„ჯანმრთელობის დაცვის სამინისტროს დაქვემდებარებულ დაწესებულებებში მოხელეთა რეზერვის შესახებ“

 

საქართველოს ჯანმრთელობის დაცვის მინისტრის

ბრძანება № 29/კს §4

1998 წლის 28 სექტემბერი

ქ. თბილისი

ჯანმრთელობის დაცვის სამინისტროს დაქვემდებარებულ დაწესებულებებში მოხელეთა რეზერვის შესახებ

საქართველოს კანონის „საჯარო სამსახურის შესახებ“ და საქართველოს პრეზიდენტის 1998 წლის 25 მარტის №173 ბრძანებულების თანახმად,

ვბრძანებ:

1. ჯანმრთელობის დაცვის სამინისტროს დაქვემდებარებულ საქვეუწყებო დაწესებულებებში შეიქმნას მოხელეთა რეზერვი საქართველოს პრეზიდენტის 1998 წლის 25 მარტის №173 ბრძანებულებით დამტკიცებული „მოხელეთა რეზერვის“ დებულების დაცვით.

2. დაევალოს:

2.1. კადრების, სამედიცინო პერსონალის გადამზადების, დასაქმებისა და საორგანიზაციო მუშაობის დეპარტამენტის უფროსს ნ. სააკაშვილს;

2.1.1. გააცნოს აღნიშნული ბრძანება ყველა სამედიცინო დაწესებულების ხელმძღვანელს.

2.1.2. საკითხის განხილვა მინისტრის საბჭოს სხდომებზე.

2.2. ჯანმრთელობის დაცვის სამინისტროს დაქვემდებარებულ საქვეუწყებო დაწესებულებების ხელმძღვანელებს შექმნან მოხელეთა რეზერვი ზემოთ აღნიშნული ბრძანებულების თანახმად:

3. კონტროლს ბრძანების შესრულებაზე განვახორციელებ პირადად.

4. ბრძანება ძალაშია გამოქვეყნების დღიდან.

 

ა. ჯორბენაძე