აუტიზმის მქონე პირთა მომსახურების მინიმალური სტანდარტების დამტკიცების შესახებ

აუტიზმის მქონე პირთა მომსახურების მინიმალური სტანდარტების დამტკიცების შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანება №01-129/ნ 2020 წლის 16 დეკემბერი ქ. თბილისი აუტიზმის მქონე პირთა მომსახურების მინიმალური სტანდარტების დამტკიცების შესახებ „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2018 წლის 14 სექტემბრის №473 დადგენილებით დამტკიცებული დებულების მე-3 მუხლის „ა“ ქვეპუნქტისა და მე-6 მუხლის მე-2 პუნქტის „ო“ ქვეპუნქტის შესაბამისად, ვბრძანებ: 1. დამტკიცდეს თანდართული აუტიზმის მქონე პირთა მომსახურების მინიმალური სტანდარტები (დანართი №1). 2. ამ ბრძანების პირველი პუნქტით დამტკიცებული მინიმალური სტანდარტები სავალდებულოა სახელმწიფო და მუნიციპალური პროგრამების ფარგლებში რეგისტრირებული ყველა იმ მიმწოდებლისთვის (მიუხედავად ორგანიზაციულ-სამართლებრივი და საკუთრების ფორმისა), რომლებიც ახორციელებენ აუტიზმის მქონე პირების სამედიცინო და ფსიქო-სოციალურ მომსახურებას, მათ შორის, დიაგნოსტიკასა და აბილიტაცია-რეაბილიტაციას.  3. ამ ბრძანების პირველი პუნქტით დამტკიცებული მინიმალური სტანდარტებით განსაზღვრული მომსახურების მონიტორინგს განახორციელებს იმ უწყების/ორგანიზაციის შესაბამისი სამსახური, რომელშიც რეგისტრირებულია აღნიშნული მომსახურების მიმწოდებელი. 4. ბრძანება ამოქმედდეს 2021 წლის 1 იანვრიდან. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოვალეობის შემსრულებელიეკატერინე ტიკარაძე