,,ქობულეთის მუნიციპალიტეტის 2019 წლის ადგილობრივი პროგრამული ბიუჯეტის დამტკიცების შესახებ“ ქობულეთის მუნიციპალიტეტის საკრებულოს 2018 წლის 28 დეკემბრის №60 დადგენილებაში ცვლილების შეტანის თაობაზე

1

 წარმომადგენლობითი და აღმასრულებელი ორგანოების დაფინანსება (პროგრამული კოდი 01 00)

 პროგრამის მიზანი: წარმომადგენლობითი და აღმასრულებელი ორგანოების გამართული და ეფექტური მუშაობა.

 პროგრამის აღწერა: აღნიშნული ხარჯები ადმინისტრაციული ხასიათისაა და ხელს უწყობს სისტემის გამართულ მუშაობას, როგორიცაა მუნიციპალიტეტის საკრებულოს, მუნიციპალიტეტის სტრუქტურული ერთეულების ფუნქციონირებისათვის საჭირო ადმინისტრაციული ხარჯები. ასევე, მოიცავს მუნიციპალიტეტის ბიუჯეტის სარეზერვო ფონდს, მუნიციპალიტეტის ვალდებულებების მომსახურების დაფარვის ხარჯებს, წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდის ხარჯებს,დამოუკიდებელი აუდიტორიული დასკვნებისა და ექსპერტიზის მომსახურების ხარჯებს.

1.1

სარეზერვო ფონდი (პროგრამული კოდი 01 03)

პროგრამის მიზანი:

ქობულეთის მუნიციპალიტეტის ბიუჯეტში გაუთვალისწინებული გადასახდელების დაფინანსება.

პროგრამის აღწერა:

ქობულეთის მუნიციპალიტეტის ბიუჯეტიდან საჭიროების შემთხვევაში გაუთვალისწინებული (სტიქიური მოვლენებისა და ფორსმაჟორული სიტუაციების), გადაუდებელი გადასახდელების ეფექტური და შეუფერხებლად დაფინანსება.

1.2

მუნიციპალიტეტის ვალდებულებების მომსახურება და დაფარვა (პროგრამული კოდი 01 04)

პროგრამის მიზანი:

მუნიცპალიტეტის მიერ აღებული სასესხო ვალდებულებების დადგენილ ვადებში დაფარვა.

პროგრამის აღწერა:

მუნიციპალური განვითარების ფონდის მიერ, მუნიციპალიტეტში სხვადასხვა წლებში ინფრასტრუქტურული პროექტების განხორციელებისას თანადაფინანსებისა და მიღებულ სესხებზე საქართველოს მუნიციპალური განვითარების ფონდთან გაფორმებული სასესხო ხელშეკრულების შესაბამისად ვალდებულებების მომსახურება და დაფარვა.

1.3

დამოუკიდებელი აუდიტორული დასკვნისა და ექსპერტიზის მომსახურების ხარჯი (პროგრამული კოდი 01 05)

პროგრამის მიზანი:

ქონების საწყისი საბალანსო ღირებულების განსაზღვრა

პროგრამის აღწერა:

მუნიციპალური ქონების ეფექტური მართვა და განკარგვა

2

 თავდაცვა , საზოგადოებრივი წესრიგი და უსაფრთხოება (პროგრამული კოდი 02 00)

პროგრამის მიზანი:

სავალდებულო სამხედრო სამსახურში წვევამდელთა გაწვევის პროცესის შეუფერხებლად წარმართვა

 პროგრამის აღწერა:

სავალდებულო სამხედრო სამსახურში წვევამდელთა გაწვევის მიზნით მუნიციპალიტეტში რეგისტრირებულ წვევამდელთა გაწვევის პუნქტებამდე ტრანსპორტირება (ქ. თბილისში)

3

პრიორიტეტი: ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარების აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება, რაც ბიუჯეტის ერთ-ერთ მთავარ პრიორიტეტს წარმოადგენს, განხორციელდება ქალაქის, დაბებისა და სოფლების,მუნიციპალური ინფრასრტუქტურის ობიექტების რეაბილიტაცია, არსებული ინფრასტრუქტურის მოვლა-შენახვა, მის ექსპლოატაციასთან დაკავშირებული ღონისძიებები.

3.1

საგზაო ინფრასტრუქტურის გაუმჯობესების ღონისძიებები (პროგრამული კოდი 03 01)

პროგრამის მიზანი:

საგზაო ინფრასტრუქტურის მდგომარეობის გაუმჯობესება და სრულყოფა. გზის გამტარუნარიანობისა და საგზაო უსაფრთხოების გაზრდა, სამგზავრო დროის შემცირება.

პროგრამის აღწერა:

საგზაო ინფრასტრუქტურის რეაბილიტაცია და კაპიტალური მშენებლობა, გარე განათების ქსელის განვითარება და მოვლა-პატრონობა და ნაპირსამაგრი სამუშაოების განხორციელება

პროგრამის ფარგლებში განხორციელდება შემდეგი ქვეპროგრამები:

 ქუჩების, ქუჩებს შორის გადასასვლელების (მათ შორის ტროტუარებისა და ბორდიურების) კეთილმოწყობა;

ქობულეთში თამარ მეფის სანაპიროს ჯებირისა, სანაპიროს სავალი ნაწილის რეაბილიტაცია-მშენებლობა;

ქობულეთის მუნიციპალიტეტის ტერიტორიაზე არსებული მოსაცდელების რეაბილიტაცია, ახალი მოსაცდელების მოწყობა;

მუნიციპალიტეტში გზების სამუშაოები (მათ შორის: ნაპირსამაგრი, საძირკვლების, ჯარგვალისა და ფერდსამაგრი სამუშაოები და მისასვლელი გზები, მდინარის კალაპოტების გასწორხაზოვნება,);

ქობულეთის მუნიციპალიტეტის ტერიტორიაზე და ქალაქ ბათუმის მიმართულებით მუნიციპალური ტრანსპორტით (ავტობუსებით) მომსახურება;

გარე განათების ღონისძიებები;

ქობულეთის მუნიციპალიტეტში სტიქიის სალიკვიდაციო ღონისძიებების- სამუშაოები.

3.1.1

 ქუჩების , ქუჩებს შორის გადასასვლელების (მათ შორის ტროტუარებისა და ბორდიურების) კეთილმოწყობა (პროგრამული კოდი 03 01 01)

ქვეპროგრამის მიზანი:

საგზაო ინფრასტრუქტურის მდგომარეობის გაუმჯობესება და სრულყოფა. გზის გამტარუნარიანობისა და საგზაო უსაფრთხოების გაზრდა, სამგზავრო დროისა და სატრანსპორტო საშუალებების საოპერაციო ხარჯების შემცირება.

ქვეპროგრამის აღწერა:

პროგრამა ითვალისწინებს ქალაქ ქობულეთში შიდა საქალაქო ქუჩების, გადასასვლელებისა და ტროტუარების მოწყობას. კერძოდ: შიდა ქუჩების ტროტუარების, ველობილიკების, ავტობუსების გაჩერებების შეჭრების მოწყობას. სანიაღვრე სისტემის მოწესრიგების სამუშაოებსა და ქუჩების მოასფალტების სამუშაოების განხორციელებას; დეკორატიული ფილებით მოპირკეთებას, ასევე შშმ პირებისათვის ადაპტირებული გარემოს შექმას.

პროგრამის ფარგლებში განხორციელდება შემდეგი ქვეპროგრამები:

დაბა ჩაქვში «ოაზისის « მიმდებარედ გზაგამტარის მოწყობა და მიმდებარე ტერიტორიის კეთილმოწყობა;

ქალაქ ქობულეთში ,,მტს» უბნის კეთილმოწყობა (მესხიძის ქუჩის შესახვევები; ჩხეიძის ქუჩა; ხაბაზის ქუჩა; ჭონქაძის ქუჩა);

ქალაქ ქობულეთში, თბილისის, მეგობრობის და კოსტავას ქუჩების რეაბილიტაცია;

ქალაქ ქობულეთში, გელაურის უბნის კეთილმოწყობა: აბაშიძის ქუჩა; ბარათაშვილის ქუჩა; კინტრიშის მე-2 შესახვევი;

ქალაქ ქობულეთში კარიერის უბნის კეთილმოწყობა (I – II უბანი);

ქალაქ ქობულთში თავისუფლების ქუჩაზე (ბაზრის მიმდებარედ) შესასვლელის მოწყობა;

სოფელ ხუცუბნის ცენტრის კეთილმოწყობა;

მუნიციპალიტეტის ტერიტორიაზე ვიდეოკამერების შეძენა/მონტაჟი;

 ვიდეოკამერების ექსპლოატაცია;

ქობულეთის მუნიციპალიტეტის ტერიტორიაზე გზებზე ბეტონის საფარის მოწყობა;

ქალაქ ქობულეთში, თავისუფლების ქუჩის ტროტუატრების მოწყობა;

ქალაქ ქობულეთში, ლერმონტოვის ქუჩის ჩიხის კეთილმოწყობა.

3.1.2

ქობულეთში თამარ მეფის სანაპიროს ჯებირისა, სანაპიროს სავალი ნაწილის რეაბილიტაცია-მშენებლობა (პროგრამული კოდი 03 01 02)

ქვეპროგრამის მიზანი:

ქობულეთის სანაპიროს დაცვა ეროზიისაგან

ქვეპროგრამის აღწერა:

ამორტიზებული ჯებირის რეკონსტრუქცია, სავალი ნაწილის რეაბილიტაცია.

პროგრამის ფარგლებში განხორციელდება შემდეგი ქვეპროგრამა:

ქალაქ ქობულეთის სანაპირო ზოლში არსებული ნაპირდამცავი საფეხურებიანი კედლის რეაბილიტაცია (I ეტაპი).

3.1.3

ქობულეთის მუნიციპალიტეტის ტერიტორიაზე არსებული მოსაცდელების რეაბილიტაცია, ახალი მოსაცდელების მოწყობა (პროგრამული კოდი 03 01 03)

ქვეპროგრამის მიზანი:

საგზაო ინფრასტრუქტურის მდგომარეობის გაუმჯობესება.

ქვეპროგრამის აღწერა:

პროგრამა ითვალისწინებს ქალაქ ქობულეთში არსებული დაზიანებული (33 ერთეული) მოსაცდელების რეაბილიტაციას, ასევე 5 ახალი მოსაცდელის მოწყობას.

პროგრამის ფარგლებში განხორციელდება შემდეგი ქვეპროგრამა:

ქალაქ ქობულეთში, რუსთაველის ქუჩაზე მოსაცდელების (5 ერთეული) მოწყობა;

ქალაქ ქობულეთში, აღმაშენებლის გამზირზე არსებული მოსაცდელების (33 ერთეული) რეაბილიტაცია.

3.1.4

მუნიციპალიტეტში გზების სამუშაოები (მათ შორის: ნაპირსამაგრი, საძირკვლების, ჯარგვალისა და ფერდსამაგრი სამუშაოები და მისასვლელი გზები, მდინარის კალაპოტების გასწორხაზოვნება,) (პროგრამული კოდი 03 01 04)

ქვეპროგრამის მიზანი:

მდინარეების შესართავებთან ტერიტორიის მოწესრიგება.

ქვეპროგრამის აღწერა:

ზამთარში ძლიერი შტორმის შედეგად მდინარეებმა კალაპოტი შეიცვალა და სანაპიროს ტერიტორია დააზიანა. მდინარე კინტრიშის და მდინარე დეხვას შესართავთან ტერიტორიის მოსაწესრიგებლად სამუშაოები გატარდება.

3.1.5

ქობულეთის მუნიციპალიტეტის ტერიტორიაზე და ქალაქ ბათუმის მიმართულებით მუნიციპალური ტრანსპორტით (ავტობუსებით) მომსახურება (პროგრამული კოდი 03 01 05)

ქვეპროგრამის მიზანი:

მუნიციპალური საატრანსპორტო სერვისის შეუფერხებელი ფუნქციონირების უზრუნველყოფა

ქვეპროგრამის აღწერა:

შპს " ქობულეთის ტრანსრეგულირება" მიმდინარე ეტაპზე მიმდინარე ეტაპზე უზრუნველყოფს მგზავრთა რეგულარულ გადაყვანას რაიონის სხვადასხვა მიმართულებით და ქალაქ ბათუმში. თვის განმავლობაში კომპანიის მიერ მოსახლეობისადმი გაწეული მომსახურება შეადგენს საშუალოდ 21000 მგზავრთა ბრუნვას, ჩვენ ვემსახურებით 7 სამარშუტო ხაზს. ესენია: ჯიხანჯური-ბათუმი, აჭყვისთავი -ბათუმი, ჩოლოქის მეურნეობა-ბათუმი, დაგვა-ქობულეთი, ზედა ხუცუბანი-ქობულეთი, რკინიგზის სადგური- აღმაშენებლის ქუჩა და რკინიგზის სადგური -რუსთაველის ქუჩა (ორი ავტობუსი) ყოველდღიურად საშუალოდ 720-730 მგზავრს ვემსახურებით და შემოსავალი შეადგენს 425 ლარს, ხოლო ხარჯი 1238 ლარს. აქედან გამომდინარე ყოველდღიური ზარალი შეადგენს 813 ლარს. ამიტომ მუნიციპალიტეტი იღებს ვალდებულებას შეინარჩუნოს მგზავრობის ფიქსირებული მინიმალური საფასური. არსებული ფინანსური გაანგარიშებით საწარმოს შემოსავლები არ არის საკმარისი შეუფერხებელი მუშაობისათვის. საწვავისა და სათა-დარიგო ნაწილების ფასის მზარდი ტენდენციიდან გამომდინარე საწარმოს შემოსავლები ხარჯებთან მიმარ-თებაში უარყოფითია. ქვეპროგრამა ითვალისწინებს წლის განმავლობაში ცალკეული თვეების მიხედვით სატრანსპორტო კომპანიის მიერ წარმოქმნილი საოპერაციო დეფიციტის დაფარვას.

3.1.6

გარე განათების ღონისძიებები

(პროგრამული კოდი 03 01 06)

ქვეპროგრამის მიზანი:

გარე განათების ქსელის გამართული ფუნქციონირება.

ქვეპროგრამის აღწერა:

გარე განათების წერტების (ქუჩები, მოედნები, პარკები, სკვერები, შენობა-ნაგებობები) მოვლა-ექსპლოატაცია და მოხმარებული ელ. ენერგიის საფასურის დაფარვა; ქუჩების განათების სამუშაოები და ელ. ენერგიის ქსელში ჩართვა.

 პროგრამის ფარგლებში განხორციელდება შემდეგი ქვეპროგრამები:

გარე განათების მოწყობა, რეაბილიტაცია და ექსპლოატაცია;

ქალაქ ქობულეთში (მესხიძის, კაიკაციშვილის, თავისუფლების ქუჩებზე) გარე განათების არსებული წერტების რეაბილიტაცია და ახლის მოწყობის სამუშაოები.

3.1.7

ქობულეთის მუნიციპალიტეტში სტიქიის სალიკვიდაციო ღონისძიებების- სამუშაოები (პროგრამული კოდი 03 01 09)

ქვეპროგრამის მიზანი:

 სტიქიის შედეგების სალიკვიდაციო ღონისძიებების განხორციელება

ქვეპროგრამის აღწერა:

მუნიციპალიტეტის ტერიტორიაზე უხვი ნალექის შედეგად გააქტიურებული მეწყრული პროცესებით მიყენებული ზარალის ლიკვიდაციის მიზნით განხორციელდება ფერდსამაგრი სამუშოების ჩატარება.

ქვეპროგრამის ფარგლებში განხორციელდება შემდეგი ქვეპროგრამა:

ქობულეთის მუნიციპალიტეტში სტიქიის სალიკვიდაციო ღონისძიებების - სამუშაოები

3.2

კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის მიზანი:

 ეკოლოგიურად სუფთა გარემოს უზრუნველყოფა და საცხოვრებელი გარემოს გაუმჯობესება.

პროგრამის აღწერა:

პროგრამის ფარგლებში განხორციელდება შემდეგი ქვეპროგრამები:

მუნიციპალიტეტის სანიტარიული დასუფთავების ღონისძიებები;

გამწვანების ღონისძიებები;

წყლის სისტემის რეაბილიტაცია, ექსპოლუატაცია;

სანიაღვრე არხებისა და საკანალიზაციო სისტემის მოწყობა- რეაბილიტაცია და მოვლა-შენახვა;

უკანონო მიშენებებისა და ჯიხურების დემონტაჟი;

საცხოვრებელი ბინების სადეზინფექციო ღონისძიებები;

სპეც. ტექნიკის (1 ერთეული არხმწმენდი და 1 ერთეული ნაგავმზიდი) შეძენა.

3.2.1

მუნიციპალიტეტის სანიტარიული დასუფთავების ღონისძიებები (პროგრამული კოდი 03 02 03)

ქვეპროგრამის მიზანი:

მუნიციპალიტეტში ეკოლოგიური მდგომარეობის გაუმჯობესება და შენარჩუნება და დასუფთავების მუნიციპალური

სერვისის გამართული ფუნქციონირება

ქვეპროგრამის აღწერა:

პროგრამის ფარგლებში განხორციელდება მუნიციპალიტეტში ტერიტორიის დაგვა-დასუფთავება; სანაგვე კონტეინერების გარეცხვა, ცალკეული ტერიტორიების, ქუჩების მორწყვა-მორეცხვა; ტერიტორიის თოვლის საფარისაგან გაწმენდა, მოყინვის საწინააღმდეგო სამუშაოების განხორციელება; მსხვილფეხა რქოსანი პირუტყვის ქალაქში მოძრაობის აღკვეთა; საყოფაცხოვრებო ნარჩენების გატანა.

 პროგრამის ფარგლებში განხორციელდება შემდეგი ქვეპროგრამები:

დასუფთავების ღონისძიებები; 

ა(ა)იპ ქობულეთის სანდასუფთავება. 

3.2.2

 გამწვანების ღონისძიებები (პროგრამული კოდი 03 02 04)

ქვეპროგრამის მიზანი:

მუციციპალიტეტის ტერიტორიის გამწვანება და გამწვანებულ ტერიტორიაზე არსებული მწვანე ნარგავების მოვლა-პატრონობა.

ქვეპროგრამის აღწერა:

მუნუციპალიტეტის ტერიტორიიის სეზონური და მრავალწლიანი დეკორატიული მცენარეებით გაფორმება. ასევე მუციციპალიტეტის ტერიტორიაზე (ქობულეთი დაბა ჩაქვი), ტროტუარების, სკვერებად და პარკებად დარეგისტრირებული ნაკვეთების მოვლა-პატრონობა, გაცელვითი და დაწამლვითი სამუშაოები. ორგანიზაცია მოვლა-პატრონობას ახორციელებსმრავალწლოვანი ხეების და მარად მწვანე ხე მცენარეების, კონკრეტულად: გასხვლა, შეღებვა და დაზიანებული ხეების მოჭრით და გადაბელვით სამუშაოებს. ერთწლიანი ყვავილებით ანაშენიანებს მუნიციპალიტეტის საუთრებაში მყოფ სკვერებს, ხდება მცენარეების შეწამლვა შხამქიმიკატებით. ასევე ყოვეწლიურად მუნიციპალიტეტში ხორციელდებაა მრავალწლიანი ხე მცენარეების დარგვით სამუშაოები. პროგრამის ფარგლებში განხორციელდება შემდეგი ქვეპროგრამა:

ა(ა)იპ ქობულეთის გამწვანება

3.2.3

 წყლის სისტემის რეაბილიტაცია, ექსპლოატაცია (პროგრამული კოდი 03 02 05)

ქვეპროგრამის მიზანი:

ქობულეთის მუნიციპალიტეტის მოსახლეობის სასმელი წყლით უზრუნველყოფა.

ქვეპროგრამის აღწერა:

პროგრამით მოხდება ყველა იმ აუცილებელი ხარჯის დაფინანსება, რომელიც მუნიციპალიტეტში უზრუნველყოფს სოფლების წყლის სათავე ნაგებობებისა და შიდა გაყვანილობის მიმდინარე რემონტის სამუშაოების განხორციელებას, ამორტიზებული წყლის მილების პერიოდულ შეცვლას, რაც პირველ რიგში დაკავშირებულია სოფლების ინფრასტრუქტურის სწრაფ განვითარებასთან. განხორციელდება მოსახლეობის სასმელი წყლის მიწოდებისათვის მოხმარებული ელექტროენერგიის საფასურის დაფარვის მიზნით შპს "ქობულეთის წყლის" სუბსიდირება, პროგრამა დააფინანსებს სს " აჭარის წყლის ალიანსის " საწესდებო კაპიტალის შენატანს . 

პროგრამის ფარგლებში განხორციელდება შემდეგი ქვეპროგრამები:

 სოფელ ქაქუთში, სოფელ შუაღელეში, სოფელ ქვედა აჭყვასა და სოფელ ზედა აჭყვაში წყალსადენის სისტემების საფილტრი ნაგებობების მოწყობისა და სოფელ ხუცუბანში წყალსადენის სისტემის რეზერვუარის რეაბილიტაცია;

 ზედა ლეღვას წყალსადენისათვის წყალსაქაჩი ტუმბოს შეძენა;

 ქობულეთის მუნიციპალიტეტის სოფელ მუხაესტატეში ჭაბურღილების (2 ერთეული) მოწყობა;

 ქობულეთის მუნიციპალიტეტის სოფელ ჯიხანჯურში ჭაბურღილების (4 ერთეული) მოწყობა;

 სასმელი წყლის საქაჩი ტუმბოების (9 კომპლექტი) და ნატრიუმის ჰიპოქლორიდის დანადგარის რეაქტორის (3 კომპლექტი) შეძება;

 შპს "ქობულეთის წყალი";

 ა(ა)იპ "ქობულეთის სოფლის წყალი ";

 სს " აჭარის წყლის ალიანსის " საწესდებო კაპიტალის შენატანი.

3.2.4

სანიაღვრე არხებისა და საკანალიზაციო სისტემის მოწყობა- რეაბილიტაცია და მოვლა-შენახვა (პროგრამული კოდი 03 02 06)

ქვეპროგრამის მიზანი:

მუნიციპალიტეტის ტერიტორიაზე საკანალიზაციო სისტემის მოწესრიგება,

ქვეპროგრამის აღწერა:

ქვეპროგრამა ითვალისწინებს, მრავალბინიანი საცხოვრებელი სახლის ეზოში ახალი საკანალიზაციო სისტემის მოწყობას.

პროგრამის ფარგლებში განხორციელდება შემდეგი ქვეპროგრამა:

დაბა ჩაქვში, აღმაშენებლის N45-ში საკანალიზაციო სისტემის სარეაბილიტაციო სამუშაოები.

3.2.5

უკანონო მიშენებებისა და ჯიხურების დემონტაჟი (პროგრამული კოდი 03 02 07)

ქვეპროგრამის მიზანი:

მუნიციპალიტეტის ტერიტორიის გაწმენდა უნებართვო, უსახური, ამორტიზებულ ი შენობა-ნაგებობებისაგან.

ქვეპროგრამის აღწერა:

ქვეპროგრამა ითვალისწინებს მუნიციპალიტეტის ტერიტორიაზე არსებული უნებართვო, უსახური და ამორტიზებულ ი შენობა - ნაგებობების (მიშენებების) სადემონტაჟო სამუშაოების განხორციელებას.

3.2.6

შპს ქობულეთის პროფილაქტიკური დეზინფექციის სადგური (პროგრამული კოდი 03 02 08)

ქვეპროგრამის მიზანი:

მაღალი რისკის ზონებში დერატიზაცია-დეზინსექციის ჩატარება.

ქვეპროგრამის აღწერა:

დაგეგმილი პროფილაქტიკური სადეზინსექციო სამუშაოების ჩატარება დაკავშირებულია მავნე მწერებისა და მღრნელების მაქსიმალურ შემცირებასთან მოსახლეობის ეპიდემიოლოგიური უსაფრთხოების უზრუნველყოფის მიზნით. სამუშაოები ჩატარდება შემდეგი მიმართულებით: 1. მრავალბინიანი სახლების სადარბაზოებისა და სარდაფების დეზინსექცია თვეში ერთჯერ, მაისი-ნოემბერი; 2. მრავალბინიანი სახლების სადარბაზოებისა და სარდაფების დერატიზაცია თვეში ერთჯერ, მაისი-ნოემბერი.

3.3

მუნიციპალიტეტის კეთილმოწყობითი ღონისძიებები (პროგრამული კოდი 03 03)

პროგრამის მიზანი:

ქალაქში ეკოლოგიურად სუფთა გარემოს უზრუნველყოფა, სარეკრეაციო და გამწვანებული ტერიტორიების გაფართოება.

პროგრამის აღწერა:

პროგრამა მოიცავს სარეკრეაციო და გამწვანებული ტერიტორიების გაფართოებას, შენობა ნაგებობების მშენებლობას, რომლის ფარგლებში მოეწყობა სოფლებში ადმინისტრაციული შენობები, ქობულეთის მუნიციპლიტეტის ბიუჯეტიდან სამომავლოდ განსახორციელებელი ინფრასტრუქტურული პროექტების საპროექტო-სახარჯთაღრიცხვო დოკუმენტაციის მომზადება.

პროგრამის ფარგლებში განხორციელდება შემდეგი ქვეპროგრამები:

სკვერებისა, პარკებისა და მოედნების კეთილმოწყობითი სამუშაოები;

მუნიციპალიტეტის შენობა-ნაგებობების სარემონტო და კეთილმოწყობითი სამუშაოები;

საპროექტო - სახარჯთაღრიცხვო დოკუმენტაციის შეძენა;

აზომვითი ნახაზების შედგენის ხარჯი.

3.3.1

სკვერებისა, პარკებისა და მოედნების კეთილმოწყობითი სამუშაოები (პროგრამული კოდი 03 03 01)

ქვეპროგრამის მიზანი:

სარეკრეაციო და გამწვანებული ტერიტორიების გაფართოება

ქვეპროგრამის აღწერა:

პარკებისა და სკვერების ინფრასტრუქტურის რეაბილიტაცია და მშენებლობა

 განხორციელდება შემდეგი ქვეპროგრამები:

დაბა ჩაქვში, აღმაშენებლის ქუჩა N 9-32-34-36-38-25-45-62-64 ეზოს ტერიტორიაზე სკვერის კეთილმოწყობის სამუშაოები პკ. 4+90-პკ 10+63;

ქალაქ ქობულეთში, მუზეუმის მოპირდაპირედ არსებული სკვერის რეაბილიტაცია;

ქალაქ ქობულეთში, აღმაშენებლის N610-ის მოპირდაპირედ სკვერის მოწყობის სამუშაოები;

ქობულეთის მუნიციპალიტეტის ტერიტორიაზე მრავალბინიანი საცხოვრებელი სახლების ეზოს ტერიტორიაზე სკვერის კეთილმოწყობა (რუსთაველის II შესახვევი N17; );

ქალაქ ქობულეთის სანაპირო ზოლში ზღვისპირა პარკის მოწყობა (I ეტაპი);

ქობულეთიში, ცენტრალურ პარკსა და მეგობრობის ქუჩის სკვერის განათების სარეაბილიტაციო სამუშაოები.

3.3.2

მუნიციპალიტეტის შენობა-ნაგებობების სარემონტო და კეთილმოწყობითი სამუშაოები (პროგრამული კოდი 03 03 02)

ქვეპროგრამის მიზანი:

მუნიციპალიტეტში არსებული შენობების მდგრადობა.

ქვეპროგრამის აღწერა:

პროგრამა ითვალისწინებს შენობა ნაგებობების მშენებლობას, რომლის ფარგლებში მოეწყობა სოფლებში ადმინისტრაციულ შენობები, ასევე მოეწყობა ახალი საპირფარეშოები, რეაბილიტაცია ჩაუტარდება არსებულ საზოგადოებრივ საპირფარეშოებს და პლაჟზე განთავსდება გასახდელები და საშხაპეები. კერძოდ:

 ქობულეთის მუნიციპალიტეტის სოფელ გორგაძეებში ზურაბ გორგილაძის სახლ-მუზეუმის სარეაბილიტაციო სამუშოები;

სოფელ ზენითის ადმინისტრაციული შენობის მოწყობა;

დაბა ოჩხამურის ადმინისტრაციული შენობის მოწყობა;

ქობულეთის მუნიციპალიტეტის ტერიტორიაზე საპირფარეშოს (3 ერთეული) მოწყობა;

ქობულეთის სანაპირო ზოლში გასახდელებისა (15 ერთეული) და საშხაპეების (15 ერთეული) მოწყობა;

ქობულეთის მუნიციპალიტეტში 6 ერთეული არსებული საპირფარეშოს რეაბილიტაცია და 2 ერთეული ახალი საპირფარეშოს მოწყობა.

3.3.3

საპროექტო - სახარჯთაღრიცხვო დოკუმენტაციის შეძენა (პროგრამული კოდი 03 03 06)

ქვეპროგრამის აღწერა:

ქვეპროგრამის ფარგლებში განხორციელდება ქ. ქობულეთის მუნიციპლიტეტის ბიუჯეტიდან სამომავლოდ განსახორციელებელი ინფრასტრუქტურული პროექტების საპროექტო-სახარჯთაღრიცხვო დოკუმენტაციის მომზადება

3.3.4

აზომვითი ნახაზების შედგენის ხარჯი (პროგრამული კოდი 03 03 07)

ქვეპროგრამის მიზანი:

მუნიციპალიტეტის საკუთრებაში არსებული ქონების ეფექტური მართვა

ქვეპროგრამის აღწერა:

მუნიციპალიტეტში არსებული შენობა-ნაგებობების, არასასოფლო-სამეურნეო დანიშნულების მიწების, ხაზობრივ ნაგებობების აზომვითი ნახაზების მომზადება და მისი შემდგომი მუნიციპალურ საკუთრებად დარეგისტრირება ხელს შეუწყობს არსებული ქონების მოქმედი კანონმდებლობის ფარგლებში განკარგვას.

4

 პრიორიტეტი: განათლება (პროგრამული კოდი 04 00)

 მომავალი თაობების აღზრდის მიმართულებით პრიორიტეტულია, როგორც დაწყებითი და ზოგადი განათლება, ასევე სკოლამდელი განათლება, რაც თვითმმართველი ერთეულის საკუთარი უფლებამოსილებებია და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებშიც განხორციელდება სკოლამდელი აღზრდის დაწესებულებების ფუნქციონირების ხელშეწყობის ღონისძიებები, სასწავლო პროცესის ხელშეწყობა.

4.1

სკოლამდელი განათლების დაფინანსება (პროგრამული კოდი 04 01)

პროგრამის მიზანი:

სკოლამდელი ასაკი ბავშვების სკოლისთვის მზაობა.

პროგრამის აღწერა:

 სკოლამდელი განათლება ბავშვის აკადემიური და სოციალური განვითარების უმნიშვნელოვანესი საფეხურია. ბავშვს, რომელიც ხარისხიან სკოლამდელ აღზრდას გადის, გაცილებით უკეთესი მაჩვენებელი აქვს სკოლაში და შემდგომ. სკოლამდელ განათლებაში ინვესტირება არის ერთ-ერთი საუკეთესო ინვესტირება არა მხოლოდ ბავშვებში, არამედ საზოგადოებაში. სკოლისათვის და შემდგომი ცხოვრებისათვის მზაობის ხელშეწყობა მრავალმხრივი პროცესია და ასაკობრივი თავისებურებების გათვალისწინებით, ბავშვის სრულფასოვნად ჩამოყალიბების მყარ საფუძველს წარმოადგენს. როდესაც ბავშვი სათანადოთ არის განვითარებული სასკოლო მზაობის კუთხით, იგი ბევრად უფრო წარმატებულია განათლების შემდეგ ეტაპებზე. ზემოთაღნიშნულიდან გამომდინარე ძლიერი და მდგრადი სკოლამდელი აღზრდისა და განათლების სისტემის უზრუნველყოფა ქობულეთის მუნიციპალიტეტის ერთ-ერთ მნიშვნელოვან პრიორიტეტს წარმოადგენს. საამღზრდელო პროცესის ხარისხიანად მიწოდება მატერიალურ-ტექნიკური ბაზის მუდმივ განახლებასა და აღმზრდელთა პერმანენტულად პროფესიულ გადამზადებას მოითხოვს. არსებული სიტუაციის ანალიზიდან და მოქალაქეთა საჭიროებებიდან გამომდინარე ქობულეთის მუნიციპალიტეტისათვის პრიორიტეტულია სახელმწიფო სტანდარტების შესაბამისი, საყოველთაოდ და თანაბრად ხელმისაწვდომი, ინკლუზიური სკოლამდელი აღზრდისა და განათლების მომსახურების მიწოდების უზრუნველყოფა ქობულეთის მოსახლეობისთვის.

პროგრამის ფარგლებში განხორციელდება შემდეგი ქვეპროგრამა:

ა(ა)იპ ქობულეთის მუნიციპალიტეტის საბავშვო ბაღების გაერთიანება;

საბავშვო ბაღების მშენებლობა, რეაბილიტაცია, ინვენტარით უზრუნველყოფა.

4.1.1

ა(ა)იპ ქობულეთის მუნიციპალიტეტის საბავშვო ბაღების გაერთიანება (პროგრამული კოდი 04 01 01)

ქვეპროგრამის მიზანი:

მუნიციპალური სკოლამდელი აღზრდის და განათლების დაწესებულებებში განათლების სრულფასოვანი, გამართული ფუნქციონირების უზრუნველყოფა

ქვეპროგრამის აღწერა:

ქვპროგრამა ითვალისწინებს: სკოლამდელი აღზრდისა და განათლების დაწესებულებებში განათლების ხარისხის ამაღლებას, აღმზრდელ-პედაგოგთა გადამზადებას, საამღზრდელო-საგანმანათლებლო პროცესის ორგანიზებას, კვების ორგანიზებისა და რაციონის კვებითი ღირებულების ნორმების შესაბამისობაში მოყვანას საქართველოს მთავრობის 2017 წლის 30 ოქტომბრის დადგენილებით განსაზღვრულ სტანდარტებთან; მეთოდური მიმართულებების გაუმჯობესების მიზნით საბავშვო ბაღის აღსაზრდელებისთვის სხვადასხვა საბავშვო ლიტერატურისა შესყიდვას; სკოლამდელი აღზრდისა და განათლების დაწესებულებების მატერიალურ-ტექნიკური ბაზის შევსება-განათლების მიზნით ავეჯის, საოჯახო ტექნიკის, სამზარეულოს ჭურჭლის, სხვადასხვა ქსოვილის ნივთებისა და სხვა საჭირო ინვენტარის შესყიდვას; სანიტარიულ-ჰიგიენური ნორმების კონტროლის მიზნით საკვები პროდუქტებისა და სასმელი წყლის ლაბორატორიულ კვლევებს.

 4.1.2

საბავშვო ბაღების მშენებლობა, რეაბილიტაცია, ინვენტარით უზრუნველყოფა (პროგრამული კოდი 04 01 02)

ქვეპროგრამის მიზანი:

საბავშვო ბაღის გაზიფიცირება.

ქვეპროგრამის აღწერა:

პროექტის ფარგლებში მოხდება ჩაისუბნის საბავშვო ბაღის გაზიფიცირება.

5

პრიორიტეტი: კულტურა, რელიგია, ახალგაზრდული და სპორტული ღონისძიებები (პროგრამული კოდი 05 00)

სპორტის, ახალგაზრობისა და კულტურის მიმართულების მხარდაჭერა უზრუნველყოფს ქვეყნის სოციალურ და ეკონომიკურ განვითარებას, ერთმანეთთან აკავშირებს სხვადასხვა დარგს და მნიშვნელოვან როლს თამაშობს მათ განვითარებაში, ხელს უწყობს ტურიზმს, მეწარმეობას, ჯანსაღი ცხოვრების წესის დამკვიდრებას, დანაშაულის პრევენციას, კულტურული დიპლომატიის განვითარებას, ქმედითი ნაბიჯები გადაიდგმება იმისათვის, რომ კულტურა და სპორტი უფრო მეტად ინტეგრირდეს მოსახლეობაში. მუნიციპალიტეტის მიზანია გაიზარდოს ახალგაზრდების ჩართულობა საზოგადოებრივ, კულტურულ და პოლიტიკურ ცხოვრებაში, განავითაროს ახალგაზრდების მხრიდან ეკონომიკის სხვადასხვა დარგებში თვითრეალიზების შესაძლებლობები, რაც ხელს შეუწყობს მათ პროფესიულ განვითარებასა და კონკურენტუნარიანობის ზრდას, საკუთარი პოტენციალის სრულფასოვნად რეალიზებისა და დასაქმების შესაძლებლობების გაუმჯობესების მიზნით. ამ მიმართულებით მუნიციპალიტეტში პროგრამები ხორციელდება როგორც კულტურის სამსახურის მიერ ასევე კულტურის სფეროში შექმნილი ააიპ-ების მიერ.

5.1

სპორტის განვითარების ხელშეწყობა (პროგრამული კოდი 05 01)

პროგრამის მიზანი:

ცხოვრების ჯანსაღი წესის დამკვიდერება - პოპულარიზაცია

პროგრამის აღწერა:

ბავშვთა და მოზარდთა მაქსიმალური რაოდენობის ჩაბმა სისტემატიურ სპორტულ-გამაჯანსაღებელ მოძრაობაში. სასპორტო სკოლის პროფილის შესაბამისად მათი მეთოდური აღზდა და დაოსტატება. ცხოვრების ჯანსაღი წესის პროპაგანდა და მისი დამკვიდრება მოზარდ თაობაში, მასობრივი სპორტის განვითარება. სკოლაში არსებული სპორტის სახეობაში მომეცადინე სპორტსმენთაგან ეროვნული ნაკრები გუნდების რეზერვის მომზადება, სელექციის მეშვეობით შერჩეული პერსპექტული სპორტსმენების მზადების წლიური საწვთნელი პროცესის ორგანიზება, ქვეპროგრამის ფარგლებში გათვალისწინებულია მუნიციპალიტეტში არსებული სპორტული მოედნების რეაბილიტაცია.

პროგრამის ფარგლებში განხორციელდება შემდეგი ქვეპროგრამა:

ა(ა)იპ– ქობულეთის კომპლექსური სასპორტო სკოლა;

სპორტული ღონისძიებების დაფინანსება;

სპორტული საკლუბო გუნდის მხარდაჭერა;

სპორტული მოედნების მოწყობა;

ა(ა)იპ „ფრენბურთის, ხელბურთის, კალათბურთის სათამაშო სახეობების სპორტული კლუბი-ქობულეთი».

5.1.1

ა(ა)იპ ქობულეთის კომპლექსური სასპორტო სკოლა (პროგრამული კოდი 05 01 01)

ქვეპროგრამის მიზანი:

სპორტულ-გამაჯანსაღებელ, პროფესიულ სასპორტო და სპორტულ მეთოდური საქმიანობა.

ქვეპროგრამის აღწერა:

ბავშვთა და მოზარდთა მაქსიმალური რაოდენობის ჩაბმა სისტემატიურ სპორტულ-გამაჯანსაღებელ მოძრაობაში. სასპორტო სკოლის პროფილის შესაბამისად მათი მეთოდური აღზდა და დაოსტატება. ცხოვრების ჯანსაღი წესის პროპაგანდა და მისი დამკვიდრება მოზარდ თაობაში, მასობრივი სპორტის განვითარება. სკოლაში არსებული სპორტის სახეობაში მომეცადინე სპორტსმენთაგან ეროვნული ნაკრები გუნდების რეზერვის მომზადება, სელექციის მეშვეობით შერჩეული პერსპექტული სპორტსმენების მზადების წლიური საწვთნელი პროცესის ორგანიზება.

5.1.2

სპორტული ღონისძიებების დაფინანსება (პროგრამული კოდი 05 01 02)

ქვეპროგრამის მიზანი:

ჯანსაღი მომავალი თაობის აღზრდა; საზოგადოების აქტიური ჩართულობა სპორტულ ცხოვრებაში; სპორტის სხვადასხვა სახეობების პოპულარიზება

ქვეპროგრამის აღწერა:

პროგრამის ფარგლებში დაგეგმილია შემდეგი ქვეპროგრამების განხორციელება: 1) მასობრივი სპორტის ხელმისაწვდომობის და განვითარების ხელშეწყობა. 2) სპორტული ტურნირებისა და საერთაშორისო სპორტული ღონისძიებების ორგანიზება. 3) ქობულეთელი სპორტსმენის/მწვრთნელების ინდივიდუალური განვითარების ხელშეწყობა-წახალისება.

5.1.3

სპორტული საკლუბო გუნდის მხარდაჭერა (პროგრამული კოდი 05 01 03)

ქვეპროგრამის მიზანი:

სპორტულ-გამაჯანსაღებელ, პროფესიულ სასპორტო და სპორტულ მეთოდური საქმიანობა.

ქვეპროგრამის აღწერა:

რაგბის პოპულარიზაცია, ჯანსაღი ცხოვრების წესის დამკვიდრება მოზარდ-ახალგაზრდებში. რაგბის ფედერაციის ეგიდით ორგანიზებული საერთაშორისო თუ რეგიონალურ ტურნირებში მონაწილეობა, პროფესიონალი მორაგბეების გაწვრთვა და მათი დახელოვნება.

5.1.4

სპორტული მოედნების მოწყობა (პროგრამული კოდი 05 01 04)

ქვეპროგრამის მიზანი:

სპორტული ინფრასტრუქტურის მოწესრიგება

ქვეპროგრამის აღწერა:

ქვეპროგრამის ფარგლებში გათვალისწინებულია მუნიციპალიტეტში არსებული სპორტული მოედნების რეაბილიტაცია.

პროგრამის ფარგლებში განხორციელდება შემდეგი ქვეპროგრამა:

ქალაქ ქობულეთის ცენტრალური სტადიონის "შუქურა"-ს სარეაბილიტაციო სამუშაოები;

დაბა ჩაქვში, ბუკნარში სტადიონის მოწყობა.

5.1.5

ა(ა)იპ " ფრენბურთის, ხელბურთის, კალათბურთის სათამაშო სახეობების სპორტული კლუბი-ქობულეთი" (პროგრამული კოდი 05 01 06)

ქვეპროგრამის მიზანი:

მუნიციპალიტეტში მცხოვრები მოზარდებისა და ახალგაზრდებისათვის სპორტის სხვადასხვა სახეობებში ჩართულობის ხელმისაწვდომობის გაზრდა, მუნიციპალური სპორტული კლუბებისა და მათ ბაზაზე არსებული ასაკობრივი ჯგუფების განვითარების ხელშეწყობა

ქვეპროგრამის აღწერა:

ქვეპროგრამის ფარგლებში გათვალისწინებულია: 1.მაღალი მიღწევების სპორტის ხელშეწყობა- დაგეგმილია კლუბის წევრების შრომის ანაზღაურება: სპორტული ინვენტარით უზრუნველყოფა: მწვრთნელთა გადამზადება, სპორტულ ტურნირებში მონაწილეობის მიღება ქვეყნის შიგნით, ადგილზე სპორტული ტურნირებისა და საერთაშორისო სპორტული ღონისძიებების ორგანიზება 2.ასაკობრივი ჯგუფების განვითარების ხელშეწყობა- ღონისძიება მიზნად ისახავს ბავშვთა და მოზარდთათვის ხელმისაწვდომობის გაზრდას სპორტის ისეთ სახეობებში, როგორიცაა ფრენბურთი, ხელბურთი, კალათბურთი, რაც თავის მხრივ ხელს შეუწყობს მომავალში ადგილობრივი პროფესიული სპორტული კლუბების განვითარებას

5.2

კულტურის განვითარების ხელშეწყობა (პროგრამული კოდი 05 02)

პროგრამის მიზანი:

 ჩვენი ქვეყნის ტრადიციული დღესასწაულის მხარდაჭერა და პოპულარიზაცია, ქალაქის კულტურული ცხოვრების გამრავალფეროვნება, კულტურული ღონისძიებებისა და ფესტივალების ორგანიზება, საახალწლო განწყობის შექმნა ქალაქში. სახელმწიფოებრივი მნიშვნელობის დღეების პოპულარიზაცია და თავისუფლებისათვის მებრძოლ გმირთა პატივის მიგება. საგანმანათლებლო პროგრამების საშუალებით მოსწავლეებში მოტივაციის ამაღლება და მათი აკადემიური მოსწრების ზრდა, ასევე შემოქმედებითი უნარების აღმოჩენა და წახალისება. წარმატებული პედაგოგების დაჯილდოება. ახალგაზრდების ინტელექტუალური აზროვნების გამოვლენა, კულტურულ-შემოქმედებით საქმიანობაში ახალგაზრდების ჩართულობა, საზოგადოებრივი ცნობიერების ამაღლება და ინფორმირება გენდერული თანასწორობის საკითხებში, შშმ პირების ინტეგრირება საზოგადოებასთან. პროგრამა ასევე უზრუნველყოფს მოსწავლე-ახალგაზრდების მუსიკალურ-ვოკალურ-ქორეოგრაფიული განათლებას, როგორც ფოლკლორის, ასევე კლასიკური და თანამედროვე მიმართულებით.

პროგრამის აღწერა:

ქვეპროგრამის ფარგლებში ხორციელდება ისეთი კულტურული აქტივობების ორგანიზება, როგორიცაა ქალაქისა და ქვეყნის ღირსშესანიშნავი დღეების აღნიშვნა, ქალაქის მოსახლეობისა თუ სტუმრებისათვის მრავალფეროვანი სანახაობის შეთავაზება, რომელიც აღინიშნება ქვეპროგრამის ფარგლებში, შეიცავს სხვადასხვა მასშტაბისა და ტიპის კულტურული ღონისძიების ორგანიზებას. ეს ღონისძიებებია: ,,ალილო", „სახელმწიფოებრივი მნიშვნელობის დღეების აღნიშვნა" (9 აპრილი, 26 მაისი), „წინა საახალწლო დღეები ქობულეთში’’, „მედალოსანი მოსწავლეების დაჯილდოება’’, პროექტში ,,ეტალონი" მონაწილეობის მიღება, „წლის წარმატებული პედაგოგების დაჯილდოება’’, „ლიტერატურული კონკურსი’’, „საბუნებისმეტყველო საგნებში (ქიმია, ფიზიკა, ბიოლოგია) კონკურსის მოწყობა’’, „დედისა და ქალთა საერთაშორისო დღესთან დაკავშირებით ქალბატონების დაჯილდოება’’, „მუნიციპალური პირველობა სკოლის მოსწავლეებს შორის ინტელექტუალურ თამაშში ,, რა? სად? როდის?", „მუნიციპალური პირველობამხიარულთა და საზრიანთა საჯარო სკოლის გუნდებს შორის ,,მოიწონე სკოლა", „შშმ პირების უფლებათა დაცვის დღე“, „გენდერული თანასწორობის დღე’’. საბიბლიოთეკო ფონდების უზრუნველყოფა, საკლუბო შეხვედრების, საიუბილეო საღამოებისა და გამოფენების მოწყობა, ქობულეთის პარკების, სკვერებისა და მათ ტერიტორიაზე არსებული ინფრასტრუქტურის მოვლა-პატრონობა და დალაგება-დასუფთავება. ქობულეთის მუნიციპალიტეტის ისტორიული და კულტურული ღირსშესანიშნაობების შესწავლასა და მათ პოპულარიზაციას.

პროგრამის ფარგლებში განხორციელდება შემდეგი ქვეპროგრამა:

ა(ა)იპ სკოლისგარეშე სახელოვნებო საგანმანათლებლო დაწესებულება "ქობულეთის სახელოვნებო სკოლა";

ა(ა)იპ ქობულეთის კულტურის ცენტრი;

ა(ა)იპ ქობულეთის პარკი;

გურამ თამაზაშვილის სახელობის (ა)იპ ქობულეთის სიმღერისა და ცეკვის ანსამბლი "მხედრული"';

კულტურული ღონისძიებების დაფინანსება;

ტურიზმის განვითარების ხელშეწყობა;

ა(ა)იპ ქობულეთის მუზეუმი.

5.2.1

ა(ა)იპ სკოლისგარეშე სახელოვნებო საგანმანათლებლო დაწესებულება "ქობულეთის სახელოვნებო სკოლა" (პროგრამული კოდი 05 02 01)

ქვეპროგრამის მიზანი:

მუსიკალური და სამხატვრო განათლების მიცემა მოსწავლე-ახალგაზრდობისათვის.

ქვეპროგრამის აღწერა:

კლასიკური და საესტრადო მუსიკის სწავლება; კლასიკური და თანამედროვე საესტრადო მუსიკის კომპოზიტორთა და მხატვართა შემოქმედების გაცნობა; სხვსდასხვა ხალხურ და საესტრადი ინსტრუმენტებზე დაკვრის ხელოვნების დაუფლება;ახალგაზრდა თაობის ჩამოყალიბება განათლებულ მსმენელად; სკოლის მოსწავლეები მონაწილეობას ღებულობენ სხვადასხვა კლასიკური და ხალხური მუსიკის ფესტივალებსა და კონკურსებში. სარაიონო ღონისძიებებში.

3.2.2

ა(ა)იპ ქობულეთის კულტურის ცენტრი (პროგრამული კოდი 05 02 02)

ქვეპროგრამის მიზანი:

საბიბლიოთეკო ფონდების ორგანიზება და ინფორმაციის ხელმისაწვდომობის უზრუნველყოფა, კულტურული ღონისძიებების უზრუნველყოფა, ანსამბლებისა და კლუბების ფუნქციონირება

ქვეპროგრამის აღწერა:

საბიბლიოთეკო ფონდების უზრუნველყოფა - - საბიბლიოთეკო ფონდების შეგროვება, აღრიცხვა დამუშავება და საკატალოგო მეურნეობის წარმოება საბიბლიოთეკო წესების შესაბამისად,მათი დაცვის უზრუნველყოფა, საბიბლიოთეკო პროცესებში ელექტრონული მონაცემთა ბაზის შექმნა და სრულყოფა, საბიბლიოთეკო ფონდების ელექტრონული ხელმისაწვდომობის უზრუნველყოფა. მოქალაქეთა მომსახურება საბიბლიოთეკო ფონდებით, კატალოგებით, კარტოთეკქებით, კულტურულ საგანმანათლებლო და სამეცნიერო ინფორმაციული ღონისძიებების, საკლუბო შეხვედრების,გამოფენების მოწყობა, საინფორმაციო ბაზის შექმნა და სრულყოფა, საბიბლიოთეკო საქმიანობის წარმოება საერთაშორისო სტანდარტების და სახელმწიფო კანონმდებლობის შესაბამისად, ასევე ქვეპროგრამის ფარგლებში ქობულეთის კულტურის ცენტრი განახორციელებს სხვადასხვა კულტურული აქტივობების ორგანიზებას, კულტურულ-საგანმანათლებლო და სამეცნიერო ინფორმაციული ღონსძიებების, საკლუბო შეხვედრების ორგანიზებას - ლიტერატურული საღამოები, ცნობილი მწერლების დაბადების დღისადმი მიძღვნილი საიუბილეო საღამოები, ღირშესანიშნავი თარიღებისადმი მიძღვნილი საღამოები, ბიბლიოთეკის კვირეული, საიუბილეო საღამოები,ფოლკლორის საღამოები, საშობაო საახალწლო შეხვედრები

5.2.3

ა(ა)იპ ქობულეთის პარკი (პროგრამული კოდი 05 02 03)

ქვეპროგრამის მიზანი:

ქობულეთის პარკებისა და სკვერების მოვლა პატრონობა, განაშენიანება

ქვეპროგრამის აღწერა:

მცენარეების მოვლა პატრონობა: ხე-მცენარეების დეკორატიული სხვლა, გადამხმარი და დაზიანებული ხე მცენარეების ამოძირკვა და გატანა, სასუქის და მიწის შეტანა, ხე-მცენარეების გადაბელვა, ხე-მცენარეების შეხვევა გახსნა სეზონურად, მწვანე ნარგავების მორწყვა, ტერიტორიის ჰერბიციდებით დამუშავება, ხე-მცენარეების შეღებვა ჩაუმქრალი კირით, ხე-მცენარეების ირგვლივ შემობარვა გათოხნა-გაფხვიერება, სეზონური მოყვავილე ერთწლიანი ყვავილების დარგვა და ამოღება, მცენარეების ირგვლივ გამარგვლა-გამოხილვა, მცენარეების შეწამლვა შხამქიმიკატე- მწვანე ზოლის მოვლა-პატრონობა: გაცელვითი სამუშაოები 66739 კვ.მ. დაფოცხვა გაწმენდა. არსებული ინფრასტრუქტურის მოვლა,შენახვა პატრონობა (მიმდინარე სარემონტო სამუშაოები): განათების სისტემის მიმდინარე შეკეთება, დაზიანებული ნათურების შეცვლა, სავალი ბილიკების და ბორდიურების შეკეთება გამოცვლა. შადრევნების (სულ 5 ერთეული) მოვლა-პატრონობა, ღობეების, სკამების, განათების ბოძების, სანაგვე ურნების, ატრაქციონების, ტრენაჟორების , შენობა-ნაგებობების და ა.შ. მიმდინა-რე რემონტი, აღდგენა/შეღებვა. ტერიტორიების დალაგება-დასუფთავება: სავალი ტერიტორიის (სულ 17891 კვ.მ.) დაგვა, დალაგება, ნაგვის ურნების დაცლა. საპირფარეშოების დალაგება (სულ 8 ერთეული)

5.2.4

გურამ თამაზაშვილის სახელობის (ა)იპ ქობულეთის სიმღერისა და ცეკვის ანსამბლი "მხედრული"' (პროგრამული კოდი 05 02 04)

ქვპროგრამის მიზანი:

ანსამბლში ღონისძიებებისა და კულტურული პროგრამების დაგეგმვა,ორგანიზება და განხორციელება; ქობულეთის მუნიციპალიტეტის ტერიტორიაზე კულტურულ სფეროში მიმდინარე პროცესებში მონაწილეობა;კონკურსებში და ფესტივალებში მონაწილეობა; ღვაწმოსილ მუშაკთა საიუბილეო და შემოქმედებითი საღამოების ჩატარება ,წახალისების სხვადასხვა ფორმებზე წარდგენა შესაბამის ზემდგომ ორგანოებში.

ქვეპროგრამის აღწერა:

ქართული ხალხური ცეკვებისა და სიმღერების საუკეთესო ნიმუშების დადგმა და რეპერტუარის განახლება.

5.2.5

კულტურული ღონისძიებების დაფინანსება (პროგრამული კოდი 05 02 05)

ქვეპროგრამის მიზანი:

ჩვენი ქვეყნის ტრადიციული დღესასწაულის მხარდაჭერა და პოპულარიზაცია, ქალაქის კულტურული ცხოვრების გამრავალფეროვნება, კულტურული ღონისძიებებისა ორგანიზება, საახალწლო განწყობის შექმნა ქალაქში. სახელმწიფოებრივი მნიშვნელობის დღეების პოპულარიზაცია და თავისუფლებისათვის მებრძოლ გმირთა პატივის მიგება. საგანმანათლებლო პროგრამები ხელს შეუწყობს მოსწავლეებში მოტივაციის ამაღლებას და მათი აკადემიურ ზრდას, ასევე შემოქმედებითი უნარების აღმოჩენას, მათ წახალისებას და სამომავლოდ, მათი სხვადასხვა მიმართულებით განვითარებას. წარმატებული პედაგოგების დაჯილდოება ხელს შეუწყობს სამომავლოდ წარმატებულთა რიცხვის გაზრდას, რაც მნიშვნელოვნად აისახება მოსწავლეთა წარმატებულობაზე. ახალგაზრდების ინტელექტუალური აზროვნების გამოვლენა, კულტურულ-შემოქმედებით საქმიანობაში ახალგაზრდების ჩართულობა, საზოგგადოებრივი ცნობიერების ამაღლება და ინფორმირება გენდერული თანასწორობის საკითხებში, შშმ პირების ინტეგრირება საზოგადოებასთან.

ქვეპროგრამის აღწერა:

ქობულეთის მუნიციპალიტეტის მიერ მუნიციპალიტეტის ტერიტორიაზე მცხოვრებ მზრუნველობამოკლებულ ბავშვთათვის საშობაო ნუგბარის გადაცემა და ,,ალილო"-ს პროცესიის კულტურული ღონისძიებით უზრუნველყოფა, 9 აპრილის სახელობის სკვერში 9 აპრილს დაღუპულ გმირთა მემორიალური დაფის ყვავილებითა და გვირგვინით შემკობა. 26 მაისს დამოუკიდებლობის აღდგენისადმი მიძღვნილი საზეიმო ღონისძიების ორგანიზება, ქვეპროგრამის ფარგლებში განხორციელდება სხვადასხვა კულტურული აქტივობები, როგორიცაა კონცერტები ცნობილი ბენდების და ეთნო-ჯაზ ჯგუფების მონაწილეობით ქვეპროგრამის ფარგლებში განხორციელდება სხვადასხვა საახალწლო აქტივობები და კულტურული ღონისძიებები. ტრადიციულად განხორციელდება წლის წარმატებულების გამოვლინება და დაჯილდოვება. საზეიმოდ მოხდება ქალაქის მთავარი საახალწლო ნაძვის ხის განათება. საახალწლო კონცერტებს წარმართავენ როგორც ადგილობრივი შემსრულებლები და ქორეოგრაფიული ანსამბლები, ასევე მოწვეული არტისტები. ინტელექტუალური და შემოქმედებითი კონკურსები გულისხმობს მუნიციპალიტეტის მასშტაბით სკოლის მოსწავლეებს შორის საუკეთესოების გამოვლენას. მოსწავლეებში სხვადასხვა უნარების აღმოჩენას და მათ მოტივირებას სამომავლოდ ამ კუთხით განვითარებაში, რაც ერთერთი მნიშვნელოვანი მიმართულებაა ხარისხიანი განათლების კუთხით. ასევე მედალოსანი მოსწავლეების დაჯილდოება გაზრდის მოტივაციას მომავალ თაობაში მედალოსნის სტატუსის მოპოვებისთვის და ხელს შეუწყობს სამომავლოდ მათი რიცხვის გაზრდას. წარმატებული პედაგოგების დაჯილდოება გაზრდის მათ რიცხვის, რაც მნიშვნელოვნად აისახება მოსწავლეთა წარმატებულობაზე.

5.2.6

ტურიზმის განვითარების ხელშეწყობა (პროგრამული კოდი 05 02 06)

ქვეპროგრამის მიზანი:

ქობულეთის ტურისტული პოტენციალის, წარმოჩენა, რეკლამირება, გავრცელება, ადგილობრივი ტრადიციების გაცნობა ტურისტებისთვის, ადგილობრივი და უცხოელი ტურისტებისთვის ღირშესანიშნავი ადგილების ცნობადობის ამაღლება, ქობულეთის საინვესტიციო გარემოს შესახებ ინფორმაციის ხელმისაწვდომობა

ქვეპროგრამის აღწერა:

პროგრამის ფარგლებში დაგეგმილია შემდეგი ქვეპროგრამების განხორციელება: 1) პრეზენტაციები : ა ) ტურისტული გარემოს შესახებ ქობულეთში, ბ) საინვესტიციო გარემოს შესახებ ქობულეთში ქალაქის ტერიტორიების აღწერილობით (რუსულ და ინგლისურ ენაზე) 2) საერთაშორისო ტურისტულ გამოფენებში მონაწილეობა : ა) ბათუმის ტურიზმისა და სასტუმრო აღჭურვილობის საერთაშორისო გამოფენა " ექსპო ბათუმი-2019"-ში. ბ) აგრო სასურსათო გამოფენაში მონაწილეობა, საგამოფენო კუთხის მოწყობა, სარეკლამო მასალებით, ტკბილეულით და საგამოფენო ნივთებით, უცხოელი სტუმრებისთვის ქობულეთში არსებული ტურისტული პროდუქტის შეთავაზება 3) ტურიზმის სარეკლამო მასალების დამზადება : ტურისტული სეზონისთვის, გამოფენებისთვის და ქალაქის სტუმრების ინფორმირების მიზნით ბროშურების, სარეკლამო და სასაჩუქრე მასალების დამზადება. 4)ინფოტური - ტუროპერატორების, ფოტოგრაფების, ჟურნალისტების მოწვევა,განთავსებით და კვებით უზრუნველყფა, ექვსკურსიები ქობულეთის საინტერესო ადგილებში, ქობულეთის ტურისტული პოტენციალის გაცნობა 5)ღონისძიება "მზე სოფელში ანათებს" - ღონისძიების ორგანიზება სოფლად - ღონისძიებისთვის ტერიტორიის მოწყობა, მონაწილეთა და საჭირო ინვენტარის ტრანსპორტირება, სხვადასხვა სახის აქტივობების გამართვა, ქართული სამზარეულოს კუთხის მოწყობა და კულინარიული მასტერკლასის გამართვა, ბენდის მოწვევა, დაბინავება. განათებით, აპარატურით და ხმის რეჟისორით უზრუნველყოფა, წამყვანის და გიდის მოწვევა , ტურის ორგანიზება, (ღირსშესანიშნავი ადგილების მონახულება)

5.2.7

ა(ა)იპ ქობულეთის მუზეუმი (პროგრამული კოდი 05 02 07)

ქვეპროგრამის მიზანი:

კულტურულ–შემეცნებითი და საგანმანათლებლო–სამეცნიერო ღონისძიებების ორგანიზება

ქვეპროგრამის აღწერა:

ქვეპროგრამის ფარგლებში ქობულეთის მუზეუმი განახორციელებს სხვადასხვა კულტურულ–შემეცნებითი და საგანმანათლებლო–სამეცნიერო აქტივობების ორგანიზებას, მათ შორის: ქობულეთის მუნიციპალიტეტის ისტორიული და კულტურული ღირსშესანიშნაობების შესწავლისა და კვლევის მიზნით მუნიციპალიტეტის მკვიდრებისა და სტუმრებისათვის მრავალფეროვანი სანახაობის შეთავაზებას, მუზეუმის ინფრასტრუქტურის მოვლა–პატრონობას, მუზეუმში დაცული სამუზეუმო მნიშვნელობის მქონე ნივთების დაცვას, ინტერპრეტაციას და პოპულარიზაციას.

6

პრიორიტეტი: მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

6.1

ჯანმრთელობის დაცვის ღონისძიებები (პროგრამული კოდი 06 01)

პროგრამის მიზანი:

ქობულეთის მუნიციპალიტეტის (უპირატესად მოწყვლადი კატეგორიის) მოსახლეობის ჯანმრთელობის მდგომარეობისა გაუმჯობესება; შესაძლებლობის შეზღუდვის რისკის შემცირება

პროგრამის აღწერა:

მოსახლეობის ჯანმრთელობისა და შრომისუნარიანობის შენარჩუნება ქვეყნის სახელმწიფო პოლიტიკის უმნიშვნელოვანესი პრიორიტეტია. ადგილობრივი ბიუჯეტიდან მუნიციპალიტეტის მოსახლეობის ჯანმრთელობის დაცვის მიზნით გაგრძელდება დაავადებების პრევენციისა და მკურნალობის ქვეპროგრამები და ღონისძიებები. პროგრამის ფარგლებში განხორციელდება შემდეგი ქვეპროგრამა:

ქრონიკულად პროგრესირებადი დაავადებების მედიკამენტოზური დახმარების პროგრამა"

თემზე დაფუძნებული მობილური გუნდის მომსახურება მძიმე ფსიქიკური აშლილობის მქონე პირებისთვის;

ფენილკეტონურიით დაავადებულ პირთა სამკურნალო საშუალებების კომპენსაციით უზრუნველყოფა;

ა(ა)იპ "ქობულეთის ჯანდაცვისა და სოციალური სერვისების ცენტრი.

6.1.1

ქრონიკულად პროგრესირებადი დაავადებების მედიკამენტოზური დახმარების პროგრამა" (პროგრამული კოდი 06 00 01)

ქვეპროგრამის მიზანი:

ქრონიკული დაავადების მქონე პაციენტების სპეციფიკური მედიკამენტებით უზრუნველყოფა ჯანმრთელობის მდგომარეობისა და სოციალური პირობების გაუმჯობესება.

ქვეპროგრამის აღწერა:

ქრონიკული დაავადების (ეპილეფსია, ბრონქული ასთმა , შაქრიანი დიაბეტი და პარკინსონის დაავადება) მქონე პირები მუდმივად საჭიროებენ მკურნალობას ძვირადღირებული პრეპარატებით, რომელთა შეძენის საშუალებაც ხშირ შემთხვევაში, მათ ოჯახებს არ შეუძლიათ, რაც იწვევს დაავადებათა გამწვავებას და ჯანმრთელობის მდგომარეობის გაუარესებას.

ქვეპროგრამის ფარგლებში მედიკამენტები მიეწოდება ქობულეთის მუნიციპალიტეტში მცხოვრებ:

1) ეპილეფსიით და მეორადი ეპილეფსიური სინდრომით დაავადებულ 300 ბენეფიციარს;

2) პარკინსონით დაავადებულ 50 ბენეფიციარს;

3) ბრონქული ასთმით დაავადებულ 110 ბენეფიციარს: 100 001-დან 200 000 ჩათვლით სარეიტინგო ქულის მქონე პირებს; შშმ პირებს; ომისა და სამხედრო ძალების ვეტერანებს და 2008 წლის აგვისტოს ომში დაღუპული მეომრის ოჯახის წევრებს (მშობელი, მეუღლე, შვილი).

4) მეორე ტიპის დიაბეტით დაავადებულ 300 ბენეფიციარს: 100 001-დან 200 000 ჩათვლით სარეიტინგო ქულის მქონე პირებს; შშმ პირებს; ომისა და სამხედრო ძალების ვეტერანებს და 2008 წლის აგვისტოს ომში დაღუპული მეომრის ოჯახის წევრებს (მშობელი, მეუღლე, შვილი).

6.1.2

თემზე დაფუძნებული მობილური გუნდის მომსახურება მძიმე ფსიქიკური აშლილობის მქონე პირებისთვის (პროგრამული კოდი 06 01 02)

ქვეპროგრამის მიზანი:

მძიმე ფსიქიატრიული აშლილობის მქონე პირთა ჩართვა ფსიქიატრიულ სერვისებში, პაციენტთა ოჯახების სოციალური მდგომარეობის გაუმჯობესება

ქვეპროგრამის აღწერა:

წარმოდგენილი მიზნობრივი პროგრამა განაპირობებს მძიმე ფსიკური აშლილობის მქონე პირთა ჩართულობას ფსიქიატრიულ სერვისებში, ასევე ხელს შეუწყობს პაციენტთა ოჯახების სოციალური მდგომარეობის გაუმჯობესებასაც. პროგრამა ითვალისწინებს ერთი მობილური გუნდის დაფინანსებას თვის განმავლობაში 50 პაციენტის ადგილზე მომსახურებით. გუნდის მუშაობა ითვალისწინებს ბინაზე ვიზიტსა და მედიკამენტოზურ მკურნალობას საქართველოში რეგისტრირებული, სპეციალურ კონტროლს დაქვემდებარებული და ნეიროლეფსიური საშუალებებით, რომელსაც გამოიყენებს მობილური გუნდის ფსიქიატრი, კლინიკური პრაქტიკის ეროვნული რეკომენდაციების (გაიდლაინები) და დაავადებათა მართვის სახელმწიფო სტანდარტების (პროტოკოლები) შესაბამისად.

6.1.3

ფენილკეტონურიით დაავადებულ პირთა სამკურნალო საშუალებების კომპენსაციით უზრუნველყოფა (პროგრამული კოდი 06 01 04)

ქვეპროგრამის მიზანი:

ფენილკეტონურიით დაავადებულ პირთათვის მატერიალური დახმარების გაწევა

ქვეპროგრამის აღწერა:

ფენილკეტონურია წარმოადგენს თანდაყოლილ იშვიათ გენეტიკურ დაავადებას,ამ დაავადების მქონე პირები მთელი ცხოვრების მანძილზე საჭიროებენ დიეტოთერაპიას; კვებას კაზეინის ჰიდროლიზატის შემცველი ნარევებითა და მკურნალობას სხვადასხვა მედიკამენტებით, 18 წლამდე ასაკის ბავშვები ფედერალური პროგრამის ფარგლებში ყოველთვიურად მარაგდებიან მათთვის საჭირო დიეტური სამკურნალო ნარევებით, რომელიც მხოლოდ ნაწილობრივ აკმაყოფილებს მათ მოთხოვნილებებს. ხოლო 18 წლის ზემოთ ასაკის პირები, არ სარგებლობენ შეღავათებით. აღნიშნულის გათვალისწინებით წინამდებარე პროგრამის ფარგლებში ერთჯერადი მატერიალური დახმარების გაწევა 18 წლის ზემოთ ასაკის ფენილკეტონურიით დაავადებული 2 ბენეფიციარს 2000 ლარის ოდენობით, ხოლო 18 წლამდე ასაკის 3 ბენეფიციარს 1000 ლარის ოდენობით

6.1.4

ა(ა)იპ "ქობულეთის ჯანდაცვისა და სოციალური სერვისების ცენტრი (პროგრამული კოდი 06 01 07)

ქვეპროგრამის მიზანი:

სოფლის მოსახლეობის ადგილზე სამედიცინო მომსახურებით უზრუნველყოფა

ქვეპროგრამის აღწერა:

ქობულეთის მუნიციპალიტეტის სოფლის დასახლებულ ადგილებში, განსაკუთრებით მთიან სოფლებში, გეოგრაფიული მდებარეობის და კლიმატური პირობების გამო მოსახლეობისათვის დროული სამედიცინო მომსახურების მიწოდება გართულებულია. აღნიშნულის გათვალისწინებით, სოფლის მოსახლეობის ადგილზე სამედიცინო მომსახურებით უზრულვენყოფის მიზნით საჭირო გახდა:

ქობულეთის მუნიციპალიტეტის ტერიტორიაზე არსებული 12 პირველადი ჯანდაცვის ცენტრის ხელშეწყობა-კომუნალური და გათბობის ხარჯების გადახდა;

ქობულეთის მუნიციპალიტეტის ტერიტორიაზე არსებული პირველადი ჯანდაცვის ცენტრებში მომუშავე 33 ექიმისათვის ,,ექიმის ჩანთის " მედიკამენტებითა და სამედიცინო დანიშნულების საგნებით შევსება თანახმად საქართველოს შრომის, ჯანმრთელობისა და სოციალური დაცვის მინისტრის 2012 წლის 28 მარტის №01-63/ო ბრძანებისა.

პირველადი ჯანდაცვის ექიმებს ბინაზე გამოძახების შესრულება დიდი დაბრკოლებებით ხშირად ფეხით უწევდათ. მაღალი იყო ჯანმრთელობის გაუარესების რისკები. აღნიშნულის გათვალისწინებით ქვეპროგრამის ფარგლებში განხორციელდება ამბულატორიის მედპერსონალის უზრუნველყოფა სატრანსპორტო საშუალებით- მაღალი გამავლობის ავტომანქანით;

მოსახლეობისათვის დროული სამედიცინო მომსახურების მიწოდების მიზნით ადგილზე ექიმამდელი სამედიცინო დახმარების ორგანიზება და პირველადი დახმარების მედიკამენტებით უზრუნველყოფა

6.2

სოციალური დაცვის ღონისძიებები (პროგრამული კოდი 06 02)

პროგრამის მიზანი:

გარკვეული კატეგორიის ბენეიციარების სოციალური მდგომარეობის გაუმჯობესება

პროგრამის აღწერა:

პროგრამა ითვალისწინებს მოწყვლადი კატეგორიის ბენეფიციარების ერთჯერადი უფასო კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას, დიალიზის სახელმწიფო პროგრამაში და ბავშვთა აბილიტაციის/რეაბილიტაციის პროგრაამაში ჩართული პაციენტების ტრანსპორტირების ხელშეწყობა პროგრამა; და სხვა სოციალურ ღონისძიებებს, რომლებიც მთლიანობაში უზრუნველყოფენ მოსახლეობის სოციალური მდგომარეობის გაუმჯობესებას.

6.2.1

5 და მეტ მცირეწლოვან ბავშვთა ოჯახებზე (18 წლამდე ბავშვთა) ერთჯერადი მატერიალური დახმარება (პროგრამული კოდი 06 02 03)

ქვეპროგრამის მიზანი:

ქვეპროგრამის ძ ირითადი მიზანია მუნიციპალიტეტის ტერიტორიაზე დემოგრაფიული ფონის გაჯანსაღებისათვის მიმართული აქციების განხორციელება, მათთვის მორალური და მატერიალური მხარდაჭერა, სტიმულის მიცემა.

ქვეპროგრამის აღწერა:

ქვეპროგრამა ითვალისწინებს ქობულეთის მუნიციპალიტეტში მცხოვრები 5 და მეტ მცირეწლოვან ბავშვთა ოჯახებზე (18 წლამდე ბავშვთა) ერთჯერადად მატერიალურ დახმარებას, 35 ოჯახზე 1000 ლარის ოდენობით, ასევე პროგრამაში გათვალისწინებულ იქნება ის ოჯახები, რომელთა შვილებსაც შეუსრულდება 2019 წელს 18 წელი.

6.2.2

ომის მონაწილეებზე და დაღუპულთა ოჯახის წევრებზე სადღესასწაულო დღეების ორგანიზება და დახმარება (პროგრამული კოდი 06 02 04)

ქვეპროგრამის მიზანი:

ომის ინვალიდების, ომში დაღუპულთა ოჯახების, ომების მონაწილეების, მათთან გათანაბრებული პირების და სამხედრო ძალების ვეტერანების სოციალური დაცვა. მათთვის მატერიალური და მორალური მხარდაჭერა

ქვეპროგრამის აღწერა:

ქვეპროგრამას კანონმდებლობით დადგენილი წესით, არეგულირებს 2000 წლის საქართველოს კანონი „სამშობლოს დაცვისას დაღუპულთა და ომის შემდგომ გარდაცვლილ მეომართა ხსოვნის უკვდავყოფის შესახებ“ და ასევე 1995 წლის საქართველოს კანონი „ომისა და სამხედრო ძალების ვეტერანების შესახებ“ მუხლი 14, პუნქტი „გ“, მუხლი 15, პუნქტი „გ“, მუხლი16,პუნქტი„გ“,მუხლი17,პუნქტი„ბ“.
საქართველოს კანონის “სამშობლოს დაცვისას დაღუპულთა და ომის შემდგომ გარდაცვლილ მეომართა ხსოვნის უკვდავსაყოფის შესახებ“ მე-11 მუხლის პირველი პუნქტისა და „ომისა და სამხედრო ძალების ვეტერანების შესახებ 1995 წლის კანონის“ 21 მუხლის თანახმად გარდაცვლილი ომის მონაწილის ოჯახებზე გამოიყოფა ერთჯერადი ფინანსური დახმარება 250 ლარის ოდენობით დაკრძალვის ხარჯების ანაზღაურების მიზნით.

6.2.3

დედ-მამით ობოლ ბავშვთა ყოველთვიური მატერიალური დახმარება (პროგრამული კოდი 06 02 05)

ქვეპროგრამის მიზანი:

ქობულეთის მუნიციპალიტეტში მცხოვრები დედ-მამით ობოლ ბავშვთა ყოველთვიური მატერიალური დახმარებას თვითოეულ ბავშვზე 100 ლარის ოდენობით. მათთვის მატერიალური და მორალური მხარდაჭერა

ქვეპროგრამის აღწერა:

ქვეპროგრამა ითვალისწინებს დედ-მამით ობოლ ბავშვთა (12 ბენეფიციარი) ყოველთვიურ მატერიალურ დახმამარებას 100 ლარის ოდენობით, მათთვის მატერიალური და მორალური მხარდაჭერისათვის, ვინაიდან ხშირ შემთხვევაში აღნიშნული კატეგორიის ბავშვებს არ აქვს ელემენტარული სახსრები რაც ესაჭიროება მათ განვითარებას და აღზრდას.

6.2.4

უმწეო გარდაცვლილის ოჯახებზე ერთჯერადი დახმარება (პროგრამული კოდი 06 02 06)

ქვეპროგრამის მიზანი:

მოწყვლადი სოციალური კატეგორიებისათვის მატერიალური მხარდაჭერა

ქვეპროგრამის აღწერა:

ქვეპროგრამა ითვალისწინებს ერთჯერად დახმარებას ქობულეთის მუნიციპალიტეტში მცხოვრებ უკიდურესად გაჭირვებული ოჯახებისთვის, რომლებსაც არ გააჩნიათ ელემენტარული ხარჯები მიცვალებულთა დასამარხად. ასევე, პროგრამაში გათვალისწინებულია უპატრონო გარდაცვლილი მოქალაქეები, რომლების დასაფლავება ხშირ შემთხვევებში ქმნის სერიოზულ პრობლემას. ანალოგიური პროგრამა მუშაობდა 2017-2018 წლებში. გარდაცვლილთა ოჯახების უმეტეს ნაწილს არ გააჩნია დაკრძალვისათვის საჭირო თანხა. ერთ ოჯახზე გასაცემი თანხა შეადგენს 400 ლარს.

6.2.5

მუნიციპალური უფასო სასადილო (პროგრამული კოდი 06 02 12)

ქვეპროგრამის მიზანი:

ქობულეთის მუნიციპალიტეტის ტერიტორიაზე მცხოვრები 280 ბენეფიციარის ცხელი საკვებით უზრუნველყოფა კვირაში 7 დღეს, მათი მორალური მხარდაჭერა

ქვეპროგრამის აღწერა:

მოსახლეობის სოციალურად დაუცველი ფენის დახმარება წარმოადგენს ქვეყნის ჯანდაცვისა და სოციალური პოლიტიკის ძირითად პრიორიტეტს. ქ. ქობულეთში მუნიციპალური უფასო სასადილო ემსახურება აღნიშნული კონტიგენტის 280 ბენეფიციარს ერთჯერადი ცხელი საკვებით კვირაში 7-ჯერ (წელიწადში 365 დღის) განმავლობაში პროგრამით გათვალისწინებულ მენიუს შესაბამისად.

6.2.6

დიალიზის სახელმწიფო პროგრამაში ჩართული პაციენტების ტრანსპორტირების ხელშეწყობა (პროგრამული კოდი 06 02 13)

ქვეპროგრამის მიზანი:

ჯანმრთელობისა და სოციალური მდგომარეობის გაუმჯობესება.

ქვეპროგრამის აღწერა:

ქვეპროგრამა ითვალისწინებს დიალიზის ცენტრების ქობულეთის მუნიციპალიტეტის ტერიტორიაზე რეგისტრირებული 70 პაციენტისა და მათი თანმხლები პირების ქ. ბათუმისა და ქობულეთის კლინიკებში დიალიზის სეანსების ჩასატარებლად ტრანსპორტით გადაადგილებისათვის ყოველთვიურ მატერიალურ დახმარებას (თანხა გაიცემა საცხოვრებელი ადგილის გათვალისწინებით, პაციენტები ყოველთვიურად იტარებენ 13 დიალიზის სეანსს).

6.2.7

ბავშვთა ფსიქოსომატური აბილიტაციის/ რეაბილიტაციის პროგრამაში ჩართულ ბენეფიციართა ტრანსპორტირების ხელშეწყობა (პროგრამული კოდი 06 02 14)

ქვეპროგრამის მიზანი:

ჯანმრთელობისა და სოციალური მდგომარეობის გაუმჯობესება.

ქვეპროგრამის აღწერა:

ქვეპროგრამა ითვალისწინებს ქობულეთის მუნიციპალიტეტის ტერიტორიაზე მცხოვრებ, ბავშვთა ფსიქოსომატური აბილიტაცია /რეაბილიტაციის პროგრამით მოსარგებლე 130 ბენეფიციარისა და მათი თანმხლები პირის ფსიქოსომატური რეაბილიტაციის კურსების ჩასატარებლად ტრანსპორტით გადაადგილებისათვის მატერიალურ დახმარებას. ქობულეთის ტერიტორიაზე არსებულ რეაბილიტაციის ცენტრებში რეაბილიტაციის კურსების ჩასატარებლად ბენეფიციარებისათვის თანხა გაიცემა საცხოვრებელი ადგილის გათვალისწინებით, ხოლო ყველა სხვა შემთხვევაში თანხა გაიცემა მოჭრით - ერთ ბენეფიციარზე (თანმხლებ პირთან ერთად) 8 ლარი ერთ ვიზიტზე.

6.2.8

ცალკეული სოციალური კატეგორიის ოჯახების გაზიფიცირება (პროგრამული კოდი 06 02 15)

ქვეპროგრამის მიზანი:

სოციალურად დაუცველი ოჯახების მდგომარეობის, ცხოვრების ხარისხის, ფსიქოლოგიური და ფიზიკური მდგომარეობის გაუმჯობესებაში წვლილის შეტანა. საქართველოს ტერიტორიული მთლიანობისათვის წარმოებული საომარი მოქმედებების შედეგად დაღუპული მეომრების ოჯახების მატერიალური და მორალური მხარდაჭერა.

ქვეპროგრამის აღწერა:

სოციალურად დაუცველი ოჯახებისათვის, რომელთა შემოსავალი მეტად მწირია, დიდ პრობლემას წარმოადგენს ბუნებრივი აირის შეყვანისათვის თანხის გაღება. ასევე მნიშვნელოვანი მორალური და მატერიალური მხარდაჭერაა საქართველოს ტერიტორიული მთლიანობისათვის წარმოებული საომარი მოქმედებების შედეგად დაღუპული მეომრების ოჯახების გაზიფიცირება. პროგრამა ითვალისწინებს სოციალურად დაუცველი ოჯახების ბაზაში 0-დან 65 000-მდე სარეიტინგო ქულით დარეგისტრირებული ოჯახებისა და საქართველოს ტერიტორიული მთლიანობისათვის წარმოებული საომარი მოქმედებების შედეგად დაღუპული მეომრების ოჯახების - 75 ბენეფიციარის გაზიფიცირებას - ბუნებრივი აირის მილგაყვანილობისა და მრიცხველის სამონტაჟო ღირებულების დაფინანსებას ერთი წერტილის გათვალისწინებით (გაზქურამდე) არაუმეტეს 400 (ოთხასი) ლარით. ანალოგიური პროგრამა სოციალურად დაუცველი ოჯახებისათვის მოქმედებდა 2015 წლიდან. 2015 წელს პროგრამით ისარგებლა 27 ბენეფიციარმა, 2016 წელს 75 ბენეფიციარმა 2017 წელს 75 ბენეფიციარმა, ხოლო 2018 წელს 60 ბენეფიციარმა.

6.2.9

მესამე და მომდევნო ახალშობილზე ერთჯერადი მატერიალური დახმარება (პროგრამული კოდი 06 02 16)

ქვეპროგრამის მიზანი:

სოციალურად დაუცველი ოჯახებისათვის მატერიალური დახმარება მე-3, მე-4 მე-5 და მომდევნო შვილის დაბადებასთან დაკავშირებით. მათთვის მორალური და მატერიალური მახარდაჭერა. სტიმულის მიცემა.

ქვეპროგრამის აღწერა:

ქვეპროგრამა ითვალისწინებს ქობულეთის მუნიციპალიტეტის ტერიტორიაზე დემოგრაფიული ფონის გაჯანსაღებისათვის მიმართული აქციების განხორციელებას. კერძოდ, მე-3, მე-4, მე-5 და მომდევნო შვილის დაბადებისას მატერიალური დახმარების გაწევა. მე-3 შვილის დაბადებისას 600 ლარი, მე-4 შვილის დაბადებისას 800 ლარი, მე-5 და მომდევნო შვილის დაბადებისას 1000 ლარი. ქვეპროგრამა ასევე დააფინანსებს 2018 წლის ვალდებულებებს შესაბამისი პერიოდისთვის მოქმედი ,,ყოველ მესამე და მომდევნო ახალშობილზე ერთჯერადი მატერიალური დახმარების “ პროგრამის კრიტერიუმებისა და ცალკეულ კატეგორიებზე შესაბამისი თანხების ოდენობების გათვალისწინებით.