„მცხეთის მუნიციპალიტეტის ქონების სარგებლობის უფლებით გადაცემის ელექტრონულ აუქციონში (პირობებიანი/უპირობო) გამარჯვების დამადასტურებელი ოქმის და სარგებლობის უფლებით გადაცემის ხელშეკრულების ტიპური ფორმების დამტკიცების შესახებ“ მცხეთის მუნიციპალიტეტის საკრებულოს 2018 წლის 13 აპრილის N48 დადგენილებაში ცვლილების შეტანის თაობაზე

ა)  მე-5 მუხლის 1-ლი  პუნქტი ჩამოყალიბდეს  ახალი რედაქციით:

„1. ხელშეკრულებით ნაკისრი ვალდებულების შეუსრულებლობის შემთხვევაში, მუნიციპალიტეტის ქონების სარგებლობის უფლებით მიმღებს ეძლევა წერილობითი გაფრთხილება, რომელშიც მიეთითება დარღვევის გამოსწორების ვადა და პირგასამტეხლოს ოდენობა. ქირის გადაუხდელობის შემთხვევაში პირგასამტეხლო განისაზღვრება გადაუხდელი ქირის 0,1%-ით, მაგრამ არანაკლებ 5 (ხუთი) ლარისა, დარღვევის დღიდან ყოველ ვადაგადაცილებულ დღეზე. სარგებლობის ხელშეკრულების პირობების შეუსრულებლობის განმეორებით გამოვლენის შემთხვევა ან დაწესებულ ვადაში პირგასამტეხლოს გადაუხდელობა მიიჩნევა სარგებლობის ხელშეკრულების ცალმხრივად მოშლის საფუძვლად მესაკუთრის მიერ. მოსარგებლეს არ უბრუნდება გადახდილი თანხა და არ უნაზღაურდება მის მიერ გაწეული სხვა ხარჯები.“;

ბ) მე-5 მუხლს დაემატოს შემდეგი შინაარსის  1¹  პუნქტი:

„1¹. დამქირავებელი უფლებამოსილია გაზარდოს ქირის თანხა საბაზრო ღირებულებების ცვლილების შესაბამისად, ურთიერთშეთანხმებით.“.