ელექტროენერგიის მიწოდების უსაფრთხოების წესების დამტკიცების შესახებ

ელექტროენერგიის მიწოდების უსაფრთხოების წესების დამტკიცების შესახებ საქართველოს ეკონომიკისა და მდგრადი განვითარების მინისტრის ბრძანება  №1-1/501 2020 წლის 19 ნოემბერი ქ. თბილისი ელექტროენერგიის მიწოდების უსაფრთხოების წესების დამტკიცების შესახებ მუხლი 1🔗 „ნორმატიული აქტების შესახებ“ საქართველოს ორგანული კანონის მე-13 მუხლის პირველი პუნქტის, ,,ენერგეტიკისა და წყალმომარაგების შესახებ’’ საქართველოს კანონის 132-ე მუხლის მე-2 პუნქტის „დ“ ქვეპუნქტის და 167-ე მუხლის მე-3 პუნქტის შესაბამისად, ვბრძანებ: 1. დამტკიცდეს თანდართული „ელექტროენერგიის მიწოდების უსაფრთხოების წესები“ თავის დანართებთან: დანართი N1 – ,,ელექტროენერგიის უსაფრთხოების რისკებისა და კრიზისული სცენარების გამოვლენისა და შეფასების მეთოდოლოგია“; დანართი N2 – „სეზონური და მოკლევადიანი ადეკვატურობის შეფასების მეთოდოლოგია“; დანართი N3 – „საშუალოვადიანი და გრძელვადიანი ადეკვატურობის შეფასების მეთოდოლოგია“ ერთად. მუხლი 2🔗 1. ბრძანება ამოქმედდეს გამოქვეყნებისთანავე, გარდა ამავე ბრძანების პირველი მუხლის პირველი პუნქტით გათვალისწინებული „ელექტროენერგიის მიწოდების უსაფრთხოების წესების“ მე-3 მუხლის მე-4 პუნქტის, მე-4 და მე-5 მუხლების, მე-6 მუხლის პირველი პუნქტისა და მე-7 მუხლისა. 2. ამ ბრძანების პირველი მუხლის პირველი პუნქტით გათვალისწინებული „ელექტროენერგიის მიწოდების უსაფრთხოების წესების“ : ა) მე-3 მუხლის მე-4 პუნქტი ამოქმედდეს ბრძანების გამოქვეყნებიდან 3 თვის შემდგომ; ბ) მე-4 და მე-6 მუხლები ამოქმედდეს ბრძანების გამოქვეყნებიდან 6 თვის შემდგომ; გ) მე-5 მუხლი ამოქმედდეს ბრძანების გამოქვეყნებიდან 12 თვის შემდგომ; დ)  მე-7 მუხლი ამოქმედდეს ბრძანების გამოქვეყნებიდან 24 თვის შემდგომ. საქართველოს ეკონომიკისა და მდგრადი განვითარების მინისტრინათელა თურნავა