„ნინოწმინდის მუნიციპალიტეტის მერიის დებულების დამტკიცების შესახებ“ ნინოწმინდის მუნიციპალიტეტის საკრებულოს 2018 წლის 30 მარტის №29 დადგენილებაში ცვლილების შეტანის შესახებ

1. მე-15 მუხლის პირველი პუნქტი  ჩამოყალიბდეს შემდეგი რედაქციით:

„1. მერის წარმომადგენელი არის ადგილობრივი თვითმმართველობის საჯარო მოსამსახურე, რომელიც „საჯარო სამსახურის შესახებ“ საქართველოს კანონის 78-ე მუხლის პირველი პუნქტის „დ“ ქვეპუნქტის შესაბამისად თანამდებობაზე მიიღება ადმინისტრაციული ხელშეკრულებით, „საჯარო სამსახურის შესახებ“ საქართველოს კანონის 81-ე მუხლის მეორე პუნქტით დადგენილი ვადით და თანამდებობიდან თავისუფლდება „საჯარო სამსახურის შესახებ“ საქართველოს კანონის 82-ე მუხლის  საფუძველზე.“.

2. მე-16 მუხლის მესამე პუნქტი ჩამოყალიბდეს შემდეგი რედაქციით:

„3. მუნიციპალიტეტში შემავალ ადმინისტრაციულ ერთეულში დასაქმებული სხვა პირი (წარმომადგენლის სპეციალისტი).“.

3. მე-16 მუხლის მესამე პუნქტის პირველი ქვეპუნქტი ჩამოყალიბდეს შემდეგი რედაქციით:

„1. მუნიციპალიტეტში შემავალ ადმინისტრაციულ ერთეულში დასაქმებული სხვა პირი (წარმომადგენლის სპეციალისტი) არის ადგილობრივი თვითმმართველობის საჯარო მოსამსახურე, რომელიც თანამდებობაზე მიიღება ადმინისტრაციული ხელშეკრულებით,  „საჯარო სამსახურის შესახებ“ საქართველოს კანონის 81-ე მუხლის მეორე პუნქტით დადგენილი ვადით და თანამდებობიდან თავისუფლდება  „საჯარო სამსახურის შესახებ“ საქართველოს კანონის 82-ე მუხლის საფუძველზე.

წარმომადგენლის სპეციალისტის უფლებამოსილებაა ხელი შეუწყოს წარმომადგენელს მერიის დებულების მე-15 მუხლით გათვალისწინებული მისი უფლებამოსილების შესრულებისას.“.