სიგარაბარის მოწყობის ნებართვის უწყებრივი სანებართვო რეესტრის ფორმისა და წარმოების წესის დამტკიცების შესახებ

სიგარაბარის მოწყობის ნებართვის უწყებრივი სანებართვო რეესტრის ფორმისა და წარმოების წესის დამტკიცების შესახებ შემოსავლების სამსახურის უფროსის ბრძანება №3836 2020 წლის 17 თებერვალი ქ. თბილისი სიგარაბარის მოწყობის ნებართვის უწყებრივი სანებართვო რეესტრის ფორმისა და წარმოების წესის დამტკიცების შესახებ „ლიცენზიებისა და ნებართვების შესახებ“ საქართველოს კანონის 36-ე მუხლის მე-2 პუნქტის, „თამბაქოს კონტროლის შესახებ“ საქართველოს კანონის 10​1 მუხლის პირველი პუნქტისა და „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტის საფუძველზე,  ვბრძანებ: 1. დამტკიცდეს: ა) სიგარაბარის მოწყობის ნებართვის უწყებრივი სანებართვო რეესტრის ფორმა (დანართი  №1); ბ) სიგარაბარის მოწყობის ნებართვის უწყებრივი სანებართვო რეესტრის წარმოების წესი (დანართი №2). 2.  ეს ბრძანება ამოქმედდეს ხელმოწერისთანავე. სამსახურის უფროსი ლევან კაკავა დანართი №1 სიგარაბარის მოწყობის ნებართვის უწყებრივი სანებართვო რეესტრი № ნებართვის მფლობელის დასახელება ს/ნ ნებართვის მფლობელის იურიდიული მისამართი მოწმობის ნომერი ნებართვის გაცემის თარიღი ნებართვ ის სახე ნებართვის მოქმედების ვადა (წელი) ობიექტის ადგილმდე ბარეობა ობიექტის ადგილმდება რეობის შეცვლა ნებართვ აში ცვლილე ბის შეტანა/გ აუქმება დუბლი კატის გაცემა მონაცემები რეორგანი ზაციის შესახებ დანართი №2 სიგარაბარის მოწყობის ნებართვის უწყებრივი სანებართვო რეესტრის წარმოების წესი 1. სიგარაბარის მოწყობის ნებართვის უწყებრივი სანებართვო რეესტრი (შემდგომში – რეესტრი) წარმოადგენს სიგარაბარის მოწყობის ნებართვის (შემდგომში – ნებართვა) გაცემის, მასში ცვლილების შეტანის, ნებართვის გაუქმების, სანებართვო მოწმობის დუბლიკატის გაცემისა და ნებართვის მფლობელის შესახებ მონაცემთა სისტემატიზებულ ერთობლიობას. 2. რეესტრში რეგისტრირდება: ა) მონაცემები ნებართვის მფლობელის შესახებ – მონაცემები მეწარმეთა და არასამეწარმეო  (არაკომერციული)  იურიდიული  პირების  რეესტრში  რეგისტრაციის თაობაზე; ბ) ნებართვის სახე; გ) სანებართვო მოწმობის ნომერი და გაცემის თარიღი; დ) ნებართვის მოქმედების ვადა; ე) მონაცემები ობიექტის ადგილმდებარეობის შესახებ; ვ) მონაცემები ნებართვის მფლობელის საფირმო სახელწოდების, ორგანიზაციულ-სამართლებრივი ფორმის, ადგილსამყოფლის შეცვლის ან რეორგანიზაციის შესახებ; ზ) მონაცემები ნებართვაში ცვლილებების შეტანის/ნებართვის გაუქმების შესახებ; თ) მონაცემები სანებართვო მოწმობის დუბლიკატის გაცემის შესახებ. 3. ყველას აქვს უფლება, საქართველოს ზოგადი ადმინისტრაციული კოდექსით დადგენილი წესით გაეცნოს რეესტრის მონაცემებს და მიიღოს ნებართვებთან დაკავშირებული საჯარო ინფორმაცია.