საქართველოს ბაზარზე სახელმწიფო რეგისტრაციის აღიარებითი და ეროვნული რეჟიმებით დაშვებული ფარმაცევტული პროდუქტის ნიმუშების ჩანაცვლების წესისა და პირობების შესახებ

საქართველოს ბაზარზე სახელმწიფო რეგისტრაციის აღიარებითი და ეროვნული რეჟიმებით დაშვებული ფარმაცევტული პროდუქტის ნიმუშების ჩანაცვლების წესისა და პირობების შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანება №01-107/ნ 2020 წლის 6 ოქტომბერი ქ. თბილისი საქართველოს ბაზარზე სახელმწიფო რეგისტრაციის აღიარებითი და ეროვნული რეჟიმებით დაშვებული ფარმაცევტული პროდუქტის ნიმუშების ჩანაცვლების წესისა და პირობების შესახებ ,,წამლისა და ფარმაცევტული საქმიანობის შესახებ” საქართველოს კანონის 11​12 მუხლის მე-3 პუნქტის მოთხოვნისა და ,,საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ” საქართველოს მთავრობის 2018 წლის 14 სექტემბრის №473 დადგენილებით დამტკიცებული დებულების მე-6 მუხლის მე-2 პუნქტის „ო“ ქვეპუნქტის შესაბამისად, ვბრძანებ: 1. საქართველოს ბაზარზე სახელმწიფო რეგისტრაციის აღიარებითი და ეროვნული რეჟიმებით დაშვებული ფარმაცევტული პროდუქტის ნიმუში (მათ შორის, მისი ხარისხის შესაფასებლად წარმოდგენილი რეფერენს-სტანდარტი) რეგისტრაციის ვადისა და ვარგისობის ვადის ამოწურვის შემდეგ ექვემდებარება განადგურებას საქართველოს კანონმდებლობით დადგენილი წესით. 2. სსიპ – სამედიცინო და ფარმაცევტული საქმიანობის რეგულირების სააგენტო, დისკრეციული უფლებამოსილების ფარგლებში, უფლებამოსილია, დაინტერესებულ პირ(ებ)ს მოთხოვოს ამ ბრძანების პირველი პუნქტით გათვალისწინებული ვადაგასული ფარმაცევტული პროდუქტის ნიმუშის არანაკლებ 6 თვის ვარგისობის ვადის მქონე ნიმუშით ჩანაცვლება. 3. სსიპ – სამედიცინო და ფარმაცევტული საქმიანობის რეგულირების სააგენტოს მოთხოვნის შემთხვევაში, დაინტერესებული პირი ვალდებულია  სსიპ – სამედიცინო და ფარმაცევტული საქმიანობის რეგულირების სააგენტოში წარმოადგინოს შესაბამისი ვარგისობის ვადის მქონე ნიმუში, სერიის შესაბამის ხარისხის სერტიფიკატთან ერთად. 4. ეს ბრძანება ამოქმედდეს გამოქვეყნებისთანავე.საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრიეკატერინე ტიკარაძე