„საქართველოში ჯანმრთელობის დაცვის სისტემის ეფექტიანობის შეფასების წარმოების წესის“, „საქართველოში ჯანმრთელობის ანგარიშის სისტემის წარმოების წესისა“ და „საქართველოში მოსახლეობის ჯანმრთელობის მდგომარეობის შესახებ ეროვნული მოხსენების მომზადების წესის“ დამტკიცების თაობაზე

„საქართველოში ჯანმრთელობის დაცვის სისტემის ეფექტიანობის შეფასების წარმოების წესის“, „საქართველოში ჯანმრთელობის ანგარიშის სისტემის წარმოების წესისა“ და „საქართველოში მოსახლეობის ჯანმრთელობის მდგომარეობის შესახებ ეროვნული მოხსენების მომზადების წესის“ დამტკიცების თაობაზე საქართველოს მთავრობის დადგენილება №32 2019 წლის 7 თებერვალი ქ. თბილისი „საქართველოში ჯანმრთელობის დაცვის სისტემის ეფექტიანობის შეფასების წარმოების წესის“, „საქართველოში ჯანმრთელობის ანგარიშის სისტემის წარმოების წესისა“ და „საქართველოში მოსახლეობის ჯანმრთელობის მდგომარეობის შესახებ ეროვნული მოხსენების მომზადების წესის“ დამტკიცების თაობაზე მუხლი 1🔗 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართვე­ლოს კა­ნო­­ნის მე-5 მუხლისა და საქართველოს ზოგადი ადმინისტრაციული კოდექსის 61-ე მუხლის შესაბამისად: 1. საქართველოში ჯანმრთელობის დაცვის სექტორში მტკიცებულებებს დაფუძნებული სახელმწიფო პოლიტიკის ფორმირების პროცესის ხელშეწყობის მიზნით, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო (შემდგომში − სამინისტრო) უზრუნველყოფს „ჯანმრთელობის დაცვის სისტემის ეფექ­ტიანობის შეფა­სე­ბის“, „ჯანმრთელობის ანგარიშის სისტემისა“ და „საქართველოს მო­სახ­ლეობის ჯანმრთელობის მდგომარეობის შესახებ ეროვ­ნუ­ლი მოხსენების“ (შემდგომში − დოკუმენტები) მომზადებას. 2. დამტკიცდეს: ა) „საქართველოში ჯანმრთელობის დაცვის სისტემის ეფექტიანობის შეფა­სების წარმოების წესი“ (დანართი №1); ბ) „საქართველოში ჯანმრთელობის ანგარიშის სისტემის წარ­მო­ე­ბის წესი“ (დანართი №2);  გ) „საქართველოში მოსახლეობის ჯანმრთელობის მდგო­მა­რე­ო­ბის შესახებ ეროვნული მოხსენების მომზადების წესი“ (დანართი №3). 3. დოკუმენტების წარმოების ზოგადი პრინციპებია: ა) პროცესის მდგრადობა; ბ) ინფორმაციის ობიექტურობა; გ) ინფორმაციის სისრულე და სანდოობა; დ) საქართველოსა და საერთაშორისო კანონმდებლობის და­ც­ვა. 4. დოკუმენტებისათვის საჭირო ინფორმაციის მოთხოვნისა და მიწოდების წესებსა და ფორმას განსაზღვრავს სამინის­ტრო. 5. დოკუმენტებისათვის საჭირო ინფორმაციას, სამინისტროს მოთხოვნიდან არაუგვიანეს ერთი თვისა, კანონმდებლობით დად­გე­ნი­ლი წესით აწვდიან ის სახელმწიფო დაწესებულებები, სა­ჯარო სამართლის იურიდიული პირები და კერძო სამართლის სამეწარ­მეო და არასამეწარმეო (არაკომერციული) იური­დიუ­ლი პირები, რომლებიც პასუხისმგებელნი არიან მათ მიერ სამი­ნისტროსათვის მიწოდებული ინფორმაციის სისწორეზე. 6. სამინისტრო, საჭიროების შემთხვევაში, დოკუმენტების მომ­ზადებაში მონაწილეობის მიღების მიზნით, იწვევს დამოუ­კი­დე­ბელ ექსპერტებს ან/და ორგანიზაციებს, რომელთა მიწ­ვევის შე­სახებ გადაწყვეტილებას იღებს საქართველოს ოკუპირებული ტერიტორიებიდან დევნილთა, შრომის, ჯანმრთე­ლობისა და სოციალური დაცვის მინისტრი. 7. სამინისტრო, დაინტერესებულ მხარეთა ინფორმირების მიზ­ნით,  უზრუნველყოფს დოკუ­მენტების ვებგვერდზე განთავსებას. 8. ძალადაკარგულად გამოცხადდეს „საქართველოში ჯანდაცვის სისტემის ეფექტიანობის შეფასების წარმოების წესის“, „საქართველოში ჯანდაცვის ეროვნული ანგარიშის წარმოების წესისა“ და „საქართველოში მოსახლეობის ჯანმრთელობის მდგომარეობის შესახებ ეროვნული მოხსენების წარმოების წესის“ დამტკიცების თაობაზე“ საქართველოს მთავრობის 2010 წლის 10 აგვისტოს №229 დადგენილება. მუხლი 2🔗 დადგენილება ამოქმედდეს გამოქვეყნებისთანავე. პრემიერ - მინისტრიმამუკა ბახტაძე   დანართი №1 საქართველოში ჯანმრთელობის დაცვის სისტემის ეფექტიანობის შეფასების წარმოების წესი მუხლი 1🔗. საქართველოში ჯანმრთელობის დაცვის სისტემის ეფექტიანობის შეფასების წარმოების წესი არეგულირებს ქვე­ყ­ანაში ჯანმრთელობის დაცვის სისტემის ეფექტიანობის შესაფასებლად ინფორმაციის შეგროვებისა და ანგა­რიშის მომზადების საკითხებს. მუხლი 2🔗. ჯანმრთელობის დაცვის სისტემის ეფექტია­ნობის შეფასების ძი­რი­თადი მიზნებია: ა) მტკიცე­ბუ­ლე­ბებს დაფუძნებული სახელმწიფო პოლიტიკის ფორმირების პრო­ცესის გაუმჯობესება და საიმედო ინსტრუმენტის შექმნა ჯან­დაცვის სექტორში მიმდინარე რეფორმების შეფასე­ბი­სათვის; ბ) მოსახლეობის ჯანმრთელობის მდგომარეობის, ჯანდაც­ვის მომსახურების ხარისხისა და შედეგების, ჯანდაცვის ხელ­შეწ­ყო­ბისა და დაავადებათა პრევენციის, თანასწორობის დაცვი­სა და ფი­ნანსური უზრუნველყოფის, ჯანდაცვის მომსახურების ხელ­მი­საწვ­დომობის, ჯანდაცვის მომსახურების ეფექტიანობისა და ეფექ­ტუ­რობის, ჯანდაცვის სისტემის რესურსების რაციონალური განაწი­ლების, სამინისტროს ჯანდაცვის საინ­ფორ­­მაციო სისტე­მისა და ჯან­დაცვის სისტემის მართვის ფუნქციის შეფასება. მუხლი 3🔗. სამინისტრო ჯანმრთელობის დაცვის სისტემის ეფექტიანობის შე­ფასებას უზრუნველყოფს სამ წელიწადში ერთხელ, საანგარიშო პე­რი­ოდის მომდევნო წლის 31 დეკემ­ბრამ­დე. მუხლი 4🔗. ჯანმრთელობის დაცვის სისტემის ეფექტია­ნო­ბის შეფასების შედ­გენის პროცედურა მოიცავს შემდეგ ეტა­პებს: ა) ინფორმაციის მოპოვება; ბ) ინფორმაციის დამუშავება; გ) ანალიზი და ექსპერტიზა; დ) ანგარიშის ფორმირება. მუხლი 5🔗. სამინისტრო ჯანმრთელობის დაცვის სისტემის ეფექტიანობის შე­ფასების მოსამზადებლად უზრუნველყოფს: ა) განსაზღვრული კრი­ტერი­უმე­ბის მიხედვით, ეფექტიანობის შე­ფა­სების ინ­დი­კატორების  გადახედვას და შესა­ბა­მისად, ინდიკატო­რებისათვის საჭირო ინ­ფორ­მაციის წყაროების მი­­თი­თე­ბას (რუტინული კვლევე­ბით); ბ) მონაცემთა შეგროვების ახალი ინსტრუმენტების (ფო­რ­მე­ბისა და მეთოდური მითითებების) დანერგვას ჯანდაცვის სის­ტემის ფუნქციონირების შეფასების იმ ინდიკატორებთან დაკავშირებით, რომ­ლებიც ანგარიშგების არსებულ სისტემაში არ არის გათვალის­წინებული სამე­დიცინო მომსახურების მიმწოდებლებისაგან; გ) ინფორმაციის შეგროვების პერიოდულობის, აგრეგირების მონაცემთა ანალიზის, პოლიტიკისათვის მნიშვნელოვანი დასკვ­ნე­ბის შემუშავებასა და ანგარიშის მომ­ზა­დებას; დ) საჭიროების შემთხვევაში, კონცეპტუალური ჩარჩოს გა­და­ხედვას. მუხლი 6🔗. სამინისტროს უფლება აქვს, შეიტანოს ცვლი­ლებები და დამატებები ჯანმრთელობის დაცვის სისტემის ეფექტია­ნობის შეფასების ანგარიშის სტრუქ­ტურაში.                               დანართი №2 საქართველოში ჯანმრთელობის ანგარიშის სისტემის წარმოების წესი მუხლი 1🔗. საქართველოში ჯანმრთელობის ანგარიშის სისტემის წარმოების წესი არეგულირებს ქვეყანაში ჯან­მრთელობის ან­გა­რიშის სისტემისთვის ინფორმაციის შეგრო­ვებისა და ჯანმრთელობის ანგარიშის შედ­გენის საკითხებს. მუხლი 2🔗. ჯანმრთელობის ანგარიშის სისტემის წარმოების ძირი­თადი მიზნებია: ა) ქვეყნის მასშტაბით ჯანდაცვის სექტორში ფინანსური ნა­კა­დების აღრიცხვა და მათი ანალიზი სხვადასხვა განზომილებაში; ბ) ჯანდაცვის პოლიტიკის ეკონომიკური შედეგების მონი­ტორინგი; გ) ჯანმრთელობის ანგარიშის შედეგებზე დაყრდ­ნობით ჯანდაცვის დაფინანსების პოლიტიკის რეკომენდაციების შე­მუშავება; დ) სხვა ქვეყნების ჯანდაცვის დანახარჯებთან შედარებითი ანა­ლიზი. მუხლი 3🔗. ჯანმრთელობის ანგარიშის სისტემის მომზადებას სამინისტრო უზრუნველყოფს ყოველწლიურად, საანგარიშო წლის მო­­მ­დევნო მეორე წლის 31 იანვრამდე. მუხლი 4🔗. ჯანმრთელობის ანგარიშის სისტემის წარმოების პრო­ცედურა შედგება შემდეგი ეტაპებისგან: ა) ინფორმაციის მოპოვება; ბ) ინფორმაციის დამუშავება; გ) ანალიზი და ექსპერტიზა; დ) ანგარიშების ფორმირება. მუხლი 5🔗. სამინისტრო ჯანმრთელობის ანგარიშის სისტემის წარმოებისათვის უზრუნველყოფს: ა) ჯანმრთელობის ანგარიშის სისტემის მომზადების მეთო­დოლო­გიის შემუშავებას; ბ) ანგარიშის სტრუქტურის საერთაშორისო სტანდარტებთან შესაბამისობას; გ) საჭირო ინფორმაციის შეგროვებისათვის წყაროებისა და შეგროვების პერიოდულობის განსაზღვრას; დ) მიღებული ინფორმაციის სტანდარტულ ორგანზომილებიან ცხრილებში განთავსებასა და მიღებული შედეგების ანალიზს. მუხლი 6🔗. სამინისტროს უფლება აქვს, შეიტანოს ცვლილებები და დამატებები ჯანმრთელობის   ანგარიშის სისტემის კლასიფი­კა­ცია­ში.                               დანართი №3 საქართველოში მოსახლეობის ჯანმრთელობის მდგომარეობის შესახებ ეროვნული მოხსენების მომზადების წესი მუხლი 1🔗. საქართველოში მოსახლეობის ჯანმრთელობის მდგო­­მარეობის შესახებ ეროვნული მოხსენების მომზადების წესი არეგულირებს ქვეყანაში ეროვ­ნუ­ლი მოხსენებისათვის ინფორმაციის შეგროვებისა და მოხსენების მომზადების საკით­ხებს. მუხლი 2🔗. მოსახლეობის ჯანმრთელობის მდგომარეობის შე­სა­ხებ ეროვნული მოხსენების მომზადების ძირითადი მიზნებია: ა) ქვეყნის მოსახლეობის ჯანმრთელობის მდგომარეობის შე­ფასება; ბ) ჯანდაცვის სისტემის მდგომარეობის: ინფრასტრუქტურის, ადამიანური რესურსების, დაფინანსებისა და სამედიცინო მომსა­ხუ­რების მიწოდების შეფასება; გ) გარემო, სოციალური, ფიზიკური, ფსიქიკური, ქცევითი და სხვა დეტერმინანტების შეფასება; დ) საქართველოსა და ევროპის რეგიონის ზოგიერთი ქვეყნის მონაცემთა შედარება. მუხლი 3🔗. სამინისტრო მოსახლეობის ჯანმრთელობის მდგო­მა­რეობის შესა­ხებ ეროვნული მოხსენების მომზადებას უზრუნ­ველ­­ყოფს ორ წელიწადში ერთხელ, საანგარიშო წლის მომდევნო მეორე წლის 31 იანვრამდე. მუხლი 4🔗. მოსახლეობის ჯანმრთელობის მდგომარეობის შე­სახებ ეროვნული მოხსენების შედგენის პროცედურა მოიცავს შემ­დეგ ეტაპებს: ა) ინფორმაციის მოპოვება; ბ) ინფორმაციის გადამუშავება; გ) მოხსენების საბოლოო სახით ფორმირება. მუხლი 5🔗. სამინისტრო მოსახლეობის ჯანმრთელობის მდგო­მა­რეობის შესახებ ეროვნული მოხსენების მოსამზადებლად უზ­რუნ­ველყოფს:   ა) ეროვნული მოხსენების სტრუქტურის ყოველწლიურ გადა­ხედვას; ბ) ინფორმაციის შეგროვების პერიოდულობის, აგრეგირების, მონაცემთა ანალიზის, პოლიტიკისათვის მნიშვნელოვანი დასკვ­ნე­­ბის, რეკომენდაციების შემუშავებასა და მოხსენების მომზა­დე­ბას; გ) მოხსენების ექსპერტიზას; დ) საბოლოო ანგარიშის მომზადებას. მუხლი 6🔗. სამინისტროს უფლება აქვს, შეიტანოს ცვლილე­ბები და დამატებები მოსახლეობის ჯანმრთელობის მდგომარეო­ბის შე­სახებ ეროვნული მოხსენების სტრუქტურაში.