,,აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2019 წლის 30 აგვისტოს №22 დადგენილებაში ცვლილების შეტანის თაობაზე

1. მე-2 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სამინისტროს საქმიანობის სფეროს განეკუთვნება აფხაზეთის ავტონომიური რესპუბლიკის საფინანსო სისტემის მართვა; საფინანსო-საბიუჯეტო პოლიტიკის რეგულირების ღონისძიებათა განხორციელება; კომპეტენციის ფარგლებში ეკონომიკური პოლიტიკის შემუშავება; აფხაზეთის ავტონომიური რესპუბლიკის ქონების მართვა და განკარგვა; გარემოს დაცვის და სოფლის მეურნეობის დარგების გავითარების ხელშეწყობა; ვაჭრობის, წარმოებისა და მომსახურების, ტურიზმის, მრეწველობის, მშენებლობის, ელექტრონული კომუნიკაციების და თანამედროვე ტექნოლოგიების, ფოსტის, ტრანსპორტის, ლოგისტიკის და სხვა დარგების განვითარების ხელშეწყობა.“;

ბ) მე-2 პუნქტის „პ“ ქვეპუნქტი ჩამოყალიბდეს შემდეგი რედაქციით:

„პ) ვაჭრობის, მშენებლობის, ტრანსპორტის, წარმოებისა და მომსახურების სფეროებში ეფექტური ღონისძიებების გატარებაში ხელშეწყობა და კოორდინაცია;“;.

გ) „პ“ ქვეპუნქტის შემდგომ დაემატოს შემდეგი შინაარსის „ჟ–ქ“ ქვეპუნქტები:

„ჟ) კომპეტენციის ფარგლებში საერთაშორისო ეკონომიკური ურთიერთობების, სავაჭრო პოლიტიკის მიმართულებებისა და პრიორიტეტების შემუშავებაში მონაწილეობის მიღება;

რ) კომპეტენციის ფარგლებში საზღვარგარეთის ქვეყნებთან, რეგიონულ და საერთაშორისო ორგანიზაციებთან სავაჭრო-ეკონომიკური ხასიათის მთავრობათაშორისი ხელშეკრულებების პროექტების შემუშავებასა და განხორციელებაში მონაწილეობის მიღება;

ს) საერთაშორისო დახმარების მოზიდვისა და სხვადასხვა პროექტების რეალიზაციის მიზნით საერთაშორისო ეკონომიკურ და საფინანსო ორგანიზაციებთან და მათ რეგიონულ სტრუქტურებთან თანამშრომლობა;

ტ) ტურიზმისა და კურორტების განვითარების ხელშეწყობა;

უ) ელექტრონული კომუნიკაციებისა და თანამედროვე ტექნოლოგიების განვითარების ხელშეწყობა და შესაბამისი კონცეფციების შემუშავება;

ფ) ტრანსპორტის სფეროში არსებული პრობლემების იდენტიფიცირება, წინადადებების შემუშავება და მასზე რეაგირება;

ქ) კანონმდებლობით დაკისრებული სხვა ამოცანების განხორციელება.“.

2. მე-4 მუხლი ჩამოყალიბდეს შემდეგი რედაქციით:

„მუხლი 4. სტრუქტურული ქვედანაყოფები

სტრუქტურული ქვედანაყოფებია:

1. ადმინისტრაციული დეპარტამენტი:

ა) საქმისწარმოების სამმართველო;

ბ) ინსპექტირების სამმართველო;

გ) მატერიალური უზრუნველყოფის სამმართველო.

2. საბიუჯეტო დეპარტამენტი:

ა) კონსოლიდირებული ბიუჯეტის სამმართველო;

ბ) შემოსავლების მობილიზების სამმართველო.

3. დარგობრივი ეკონომიკის დეპარტამენტი:

ა) დარგობრივ და აგრარულ საკითხთა სამმართველო;

ბ) საინვესტიციო და ბიზნესის ხელშეწყობის სამმართველო;

გ) ეკონომიკური ანალიზის სამმართველო;

დ) სტატისტიკის სამმართველო.

4. იურიდიულ საკითხთა და ადამიანური რესურსების მართვის დეპარტამენტი:

ა) ადამიანური რესურსების მართვის სამმართველო.

5. სახაზინო დეპარტამენტი.

6. საფინანსო დეპარტამენტი.

7. შიდა აუდიტის დეპარტამენტი.“.

3. მე-5 მუხლი ჩამოყალიბდეს შემდეგი რედაქციით:

„მუხლი 5. სამინისტროს საქვეუწყებო დაწესებულება

სამინისტროს გამგებლობაშია საქვეუწყებო დაწესებულება – აგრარულ საკითხთა დეპარტამენტი.“.

 4. მე-6 მუხლი ჩამოყალიბდეს შემდეგი რედაქციით:

„მუხლი 6. სამინისტროს სახელმწიფო კონტროლს დაქვემდებარებული საჯარო სამართლისა და არასამეწარმეო (არაკომერციული) იურიდიული პირები

სამინისტროს სახელმწიფო კონტროლს დაქვემდებარებული საჯარო სამართლისა და არასამეწარმეო (არაკომერციული) იურიდიული პირებია:

ა) სსიპ – პროგრამებისა და სერვისების სააგენტო;

ბ) სსიპ – აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლებისა და დასაქმების ხელშეწყობის ცენტრი – „ბიზნესინკუბატორი“;

გ) სსიპ – აფხაზეთის სავაჭრო-სამრეწველო პალატა;

დ) ააიპ – საერთაშორისო ინიციატივა განვითარებისა და თანადგომისათვის.“.

5. მე-7 მუხლის მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ითანხმებს და აფხაზეთის ავტონომიური რესპუბლიკის მთავრობასთან ათანხმებს სამინისტროს საქვეუწყებო დაწესებულებისა და სახელმწიფო კონტროლს დაქვემდებარებული საჯარო სამართლის იურიდიული პირის საშტატო ნუსხას;“.

6. მე-9 მუხლის:

ა) „ბ“ და „გ“ ქვეპუნქტები ამოღებულ იქნეს.

ბ) „თ“ ქვეპუნქტის შემდგომ დაემატოს შემდეგი შინაარსის „ი“ – ლ“ ქვეპუნქტები:

„ი)სამინისტროს სისტემაში კანონმდებლობის დარღვევის ფაქტის, სამსახურებრივი გადაცდომის ან/და სამინისტროს მიზნებთან შეუსაბამო ქმედების არსებობის შემოწმებისა და გამოვლენის მიზნით ინსპექტირების ჩატარება, ინსპექტირების დასკვნის მომზადება და მინისტრისთვის წარდგენა;

კ)მოქმედი კანონმდებლობითა და დებულებით დადგენილ შემთხვევებში და წესით დისციპლინური წარმოების ჩატარება;

ლ)სამინისტროს მატერიალურ-ტექნიკური უზრუნველყოფა და სამინისტროს მოსამსახურეებისათვის სათანადო სამუშაო პირობების შექმნა.“.

7. მე-11 მუხლის:

ა) სათაური ჩამოყალიბდეს შემდეგი რედაქციით:

„მუხლი 11. დარგობრივი ეკონომიკის დეპარტამენტი“.

ბ) პრეამბულა ჩამოყალიბდეს შემდეგი რედაქციით:

„დარგობრივი ეკონომიკის დეპარტამენტის ძირითადი ამოცანებია:“.

გ) „ბ“ და „გ“ქვეპუნქტები ამოღებულ იქნეს.

დ) „თ“ ქვეპუნქტის შემდგომ დაემატოს შემდეგი შინაარსის „ი – უ“ ქვეპუნქტები:

„ი) მცირე და საშუალო მეწარმეობის განვითარების, სამეწარმეო გარემოს გაუმჯობესების, სახელმწიფო ქონების მართვის მიმართულებებით შესაბამისი ღონისძიებების განხორციელება დაინტერესებული მხარეების ჩართულობით;

კ) აფხაზეთის ქონების მართვასა და განკარგვასთან დაკავშირებული სახელმწიფო პოლიტიკის განსაზღვრისა და წარმართვის თაობაზე რეკომენდაციების შემუშავება;

ლ) აფხაზეთის ავტონომიური რესპუბლიკის წილობრივი მონაწილეობით შექმნილ საწარმოებში პარტნიორის (აქციონერის) უფლებამოსილების განხორციელება და საწარმოების საქმიანობასთან დაკავშირებული გადაწყვეტილებების თაობაზე წინადადებების მომზადება/განხილვა;

მ) აგრარულ, გარემოსდაცვითი და დარგობრივი ეკონომიკის მიმართულებებით მიზნობრივი პროგრამების შემუშავება და მათში იძულებით გადაადგილებულ პირთა ჩართულობის უზრუნველყოფა;

ნ) აფხაზეთის ოკუპირებულ ტერიტორიაზე და საქართველოს სხვადასხვა რეგიონებში მცხოვრებ დევნილთა სოციალურ-ეკონომიკური მდგომარეობის გაუმჯობესებაზე ორიენტირებული მიზნობრივი პროგრამების შემუშავება და მათი განხორციელების კონტროლი;

ო) აგრარულ სექტორში თანამედროვე ტექნოლოგიების დანერგვის ინიციირება და მხარდაჭერა. შემუშავებული პროექტებისა და პროგრამების უზრუნველყოფის მიზნით, საერთაშორისო და არასამთავრობო დონორ ორგანიზაციებთან თანამშრომლობა;

პ) სოფლის მეურნეობის დარგში დასაქმებული მეურნე სუბიექტების საკონსულტაციო მომსახურების, პროფესიული ცოდნის დაუფლებისა და კვალიფიკაციის ამაღლების ორგანიზებისათვის ხელშეწყობა;

ჟ) სამინისტროს გამგებლობას მიკუთვნებული დარგების – ვაჭრობის, წარმოებისა და მომსახურების, ტურიზმის, მრეწველობის, მშენებლობის, ელექტრონული კომუნიკაციების და თანამედროვე ტექნოლოგიების, ფოსტის, ტრანსპორტის, ლოგისტიკის და სხვა – განვითარების მიზნით წინადადებებისა და კონცეფციების შემუშავებაში მონაწილეობის მიღება. კომპეტენციის ფარგლებში აღნიშნულ დარგებში მოქმედი ნორმატიული ბაზის სრულყოფისა და საერთაშორისო სტანდარტებთან ჰარმონიზაციის პროცესებში მონაწილეობის მიღება;

რ)სამშენებლო კუთხით პროგრამებისა და პროექტების ინიციირება, შემუშავება, კოორდინაცია და კანონმდებლობით გათვალისწინებული სხვა უფლებამოსილების განხორციელება;

ს) სათანადო კვლევების საფუძველზე, აფხაზეთიდან იძულებით გადაადგილებულ პირთა – დევნილთა საცხოვრისის მდგომარეობის გაუმჯობესების მიზნით, წინადადებებისა და რეკომენდაციების შემუშავებაში მონაწილეობის მიღება;

ტ)კომპეტენციის ფარგლებში სატრანსპორტო პოლიტიკის საკანონმდებლო ბაზის განვითარების ხელშეწყობაში მონაწილეობის მიღება;

უ) ელექტრონული კომუნიკაციების, თანამედროვე ტექნოლოგიებისა და ფოსტის, ასევე სამეცნიერო-ტექნოლოგიური ინოვაციების სფეროში კომპეტენციის ფარგლებში წინადადებების შემუშავება.“.

8. მე-12 მუხლი ამოღებულ იქნეს.

9. მე-13 მუხლის:

 ა) სათაური ჩამოყალიბდეს შემდეგი რედაქციით:

„მუხლი 13. იურიდიულ საკითხთა და ადამიანური რესურსების მართვის დეპარტამენტი“;

ბ) პრეამბულა ჩამოყალიბდეს შემდეგი რედაქციით:

„იურიდიულ საკითხთა და ადამიანური რესურსების მართვის დეპარტამენტის ამოცანებია:“.

გ) „ვ“ ქვეპუნქტის შემდგომ დაემატოს შემდეგი შინაარსის „ზ“ და „თ“ ქვეპუნქტები.

„ზ) „საჯარო სამსახურის შესახებ“ საქართველოს კანონით დადგენილი ძირითადი მიმართულებების განხორციელების ხელშეწყობა;

თ) ადამიანური რესურსების მართვა.“.

10. მე-14 მუხლი ამოღებულ იქნეს.

11. მე-15 მუხლის:

ა) სათაური ჩამოყალიბდეს შემდეგი რედაქციით:

„მუხლი 15. სახაზინო დეპარტამენტი“;

ბ) პრეამბულა ჩამოყალიბდეს შემდეგი რედაქციით:

„ სახაზინო დეპარტამენტის ძირითადი ამოცანებია:“;

გ) „ი“ ქვეპუნქტის შემდგომ დაემატოს შემდეგი შინაარსის „კ“ ქვეპუნქტი;

„კ) აფხაზეთის ავტონომიური რესპუბლიკის რესპუბლიკური ბიუჯეტის დაფინანსებაზე მყოფი მხარჯავი დაწესებულებების ნაერთი ფინანსური ანგარიშგებების და დანართი ფორმების მიღება, შემოწმება, ანალიზი და ანგარიშის შედგენისას დაშვებული არსებითი შეცდომების და დარღვევების აღმოჩენის შემთხვევაში რეაგირება;“.

12. მე-16 მუხლის:

ა) სათაური ჩამოყალიბდეს შემდეგი რედაქციით:

„მუხლი 16. საფინანსო დეპარტამენტი“;

ბ) პრეამბულა ჩამოყალიბდეს შემდეგი რედაქციით:

„საფინანსო დეპარტამენტის ამოცანებია:“;

გ) „ე“ ქვეპუნქტი ამოღებულ იქნეს.

13. მე-17 მუხლის:

ა) სათაური ჩამოყალიბდეს შემდეგი რედაქციით:

„მუხლი 17. შიდა აუდიტის დეპარტამენტი“;

ბ) პრეამბულა ჩამოყალიბდეს შემდეგი რედაქციით:

„შიდა აუდიტის დეპარტამენტის ძირითადი ამოცანებია:“.