საბიუჯეტო ორგანიზაციების მიერ ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვის შესახებ ინსტრუქციის დამტკიცების თაობაზე

საბიუჯეტო ორგანიზაციების მიერ ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვის შესახებ ინსტრუქციის დამტკიცების თაობაზე საქართველოს ფინანსთა მინისტრის ბრძანება  №289 2020 წლის 2 დეკემბერი ქ. თბილისი საბიუჯეტო ორგანიზაციების მიერ ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვის შესახებ ინსტრუქციის დამტკიცების თაობაზე საქართველოს საბიუჯეტო კოდექსის მე-14 მუხლისა და „ნორმატიული აქტების შესახებ“ საქართველოს ორგანული კანონის 25-ე მუხლის საფუძველზე,  ვბრძანებ: მუხლი 1🔗 1. დამტკიცდეს ინსტრუქცია „საბიუჯეტო ორგანიზაციების მიერ ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვის შესახებ” თანდართულ დანართებთან ერთად. 2. ამ ბრძანებით დამტკიცებული ინსტრუქციით იხელმძღვანელონ: ა) საქართველოს ცენტრალური ხელისუფლების საბიუჯეტო ორგანიზაციებმა - 2020 წლის და შემდგომი წლების ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვისთვის; ბ) საქართველოს ავტონომიური რესპუბლიკის და ადგილობრივი ხელისუფლების საბიუჯეტო ორგანიზაციებმა - 2021 წლის და შემდგომი წლების ცვეთის/ამორტიზაციის ბუღალტრულ აღრიცხვასა და ფინანსურ ანგარიშგებაში ასახვისთვის. მუხლი 2🔗 ძალადაკარგულად გამოცხადდეს „საბიუჯეტო ორგანიზაციების ძირითადი აქტივების ფიზიკური ცვეთის ნორმებისა და მათი ბუღალტრულ აღრიცხვაში ასახვის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2002 წლის 31 დეკემბრის N439 ბრძანება. მუხლი 3🔗 1. ეს ბრძანება ამოქმედდეს გამოქვეყნებისთანავე, გარდა ამ ბრძანების მე-2 მუხლისა და ამ ბრძანებით დამტკიცებული ინსტრუქციის მე-4 მუხლის მე-3 პუნქტისა და მე-7 მუხლის მე-4 პუნქტისა. 2. ამ ბრძანების მე-2 მუხლი და ამ ბრძანებით დამტკიცებული ინსტრუქციის მე-4 მუხლის მე-3 პუნქტი და მე-7 მუხლის მე-4 პუნქტი ამოქმედდეს 2021 წლის 1 იანვრიდან. საქართველოს ფინანსთა მინისტრიივანე მაჭავარიანი