„საქართველოს შინაგან საქმეთა სამინისტროს საჯარო სამართლის იურიდიული პირის – საზოგადოებრივი უსაფრთხოების მართვის ცენტრ „112“-ის ემბლემის დამტკიცების შესახებ“ საქართველოს შინაგან საქმეთა მინისტრის 2020 წლის 16 ივლისის №97 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს შინაგან საქმეთა მინისტრის ბრძანება №168 |
|
2020 წლის 10 დეკემბერი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების პირველი მუხლის მე-4 პუნქტისა და მე-5 მუხლის მე-2 პუნქტის ,,ა“ და ,,ნ“ ქვეპუნქტების საფუძველზე, ვბრძანებ: |
| მუხლი 1 |
„საქართველოს შინაგან საქმეთა სამინისტროს საჯარო სამართლის იურიდიული პირის – საზოგადოებრივი უსაფრთხოების მართვის ცენტრ „112“-ის ემბლემის დამტკიცების შესახებ“ საქართველოს შინაგან საქმეთა მინისტრის 2020 წლის 16 ივლისის №97 ბრძანების (www.matsne.gov.ge, 16/07/2020, 040030000.22.034.017027):
ა) სათაური ჩამოყალიბდეს შემდეგი რედაქციით: „საქართველოს შინაგან საქმეთა სამინისტროს საჯარო სამართლის იურიდიული პირის − საზოგადოებრივი უსაფრთხოების მართვის ცენტრ „112“-ის სახელმწიფო მნიშვნელობის სიმბოლოების დამტკიცების შესახებ“; ბ) პირველი მუხლი ჩამოყალიბდეს შემდეგი რედაქციით: „მუხლი 1 დამტკიცდეს საქართველოს შინაგან საქმეთა სამინისტროს საჯარო სამართლის იურიდიული პირის − საზოგადოებრივი უსაფრთხოების მართვის ცენტრ „112“-ის (შემდგომ − საზოგადოებრივი უსაფრთხოების მართვის ცენტრი „112“) სახელმწიფო მნიშვნელობის სიმბოლოები თანდართული სახით.“; გ) პირველი მუხლით დამტკიცებული დანართი ჩამოყალიბდეს თანდართული რედაქციით. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
📎 დანართები (1)
ნორმატიული-აქტი-2 ⬇
დანართი
საქართველოს შინაგან საქმეთა სამინისტროს საჯარო სამართლის იურიდიული პირის − საზოგადოებრივი უსაფრთხოების მართვის ცენტრ „112“-ის სახელმწიფო მნიშვნელობის სიმბოლოები
პლანშეტი №1
საქართველოს შინაგან საქმეთა სამინისტროს საჯარო სამართლის იურიდიული პირის − საზოგადოებრივი უსაფრთხოების მართვის ცენტრ „112“-ის (შემდგომ − საზოგადოებრივი უსაფრთხოების მართვის ცენტრი „112“) ემბლემა, რომელზეც გამოსახულია რიცხვი − „112“ და საზოგადოებრივი უსაფრთხოების მართვის ცენტრ „112“-ის ძირითადი ფუნქციების ამსახველი სიმბოლოები.
პლანშეტი №2
საზოგადოებრივი უსაფრთხოების მართვის ცენტრ „112“-ის ემბლემა გამოსახული მხოლოდ რიცხვით − „112“ ან რიცხვით „112“ და მის ქვემოთ დასახელებით: „საზოგადოებრივი უსაფრთხოების მართვის ცენტრი“.
პლანშეტი №3
საზოგადოებრივი უსაფრთხოების მართვის ცენტრ „112“-ის ემბლემა: ვერცხლის არშიაშემოვლებულ ჰერალდიკურ ფარზე, მეწამულ (წითელ) ველზე გამოსახული მარჯვნივ მიმართული ვერცხლის ლომი; ფარზე გამოსახულია ვერცხლის სადევიზო ბაფთა წარწერით - „112“.
პლანშეტი №4
საზოგადოებრივი უსაფრთხოების მართვის ცენტრ „112“-ის დროშა წარმოადგენს მართკუთხა ქსოვილს პროპორციით 2/3. დროშას თეთრ ველზე ჰორიზონტალურად გასდევს წითელი ზოლი, რომლის სიმაღლე დროშის სიმაღლის ¼-ია. კომპოზიციის ცენტრში გამოსახულია ამ ბრძანების პლანშეტი №3-ით დამტკიცებული საზოგადოებრივი უსაფრთხოების მართვის ცენტრ „112“-ის ემბლემა.