„დუშეთის მუნიციპალიტეტში რეგისტრირებული მოქალაქეების სოციალური დახმარებისა და ჯანდაცვის 2019 წლის პროგრამის დამტკიცების შესახებ“ დუშეთის მუნიციპალიტეტის საკრებულოს 2019 წლის 18 იანვრის №1 დადგენილებაში ცვლილების შეტანის თაობაზე

ა) დუშეთის მუნიციპალიტეტის საკრებულოს 2019 წლის 18 იანვრის №1 დადგენილებით დამტკიცებული დანართის პირველ  მუხლს  დაემატოს შემდეგი შინაარსის მე-3 პუნქტი:„3. სახელმწიფო ბიუჯეტიდან შესაბამისი მიზნობრივი დაფინანსების გამოყოფის შემთხვევაში  წინამდებარე წესით განსაზღვრული პროცედურებისა და კრიტერიუმების გარეშე, ასევე ამ დადგენილებით გაუთვალისწინებელი სახის და ოდენობის დახმარების გაცემა შესაძლებელია მხოლოდ საკრებულოს თანხმობით. გადაწყვეტილება მიიღება საკრებულოს განკარგულების სახით, მერის წარდგენის საფუძველზე. თანხმობის მიღების შემთხვევაში დახმარების გაწევის შესახებ გადაწყვეტილებას იღებს მერი ინდივიდუალური ადმინისტრაციულ-სამართლებრივი აქტის – მერის ბრძანების გამოცემის გზით.“;

ბ)დუშეთის მუნიციპალიტეტის საკრებულოს 2019 წლის 18 იანვრის №1 დადგენილებით დამტკიცებული დანართის 12-ე მუხლის  მე-2 პუნქტის „ა“ ქვეპუნქტი შეიცვალოს  და ჩამოყალიბდეს შემდეგი რედაქციით:

„ა) ეკონომიკურად გაჭირვებულ მოქალაქეებს (ადმინისტრაციულ ერთეულში მერის წარმომადგენლის დახასიათებით), გარდა იმ მოქალაქეებისა, რომელთაც მინიჭებული აქვთ 65 000-მდე  სარეიტინგო ქულა;“.