„საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სისტემაში საჯარო სერვისებისა და ადმინისტრაციული საქმისწარმოების განხორციელების განსხვავებული წესების დადგენის შესახებ“ საქართველოს მთავრობის 2020 წლის 23 მარტის №184 დადგენილებაში ცვლილების შეტანის თაობაზე

„მუხლი 5¹. შრომისა და დასაქმების მიმართულება

1. „შრომის უსაფრთხოების შესახებ“ საქართველოს ორგანული კანონის მე-2 მუხლის მე-2 პუნქტის „ბ“ ქვეპუნქტის გათვალისწინებით, ამ კანონის მოქმედება გავრცელდეს მხოლოდ „სამუშაო სივრცეში მომხდარი უბედური შემთხვევებისა და პროფესიული დაავადებების აღრიცხვის წესის და ფორმის, მოკვლევის პროცედურებისა და ანგარიშგების წესის დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 12 სექტემბრის №01-11/ნ  ბრძანების ნაწილში.

2. ამ მუხლის პირველი პუნქტის გათვალისწინებით, საგანგებო მდგომარეობის ვადით შეჩერებულად ჩაითვალოს შრომის უსაფრთხოების მიმართულებით ადმინისტრაციული სამართალდარღვევის საქმეების წარმოების, გასაჩივრების, საჩივრის განხილვის, დაკისრებული ჯარიმის გადახდის, საურავის დაკისრებისა და აღსასრულებლად მიქცევის ვადები.“.