„სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე‘‘ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 29 მაისის №01-227/ო ბრძანებაში ცვლილების შეტანის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
- მოქმედი 96%
- მოქმედი 96%
- მოქმედი 96%
- მოქმედი 96%
- მოქმედი 96%
- მოქმედი 95%
- მოქმედი 95%
- მოქმედი 95%
- მოქმედი 95%
- მოქმედი 95%
დოკუმენტის ტექსტი
ბრძანება №01-644/ო
2020 წლის 24 დეკემბერი
ქ. თბილისი
1. ბრძანების:
ა) ,,მ“ ქვეპუნქტი ჩამოყალიბდეს შემდეგი რედაქციით:
„მ) ახალი კორონავირუსით (SARS-CoV-2) გამოწვეულ ინფექციასთან (COVID - 19) დაკავშირებული რეკომენდაციები – ავტომომსახურება (დანართი №12);“;
ბ) „ს“ ქვეპუნქტი ჩამოყალიბდეს შემდეგი რედაქციით:
„ს) ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები სავაჭრო ცენტრებისთვის (მოლებისთვის) (დანართი №18);“.
2. ბრძანებით დამტკიცებული შემდეგი დანართები ჩამოყალიბდეს თანდართული რედაქციით:
ა) №11 დანართი (ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული რეკომენდაციები – საცალო და საბითუმო ვაჭრობა);
ბ) №12 დანართი (ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული რეკომენდაციები – ავტოტექმომსახურება);
გ) №18 დანართი (ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები სავაჭრო მოლებისა და სავაჭრო ცენტრებისთვის).
მინისტრის მოვალეობის შემსრულებელი ეკატერინე ტიკარაძე
📎 დანართები (3)
danarti-11.doc DOC ⬇
დანართი №11
შრომის პირობების ინსპექტირების დეპარტამენტი ერთად შევქმნათ უსაფრთხო სამუშაო გარემო!
ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული რეკომენდაციები – საცალო და საბითუმო ვაჭრობა
ძირითადი რეკომენდაციები დასაქმებულთა მიმართ:
o სამუშაოს დაწყებამდე ობიექტებზე, რომელთაც ჰყავთ 10 და მეტი დასაქმებული, განახორციელონ ყოველდღიური თერმოსკრინინგი (ობიექტზე შესვლის წინ). ცხელების დაფიქსირების შემთხვევაში მოახდინონ აღრიცხვა და დაუყოვნებლივ მიმართონ 112-ის ცხელ ხაზს;
o დააწესონ მკაცრი კონტროლი ნაკადების მართვაზე და შეიმუშაონ შესაბამისი სქემა მომხმარებელთა ნაკადის სავაჭრო სივრცეში ეტაპობრივ დაშვებაზე, კერძოდ:
• სავაჭრო ობიექტებმა, სადაც ხორციელდება სურსათის/ცხოველის საკვების, ცხოველის, ცხოველური და მცენარეული პროდუქტების, საყოფაცხოვრებო ქიმიისა და ჰიგიენის, ვეტერინარული პრეპარატების, პესტიციდებისა და აგროქიმიკატების, სათესლე და სარგავი მასალების რეალიზაცია, ელექტროკომუნიკაციის, ელექტროენერგიის, ბუნებრივი გაზის, წყლის, ბენზინის, დიზელის, თხევადი აირის მიწოდება, სამედიცინო დანიშნულების საქონლის, ფარმაცევტული პროდუქტის რეალიზაცია, ასევე პრესის ჯიხურები და აგრარული ბაზრები, რომელთა სავაჭრო ფართობი არის 10მ2 და ნაკლები, უზრუნველყონ სავაჭრო სივრცეში მხოლოდ 1 მომხმარებლის დაშვება, ხოლო 10მ2-ის ზევით, ყოველ 10მ2 სავაჭრო ფართზე – 1 მომხმარებლის დაშვება.
• ყველა სხვა ტიპის სავაჭრო ობიექტებმა, რომლის სავაჭრო ფართობი არის 20მ2 და ნაკლები, უზრუნველყონ სავაჭრო სივრცეში მხოლოდ 1 მომხმარებლის დაშვება, ხოლო 20მ2-ის ზევით, ყოველ 20მ2 სავაჭრო ფართზე – 1 მომხმარებლის დაშვება.
o სავაჭრო ობიექტზე მომხმარებელთა ნაკადის მართვის მიზნით სავაჭრო ობიექტის ადმინისტრაციის მიერ განხორციელდეს:
• რიგების მართვის კონტროლი, მათ შორის ობიექტის შესასვლელში და შესაძლებლობის გათვალისწინებით მიმდებარე ტერიტორიაზე;
• რიგში მდგარ მომხმარებლებს შორის დისტანციის დაცვისა და ინდივიდუალური დაცვის საშუალებების სწორად გამოყენების კონტროლი;
o მომხმარებელთა ქცევაზე ზემოქმედების მიზნით, ფასდაკლებების და აქციების (ასეთის არსებობის შემთხვევაში) გამართვა წახალისდეს ძირითადად დილის საათებში ან/და ონლაინ გაყიდვების სახით;
o საცალო და საბითუმო ვაჭრობის ობიექტებზე აკრძალულია მოსასინჯი ოთახების ფუნქციონირება;
o თანამშრომლები/მომხმარებლები სავაჭრო ობიექტის ადმინისტრაციამ უზრუნველყოს კოლექტიური დაცვის საშუალებებით:
• დეზობარიერი – შესასვლელში, ასევე სასადილო ფართის წინ;
• დამცავი გამჭვირვალე ბარიერები – სალაროებთან და გადახდის სხვა ადგილებზე;
o არ დაუშვან სამუშაო სივრცეში პირი, რომელიც არ არის აღჭურვილი სათანადო ინდივიდუალური დაცვის საშუალებებით;
o დასაქმებულებს/მომხმარებლებს/მესამე პირებს მიაწოდონ ინფორმაცია COVID-19 ვირუსთან დაკავშირებული ყველა საკითხისა და პრევენციული ღონისძიებების შესახებ (შესაძლებელია აუდიო/ვიდეო სისტემის მეშვეობით);
o განათავსონ ჰიგიენური საშუალებებით დაცვის ღონისძიებების შესახებ სრულყოფილი ინფორმაცია სათანადო ადგილას, მათ შორის, ხელის დაბანის, ნიღბის მორგების, ტარების და მოცილების წესები;
o უზრუნველყონ სამუშაო სივრცეში ზედაპირების დასუფთავება/დეზინფექცია სათანადო წესით, (დაბინძურების შესაბამისად, მაგრამ არანაკლებ დღეში 3-ჯერ), ასევე მოახდინონ ყველა იმ ზედაპირის დამუშავება (არანაკლებ 2 საათში ერთხელ), რომელთანაც ხშირად შეხება უწევს დასაქმებულს/მომხმარებელს (მათ შორის, კარის სახელურები, საკასო აპარატები, კომპიუტერის კლავიატურა, მაუსი, კალკულატორი და ა.შ.);
o სამუშაო და სავაჭრო სივრცეებში დაიცვან დისტანცია დასაქმებულებსა და მომხმარებლებს შორის (მინიმუმ 2 მეტრი);
o სამუშაო ადგილზე უზრუნველყონ ხელის პერიოდული დეზინფექციისთვის საჭირო სულ მცირე, 70% ალკოჰოლის შემცველი ხელის დასამუშავებელი ხსნარის განთავსება;
o ობიექტზე უზრუნველყონ დასაქმებულთა/მომხმარებელთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინონ ერთჯერადი ხელთათმანების გამოყენებით. კომპანია ვალდებულია უზრუნველყოს ასეთი ნარჩენების დროული გატანა შესაბამისი პირის/სამსახურის მიერ.
COVID-19 ვირუსის გავრცელების პრევენციის მიზნით განსახორციელებელი ღონისძიებები:
o მიაწოდეთ ინფორმაცია ყველა თანამშრომელს უსაფრთხო მუშაობის პროცედურებისა და ვირუსის გავრცელების პრევენციის შესახებ;
o პერიოდულად, დღეში რამდენჯერმე, უზრუნველყავით დახურული სივრცეების/სათავსების ბუნებრივი ვენტილაცია და სამუშაო ადგილების სველი წესით დასუფთავება (არანაკლებ 3 ჯერ), ხოლო ბუნებრივი ვენტილაციის შეუძლებლობის შემთხვევაში სამუშაო ფართი აღჭურვეთ ხელოვნური ვენტილაციის სისტემით, გარედან შემოსული ჰაერის გაზრდილი კონცენტრაციით;
o ყოველდღიურად ჩაატარეთ დეზინფექციის სამუშაოები სამუშაოს შუალედში და სამუშაოს დასრულების შემდგომ;
o მუშაობის მიმდინარეობისას, სამუშაო დროის განმავლობაში დააწესეთ სანიტარიული შესვენებები;
o შეეცადეთ შეამციროთ ნაღდი ფულის გამოყენება. უპირატესობა მიანიჭეთ ანგარიშსწორების ელექტრონულ საშუალებებს (ბარათით გადახდა, გადარიცხვა);
o თვალსაჩინო ადგილას განათავსეთ ხელის ჰიგიენური საშუალებები და მათი სწორად მოხმარების წესები;
o უზრუნველყავით დასაქმებულთა/მომხმარებელთა/მესამე პირთა წვდომა ხელის ჰიგიენურ საშუალებებთან;
o უზრუნველყავით დასაქმებულთა/მომხმარებელთა/მესამე პირთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინეთ ერთჯერადი ხელთათმანების გამოყენებით. უზრუნველყავით ასეთი ნარჩენების დროული გატანა შესაბამისი პირის/სამსახურის მიერ;
o მომხმარებელთა შორის დისტანციის დასაცავად გამოიყენეთ სავალდებულო პირობითი ნიშნები (იატაკზე შესაბამისი სტიკერების/ნახაზების სახით);
o დამსაქმებელი/ობიექტის ადმინისტრაცია ვალდებულია უზრუნველყოს კონტროლი ამ რეკომენდაციების შესრულებაზე.
დასაქმებულთა ვალდებულებები:
ხელის ჰიგიენის რეგულარულად და საფუძვლიანად შესრულება, ასევე ნიღბის გამოყენება წარმოადგენს უმეტესი ვირუსისგან თავის დაცვის საუკეთესო საშუალებას.
შესაბამისად, აუცილებელია სამუშაო ადგილზე განახორციელოთ შემდეგი ღონისძიებები:
o დაიცავით ჰიგიენის წესები თქვენს სამუშაო ადგილზე;
o მისალმებისას არ ჩამოართვათ ხელი ერთმანეთს და მოერიდეთ სხვებთან კონტაქტს (შეხებას და სხვა);
o მოერიდეთ თავშეყრას, დაიცავით უსაფრთხო დისტანციის (არანაკლებ 2 მ) დაცვის რეკომენდაცია;
o სამუშაოების შესრულებისას გამოიყენეთ სრულად ის ინდივიდუალური დაცვის საშუალებები, რომელსაც გაწვდით დამსაქმებელი;
o სამუშაოს დაწყებისა და დამთავრებისას სადეზინფექციო საშუალებებით დაასუფთავეთ სამუშაო ადგილები და ის ხელსაწყოები, რომელსაც იყენებთ სამუშაო პროცესის მიმდინარეობისას;
o გამოიყენეთ სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გაშრობას. გახსოვდეთ, რომ ხელების დაბანა საპნითა და წყლით არის უპირატესი;
o დახველების და დაცემინების დროს მიიფარეთ სუფთა ხელსახოცი ან იდაყვში მოხრილი მხარი. გამოყენებული ერთჯერადი ხელსახოცი გადააგდეთ ურნაში;
o მოერიდეთ ხელებით თვალებზე, ცხვირზე და პირზე შეხებას. მუშაობის პერიოდში მჭიდროდ დაიმაგრეთ თმა, რათა მაქსიმალურად შეიზღუდოს თმისა და სახის შეხება.
[pic]
-----------------------
[pic]
[pic]
danarti-12.doc DOC ⬇
დანართი №12
შრომის პირობების ინსპექტირების დეპარტამენტი ერთად შევქმნათ უსაფრთხო სამუშაო გარემო!
ახალი კორონავირუსით (SARS-CoV-2) გამოწვეულ ინფექციასთან (COVID - 19)
დაკავშირებული რეკომენდაციები – ავტომომსახურება
ძირითადი რეკომენდაციები:
o ავტომომსახურების ობიექტის ადმინისტრაციამ, მის ტერიტორიაზე უნდა აკონტროლოს მომხმარებელთა ნაკადურობა და უსაფრთხო დისტანცია;
o მომსახურების მიღებისას რეკომენდირებულია მომხმარებელმა მიმართოს ავტოსერვისის მიმწოდებელ კომპანიას/პირს და შეათანხმოს მომსახურების დრო, რიგების თავიდან აცილებისა და მომსახურების დროულად და ეფექტურად მიღების მიზნით;
o ასეთის არსებობის შემთხვევაში დათქმულ დროსა და ადგილას მომხმარებელი გამოცხადდება ავტომომსახურების მიღების ადგილზე და გადააბარებს თავის ავტომანქანას მომსახურე პერსონალს იმგვარად, რომ მომხმარებელსა და პერსონალს შორის ურთიერთობისას არ დაირღვეს 2-მეტრიანი დისტანცია;
o ავტომობილის შეკეთების შემდეგ, მომსახურე პერსონალი უკავშირდება ავტომანქანის მფლობელს და განუსაზღვრავს დროს ავტომანქანის გადასაცემად;
o ავტომანქანის უკან გადაცემა ხდება იმავე წესით, რაც განსაზღვრულია ავტომანქანის ჩაბარებისთვის;
o იმ შემთხვევაში, თუ ვერ ხერხდება ვიზიტის წინასწარ შეთანხმება, სავალდებულოა მომხმარებელსა და პერსონალს შორის ურთიერთობისას 2-მეტრიანი დისტანციის დაცვა და ინდივიდუალური დაცვის საშუალებების გამოყენება (ასეთ დროს მაქსიმალურად უნდა შეიზღუდოს ავტომომსახურების გამწევი ობიექტის შიდა სივრცეში მომხმარებლის დაშვება).
პერსონალის/მესამე პირების დაცვა სამუშაო სივრცეში უნდა განხორციელდეს შემდეგი წესით:
o ორგანიზაციებში, რომელთაც ჰყავთ 10 და მეტი დასაქმებული, უნდა განხორციელდეს დასაქმებულების/მესამე პირების ყოველდღიური თერმოსკრინინგი (ობიექტზე შესვლის წინ);
o სამუშაო ადგილზე ხელის პერიოდული დამუშავებისთვის განთავსებული უნდა იყოს 70%-იანი ალკოჰოლის შემცველი ხელის ანტისეპტიკური ხსნარები;
o პერიოდულად, დღეში რამდენჯერმე (3-საათიანი ინტერვალით), უნდა ხდებოდეს სამუშაო სივრცეების/სათავსების ბუნებრივი ვენტილაცია (დახურული შენობის შემთხვევაში);
o ყველა დასაქმებულს და კონტრაქტორს, დასუფთავებაზე პასუხისმგებელ პერსონალს, უნდა მიეწოდოს ინფორმაცია უსაფრთხო მუშაობის პროცედურებისა და COVID-19 ვირუსის გავრცელების პრევენციის შესახებ;
o დასაქმებულები უზრუნველყოფილი უნდა იყვნენ ხელის დაბანის გამართული საშუალებებით (ხელსაბანი ნიჟარა და თხევადი საპონი) და სხვა საჭირო დასამუშავებელი (სამუშაო სპეციფიკის მიხედვით) საშუალებებით;
o უნდა განთავსდეს ყველასათვის თვალსაჩინო ადგილას ორგანიზაციის მიერ გასატარებელი პრევენციული ღონისძიებების გეგმა;
o უნდა განთავსდეს ჰიგიენური საშუალებებით დაცვის ღონისძიებების შესახებ სრულყოფილი ინფორმაცია სათანადო ადგილას, მათ შორის, ხელის დაბანის, ნიღბის მორგების, ტარების და მოცილების წესები;
o დამსაქმებელმა სამუშაო სივრცეში უნდა აკონტროლოს დასაქმებულთა რაოდენობა – ერთობლივად არაუმეტეს 3 ადამიანისა ერთ სივრცეში (ყოველი დამატებითი ადამიანის დაშვება შესაძლებელია თითოეულ ადამიანზე დამატებით 5მ2 ფართის შემთხვევაში);
o იქ, სადაც დასაქმებულებს მომხმარებლებთან უწევს ურთიერთობა (მომსახურებისთვის თანხის გადახდა) დამონტაჟდეს კოლექტიური დაცვის საშუალებები:
• დეზობარიერი – შესასვლელში, მოსასვენებელი/სასადილო ფართის წინ;
• დამცავი გამჭვირვალე ბარიერები – თანამშრომლების მესამე პირებთან ურთიერთობის შემთხვევაში.
o დაიცავით თანამშრომლები ინდივიდუალური დაცვის საშუალებებით და არ დაუშვათ სამუშაო სივრცეში პირი, რომელიც არ არის აღჭურვილი სათანადო ინდივიდუალური დაცვის საშუალებებით. სავალდებულოა ნიღბის ტარება:
o დაიცავით დისტანცია (მინიმუმ 2 მეტრი) დასაქმებულებს შორის;
o უზრუნველყავით დასაქმებულთა/ვიზიტორთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინეთ ერთჯერადი ხელთათმანების გამოყენებით. უზრუნველყავით ასეთი ნარჩენების დროული გატანა შესაბამისი პირის/სამსახურის მიერ.
[pic] [pic] [pic]
-----------------------
[pic]
[pic]
-----------------------
2
danarti-18.doc DOC ⬇
დანართი №18
შრომის პირობების ინსპექტირების დეპარტამენტი
ერთად შევქმნათ უსაფრთხო სამუშაო გარემო!
ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები სავაჭრო ცენტრებისთვის (მოლებისთვის)
სავაჭრო ცენტრის (მოლის) ადმინისტრაციის მიერ შესასრულებელი ძირითადი რეკომენდაციები:
o მომხმარებელთა ნაკადების სამართავად სავაჭრო ცენტრში (მოლში) მოაწყვეთ ცალმხრივი შესასვლელები და გასასვლელები;
o მოაწყვეთ სავაჭრო ცენტრების (მოლების) შესასვლელ(ებ)თან თერმოსკრინინგი კამერის სკანირების სისტემით, რათა გააკონტროლოთ პერსონალის/მომხმარებლების/მესამე პირთა ჯანმრთელობის მდგომარეობა ტემპერატურის გაზომვით. ცხელების დაფიქსირების შემთხვევაში, მოახდინეთ შემთხვევის აღრიცხვა და 112-ის ცხელი ხაზისთვის დაუყოვნებლივ შეტყობინება;
o სავაჭრო ცენტრის (მოლის) სივრცეში უზრუნველყავით იმდენი მომხმარებლის დაშვება, რამდენსაც ითვალისწინებს ინდივიდუალური ფართით მოსარგებლეთა სავაჭრო სივრცეების ჯამი (ინდივიდუალური მაღაზიებისათვის დაწესებული გათვლის პრინციპის გათვალისწინებით – 20 მ2/10მ2-ზე – 1 მომხმარებელი), ხოლო მომხმარებელთა რაოდენობაზე დააწესეთ კონტროლი ელექტრონული ან/და მატერიალური სახით;
o სავაჭრო ცენტრების (მოლების) შესასვლელებთან მომხმარებლები/მესამე პირები უზრუნველყავით არანაკლებ 70% სპირტის შემცველი ხელის დეზინფექციისთვის საჭირო ხსნარით;
o შესასვლელებთან მოახდინეთ დეზობარიერების განთავსება, მასზე გავლის შესაბამისი სავალდებულო ნიშნის მითითებით;
o უზრუნველყავით მომხმარებელთა/დასაქმებულთა ნაკადის მკაცრი კონტროლი სავაჭრო ცენტრის (მოლის) საერთო სივრცეებში და მომხმარებელთა/დასაქმებულთა/მესამე პირთა შორის უსაფრთხო დისტანციის დაცვა (არანაკლებ 2მ);
o მოახდინეთ სავაჭრო ცენტრის (მოლის) სივრცეში მომხმარებელთა მიერ ნიღბის გამოყენების კონტროლი;
o მომხმარებელთა ნაკადის სამართავად და უსაფრთხო დისტანციის დასაცავად განათავსეთ სავალდებულო პირობითი ნიშნები (იატაკზე შესაბამისი სტიკერების/ნახაზების სახით);
o მოახდინეთ საერთო გამოყენების ფართის ყოველდღიური დალაგება სველი წესით და დეზინფექცია, „ახალი კორონა ვირუსით (SARS-CoV-2) გამოწვეული ინფექციის (COVID-19) გავრცელების პრევენციისა და მართვის უზრუნველყოფის მიზნით გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 25 მარტის №01-123/ო ბრძანების სათანადო დანართის შესაბამისად;
o განახორციელეთ ესკალატორების სახელურების, ლიფტის ღილაკების, მოაჯირების, კარების სახელურების, საბანკო ტერმინალების და ხშირად გამოყენებული ზედაპირების სადეზინფექციო ხსნარით დამუშავება ყოველ 2 საათში ერთხელ;
o დაბინძურების შესაბამისად, მაგრამ არანაკლებ 2-საათიანი ინტერვალებით, მოახდინეთ სანიტარული კვანძების დალაგება და დეზინფექცია;
o ინფექციის რისკის შემცირების მიზნით, აუდიო/ვიდეო ტექნიკის გამოყენებით, უზრუნველყავით მომხმარებელთა ინფორმირება კორონავირუსის გავრცელების პროფილაქტიკური ღონისძიებების შესახებ.
მოთხოვნები კონდიცირებისა და ვენტილაციის სისტემების მიმართ (უნდა განხორციელდეს სავაჭრო ცენტრის (მოლის) ადმინისტრაციის მიერ):
o სავაჭრო ცენტრებში (მოლებში) უზრუნველყავით უსაფრთხო ვენტილაცია გარედან შემოსული ჰაერის მაღალი კონცენტრაციით;
o გადართეთ ვენტილაცია ნომინალურ სიჩქარეზე სავაჭრო ცენტრის (მოლის) გახსნამდე 2 საათით ადრე და შეამცირეთ სიჩქარე მინიმალურამდე სავაჭრო ცენტრის (მოლის) დახურვიდან 2 საათის შემდეგ;
o არ გამორთოთ ვენტილაცია სრულად, მათ შორის, არასამუშაო საათებში ამუშავეთ ყველაზე მინიმალური სიჩქარით;
o სანიტარიულ კვანძებში დატოვეთ ჩართული ვენტილაცია 24/7 რეჟიმში;
o სველ წერტილებში არ გამოაღოთ ფანჯრები, რათა შესაძლებელი იყოს ჰაერის ნაკადის სწორად მიმართვა;
o მომართეთ ვენტილაცია არანაკლებ 40% გარედან შემოსული ჰაერის ცირკულაციის რეჟიმზე;
o უზრუნველყავით ცენტრალური კონდიცირების სისტემის ფილტრების ყოველთვიური მონიტორინგი და დაბინძურების შესაბამისად (მაგრამ არანაკლებ 4 თვეში ერთხელ) მათი რეცხვა/გასუფთავება/გამოცვლა (საჭიროების მიხედვით).
დამსაქმებლის ვალდებულებები:
o არ დაუშვათ სამუშაო სივრცეში პირი, რომელიც არ არის აღჭურვილი სათანადო ინდივიდუალური დაცვის საშუალებებით (შესაძლებელია როგორც პირდაპირი აკრძალვა, ასევე ობიექტის მიერ სათანადო ინდივიდუალური დაცვის საშუალებებით უზრუნველყოფა):
• ნიღაბი – სავალდებულოდ მოსახმარი;
• ხელთათმანები – საჭიროებისამებრ;
• სახის დამცავი ფარი – საჭიროებისამებრ;
• სპეციფიური სამუშაოს შემთხვევაში – სპეცტანსაცმელი.
o განათავსეთ ხელის ჰიგიენის, რესპირატორული ჰიგიენის და კორონავირუსული ინფექციის გადაცემის თავიდან აცილების სხვა თვალსაჩინოებები (მათ შორის, ნიღბის მორგების, მოხსნის შესაბამისი წესები);
o ობიექტზე უზრუნველყავით დასაქმებულთა/მომხმარებელთა/მესამე პირთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინეთ ერთჯერადი ხელთათმანების გამოყენებით. დაწესებულება ვალდებულია უზრუნველყოს ასეთი ნარჩენების დროული გატანა შესაბამისი პირის/სამსახურის მეშვეობით.
დამლაგებლის ინდივიდუალური დაცვის საშუალებები:
დამლაგებელი აღჭურვილი უნდა იყოს შემდეგი ინდივიდუალური დაცვის საშუალებებით:
• ერთჯერადი სამედიცინო ნიღაბი;
• სპეცფორმა და ზემოდან ერთჯერადი ხალათი, სრული სახელოებით;
• სპეციალური/სქელი ხელთათმანები (მრავალჯერადი);
• თვალის დამცავი (სათვალე ან სახის ფარი);
• დახურული სპეცფეხსაცმელი.
სავაჭრო ცენტრის (მოლის) სივრცეში განთავსებული ინდივიდუალური ფართით მოსარგებლეთა (ინდივიდუალური მაღაზიების ადმინისტრაციის) ვალდებულებები:
o უზრუნველყავით მკაცრი კონტროლი მომხმარებელთა ნაკადების მართვაზე და შეიმუშავეთ შესაბამისი სქემა თქვენს სავაჭრო სივრცეში მომხმარებელთა ეტაპობრივი დაშვების თაობაზე, შემდეგი გაანგარიშებით:
• თუ თქვენ ახორციელებთ სურსათის/ცხოველის საკვების, ცხოველის, ცხოველური და მცენარეული პროდუქტების, საყოფაცხოვრებო ქიმიისა და ჰიგიენის, ვეტერინარული პრეპარატების, პესტიციდებისა და აგროქიმიკატების, სათესლე და სარგავი მასალების რეალიზაციას, ელექტროკომუნიკაციის, ელექტროენერგიის, ბუნებრივი გაზის, წყლის, ბენზინის, დიზელის, თხევადი აირის მიწოდებას, სამედიცინო დანიშნულების საქონლის, ფარმაცევტული პროდუქტის რეალიზაციას, ასევე გაქვთ პრესის ჯიხურები და თქვენი სავაჭრო ფართობი არის 10მ2 და ნაკლები, უზრუნველყავით სავაჭრო სივრცეში მხოლოდ 1 მომხმარებლის დაშვება, ხოლო 10მ2-ის ზევით, ყოველ 10მ2 სავაჭრო ფართზე 1 მომხმარებლის დაშვება;
• თუ თქვენ გაქვთ ყველა სხვა ტიპის სავაჭრო ობიექტი და თქვენი სავაჭრო ფართობი არის 20მ2 და ნაკლები, უზრუნველყავით სავაჭრო სივრცეში მხოლოდ 1 მომხმარებლის დაშვება, ხოლო 20მ2-ის ზევით, ყოველ 20მ2 სავაჭრო ფართზე – 1 მომხმარებლის დაშვება;
o სავაჭრო სივრცეში მომხმარებელთა ნაკადის მართვის მიზნით მოახდინეთ:
• რიგების მართვის კონტროლი, მათ შორის, თქვენი სავაჭრო ობიექტის შესასვლელში;
• რიგში მდგარ მომხმარებლებს შორის დისტანციის დაცვისა და ინდივიდუალური დაცვის საშუალებების სწორად გამოყენების კონტროლი;
o მომხმარებელთა ქცევაზე ზემოქმედების მიზნით, ფასდაკლებების და აქციების (ასეთის არსებობის შემთხვევაში) გამართვა წახალისდეს ძირითადად დილის საათებში ან/და ონლაინ გაყიდვების სახით;
o სავაჭრო ცენტრისა (მოლის) და ინდივიდუალური ფართით მოსარგებლეთა სავაჭრო სივრცეში აკრძალულია მოსასინჯი ოთახების ფუნქციონირება;
o სამუშაო მაგიდებზე, იქ სადაც დასაქმებულს უწევს კონტაქტი მომხმარებლებთან, დროებით დაამონტაჟეთ გამჭვირვალე დამცავი ბარიერი, რათა მაქსიმალურად იქნეს აცილებული წვეთოვანი გზით ინფიცირების რისკი ან უკიდურეს შემთხვევაში, თანამშრომლები უზრუნველყავით სახის დამცავი ფარით, ხელთათმანითა და შესაბამისი სამედიცინო ნიღბით;
o ,,სავაჭრო კუნძულების“ შემთხვევაში თქვენი ობიექტი აღჭურვეთ ოთხივე მხრიდან გამჭვირვალე დამცავი ბარიერით, ხოლო ისეთი „სავაჭრო კუნძულების“ შემთხვევაში, როდესაც მისი დიზაინი და სპეციფიკა არ იძლევა კოლექტიური დაცვის საშუალებების გამოყენების შესაძლებლობას, დასაქმებულები უზრუნველყავით სახის დამცავი ფარებით, პირბადეებით და ხელთათმანებით. ამასთანავე უზრუნველყავით უსაფრთხო დისტანციის დაცვა (არანაკლებ 2 მ) მომხმარებლებთან და მესამე პირებთან;
o საჭიროების შემთხვევაში, დასაქმებულები უზრუნველყავით, სამუშაოს სპეციფიკიდან გამომდინარე, აუცილებელი ინდივიდუალური დაცვის საშუალებებით (ხელთათმანები, ნიღაბი, დამცავი ფარი);
o თქვენს სავაჭრო სივრცეში მოახდინეთ ავეჯის ისეთი განლაგება, რომ დაცული იყოს უსაფრთხო დისტანცია როგორც დასაქმებულებს, ასევე მომხმარებელსა და დასაქმებულს შორის;
o იმ შემთხვევაში, თუ ვერ ხერხდება უსაფრთხო დისტანციის დაცვა დასაქმებულებს შორის (დახლების შემთხვევაში), გამოიყენეთ გამყოფი ტიხრები (ბარიერები);
o უზრუნველყავით თქვენი მაღაზიის სივრცეში (შესასვლელში, დასაქმებულთა სამუშაო ადგილებზე) ხელის სადეზინფექციო 70% ალკოჰოლის შემცველი ხსნარების განთავსება;
o მაღაზიის სივრცეში უსაფრთხო დისტანციის დასაცავად გამოიყენეთ სავალდებულო პირობითი ნიშნები (იატაკზე შესაბამისი სტიკერების/ნახაზების სახით):
o მიაწოდეთ ინფორმაცია დასაქმებულებს/მომხმარებლებს COVID-19 ვირუსთან დაკავშირებული ყველა საკითხისა და პრევენციული ღონისძიებების შესახებ (შესაძლებელია აუდიო/ვიდეო სისტემის მეშვეობით);
o განათავსეთ სრულყოფილი ინფორმაცია სათანადო ადგილას, ჰიგიენური საშუალებებით დაცვის ღონისძიებების შესახებ, მათ შორის, ხელის დაბანის, ნიღბის მორგების, ტარების და მოხსნის წესები;
o უზრუნველყავით ყველა ხშირად შეხებადი ზედაპირის დამუშავება სათანადო სადეზინფექციო ხსნარით 2 საათიანი ინტერვალებით (მათ შორის, კლავიატურის, ქალაქის ტელეფონის, ღილაკების, კარების სახელურების, ჩამრთველ/გამომრთველი ღილაკების);
o უზრუნველყავით თქვენს სამუშაო სივრცეში მუდმივი ვენტილაცია;
o უზრუნველყავით დასაქმებულთა/მომხმარებელთა/მესამე პირთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღებისა და განკარგვისთვის გამოყავით სათანადო პირი, რომელიც მოახდენს ერთჯერადი ხელთათმანების გამოყენებით ნარჩენების დროულ გატანას;
o ანგარიშსწორებისთვის უპირატესობა მიანიჭეთ უნაღდო ანგარიშსწორების (ბარათით/გადარიცხვით) მეთოდს.
დასაქმებულთა ვალდებულებები:
ხელის ჰიგიენის რეგულარულად და საფუძვლიანად შესრულება, ასევე ნიღბის გამოყენება წარმოადგენს უმეტესი ვირუსისგან თავის დაცვის საუკეთესო საშუალებას.
შესაბამისად, აუცილებელია სამუშაო ადგილზე განახორციელოთ შემდეგი ღონისძიებები:
o დაიცავით ჰიგიენის წესები თქვენს სამუშაო ადგილზე;
o სამუშაო პროცესი განახორციელეთ დამსაქმებლის/შრომის უსაფრთხოების მენეჯერის მიერ განსაზღვრული საგანგებო სიტუაციებში სამოქმედო გეგმის შესაბამისად;
o მისალმებისას არ ჩამოართვათ ხელი ერთმანეთს და მოერიდეთ სხვებთან კონტაქტს (შეხებას და სხვა);
o მოერიდეთ თავშეყრას, დაიცავით უსაფრთხო დისტანციის (არანაკლებ 2მ) რეკომენდაცია;
o სამუშაოების შესრულებისას გამოიყენეთ სრულად ის ინდივიდუალური დაცვის საშუალებები, რომელსაც გაწვდით დამსაქმებელი;
o სამუშაოს დაწყებისას და დამთავრებისას სადეზინფექციო საშუალებებით დაასუფთავეთ სამუშაო ადგილები და ის ხელსაწყოები, რომელსაც იყენებთ სამუშაო პროცესის მიმდინარეობისას;
o გამოიყენეთ 70%-იანი ალკოჰოლის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გაშრობას. გახსოვდეთ, რომ ხელების დაბანა საპნითა და წყლით არის უპირატესი;
o დახველების და დაცემინების დროს მიიფარეთ სუფთა ხელსახოცი ან იდაყვში მოხრილი მხარი. გამოყენებული ერთჯერადი ხელსახოცი გადააგდეთ ურნაში;
o მოერიდეთ ხელებით თვალებზე, ცხვირზე და პირზე შეხებას. მუშაობის პერიოდში უზრუნველყავით თმის შეკვრა/მჭიდროდ დამაგრება, რათა მაქსიმალურად შეიზღუდოს თმების სახის ზედაპირთან შეხება.
[pic][pic]