“საქართველოს ფინანსთა სამინისტროს 1999 წლის 24 დეკემბრის №258 ბრძანებაში ცვლილებებისა და დამატებების შეტანის თაობაზე”
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
სახელმწიფო რეგისტრაციის ნომერი 090.012.004.127
საქართველოს ფინანსთა მინისტრის
ბრძანება №25
2000 წლის 13 მარტი
ქ. თბილისი
საქართველოს ფინანსთა სამინისტროს 1999 წლის 24 დეკემბრის №258 ბრძანებაში ცვლილებებისა და დამატებების შეტანის თაობაზე
"საბიუჯეტო სისტემისა და საბიუჯეტო უფლებამოსილებათა შესახებ საქართველოს კანონში დამატებების შეტანის თაობაზე" საქართველოს 1999 წლის 25 ივნისის №2211-IIს კანონისა და "აქციზური მარკის ნომინალური ღირებულების დამტკიცების შესახებ" საქართველოს საგადასახადო სახელმწიფო დეპარტამენტის 1999 წლის 8 ნოემბრის №263 ბრძანების შესაბამისად და აღნიშნული წესის ზოგიერთი მოთხოვნის დაზუსტების მიზნით ვბრძანებ:
"აქციზური მარკის ნომინალური ღირებულების აკუმულირებისა და მისი განკარგვის წესის შესახებ" საქართველოს ფინანსთა სამინისტროს 1999 წლის 24 დეკემბრის №258 ბრძანების მე-2 პუნქტი ჩამოყალიბდეს შემდეგი რედაქციით:
"2. დაევალოს შესაბამის საგადასახადო ორგანოებს აქციზური მარკებით მარკირებას დაქვემდებარებული ადგილობრივი პროდუქციის მწარმოებლებზე გასცენ აქციზის ბიუჯეტში გადახდის ცნობა მეწარმეების მიერ ნომინალური ღირებულებისა და აქციზის თანხის შესაბამის ანგარიშებზე გადარიცხვის დამადასტურებელი საგადასახადო დავალებების ან ნაღდი ანგარიშსწორების ქვითრების წარდგენის შემდეგ".
დ. ონოფრიშვილი