„ლანჩხუთის მუნიციპალიტეტის 2020 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ლანჩხუთის მუნიციპალიტეტის საკრებულოს 2020 წლის 24 იანვრის N1 დადგენილებაში ცვლილების შეტანის თაობაზე

„2. დადგენილებით დამტკიცებული  წესის მე-4 მუხლის „კ“ და „ო“ ქვეპუნქტებით  გათვალისწინებული პროგრამებიდან დახმარებების გაცემის მიზნით  მუნიციპალიტეტის მერის მიერ   მერის ინდივიდუალური სამართლებრივი აქტის  ბრძანების საფუძველზე იქმნება კომისია, რომლის შემადგენლობაში შედის: ლანჩხუთის მუნიციპალიტეტის მერი; ლანჩხუთის მუნიციპალიტეტის მერის მოადგილე; მერიის სოციალური და ჯანდაცვის სამსახურის უფროსი; მერიის იურიდიული სამსახურის მთავარი სპეციალისტი; მერიის სოციალური და ჯანდაცვის სამსახურის მთავარი სპეციალისტი; მერიის სივრცითი მოწყობისა და ინფრასტრუქტურის სამსახურის  სპეციალისტი/მთავარი სპეციალისტი (მხოლოდ „მძიმე საცხოვრებელ პირობებში, უბედური შემთხვევისა და სტიქიური მოვლენების შედეგად დაზარალებული ოჯახებისათვის  დახმარების პროგრამის“ ფარგლებში ბენეფიციართა შერჩევის მიზნით შექმნილი კომისიის შემადგენლობაში) და საკრებულოდან მოწვევით - ლანჩხუთის მუნიციპალიტეტის საკრებულოს წევრი. კომისიის გადაწყვეტილება ფორმდება ოქმის სახით და არის სარეკომენდაციო ხასიათის. კომისია  უფლებამოსილია შეიკრიბოს  თვეში ერთხელ მაინც. კომისიის ოქმის გათვალისწინებით მუნიციპალიტეტის მერის ინდივიდუალური სამართლებრივი აქტით (ბრძანებით) გაიცემა სოციალური დახმარებები.“