“მშენებლობის, დასახლებული ტერიტორიის დასუფთავების და სათამაშო ბიზნესის ადგილობრივი მოსაკრებლების განაკვეთების განსაზღვრის და შესაბამისი ინსტრუქციების დაწესების შესახებ“ მარნეულის მუნიციპალიტეტის საკრებულოს 2011 წლის 3 თებერვლის №2/3 დადგენილებაში ცვლილების შეტანის შესახებ

1.  დადგენილების მე-5 მუხლი ჩამოყალიბდეს შემდეგი რედაქციით:

,,მუხლი 5. მოსაკრებლისაგან განთავისუფლება და შეღავათები

1. მოსაკრებლის გადახდისაგან გათავისუფლებულია:

ა) სტიქიური უბედურების შედეგად დაზიანებული ობიექტის ნაცვლად ახალი მშენებლობა, თუ ახლად ასაშენებელი ობიექტის პროექტით გათვალისწინებული განაშენიანების ფართი არ აღემატება დაზიანებული  ობიექტით დაკავებულ ფართს;

ბ) საკულტო და მისი ფუნქციონირებისათვის საჭირო შენობა-ნაგებობის მშენებლობა.

2. მოსაკრებლის განაკვეთი 50%-ით მცირდება სტიქიური უბედურების შედეგად დაზიანებული ობიექტის ნაცვლად ახლად ასაშენებელი ობიექტის პროექტით გათვალისწინებულ ფართზე, რომლითაც იგი აღემატება დაზიანებული ობიექტით დაკავებულ ფართს.

2. დადგენილების მე-6 მუხლი ჩამოყალიბდეს შემდეგი რედაქციით:

,,მუხლი 6. მშენებლობის ნებართვის მოსაკრებელი

1. მარნეულის მუნიციპალიტეტის ტერიტორიაზე მშენებლობის ნებართვის მოსაკრებელი ახალასაშენებელი ობიექტის პროექტით გათვალისწინებული განაშენიანების ინტენსივობის კოეფიციენტის (კ-2) საანგარიშო ფართობის თითოეული კვადრატული მეტრისათვის განისაზღვროს:

ა) ქალაქ მარნეულის ტერიტორიაზე:

ა.ა) კომერციული და მრავალბინიანი დანიშნულების ობიექტებისათვის - 4,0 ლარი;

ა.ბ) ინდივიდუალური და სააგარაკო სახლებისათვის (დამხმარე ნაგებობა, ავტოფარეხი, საქონლის სადგომი და სხვა - 2,0 (ორი) ლარი;

ბ) ,,საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ“ საქართველოს მთავრობის 2014 წლის 18 ივნისის №407 დადგენილებით განსაზღვრული საერთაშორისო და შიდა სახელმწიფო მნიშვნელობის საავტომობილო გზების მიმდებარედ კომერციული დანიშნულების ობიექტის მშენებლობისათვის, გარდა ქალაქ მარნეულისა (მშენებლობა, რომელიც საჭიროებს საავტომობილო გზების დეპარტამენტთან შეთანხმებას) – 3,0 ლარი;

გ) მარნეულის მუნიციპალიტეტის  სხვა დანარჩენ ტერიტორიაზე:

გ.ა) კომერციული დანიშნულების ობიექტებისათვის - 2,0 ლარი;

გ.ბ) ინდივიდუალური და სააგარაკო სახლებისათვის  (დამხმარე ნაგებობა, ავტოფარეხი, საქონლის სადგომი და სხვა) – 1,0 ლარი;

გ.გ) მრავალბინიანი საცხოვრებელი სახლი - 3,0 ლარი;

დ) ხაზობრივ ნაგებობებზე თითოეული გრძივი მეტრისათვის:

დ.ა) II, III  კატეგორიის ნაგებობებზე - 1,0 ლარი;

დ.ბ) IVკატეგორიის ნაგებობებზე - 0.50 ლარი;

2. ისეთი შენობა-ნაგებობის (გარდა ხაზობრივი ნაგებობისა) მშენებლობის შემთხვევაში, რომელსაც არ აქვს განაშენიანების ინტენსივობის კოეფიციენტის (კ-2) სააგნარიშო ფართობი, მშენებლობის ნებართვის მოსაკრებელი განისაზღვროს:

ა) II კლასის ობიექტისათვის - 50 ლარი;

ბ) III კლასის ობიექტისათვის - 200 ლარი;

გ) IV კლასის ობიექტისათვის - 400 ლარი;

3. ამ მუხლის პირველი და მე-2 პუნქტით გათვალისწინებული მოსაკრებლის გადახდისაგან გათავისუფლდეს მუნიციპალიტეტის ტერიტორიაზე სტიქიური უბედურების შედეგად დაზიანებული ობიექტის, საბიუჯეტო სახსრებით განხორციელებული მშენებლობა.“.