შპს „არენა მშენის“ კრედიტორთა კრების მოწვევის შესახებ

(საიდენტიფიკაციო ნომერი 204388402)

დირექტორი – თამაზ ონიკაძე

წარმომადგენელი – ლაზარე ძირკველიშვილი

რეაბილიტაციის მმართველი – დავით ალაფიშვილი

მოთხოვნა – კრედიტორთა კრების მოწვევის შესახებ

სასამართლომ განიხილა კრედიტორთა კრების მოწვევის საკითხი და

გ ა მ ო ა რ კ ვ ი ა:

თბილისის საქალაქო სასამართლოს სამოქალაქო საქმეთა კოლეგიის განხილვაშია შპს „არენა მშენის“ რეაბილიტაციის საქმე, დანიშნულ იქნა რეაბილიტაციის მმართველი და კრებამ მიიღო გადაწყვეტილება რეაბილიტაციის გეგმის შედგენის და დამტკიცების თაობაზე. აღნიშნულიდან გამომდინარე, საჭიროა მოწვეულ იქნეს კრედიტორთა კრება.

„გადახდისუუნარობის საქმის წარმოების შესახებ“ საქართველოს კანონის 27-ე მუხლის პირველი და მეორე ნაწილების თანახმად, კრედიტორთა კრება იმართება გადახდისუუნარობის საქმის განმხილველ სასამართლოში. კრედიტორთა კრებას ამზადებს და ორგანიზაციულად უზრუნველყოფს მეურვე თავისი უფლებამოსილების ვადის განმავლობაში, ხოლო გაკოტრების ან რეაბილიტაციის პერიოდში – გაკოტრების/რეაბილიტაციის მმართველი. კრედიტორთა კრებას უძღვება მოსამართლე. კრედიტორთა კრების მოწვევისა და მასზე გადაწყვეტილების მიღების წესი განისაზღვრება ამ კანონით.

ამავე მუხლის მე-10 ნაწილის მიხედვით, თუ კრედიტორთა კრება არ შედგა, ან კრება გადაწყვეტილებაუუნაროა, ან მან ვერ მიიღო გადაწყვეტილება, 7 დღის ვადაში იმავე დღის წესრიგით მოიწვევა მეორე კრება, რომელიც გადაწყვეტილებაუნარიანი იქნება მასზე წარმოდგენილ ხმათა რაოდენობის მიუხედავად.

სასამართლომ იხელმძღვანელა „გადახდისუუნარობის საქმის წარმოების შესახებ“ საქართველოს კანონის მე-5, მე-7, მე-8, მე-9, 25-ე, 27-ე მუხლებით, საქართველოს სამოქალაქო საპროცესო კოდექსის 284-285-e მუხლებით.

დ ა ა დ გ ი ნ ა:

1. კრედიტორთა კრება მოწვეულ იქნეს 2019 წლის 20 მარტს, 15:00 საათზე, თბილისის საქალაქო სასამართლოში მდებარე ქ. თბილისში, დ. აღმაშენებლის ხეივანი მე-12 კმ. №6, სხდომის დარბაზი №51 შემდეგი დღის წესრიგით:

1.1. რეაბილიტაციის გეგმის მომზადების მიმდინარეობის შესახებ;

1.2.  სხვა კომპეტენციას მიკუთვნებული საკითხების განხილვა.

2. განჩინება გამოქვეყნდეს "საქართველოს საკანონმდებლო მაცნეში", სასამართლოს დაფაზე და ვებგვერდზე www.tcc.gov.ge.

3. განჩინება შეიძლება გასაჩივრდეს გამოცემიდან 5 დღის ვადაში კერძო საჩივრით თბილისის საქალაქო სასამართლოს სამოქალაქო საქმეთა კოლეგიაში.

მოსამართლე                                                                                   თამარ ჭუნიაშვილი