“საუბნო საარჩევნო კომისიის რეგლამენტის დამტკიცების შესახებ” საქართველოს ცენტრალური საარჩევნო კომისიის 1999 წლის 25 აგვისტოს №45/1999 დადგენილებაში ცვლილებებისა და დამატებების შეტანის შესახებ”

სახელმწიფო სარეგისტრაციო კოდი                010.008.004.172

საქართველოს ცენტრალური საარჩევნო კომისიის

დადგენილება №56/2000

2000 წლის 30 მარტი

ქ. თბილისი

„საუბნო საარჩევნო კომისიის რეგლამენტის დამტკიცების შესახებ“ საქართველოს ცენტრალური საარჩევნო კომისიის 1999 წლის 25 აგვისტოს №45/1999 დადგენილებაში ცვლილებებისა და დამატებების შეტანის შესახებ

საქართველოს ცენტრალური საარჩევნო კომისია ადგენს:

1. „საუბნო საარჩევნო კომისიის რეგლამენტის დამტკიცების შესახებ“  საქართველოს ცენტრალური საარჩევნო კომისიის 1999 წლის 25 აგვისტოს №45/1999 დადგენილებაში შეტანილ იქნეს შემდეგი ცვლილებები და დამატებები:

1. პირველი მუხლის მე-5 პუნქტი ჩამოყალიბდეს შემდეგი რედაქციით:

„5. საუბნო საარჩევნო კომისიის უფლებამოსილება მთავრდება საარჩევნო ოლქში არჩევნების შედეგების შეჯამებისთანავე.“.

2. მე-2 მუხლის:

ა) პირველ პუნქტში სიტყვა „სრული“ შეიცვალოს სიტყვით „სიითი“;

ბ) მე-2 პუნქტი ჩამოყალიბდეს შემდეგი რედაქციით:

„2. კომისიის სხდომაზე განკარგულება მიიღება დამსწრეთა ხმების უმრავლესობით, ხოლო საკადრო საკითხები წყდება კომისიის სიითი შემადგენლობის უმრავლესობით, ფარული კენჭისყრით“.

3. მე-5 პუნქტში სიტყვა „დადგენილებით“ შეიცვალოს სიტყვით „განკარგულებით.“;

4. მე-3 მუხლის:

ა) მე-2 პუნქტს დაემატოს სიტყვები ”სიითი შემადგენლობის უმრავლესობით“;

ბ) მე-3 და მე-4 პუნქტები ჩამოყალიბდეს შემდეგი რედაქციით:

„3. კომისიის თავმჯდომარის მოადგილე აირჩევა კომისიის შემადგენლობიდან. თავმჯდომარის მოადგილის არჩევნები არ შეიძლება გაიმართოს, თუ კომისიის შემადგენლობაში 5 წევრზე ნაკლებია. თავმჯდომარის მოადგილედ აირჩევა კომისიის წევრი საპარლამენტო უმცირესობაში გაერთიანებულ პარტიათა მიერ დანიშნული წევრების წარდგინებით, ხოლო თუ ასეთი წევრები არ არიან – კომისიის ნებისმიერი წევრი, კომისიის თავმჯდომარის წარდგინებით. თავმჯდომარის მოადგილე აირჩევა კომისიის წევრთა სიითი შემადგენლობის უმრავლესობით.

4. კომისიის მდივნის არჩევნები არ შეიძლება გაიმართოს, თუ კომისიის შემადგენლობაში 5 წევრზე ნაკლებია. კომისიის მდივანი აირჩევა თავმჯდომარის წარდგინებით, კომისიის წევრთა სიითი შემადგენლობის უმრავლესობით“.

5. მე-5 მუხლის მე-10 პუნქტში სიტყვის „დაატოვებინოს“ შემდეგ სიტყვა „დამრღვევს“ ამოღებულ იქნეს.

6. მე-6 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. საუბნო საარჩევნო კომისიის მიერ არჩეული თანამდებობის პირის გადაყენება ხდება კომისიის სხდომაზე ფარული კენჭისყრით, კომისიის წევრთა სრული შემადგენლობის უმრავლესობით.“;

ბ) მე-2 პუნქტის შემდეგ დაემატოს შემდეგი შინაარსით მე-3 პუნქტი:

„3. საუბნო საარჩევნო კომისიის წევრის გამოწვევა შეიძლება მისი დამნიშნავი ორგანოს მიერ არჩევნების (კენჭისყრის) დღემდე არა უგვიანეს 7 დღისა.“.

7. მე-8 მუხლის პირველი პუნქტიდან ამოღებულ იქნეს სიტყვები „შაბათ-კვირის გარდა, ხოლო არჩევნების პერიოდში“.

II. ეს დადგენილება ამოქმედდეს გამოქვეყნებისთანავე.

კომისიის თავმჯდომარე                                                                                  ჯ. ლომინაძე