„ტერორიზმის წინააღმდეგ ბრძოლის ეროვნული სტრატეგიისა და შესაბამისი სამოქმედო გეგმის შემმუშავებელი და შესრულების მონიტორინგის განმახორციელებელი უწყებათაშორისი მუდმივმოქმედი კომისიის შექმნისა და დებულების დამტკიცების თაობაზე“ საქართველოს მთავრობის 2018 წლის 14 სექტემბრის №469 დადგენილებაში ცვლილების შეტანის შესახებ

1. დადგენილების პირველი მუხლის „ს“ ქვეპუნქტი ამოღებულ იქნეს.

2. დადგენილების პირველი მუხლის „ს“ ქვეპუნქტის შემდგომ დაემატოს შემდეგი შინაარსის „ს¹“ ქვეპუნქტი:

„ს¹) სსიპ – რელიგიის საკითხთა სახელმწიფო სააგენტოს თავმჯდომარე ან მისი მოადგილე – კომისიის წევრი;“.

3. დადგენილების პირველი მუხლის შემდეგ დაემატოს შემდეგი შინაარსის 1¹ მუხლი:

„მუხლი 1¹. ტერორიზმის წინააღმდეგ ბრძოლის ეროვნული სტრატეგიისა და შესაბამისი სამოქმედო გეგმის შემმუშავებელი და შესრულების მონიტორინგის განმახორციელებელი უწყებათაშორისი მუდმივმოქმედი კომისიის მუშაობაში სათათბირო ხმის უფლებით მონაწილეობა ეთხოვოს საქართველოს ეროვნული ბანკის ვიცე-პრეზიდენტს.“.

4. დადგენილებით დამტკიცებული დებულების მე-3 მუხლის მე-9 პუნქტი ჩამოყალიბდეს შემდეგი რედაქციით:

„9. კომისიის წევრის არყოფნის შემთხვევაში, მის უფლებამოსილებას ახორციელებს მისი მოვალეობის დროებით შემსრულებელი, ან შესაბამისი უწყების ხელმძღვანელი, ან მის მიერ მინიჭებული უფლებამოსილების მქონე წარმომადგენელი.“.