საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. კოდექსს დაემატოს შემდეგი შინაარსის 173¹⁴ და 173¹⁵ მუხლები:

„მუხლი 173¹⁴. სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლევი პირის დასაქმება, მისთვის საქმიანობის გაგრძელების შესაძლებლობის მიცემა ან შესაბამისი საქმიანობის განხორციელების უფლების მინიჭება

„სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლევი პირის დასაქმება, მისთვის საქმიანობის გაგრძელების შესაძლებლობის მიცემა ან შესაბამისი საქმიანობის განხორციელების უფლების მინიჭება იმ დაწესებულების მიერ, რომელშიც ამ პირის დასაქმება კანონით აკრძალულია, −

გამოიწვევს დაჯარიმებას 2 000 ლარის ოდენობით.

შენიშვნა: ამ მუხლის მოქმედება არ ვრცელდება  პირის დასაქმების იმ შემთხვევაზე, როდესაც ამ პირს საქმიანობის უფლება „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონის შესაბამისად, სასამართლოს განაჩენის საფუძველზე ჩამოერთვა.

„სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის მსჯავრდებული პირის/უფლებაჩამორთმეული პირის მიერ იმავე კანონის მე-6 მუხლით გათვალისწინებული ვალდებულების არასაპატიო მიზეზით შეუსრულებლობა − 

გამოიწვევს დაჯარიმებას 1 000 ლარიდან 2 000 ლარამდე ოდენობით ან ადმინისტრაციულ პატიმრობას 7 დღემდე ვადით.“.

2. 208-ე მუხლი ჩამოყალიბდეს შემდეგი რედაქციით:

„მუხლი 208. რაიონული (საქალაქო) სასამართლოს განსჯადი ადმინისტრაციულ სამართალდარღვევათა საქმეები

რაიონული (საქალაქო) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 42^​1 და 42^​2 მუხლებით, 43-ე მუხლის მე-2 ნაწილით, 43^​1−44^​3, 44^​5, 44⁷–44^​11, 45-ე−46^​4, 48-ე, 49-ე, 50^​1, 51-ე–55^​4, 56-ე, 57-ე–59-ე, 59^​2−მე-60, 60³−61¹, 63-ე−65-ე, 66-ე−69-ე, 71-ე, 71^​1, 72^​1–78-ე, 79^​1–81-ე, 82^​1, 82^​2, 82^​5, 84-ე–86-ე, 87¹−89^​3, 91^​2, 91^​3, 94-ე, 95-ე, 99-ე, 100^​1, 100^​2, 103^​1, 104-ე და 105^​1 მუხლებით, 127^​1 მუხლის მე-5 ნაწილით, 128^​1–128^​5, 143-ე, 144-ე, 144^​10, 145-ე, 146^​1, 148-ე, 150-ე, 150^​1, 151-ე, 152-ე, 152^​2, 153-ე, 153^​1 და 153^​3–153^​5 მუხლებით, 153⁶ მუხლის მე-2 და მე-5 ნაწილებით, 154-ე−154^​2, 155^​1 და 155^​2 მუხლებით, 155^​3 მუხლის მე-11−მე-20 ნაწილებით, 155^​6 მუხლის მე-3−მე-5 ნაწილებით, 155⁷–155¹¹, 156-ე, 157^​1–158^​1, 159-ე, 159^​1, 159^​4–159^​10, 163-ე, 164-ე, 164^​4, 165¹–165^​3 და 166-ე−167-ე მუხლებით, 171-ე მუხლის მე-3 ნაწილით, 171²−171⁴ მუხლებით, 171^​5 მუხლის პირველი, მე-2, მე-4−მე-6 და მე-8−მე-16 ნაწილებით, 172-ე, 172^​4–172^​6, 173-ე, 173^​4–173^​7, 173⁹, 173¹², 173¹⁴, 173¹⁵ და 174¹ მუხლებით, 174^​15 მუხლის მე-4 ნაწილით, 175^​1 და 175² მუხლებით, 177-ე მუხლის მე-4, მე-5, მე-8, მე-12 და მე-13 ნაწილებით, 177⁸, 177⁹, 177^​11 და 177^​12 მუხლებით, 177^​13 მუხლით (მხოლოდ ამ კოდექსის 245-ე მუხლის 4¹ ნაწილით გათვალისწინებულ შემთხვევაში), 178-ე, 179^​1–179^​3, 180-ე და 181-ე მუხლებით, 181^​1 მუხლის მე-2 ნაწილითა და 182-ე, 183-ე, 187-ე, 187^​1, 189-ე, 192-ე, 195-ე, 196^​3, 196^​6, 197^​1, 197^​2 და 199^​1 მუხლებით.“.

3. 239-ე მუხლის:

ა) მე-13 ნაწილი ჩამოყალიბდეს შემდეგი რედაქციით:

„13. ამ კოდექსის 45-ე, 45¹, 58³, 81-ე, 86¹, 100², 107-ე, 107⁵, 114¹, 114², 116-ე–116³, 118-ე−123-ე, 125-ე და 127-ე მუხლებით, 127​¹ მუხლის პირველი–მე-2, მე-6 და მე-7 ნაწილებით, 134-ე, 135​²−135^​4, 139​⁵, 150-ე, 152​⁷, 152^​8 და 153³ მუხლებით, 153​⁶ მუხლის მე-2 და მე-5 ნაწილებითა და 166-ე, 173-ე, 173¹⁴, 173¹⁵, 174​¹, 174​¹⁵, 174¹⁶, 175^​2, 176^​1, 177-ე, 177​¹, 180-ე–183-ე, 190-ე, 190^​2, 191-ე და 199^​1 მუხლებით გათვალისწინებულ ადმინისტრაციულ სამართალდარღვევათა ოქმებს ადგენენ შინაგან საქმეთა ორგანოები, ხოლო საქართველოს შინაგან საქმეთა სამინისტროს სამხედრო მოსამსახურის მიერ ამ კოდექსის 45-ე, 45​¹, 166-ე და 197​² მუხლებით გათვალისწინებული ადმინისტრაციული სამართალდარღვევების ჩადენის შემთხვევებში შესაბამის ადმინისტრაციულ სამართალდარღვევათა ოქმებს ადგენს საქართველოს შინაგან საქმეთა სამინისტროს უფლებამოსილი პირი.“;

ბ) მე-18 ნაწილის შემდეგ დაემატოს შემდეგი შინაარსის 18¹ ნაწილი:

„18¹. ამ კოდექსის 173¹⁴ მუხლით გათვალისწინებული ადმინისტრაციული სამართალდარღვევის ოქმს თავიანთი კომპეტენციის ფარგლებში ადგენენ საქართველოს შინაგან საქმეთა სამინისტროს, საქართველოს განათლების, მეცნიერების, კულტურისა და სპორტის სამინისტროს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და ადგილობრივი თვითმმართველობის ორგანოების უფლებამოსილი პირები.“.

მუხლი 2. ეს კანონი ამოქმედდეს 2020 წლის 1 მაისიდან.