„გურჯაანის მუნიციპალიტეტის მერიის სამხედრო აღრიცხვისა და გაწვევის სამსახურის დებულების დამტკიცების შესახებ“ გურჯაანის მუნიციპალიტეტის საკრებულოს 2017 წლის 20 ნოემბრის N41 დადგენილებაში ცვლილებების შეტანის თაობაზე

1. მე-3 მუხლს დაემატოს შემდეგი შინაარსის მე-12 პუნქტი:

„12. საქართველოს კანონის „საქართველოს ადმინისტრაციულ სამართალდარღვევათა კოდექსი“ 196¹, 196³, 196⁶, 197-ე, 197¹ და 198-ე მუხლებით გათვალისწინებული სამართალდარღვევების გამოვლენის შემთხვევაში, იმავე კოდექსით მუნიციპალიტეტისათვის მინიჭებული უფლებამოსილების ფარგლებში, სამართალდარღვევის ოქმის შედგენა ან/და ადმინისტრაციული სახდელის დადება.“.

2. მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. სამხედრო აღრიცხვიანობისა და სამხედრო სამსახურში გაწვევის საკითხებში წესების დარღვევის ფაქტებზე, სათანადო საფუძვლის არსებობის შემთხვევაში, კანონმდებლობით დადგენილი კომპეტენციის ფარგლებში, მასალები გადასცეს სამართალდამცავ ორგანოებს. აგრეთვე, საქართველოს კანონის „საქართველოს ადმინისტრაციულ სამართალდარღვევათა კოდექსი“ 196¹, 196³, 196⁶, 197-ე, 197¹ და 198-ე  მუხლებით გათვალისწინებული სამართალდარღვევების გამოვლენის შემთხვევაში, იმავე კოდექსით მუნიციპალიტეტისათვის მინიჭებული უფლებამოსილების ფარგლებში, შეადგინოს სამართალდარღვევის ოქმი ან/და განახორციელოს ადმინისტრაციული სახდელის დადება.“