„სოციალურად საშიში და სოციალურად მნიშვნელოვანი დაავადებების სამედიცინო დახმარების ორგანიზაციის სრულყოფის ღონისძიებათა შესახებ“

 

საქართველოს ჯანმრთელობის დაცვის მინისტრის

ბრძ ა ნება №180/ო

1998 წლის 11 მაისი

ქ . თბილისი

სოციალურად საშიში და სოციალურად მნიშვნელოვანი დაავადებების სამედიცინო დახმარების ორგანიზაციის სრულყოფის ღონისძიებათა შესახებ

სოციალურად საშიში და სოციალურად მნიშვნელოვანი დაავადებების სამედიცინო დახმარების ორგანიზაციის გაუმჯობესების მიზნით „ჯანმრთელობის დაცვის შესახებ “ საქართველოს კანონის შესაბამისად ვბრძანებ :

1.0. დამტკიცდეს ტიპიური დებულება მრავალპროფილიანი დისპანსერის შესახებ (დანართი №1).

2.0. დაევალოს საქართველოს ჯანმრთელობის დაცვის სამინისტროს საზოგადოებრივი ჯანდაცვის დეპარტამენტს , აფხაზეთის და აჭარის ავტონომიური რესპუბლიკების ჯანმრთელობის დაცვის სამინისტროებთან და ჯანმრთელობის დაცვის სამხარეო , ქ . ფოთის და ქ . თბილისის ჯანმრთელობის დაცვის დეპარტამენტებთან ერთად :

2.1. 1998 წლის ბოლომდე შექმნან სამხარეო ცენტრებში , რაიონებში და ქალაქებში მრავალპროფილიანი დისპანსერები .

2.2. ინფორმაცია აღნიშნული ბრძანების შესრულების შესახებ წარმოადგინონ 1999 წლის 1 იანვრამდე .

3.0. ბრძანება ძალაში შედის გამოქვეყნების დღიდან .

4.0. კონტროლს აღნიშნული ბრძანების შესრულებაზე განვახორციელებ პირადად .

მინისტრი ა . ჯორბენაძე

დანართი №1

მრავალპროფილიანი დისპანსერის ტიპიური დებულება

1. მრავალპროფილიანი დისპანსერი (შემდგომში – დისპანსერი ) წარმოადგენს არასტაციონარულ სამკურნალო დაწესებულებას , რომელიც მოწოდებულია თავისი ფუნქციონირების ტერიტორიაზე განახორციელოს სოციალურად მნიშვნელოვანი და სოციალურად საშიში დაავადებებისას (ფთიზიატრიული , ფსიქიატრიული , დერმატოვენეროლოგიური , ონკოლოგიური , ენდოკრინოლოგიური , ნარკოლოგიური , ინფექციური , აივ -ინფექცია და სხვ .) მოსახლეობისათვის სამედიცინო დახმარების

  ორგანიზაცია .

2. დისპანსერის ორგანიზაცია სამხარეო და რაიონულ (ქალაქი ) ცენტრებში ხდება დადგენილი წესით .

3. დისპანსერი არის დამოუკიდებელი სამედიცინო დაწესებულება , რომელიც სარგებლობს იურიდიული პირის უფლებით . მას დადგენილი წესით გავლილი აქვს შესაბამისი აკრედიტაცია საქართველოს ჯანმრთელობის დაცვის სამინისტროში და მიღებული აქვს სათანადო ლიცენზია , მონაწილეობს სახელმწიფო ცენტრალურ და მუნიციპალურ პროგრამებში .

4.0. დისპანსერის ამოცანებია :

4.1. სამედიცინო დახმარების ორგანიზაცია სპეციალიზებული დახმარების სახით სოციალურად მნიშვნელოვანი და სოციალურად საშიში დაავადებების (შემდგომში დაავადებების ) დროს ექიმ -სპეციალისტების (ფთიზიატრი , ფსიქიატრი , დერმატოვენეროლოგი , ონკოლოგი , ენდოკრინოლოგი , ნარკოლოგი , ინფექციონისტი და სხვა ) ძალებით ;

4.2. სოციალურად მნიშვნელოვანი და სოციალურად საშიში სნეულებებით ავადმყოფთა აქტიური ადრეული გამოვლინება და მათზე სისტემატური მეთვალყურეობა ;

4.3. დადგენილი წესით სანიტარულ -ჰიგიენური ღონისძიებების ჩატარება თავის კომპეტენციის ფარგლებში ;

5. დისპანსერი თავისი ამოცანების შესასრულებლად ორგანიზაციას უწევს და ახორციელებს :

5.1. ავადმყოფთა აუცილებელ გამოვლინებას და აღრიცხვას ;

5.2. ამბულატორიული , პოლიკლინიკური დაწესებულებების და სტაციონარების სოციალურად მნიშვნელოვანი და სოციალურად საშიში დაავადებების სფეროში ორგანიზაციულ -მეთოდურ ხელმძღვანელობას , მათთვის საკონსულტაციო დახმარების გაწევას . ღონისძიებების , პირველ რიგში დაავადებების დროული და ადრეული გამოვლინების , ჩატარებაში დახმარების გაწევას .

5.3. მონაწილეობს სოციალურად მნიშვნელოვანი და სოციალურად საშიში დაავადებებით ავადმყოფთა ან ამ დაავადებებზე საეჭვო პირთა მასობრივ კვალიფიცირებულ გამოკვლევებში .

5.4. აღრიცხვაზე აყვანილ ავადმყოფთა კონტინგენტის რეგულარულ დისპანსერულ მეთვალყურეობას და კონტროლს .

5.5. თანამედროვე მეთოდებით ავადმყოფთა კომპლექსური ამბულატორიული მკურნალობის და დაკვირვების ორგანიზაციას დისპანსერში და ბინაზე .

5.6. საჭიროების შემთხვევაში იმ ავადმყოფთა ჰოსპიტალიზაციას , რომლებიც საჭიროებენ სტაციონარულ მკურნალობას .

5.7. საზოგადოებრივი ჯანდაცვის ცენტრის მითითებით ინფექციურ ავადმყოფებთან კონტაქტში მყოფთა აღრიცხვის ორგანიზაციას .

5.8. საზოგადოებრივი ჯანდაცვის ცენტრის მითითებით დაავადებების პროფილაქტიკისათვის მიმართულ გამაჯანსაღებელ და ეპიდსაწინააღმდეგო ღონისძიებათა ჩატარებას .

5.9. მონაწილეობას იღებს ვაქცინაციების და რევაქცინაციების ჩატარებაში .

5.10. ფუნქციონირების ტერიტორიაზე თავის კომპეტენციის ავადობის და სიკვდილიანობის აღრიცხვას და ანალიზს , გატარებული ღონისძიებების ეფექტიანობის შესწავლას .

5.11. სასამართლო -ფსიქიატრიული , ნარკოლოგიური და სხვა სახის ექსპერტიზებს .

5.12. დროებითი შრომისუუნარობის სისტემატურ ექსპერტიზას , შრომისუუნარობის ფურცლების გახსნას , გაგრძელებას და გაცემას , აგრეთვე დადგენილი სახის ცნობების გაცემას მოქმედი წესის შესაბამისად .

5.13. იმ პირთა გაგზავნას საექიმო შრომით -საექსპერტო კომისიაზე , რომელთაც აღენიშნება შრომის უნარის მყარად დაკარგვის ნიშნები .

5.14. საზოგადოებრივი ჯანდაცვის ცენტრისათვის დადგენილი წესით შეტყობინებას ინფექციურ , პარაზიტული და პროფესიულ დაავადებათა , მოსახლეობის მოწამვლის და სანიტარულ -ჰიგიენური მოთხოვნილების დარღვევის შესახებ .

5.15. ცხოვრების ჯანსაღი წესის პროპაგანდას .

5.16. ყველა გამოვლინებულ ავადმყოფთა ან ინფექციურ დაავადებაზე ეჭვმიტანილ პირთა სპეციალურ ჟურნალში ( სააღრიცხვო ფორმა №064 /უ ) გატარებას .

5.17. პროფილაქტიკური აცრების ჩატარებას და მათ რეგისტრაციას ჟურნალში (სააღრიცხო ფორმა N064 /უ ).

5.18. ინფექციურ დაავადებათა პროფილაქტიკის , საზოგადოებრივი და პირადი ჰიგიენის დარგში მოსახლეობის ცოდნის ამაღლებისათვის მუშაობას .

6.0. დისპანსერის ორგანიზაციული სტრუქტურა :

6.1. ადმინისტრაცია

6.2. რეგისტრატურა

6.3. სპეციალიზებული განყოფილებები ( ექიმ -სპეციალისტების მისაღები კაბინეტები ) შემდეგ პროფილებში :

6.3.1. ფთიზიატრიული

6.3.2. ფსიქიატრიული

6.3.3. ონკოლოგიური

6.3.4. ნარკოლოგიური

6.3.5. ინფექციური

6.3.6. დერმატოვენეროლოგიური

6.3.7. ენდოკრინოლოგიური

6.4. დამხმარე -დიაგნოსტიკური განყოფილებები (კაბინეტები ), ლაბორატორიული , რომლებიც შედიან დაწესებულების შესაბამისი დანაყოფების შემადგენლობაში :

6.4.1. რენტგენის ;

6.4.2. ფუნქციური დიაგნოსტიკის ;

6.4.3. ენდოსკოპიური ;

6.4.4. ლაბორატორიები საერთო -კლინიკური , ბიოქიმიური , სეროლოგიური , ბაქტერიოლოგიური , ციტოლოგიური და სხვა სახის გამოკვლევებისათვის ;

6.4.5. აღრიცხვისა და სამედიცინო სტატისტიკის კაბინეტი .

7.0. დისპანსერი უზრუნველყოფს პერსონალისა და სტრუქტურული ქვეგანაყოფების ზუსტ აღრიცხვას . სტატისტიკის სახელმწიფო დეპარტამენტისა და საქართველოს ჯანმრთელობის დაცვის სამინისტროს მიერ დამტკიცებული ერთიანი ფორმების მიხედვით ანგარიშების შედგენას და დისპანსერული მუშაობისათვის დამახასიათებელი სტატისტიკური მონაცემების ანალიზს დადგენილი წესის შესაბამისად .

8.0 დისპანსერის პერსონალი თავის მუშაობაში ხელმძღვანელობს ამ დებულებით , საქართველოს კანონით ჯანდაცვის შესახებ , საქართველოს ჯანდაცვის სამინისტროს და ადგილობრივი საზოგადოებრივი ჯანდაცვის ცენტრის ბრძანებით და სხვა ნორმატიული აქტებით .

9.0. დისპანსერის მუშაობის დაგეგმვა , შტატების განსაზღვრა , სამედიცინო აპარატურით , ინსტრუმენტებით , ინვენტარითა და მოწყობილობით აღჭურვა ხდება დადგენილი წესით .

10.0. დისპანსერს ხელმძღვანელობს მთავარი ექიმი , რომელიც ინიშნება და თავისუფლდება დადგენილი წესის მიხედვით .

11.0. დისპანსერების ლიკვიდაცია ან რეორგანიზაცია ხორციელდება მოქმედი კანონმდებლობით დადგენილი წესის შესაბამისად .