„ერედვის მუნიციპალიტეტის 2020 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ერედვის მუნიციპალიტეტის საკრებულოს 2019 წლის 10 დეკემბრის №18 დადგენილებაში ცვლილების შეტანის თაობაზე

ა)   დადგენილებით დამტკიცებული წესის მე-6 მუხლი ამოღებულ იქნეს.

 ბ) დადგენილებით დამტკიცებულ წესს დაემატოს შემდეგი შინაარსის 12¹ მუხლი.:

„მუხლი 12 ¹. სოფელ საქაშეთის და სოფელ მეტეხის  დევნილთა  დასახლებებში მცხოვრებ დევნილთა  ოჯახების სამშენებლო მასალებით   დახმარება

1.   გორის მუნიციპალიტეტის სოფელ საქაშეთის დევნილთა დასახლებაში მცხოვრებ ერედვის მუნიციპალიტეტის ტერიტორიიდან დევნილ 44 (ორმოცდაოთხი) ოჯახს გაეწიოს სამშენებლო მასალებით (იატაკის ლამინატი)  დახმარება.

2. კასპის მუნიციპალიტეტის სოფელ მეტეხის დევნილთა დასახლებაში მცხოვრებ ერედვის მუნიციპალიტეტის ტერიტორიიდან დევნილ 15 (თხუთმეტი) ოჯახს გაეწიოს სამშენებლო მასალებით (იატაკის ლამინატი)  დახმარება.

3. სამშენებლო მასალა დახმარების მიმღებს გადაეცემა საცხოვრებელი კოტეჯების იატაკის შესაცვლელად.

4. დახმარების მისაღებად მოქალაქემ მუნიციპალიტეტში უნდა წარმოადგინოს შემდეგი სახის დოკუმენტაცია:

ა) განცხადება მუნიციპალიტეტის გამგებლის სახელზე;

ბ) განმცხადებლის პირადობის დამადასტურებელი დოკუმენტის ასლი;

გ) იძულებით გადაადგილებული პირის – დევნილის მოწმობის ასლი;

დ)  ამონაწერი სსიპ – საჯარო რეესტრის ეროვნული სააგენტოდან;

ე) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან – თვითმმართველი ერთეულის რწმუნებულისაგან, დახმარების მიმღების ერედვის მუნიციპალიტეტის ტერიტორიაზე მუდმივი მაცხოვრებლობის შესახებ (ასეთის მოთხოვნის შემთხვევაში).

5.  დახმარების გადაცემა მოხდება მიღება-ჩაბარების აქტის გაფორმებით“.