„საქართველოს თავდაცვის სამინისტროს სისტემაში იარაღის შენახვის წესის დამტკიცების შესახებ" საქართველოს თავდაცვის მინისტრის 2017 წლის 10 ივლისის №49 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სახელმწიფო მმართველობა სამხედრო

მიღების თარიღი

28.02.2019

გამომცემი ორგანო

საქართველოს თავდაცვის მინისტრი

ნომერი

№7

სარეგისტრაციო კოდი

120340000.22.026.016698

გამოქვეყნების წყარო

matsne.gov.ge , 01/03/2019

📥 მინიშნება 1 🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მინისტრის ბრძანება (1)

საქართველოს თავდაცვის სამინისტროს მფლობელობაში არსებული ცეცხლსასროლი იარაღისა და საბრძოლო მასალის შენახვის წესის დამტკიც 10.07.2017

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს თავდაცვის მინისტრის

ბრძანება №7

2019 წლის 28 თებერვალი

ქ. თბილისი

„საქართველოს თავდაცვის სამინისტროს სისტემაში იარაღის შენახვის წესის დამტკიცების შესახებ” საქართველოს თავდაცვის მინისტრის 2017 წლის 10 ივლისის №49 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, ვბრძანებ:

მუხლი 1

„საქართველოს თავდაცვის სამინისტროს სისტემაში იარაღის შენახვის წესის დამტკიცების შესახებ“ საქართველოს თავდაცვის მინისტრის 2017 წლის 10 ივლისის №49 ბრძანებით (ვებგვერდი, 11/07/2017, სარეგისტრაციო კოდი: 120340000.22.026.016500) დამტკიცებულ საქართველოს თავდაცვის სამინისტროს სისტემაში იარაღის შენახვის წესში შეტანილ იქნეს ცვლილება და წესის:

1. მე-13 მუხლის მე-3 პუნქტი ჩამოყალიბდეს შემდეგი რედაქციით:

„3. ქვედანაყოფის სამორიგეოდან/საიარაღო ოთახიდან იარაღის, საბრძოლო მასალისა და აღჭურვილობის მიღება/გაცემა წარმოებს ქვედანაყოფის მორიგის ან შეიარაღებაზე პასუხისმგებელი პირის მიერ, იარაღის, საბრძოლო მასალისა და აღჭურვილობის მიღება-გაცემის წიგნში შესაბამისი გაფორმებით, გარდა მე-14 მუხლის მე-2 პუნქტით განსაზღვრული შემთხვევისა.“.

2. მე-14 მუხლის მე-2 პუნქტი ჩამოყალიბდეს შემდეგი რედაქციით:

„2. ქვედანაყოფის ხელმძღვანელის გადაწყვეტილებით, საომარი ან საგანგებო მდგომარეობის, საგანგებო სიტუაციის, სწავლების, საბრძოლო მზადყოფნის შემოწმების ან სხვა განსაკუთრებული ვითარების დროს, იარაღის, საბრძოლო მასალისა და აღჭურვილობის მიღება/გაცემა საიარაღო ოთახიდან/სამორიგეოდან შესაძლებელია იარაღის ბარათების საფუძველზე. ამ შემთხვევაში იარაღის, საბრძოლო მასალისა და აღჭურვილობის მიღება/გაცემის წიგნში მიმღების ხელმოწერა სავალდებულო არ არის. თუ მოსამსახურე ვერ წარადგენს იარაღის ბარათს, იარაღის, საბრძოლო მასალისა და აღჭურვილობის მიღება/გაცემა საიარაღო ოთახიდან/სამორიგეოდან განხორციელდება ამ წესის მე-13 მუხლის მე-3 პუნქტის შესაბამისად.“.

3. №29 დანართი ჩამოყალიბდეს თანდართული რედაქციით.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს თავდაცვის მინისტრი

ლევან იზორია

📎 დანართები (1)

N7- danarti 29.doc DOC ⬇

დანართი №29

ნიმუში

იარაღის

ბარათი

|იარაღის, საბრძოლო მასალისა | | |

|და აღჭურვილობის შემცვლელი | | |

|ბარათი № | | |

| | |- - - - - - - - - - - - - - - |

| | |(ქვედანაყოფის დასახელება) |

| | | | |

|3X4 |_ _ _ _ _ _ _ _ _ _ _ | | |

| |_ _ _ _ _ _ _ _ _ _ _ | | |

| | | | |

| |ბ.ა. | | |

| |„___“_______20 წ. | | |

(ბარათის წინა მხარე) (ბარათის უკანა მხარე)

შენიშვნა: ბარათი გადაეცემა იმ მოსამსახურეს, რომელსაც უფლებამოსილი პირის ბრძანებით მიმაგრებული აქვს ბარათში აღნიშნული იარაღი და აღჭურვილობა. ბარათი მზადდება ქაღალდზე და მისი ზომა 85X60მმ. იგი უნდა იყოს ლამინირებული. იარაღის, საბრძოლო მასალისა და აღჭურვილობის საიარაღო ოთახიდან/სამორიგეოდან მიღების დროს ბარათი ჰბარდება პასუხისმგებელ პირს, ხოლო იარაღის, საბრძოლო მასალისა და აღჭურვილობის საიარაღო ოთახში/სამორიგეოში ჩაბარებისას უბრუნდება მის მფლობელს.