მიმართვის საფუძველზე  აღრიცხვის ხელსაწყოების ადგილზე შემოწმება საყოფაცხ. მომხმარებელი – 5 ლარი არასაყოფაცხ. მომხმარებელი    – 10 ლარი 4 აბონენტად დარეგისტრირება საყოფაცხ. მომხმარებელი  – 5 ლარი არასაყოფაცხ. მომხმარებელი – 10 ლარი 5 მომხმარებლის     მიმართვის     საფუძველზე     მომარაგების ტექნიკური ხარისხის ადგილზე შემოწმება საყოფაცხ. მომხმარებელი  – 5 ლარი არასაყოფაცხ. მომხმარებელი – 10 ლარი 6 სისტემაზე ახალი მომხმარებლის მიერთება/სიმძლავრის გაზრდა „მიწოდებისა  და მოხმარების წესებით“ განსაზღვრული ვადის ყოველ გადაცდენაზე მომხმარებელს უნდა დაერიცხოს კომპენსაცია კომისიის მიერ დადგენილი საფასურის 50 პროცენტის ოდენობით. ვალდებულების ურთიერთგაქვითვის შედეგად: ა) კომისიის მიერ დადგენილი პაკეტით განსაზღვრული ქსელზე (სისტემაზე) მიერთების უზრუნველყოფის პერიოდის – ვადის პირველივე გადაცდენაზე საფასური ნახევრდება; ბ) იმავე ვადის მეორე გადაცდენისას, საფასური ნულდება; გ) იმავე ვადის მესამედ და მეტჯერ გადაცდენის შემთხვევაში, ყოველ გადაცდენაზე მომხმარებელს უნდა დაერიცხოს კომპენსაცია საფასურის 50%-ის ოდენობით. შენიშვნა: ელექტროენერგეტიკისა და წყალმომარაგების სექტორში ერთობლივი განაცხადით მიერთების/სიმძლავრის გაზრდის მოთხოვნისას მომხმარებელს კომპენსაცია უნდა დაერიცხოს მოთხოვნილი სიმძლავრის/სასმელი წყლის წარმადობის პროპორციულად, ხოლო წყალარინების ქსელზე მიერთების/მოცულობის გაზრდის მოთხოვნისას - თანაბარწილად. 7 მშენებლობის ტექნიკური ზედამხედველობა, აღრიცხვის კვანძის მოწყობა და ქსელზე შეჭრა „მიწოდებისა  და მოხმარების წესებით“ დადგენილი აღრიცხვის კვანძის მოწყობისა და ქსელზე შეჭრის შესაბამისი პაკეტით განსაზღვრული პერიოდის – ვადის ხელმეორედ გასვლის შემთხვევაში, თუ ისევ არ იქნება დასრულებული სამუშაოები, გაიცემა კომპენსაცია, ვადის პირველი გადაცდენის გამო შემცირებული საფასურის ოდენობით (გადასახდელი თანხა ნულდება კომპენსაციის დარიცხვის ხარჯზე). დანართი №3 მიუწოდებელ ენერგიაზე წახალისების/სანქცირების განაკვეთი 1. მიუწოდებელ ენერგიაზე წახალისების/სანქცირების განაკვეთი წყვეტების საშუალო ხანგრძლივობაზე ფინანსური მექანიზმის გაანგარიშების მიზნებისათვის გამოითვლება შემდეგი წესით: 2. მიუწოდებელი ელექტროენერგიის, ბუნებრივი გაზის ან სასმელი წყლის ღირებულება გამოითვლება შემდეგი წესით: 3. მიუწოდებელი სასმელი წყლის ღირებულების განსაზღვრისას, მხედველობაში მიიღება საქართველოში შექმნილი მთლიანი დამატებითი ღირებულების მხოლოდ ის პროპორციული წილი, რაც შეესაბამება წყალმომარაგების სექტორში მოქმედი ლიცენზიატების დაფარვის არეალს (%). დაფარვის არეალი აღებული უნდა იქნეს კომისიის წლიური ანგარიშიდან, საბაზისო წლის პერიოდზე. 4. მომხმარებელთა საშუალო წლიური დატვირთვა გამოითვლება შემდეგი წესით: