პატენტით დაცული გამოგონებისა და სასარგებლო მოდელის გამოყენებისათვის სავალდებულო ლიცენზიების გაცემის წესის დამტკიცებისა და სავალდებულო ლიცენზიის გაცემასთან დაკავშირებით გადაწყვეტილების მიმღები მუდმივმოქმედი საბჭოს შემადგენლობის განსაზღვრის შესახებ

პატენტით დაცული გამოგონებისა და სასარგებლო მოდელის გამოყენებისათვის სავალდებულო ლიცენზიების გაცემის წესის დამტკიცებისა და სავალდებულო ლიცენზიის გაცემასთან დაკავშირებით გადაწყვეტილების მიმღები მუდმივმოქმედი საბჭოს შემადგენლობის განსაზღვრის შესახებ საქართველოს მთავრობის დადგენილება №586 2020 წლის 17 სექტემბერი ქ. თბილისი პატენტით დაცული გამოგონებისა და სასარგებლო მოდელის გამოყენებისათვის სავალდებულო ლიცენზიების გაცემის წესის დამტკიცებისა და სავალდებულო ლიცენზიის გაცემასთან დაკავშირებით გადაწყვეტილების მიმღები მუდმივმოქმედი საბჭოს შემადგენლობის განსაზღვრის შესახებ მუხლი 1🔗 საქართველოს საპატენტო კანონის 52​1 მუხლის მე-2 და მე-3 პუნქტების საფუძ­ველზე, დამტკიცდეს თანდართული „პატენტით დაცული გამოგონებისა და სასარ­გებლო მოდელის გამოყენებისათვის სავალდებულო ლიცენზიების გაცემის წესი და სავალდებულო ლიცენზიის გაცემასთან დაკავშირებით გადაწყვე­ტილების  მიმღები მუდმივმოქმედი საბჭოს შემადგენლობა“. მუხლი 2🔗 დადგენილება ამოქმედდეს გამოქვეყნებისთანავე. პრემიერ - მინისტრიგიორგი გახარია პატენტით დაცული გამოგონებისა და სასარგებლო მოდელის  გამოყენებისათვის სავალდებულო ლიცენზიების გაცემის წესი  და სავალდებულო ლიცენზიის გაცემასთან დაკავშირებით გადაწყვეტილების მიმღები მუდმივმოქმედი საბჭოს შემადგენლობა 1. პატენტით დაცული გამოგონების ან/და სასარგებლო მოდელის საქართველოს ტერი­ტორიის ფარგლებში გამოყენებისათვის სავალდებულო ლიცენზიის (შემ­დგომ­ში – სავალდებულო ლიცენზია) გაცემასთან დაკავშირებით გადაწყვე­ტილებას იღებს საქართველოს ეკონომიკისა და მდგრადი განვითარების სამინისტროსთან არსებული სავალდებულო ლიცენზიის გაცემასთან დაკავშირებით გადაწყვეტილების მიმღები მუდმივმოქმედი საბჭო (შემდგომში – საბჭო). 2.  საბჭოს შემადგენლობაში შედიან: ა) საქართველოს ეკონომიკისა და მდგრადი განვითარების მინისტრი (საბჭოს თავმ­ჯდომარე); ბ) საქართველოს თავდაცვის მინისტრი (საბჭოს წევრი); გ) საქართველოს გარემოს დაცვისა და სოფლის მეურნეობის მინისტრი (საბჭოს წევრი); დ) საქართველოს მთავ­რობის ადმინისტრაციის უფროსის მოადგილე (საბჭოს წევრი); ე) საქართველოს შინაგან საქმეთა მინისტრის პირველი მოადგილე/მინისტრის მოადგილე (საბჭოს წევრი); ვ) საქართველოს ოკუპირებული ტერიტო­რიებიდან დევნილთა, შრომის, ჯანმრთე­ლობისა და სოციალური დაცვის მინისტრის პირველი მოადგილე (საბჭოს წევრი); ზ) საქართველოს ფინანსთა მინისტრის მოადგილე (საბჭოს წევრი); თ) სსიპ – საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდო­მარე (საბჭოს წევრი). 3. საბჭოს ხელმძღვანელობს თავმჯდომარე, ხოლო მისი არყოფნის შემთხვევაში – თავმჯდომარის მიერ განსაზღვრული საბჭოს ერთ-ერთი წევრი. 4. საბჭოს სამდივნოს უფლებამოსილებას ახორციელებს სსიპ – საქართველოს ინტელექტუალური საკუთრების ეროვნული ცენტრი – „საქპატენტი“. საბჭოს სამდივნო უზრუნველყოფს საბჭოს ორგანიზაციულ მხარდაჭერას, ადმინისტრირებას უწევს საბჭოს საქმიანობას, ამზადებს საბჭოს სხდომის ოქმებსა და სამუშაო დოკუმენტებს, უგზავნის მათ საბჭოს წევრებს, შესაბამის დაინტერესებულ პირებსა და უწყებებს. მუხლი 2🔗 1. ნებისმიერი ფიზიკური ან იურიდიული პირი ან სახელმწიფო უწყება უფლე­ბა­მო­სილია, მიმართოს საბჭოს სავალდებულო ლიცენზიის გაცე­მის/მი­ღების მოთხოვნით. 2. სავალდებულო ლიცენზია არაექსკლუზიურია და შესაძლებელია, გაიცეს ერთდრო­ულად ერთ ან რამდენიმე ფიზიკურ ან იურიდიულ პირზე და/ან, შესაბამის შემთხვე­ვებში, სახელმწიფო უწყებაზე. მუხლი 3🔗 1. საქართველოს საპატენტო კანონის 52​1 მუხლის მე-11 პუნქტით გათვალისწინებული გონივრული ვადა არ უნდა იყოს 3 თვეზე ნაკლები. განმცხადებელმა (სავალდებულო ლიცენზიის სავარაუდო მიმღები) ლიცენზიის მოთხოვნამდე, პატენტზე ნებართვის მოპოვების მიზნით, უნდა აწარმოოს წინასწარი მოლაპარაკებები პატენტზე უფლების მფლობელთან. მოლაპარაკებების უშედეგოდ დასრულების შემთხვევაში, განმცხა­დებელი უფლებამოსილია, მიმართოს საბჭოს. 2. წინასწარი მოლაპარაკებების გარეშე ლიცენზიის გაცემა შესაძლებელია საქართვე­ლოს საპატენტო კანონის 52​1 მუხლის მე-12 პუნქტის შემთხვევაში. მუხლი 4🔗 1. განცხადება სავალდებულო ლიცენზიის გაცემის მოთხოვნით წარედგინება სსიპ  – საქართველოს ინტელექტუალური საკუთრების ეროვნულ ცენტრს – „საქპატენტს“ წერილობითი ფორმით. 2. სავალდებულო ლიცენზიის გაცემის მოთხოვნის შესახებ განცხადება უნდა შეი­ცავდეს: ა) განმცხადებლის სახელს/სახელწოდებას, მისამართს; ბ) პატენტის ნომერს (იმ შემთხვევაში, თუ იგი ცნობილია); გ) უფლების მფლობელის/პატენტმფლობელის სახელს/სახელწო-დებას; დ) დასაბუთებას იმის თაობაზე, თუ რატომ უნდა გაიცეს სავალდებულო ლიცენზია; ე) ლიცენზიის მიღების მიზნით განხორციელებული ქმედებების დამადას­ტუ­რებელ დოკუმენტაციას (საქართველოს საპატენტო კანონის 52​1 მუხლის მე-11 პუნქტის შესა­ბამისად). ამ ქვეპუნქტით გათვალისწინებული დოკუმენტაციის წარდგენა სავალ­დებულო არ იქნება საქართველოს საპატენტო კანონის 52​1 მუხლის მე-12 პუნქტით გათვალისწინებულ შემთხვევაში; ვ) იმ შემთხვევაში, თუ სავალდებულო ლიცენზიის გამომყენებელი იქნება სხვა პირი, გარდა განმცხადებლისა, ასევე უნდა მიეთითოს მისი  სახელი/სახელწოდება; ზ) საქართველოს საპატენტო კანონის 52​1 მუხლის მე-7 პუნქტის „ბ“ ქვეპუნქტით დად­გე­ნილ შემთხვევებში: ზ.ა) დამოკიდებული პატენტის შესახებ ინფორმაციას; ზ.ბ) საქართველოს საპატენტო კანონის 52​1 მუხლის მე-9 პუნქტით გათვალის­წი­ნებულ ინფორმაციას. მუხლი 5🔗 1. სავალდებულო ლიცენზიის გაცემის მოთხოვნის შესახებ განცხადების მიღებიდან 3 სამუშაო დღის განმავლობაში სავალდებულო ლიცენზიის გაცემამდე უფლების მფლო­­ბელს ეგზავნება შესაბამისი შეტყობინება. 2. შეტყობინების გარეშე ლიცენზიის გაცემა შესაძლებელია გადაუდებელი აუცი­ლებლობის შემთხვევებში. 3. სავალდებულო ლიცენზიის გაცემის შესახებ შეტყობინება უფლების მფლობელს ეგზავნება ლიცენზიის გაცემის შემდგომ დაუყოვნებლივ.    მუხლი 6🔗 1. სავალდებულო ლიცენზიის გაცემის მოთხოვნით განაცხადის მიღების შესახებ ინფორმაციის მიღებიდან ერთი თვის განმავლობაში უფლების მფლობელი უფლე­ბამოსილია, საბჭოს წერილობითი ფორმით წარუდგინოს მისი მოსაზ­რება განცხადებასთან დაკავშირებით.  2. საბჭო უფლებამოსილია, ზეპირ მოსმენაზე მიიწვიოს განმცხადებელი და მოსაზრების წარმდგენი პირი, ხოლო საჭიროების შემთხვევაში – შესაბამისი დარგის სპეციალისტი. მუხლი 7🔗 1. სავალდებულო ლიცენზიის გაცემის შესახებ გადაწყვეტილებას საბჭო იღებს განაცხადის შეტანიდან ორი თვის განმავლობაში. 2. გადაუდებელი აუცილებლობის დროს საბჭო სავალდებულო ლიცენ­ზიის გაცემის შესახებ გადაწყვეტილებას იღებს დაუყოვნებლივ.  3. საბჭო გადაწყვეტილებას იღებს წერილობითი ფორმით, ხმათა უმრავ­ლესობით. 4. საბჭოს გადაწყვეტილება მიღებულად ჩაითვლება, სულ მცირე, საბჭოს წევრთა 2/3-ის მონაწილეობის შემთხვევაში. 5. იმ შემთხვევაში, თუ  საბჭოს რომელიმე წევრი სახელმწიფო უწყება მიმართავს საბჭოს სავალდებულო ლიცენზიის გაცემის მოთხოვნით, იგი არ მიიღებს მონაწილეობას საბჭოს მიერ გადაწყვეტილების მიღებაში. შესაბამისად, საბჭოს გადაწყვეტილებით, მის ადგილს საბჭოს შემადგენლობაში დაი­კავებს სხვა სახელმწიფო უწყება.  მუხლი 8🔗 საბჭოს გადაწყვეტილება სავალდებულო ლიცენზიის გაცემის შე­სახებ უნდა შეიცავდეს: ა) პატენტის ნომერს, რომელზეც გაიცა სავალდებულო ლიცენზია; ბ) სავალდებულო ლიცენზიის ფარგლებსა და მოქმედების ვადას; გ) სავალდებულო ლიცენზიის მიმღების (ბენეფიციარების) შესახებ ინფორმაციას; დ) სავალდებულო ლიცენზიის გაცემის საფუძვლებს; ე) ფულადი კომპენსაციის ოდენობას, რომელიც სავალდებულო ლიცენზიის მიმღებმა უნდა გადაუხადოს უფლების მფლობელს. მუხლი 9🔗 1. საბჭოს გადაწყვეტილება სავალდებულო ლიცენზიის გაცემის თაობაზე ძალაში შედის  მისი მიღებისთანავე. 2. საბჭოს გადაწყვეტილება სავალდებულო ლიცენზიის გაცემის თა­ობაზე ქვეყნდება დაუყოვნებლივ. 3. საბჭოს გადაწყვეტილება სავალდებულო ლიცენზიის გაცემის თაო­ბაზე შესაძლებელია, გასაჩივრდეს სასამართლოში მისი სამრეწველო საკუთრების ოფიციალურ ბიულეტენში გამოქვეყნებიდან ერთი თვის განმავლობაში, საქართვე­ლოს საპატენტო კანონის 52​1 მუხლის მე-16 პუნქტის შესაბამისად. მუხლი 10🔗 1. საქართველოს საპატენტო კანონის 52​1 მუხლის მე-14 პუნქტის შესაბამისად, საბჭოს გადაწყვეტილებით, ასევე დგინდება კომპენსაციის ოდე­ნობა. კომპენსაცია გაიცემა მისაღები კომერციული პირობებით. 2. საბჭო, უფლების მფლობელის მოთხოვნის შესაბამისად, უფლებამოსილია, სავალდებულო ლიცენზიის გაცემის შემდგომ, წელიწადში ერთხელ, გადახედოს კომპენსაციის ოდენობას. მუხლი 11🔗 1. ლიცენზიის მფლობელი ვალდებულია, ორ წელიწადში ერთხელ  საბჭოს წარუდგინოს მტკიცებულება იმის თაობაზე, რომ არსებობს სავალდებულო ლიცენზიის შენარჩუნების საფუძვლები. 2. უფლების მფლობელი უფლებამოსილია, წარადგინოს მტკიცებულებები, რომ აღარ არსებობს სავალდებულო ლიცენზიის შენარჩუნების საფუძვლები და მოითხოვოს სავალდებულო ლიცენზიის გაუქმება. 3. ლიცენზიის გაცემის საფუძვლების აღმოფხვრის შემთხვევაში, საბჭო აუქმებს სავალდებულო ლიცენზიის მოქმედებას. მუხლი 12🔗. სავალდებულო ლიცენზიის გაცემის შესახებ გადაწყვეტილების გაუქმების შესახებ გადაწყვეტილებას საბჭო იღებს ამ წესის მე-7 მუხლით გათვა­ლის­წინებული მოთხოვნების შესაბამისად.