„საქართველოს სასჯელაღსრულებისა და პრობაციის სამინისტროს №8 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №117 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
|
საქართველოს იუსტიციის მინისტრის ბრძანება №587 |
|
2020 წლის 4 აგვისტო ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „პატიმრობის კოდექსში ცვლილების შეტანის შესახებ“ საქართველოს 2018 წლის 5 ივლისის №3128 კანონის მე-2 მუხლის მე-5 პუნქტის შესაბამისად, ვბრძანებ: |
| მუხლი 1 |
„საქართველოს სასჯელაღსრულებისა და პრობაციის სამინისტროს №8 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №117 ბრძანებით (საქართველოს საკანონმდებლო მაცნე (www.matsne.gov.ge), 31/08/2015, სარეგისტრაციო კოდი: 100020020.22.038.016532) დამტკიცებული დებულების მე-4 მუხლის:
ა) მე-3 პუნქტი ჩამოყალიბდეს შემდეგი რედაქციით: „3. დაწესებულების დირექტორს ჰყავს ოთხი მოადგილე – უსაფრთხოების, სამართლებრივი რეჟიმის, ადმინისტრაციულ დარგში და დაწესებულების ნაწილის კურატორი მოადგილე. დაწესებულების დირექტორის მოადგილეების საკურატორო სფეროები განისაზღვრება მათი თანამდებობაზე დანიშვნის ბრძანებით.“; ბ) მე-6 პუნქტი ჩამოყალიბდეს შემდეგი რედაქციით: „6. დაწესებულების დირექტორის მოადგილე ადმინისტრაციულ დარგში წარმართავს დაწესებულების ადმინისტრაციული, აგრეთვე, არასრულწლოვან ბრალდებულთა და მსჯავრდებულთა განყოფილებების საქმიანობასა და უშუალოდ ხელმძღვანელობს განყოფილების უფროსების მუშაობას.“; გ) მე-6 პუნქტის შემდგომ დაემატოს შემდეგი შინაარსის 61 პუნქტი: „61. დაწესებულების ნაწილის კურატორი მოადგილე წარმართავს დაწესებულების ნაწილის (მდებარე ქ. თბილისში, აბუსერიძე-ტბელის ქ. №11-ში) საქმიანობას და უშუალოდ ხელმძღვანელობს მას.“.
|
| მუხლი 2 |
ეს ბრძანება ამოქმედდეს 2020 წლის 5 აგვისტოდან.
|
|