„ბორჯომის მუნიციპალიტეტში რეგისტრირებული მოსახლეობის 2019 წლის სოციალური დახმარების პროგრამის და გაცემის წესის დამტკიცების შესახებ“ ბორჯომის მუნიციპალიტეტის საკრებულოს 2019 წლის 23 იანვრის №55 დადგენილებაში ცვლილების შეტანის შესახებ

„მუხლი 8. შეზღუდული შესაძლებლობების მქონე სრულწლოვანი პირების დახმარება

1. 18 წლის ზევით შეზღუდული შესაძლებლობის მქონე (I ჯგუფი) პირებს გაეწიოთ ერთჯერადი ფულადი დახმარება „ახალი წლის“ და „იესო ქრისტეს მკვდრეთით აღდგომის“ დღესასწაულზე 100 (ასი) ლარის ოდენობით.

2. დახმარების გაწევა განხორციელდეს შშმ (I ჯგუფი) პირებზე, რომლებსაც 2019 წლის 1 აპრილის მდგომარეობით ეძლევათ შშმ პირებისათვის განსაზღვრული სახელმწიფო გასაცემელი – პენსია.

3. დახმარების მისაღებად ბენეფიციარმა, ოჯახის წევრმა ან მეურვემ ბორჯომის მუნიციპალიტეტში უნდა წარმოადგინოს:

ა) განცხადება მერის სახელზე;

ბ) ოჯახის წევრის შემთხვევაში ნათესაური კავშირის დამადასტურებელი დოკუმენტი;

გ) მეურვის არსებობისას მეურვის დამადასტურებელი დოკუმენტი;

დ) განმცხადებლის საბანკო ანგარიში ნომერი;

ე) შეზღუდული შესაძლებლობის მქონე პირის სტატუსის ქონის დამადასტურებელი დოკუმენტი.“.